1  2  3  4  5 

Pervoje poslanije Ioanna

Slavjanskij tekst

1

1 Ježe be isperva, ježe slyšachom, ježe videchom očima našima, ježe uzrechom, i ruki našja osjazaša, o Slovesi životnem:
2 i život javisja, i videchom, i svidetelstvujem, i vozveščaem vam život večnyj, iže be u Otca i javisja nam:
3 ježe videchom i slyšachom, povedaem vam, da i vy obščenije imate s nami: obščenije že naše so Otcem i s Synom Jego Iisusom Christom.
4 I sija pišem vam, da radosť vaša budet ispolnena.
5 I sije jesť obetovanije, ježe slyšachom ot Nego i povedaem vam, jako Bog svet jesť, i tmy v Nem nesť ni jedinyja.
6 Ašče rečem, jako obščenije imamy s Nim, i vo tme chodim, lžem i ne tvorim istiny:
7 ašče že vo svete chodim, jakože Sam Toj jesť vo svete, obščenije imamy drug ko drugu, i Krov Iisusa Christa Syna Jego očiščaet nas ot vsjakago grecha.
8 Ašče rečem, jako grecha ne imamy, sebe prelščaem, i istiny nesť v nas.
9 Ašče ispovedaem grechi našja, veren jesť i praveden da ostavit nam grechi našja i očestit nas ot vsjakija nepravdy.
10 Ašče rečem, jako ne sogrešichom, lža tvorim Jego, i slovo Jego nesť v nas.

2

1 Čadca moja, sija pišu vam, da ne sogrešaete: i ašče kto sogrešit, chodataja imamy ko Otcu, Iisusa Christa pravednika:
2 i Toj očiščenije jesť o gresech našich, ne o našich že točiju, no i o vsego mira.
3 I o sem razumejem, jako poznachom Jego, ašče zapovedi Jego sobljudaem.
4 Glagoljaj, jako poznach Jego, i zapovedi Jego ne sobljudaet, lož jesť, i v sem istiny nesť:
5 a iže ašče sobljudaet slovo Jego, poistinne v sem ljuby Božija soveršenna jesť: o sem razumejem, jako v Nem jesmy.
6 Glagoljaj, v Nem prebyvati, dolžen jesť, jakože On chodil jesť, i sej takožde da chodit.
7 Vozljublennii, ne zapoveď novu pišu vam, no zapoveď vetchu, juže imeste isperva. Zapoveď vetcha jesť slovo, ježe slyšaste isperva.
8 Paki zapoveď novu pišu vam, ježe jesť poistinne v Nem i v vas: jako tma mimochodit i svet istinnyj sej uže sijaet.
9 Glagoljaj sebe vo svete byti, a brata svojego nenaviďaj, vo tme jesť dosele.
10 Ljubjaj brata svojego vo svete prebyvaet, i soblazna v nem nesť.
11 A nenaviďaj brata svojego vo tme jesť, i vo tme chodit, i ne vesť, kamo idet, jako tma oslepi oči jemu.
12 Pišu vam, čadca, jako ostavljajutsja vam gresi imene Jego radi.
13 Pišu vam, otcy, jako poznaste Beznačalnago. Pišu vam, junoši, jako pobediste lukavago. Pišu vam, deti, jako poznaste Otca.
14 Pisach vam, otcy, jako poznaste Iskonnago: pisach vam, junoši, jako krepcy jeste, i slovo Božije v vas prebyvaet, i pobediste lukavago.
15 Ne ljubite mira, ni jaže v mire: ašče kto ljubit mir, nesť ljubve Otči v nem:
16 jako vse, ježe v mire, pochoť plotskaja i pochoť očima i gordosť žitejskaja, nesť ot Otca, no ot mira sego jesť.
17 I mir prechodit, i pochoť jego, a tvorjaj volju Božiju prebyvaet vo veki.
18 Deti, posledňaja godina jesť. I jakože slyšaste, jako antichrist grjadet, i nyne antichristi mnozi byša, ot sego razumevaem, jako poslednij čas jesť.
19 Ot nas izydoša, no ne beša ot nas: ašče by ot nas byli, prebyli ubo byša s nami: no da javjatsja, jako ne suť vsi ot nas.
20 I vy pomazanije imate ot Svjatago, i veste vsja.
21 Ne pisach vam, jako ne veste istiny, no jako veste ju i jako vsjaka lža ot istiny nesť.
22 Kto jesť lživyj, točiju otmetajajsja, jako Iisus nesť Christos? Sej jesť antichrist, otmetajajsja Otca i Syna.
23 Vsjak otmetajajsja Syna, ni Otca imať: a ispovedajaj Syna, i Otca imať.
24 Vy ubo ježe slyšaste isperva, v vas da prebyvaet: (i) ašče v vas prebudet, ježe isperva slyšaste, i vy v Syne i Otce prebudete.
25 I sije jesť obetovanije, ježe Sam obešča nam, život večnyj.
26 Sija pisach vam o lsťjaščich vas.
27 I vy ježe pomazanije prijaste ot Nego, v vas prebyvaet, i ne trebujete, da kto učit vy: no jako to samo pomazanije učit vy o vsem, i istinno jesť, i nesť ložno: i jakože nauči vas, prebyvajte v nem.
28 I nyne, čadca, prebyvajte v Nem, da jegda javitsja, imamy derznovenije i ne posramimsja ot Nego v prišestvii Jego.
29 Ašče veste, jako pravednik jesť, razumejte, jako vsjak tvorjaj pravdu ot Nego rodisja.

