1  2  3  4  5 

Pervoje poslanije apostola Pavla Soluňanam

Slavjanskij tekst

1

1 Pavel i Siluan i Timofej cerkvi Solunstej o Boze Otce i Gospode Iisuse Christe: blagodať vam i mir ot Boga Otca našego i Gospoda Iisusa Christa.
2 Blagodarim Boga vsegda o vsech vas, pominanije o vas tvorjašče v molitvach našich,
3 neprestanno pominajušče vaše delo very, i trud ljubve, i terpenije upovanija Gospoda našego Iisusa Christa, pred Bogom i Otcem našim,
4 veďašče, bratije vozljublennaja, ot Boga izbranije vaše:
5 jako blagovestvovanije naše ne bysť k vam v slove točiju, no i v sile, i v Duse Svjate, i vo izveščenii mnoze, jakože i veste, kakovi bychom v vas radi vas.
6 I vy podobnicy byste nam i Gospodu, prijemše slovo v skorbi mnoze s radostiju Ducha Svjatago,
7 jako byti vam obraz vsem verujuščym v Makedonii i Achaii.
8 Ot vas bo promčesja slovo Gospodne ne tokmo v Makedonii i Achaii, no i vo vsjako mesto vera vaša, jaže k Bogu, izyde, jako ne trebovati nam glagolati čto.
9 Tii bo o nas vozveščajut, kakov vchod imechom k vam, i kako obratistesja k Bogu ot idol, rabotati Bogu živu i istinnu
10 i ždati Syna Jego s nebes, Jegože voskresi iz mertvych, Iisusa, izbavljajuščago nas ot gneva grjaduščago.

2

1 Sami bo veste, bratije, vchod naš iže k vam, jako ne votšče bysť:
2 no predpostradavše i dosaždeni byvše, jakože veste, v Filippech, derznuchom o Boze našem glagolati k vam blagovestvovanije Božije so mnogim podvigom.
3 Utešenije bo naše ne ot prelesti, ni ot nečistoty, ni lestiju:
4 no jakože iskusichomsja ot Boga verni byti prijati blagovestvovanije, tako glagolem, ne aki čelovekom ugoždajušče, no Bogu iskušajuščemu serdca naša.
5 Nikogdaže bo v slovesi laskanija bychom k vam, jakože veste, niže v vine lichoimanija: Bog svidetel!
6 Ni iščušče ot čelovek slavy, ni ot vas, ni ot inech:
7 mogušče v ťjagote byti, jakože Christovy Apostoli, no bychom tisi posrede vas, jakože doilica grejet svoja čada.
8 Tako želajušče vas, blagovolichom podati vam ne točiju blagovestvovanije Božije, no i dušy svoja, zaneže vozljubleni byste nam.
9 Pomnite bo, bratije, trud naš i podvig: nošč bo i deň delajušče, da ne oťjagotim ni jedinago ot vas, propovedachom vam blagovestvovanije Božije.
10 Vy svidetele i Bog, jako prepodobno i pravedno i neporočno vam verujuščym bychom,
11 jakože veste, zane jedinago kogoždo vas, jakože otec čada svoja,
12 moljašče i utešajušče vas, i svidetelstvujušče vam choditi dostojno Bogu, prizvavšemu vy vo Svoje Carstvo i slavu.
13 Sego radi i my blagodarim Boga neprestanno, jako prijemše slovo slyšanija Božija ot nas, prijaste ne aki slovo čelovečesko, no, jakože jesť voistinnu, slovo Božije, ježe i dejstvujetsja v vas verujuščich.
14 Vy bo podobnicy byste, bratije, cerkvam Božiim suščym vo Iudei o Christe Iisuse, zane tajažde i vy postradaste ot svoich splemennik, jakože i tii ot Iudej,
15 ubivšich i Gospoda Iisusa i Jego proroki, i nas izgnavšich, i Bogu ne ugodivšich, i vsem čelovekom protivjaščichsja,
16 i vozbraňajuščich nam glagolati jazykom, da spasutsja, vo ježe ispolniti im grechi svoja vsegda: postiže že na nich gnev do konca.
17 My že, bratije, osirotevše ot vas ko vremeni časa licem, a ne serdcem, lišše tščachomsja lice vaše videti mnogim želanijem.
18 Temže chotechom priiti k vam, az ubo Pavel, jedinoju i dvaždy: i vozbrani nam satana.
19 Kto bo nam upovanije ili radosť ili venec pochvalenija? Ne i vy li pred Gospodem našim Iisus Christom vo prišestvii Jego?
20 Vy bo jeste slava naša i radosť.

3

1 Temže uže ne terpjašče, blagovolichom ostatisja vo Afinech jedini,
2 i poslachom Timofea, brata našego i služitelja Božija i spospešnika našego vo blagovestii Christove, utverditi vas i utešiti o vere vašej,
3 jako ni jedinomu smuščatisja v skorbech sich: sami bo veste, jako na sije istoje ležim.
4 Ibo jegda u vas bechom, predrekochom vam, jako imamy skorbeti, ježe i bysť, i veste.
5 Sego radi i az ktomu ne terpja, poslach razumeti veru vašu, da ne kako iskusil vy iskušajaj, i votšče budet trud naš.
6 Nyne že prišedšu Timofeju k nam ot vas i blagovestivšu nam veru vašu i ljubov, i jako imate pamať o nas blagu, vsegda želajušče nas videti, jakože i my vas:
7 sego radi utešichomsja, bratije, o vas, vo vsjakoj skorbi i nužde našej, vašeju veroju:
8 jako my nyne živi jesmy, ašče vy stoite o Gospode.
9 Koje bo blagodarenije Bogu možem vozdati o vas, o vsjakoj radosti, jejuže radujemsja vas radi pred Bogom našim,
10 nošč i deň preizlicha moljaščesja videti lice vaše i soveršiti lišenije very vašeja?
11 Sam že Bog i Otec naš i Gospoď naš Iisus Christos da ispravit puť naš k vam.
12 Vas že Gospoď da umnožit i da izbytočestvit ljuboviju drug ko drugu i ko vsem, jakože i my k vam,
13 vo ježe utverditi serdca vaša neporočna v svjatyni pred Bogom i Otcem našim, v prišestvije Gospoda našego Iisusa Christa so vsemi svjatymi Jego. Amiň.

4

1 Temže ubo, bratije, prosim vy i molim o Christe Iisuse, jakože prijaste ot nas, kako podobaet vam choditi i ugoždati Bogovi, jakože i chodite, da izbytočestvujete pače:
2 veste bo, kakova povelenija dachom vam Gospodem Iisusom.
3 Sija bo jesť volja Božija, svjatosť vaša, chraniti sebe samech ot bluda,
4 i vedeti komuždo ot vas svoj sosud sťjažavati vo svjatyni i česti,
5 a ne v strasti pochotnej, jakože i jazycy ne veďaščii Boga,
6 i ježe ne prestupati i lichoimstvovati v vešči brata svojego: zane mstitel jesť Gospoď o vsech sich, jakože i prežde rekochom k vam i zasvidetelstvovachom.
7 Ne prizva bo nas Bog na nečistotu, no vo svjatosť.
8 Temže ubo otmetajaj ne čeloveka otmetaet, no Boga, Davšago Ducha Svojego Svjatago v nas.
9 O bratoljubii že, ne trebujete, da pišetsja k vam, sami bo vy Bogom učeni jeste, ježe ljubiti drug druga:
10 ibo tvorite to ko vsej bratii, suščej vo vsej Makedonii. Molim že vy, bratije, izbytočestvovati pače,
11 i ljubezno priležati, ježe bezmolvstvovati i dejati svoja i delati svoima rukama, jakože povelechom vam:
12 da chodite blagoobrazno ko vnešnim i ni česogože trebujete.
13 Ne chošču že vas, bratije, ne vedeti o umeršich, da ne skorbite, jakože i pročii ne imuščii upovanija.
14 Ašče bo verujem, jako Iisus umre i voskrese, tako i Bog umeršyja vo Iisuse privedet s Nim.
15 Sije bo vam glagolem slovom Gospodnim, jako my živuščii, ostavšii v prišestvije Gospodne, ne imamy predvariti umeršich:
16 jako Sam Gospoď v povelenii, vo glase Archangelove i v trube Božii snidet s nebese, i mertvii o Christe voskresnut perveje:
17 potom že my, živuščii ostavšii, kupno s nimi voschiščeni budem na oblacech v sretenije Gospodne na vozduse, i tako vsegda s Gospodem budem.
18 Temže utešajte drug druga v slovesech sich.

5

1 A o letech i o vremenech, bratije, ne trebe jesť vam pisati,
2 sami bo vy izvestno veste, jako deň Gospodeň, jakože tať v nošči, tako priidet.
3 Jegda bo rekut: mir i utverždenije, togda vnezapu napadet na nich vsegubitelstvo, jakože bolezň vo čreve imuščej, i ne imut izbežati.
4 Vy že, bratije, neste vo tme, da deň vas jakože tať postignet:
5 vsi bo vy synove sveta jeste: i synove dne: nesmy nošči, niže ťmy.
6 Temže ubo da ne spim, jakože i pročii, no da bodrstvuim i trezvimsja.
7 Spjaščii bo, v nošči spjat, i upivajuščiisja v nošči upivajutsja.
8 My že, synove sušče dne, da trezvimsja, obolkšesja v broňu very i ljubve i šlem upovanija spasenija,
9 jako ne položi nas Bog v gnev, no v polučenije spasenija Gospodem našim Iisus Christom,
10 umeršim za nas, da, ašče bdim, ašče li spim, kupno s Nim živem.
11 Sego radi utešajte drug druga, i sozidajte kijždo bližňago, jakože i tvorite.
12 Molim že vy, bratije, znajte truždajuščichsja u vas, i nastojatelej vašich o Gospode, i nakazujuščich vy,
13 i imejte ich po preizlicha v ljubvi za delo ich: mirstvujte v sebe.
14 Molim že vy, bratije, vrazumljajte bezčinnyja, utešajte malodušnyja, zastupajte nemoščnyja, dolgoterpite ko vsem.
15 Bljudite, da niktože zla za zlo komu vozdast: no vsegda dobroje gonite i drug ko drugu i ko vsem.
16 Vsegda radujtesja.
17 Neprestanno molitesja.
18 O vsem blagodarite: sija bo jesť volja Božija o Christe Iisuse v vas.
19 Ducha ne ugašajte.
20 Proročestvija ne uničižajte.
21 Vsja že iskušajušče, dobraja deržite.
22 Ot vsjakija vešči zlyja ogrebajtesja.
23 Sam že Bog mira da osvjatit vas vsesoveršennych vo vsem: i vsesoveršen vaš duch i duša i telo neporočno v prišestvije Gospoda našego Iisusa Christa da sochranitsja.
24 Veren Prizvavyj vas, Iže i sotvorit.
25 Bratije, molitesja o nas.
26 Celujte bratiju vsju lobzanijem svjatym.
27 Zaklinaju vy Gospodem, pročesti poslanije sije pred vseju svjatoju bratijeju.
28 Blagodať Gospoda našego Iisusa Christa s vami. Amiň.

{pokazať odnu glavu na stranice}