3

1 Vidite, kakovu ljubov dal jesť Otec nam, da čada Božija narečemsja, i budem. Sego radi mir ne znaet nas, zane ne pozna Jego.
2 Vozljublennii, nyne čada Božija jesmy, i ne u javisja, čto budem: vemy že, jako, jegda javitsja, podobni Jemu budem, ibo uzrim Jego, jakože jesť.
3 I vsjak imejaj nadeždu siju Naň, očiščaet sebe, jakože On čist jesť.
4 Vsjak tvorjaj grech, i bezzakonije tvorit: i grech jesť bezzakonije.
5 I veste, jako On javisja, da grechi našja vozmet, i grecha v Nem nesť.
6 Vsjak, iže v Nem prebyvaet, ne sogrešaet: vsjak sogrešajaj ne vide Jego, ni pozna Jego.
7 Čadca, niktože da lstit vas. Tvorjaj pravdu pravednik jesť, jakože On praveden jesť.
8 Tvorjaj grech ot diavola jesť, jako isperva diavol sogrešaet. Sego radi javisja Syn Božij da razrušit dela diavolja.
9 Vsjak roždennyj ot Boga grecha ne tvorit, jako sema Jego v nem prebyvaet: i ne možet sogrešati, jako ot Boga rožden jesť.
10 Sego radi javlena suť čada Božija i čada diavolja: vsjak ne tvorjaj pravdy nesť ot Boga, i ne ljubjaj brata svojego.
11 Jako se jesť zaveščanije, ježe slyšaste isperva, da ljubim drug druga,
12 ne jakože Kain ot lukavago be i zakla brata svojego. I za kuju vinu zakla jego? Jako dela jego lukava beša, a brata jego pravedna.
13 Ne čuditesja, bratije moja, ašče nenavidit vas mir.
14 My vemy, jako preidochom ot smerti v život, jako ljubim bratiju: ne ljubjaj bo brata prebyvaet v smerti.
15 Vsjak nenaviďaj brata svojego čelovekoubijca jesť: i veste, jako vsjak čelovekoubijca ne imať života večnago v sebe prebyvajušča.
16 O sem poznachom ljubov, jako On po nas dušu Svoju položi: i my dolžni jesmy po bratii dušy polagati.
17 Iže ubo imať bogatstvo mira sego, i vidit brata svojego trebujušča, i zatvorit utrobu svoju ot nego, kako ljuby Božija prebyvaet v nem?
18 Čadca moja, ne ljubim slovom niže jazykom, no delom i istinoju.
19 I o sem razumejem, jako ot istiny jesmy, i pred Nim smirjaem serdca naša:
20 zane ašče zaziraet nam serdce naše, jako bolij jesť Bog serdca našego i vesť vsja.
21 Vozljublennii, ašče serdce naše ne zazrit nam, derznovenije imamy k Bogu,
22 i jegože ašče prosim, prijemlem ot Nego, jako zapovedi Jego sobljudaem i ugodnaja pred Nim tvorim.
23 I sija jesť zapoveď Jego, da verujem vo ima Syna Jego Iisusa Christa i ljubim drug druga, jakože dal jesť zapoveď nam.
24 I sobljudajaj zapovedi Jego v Nem prebyvaet, i Toj v nem. I o sem razumejem, jako prebyvaet v nas, ot ducha, jegože dal jesť nam.

4

1 Vozljublennii, ne vsjakomu duchu verujte, no iskušajte duchi, ašče ot Boga suť: jako mnozi lžeprorocy izydoša v mir.
2 O sem poznavajte Ducha Božija i ducha lestča: vsjak duch, iže ispovedujet Iisusa Christa vo ploti prišedša, ot Boga jesť:
3 i vsjak duch, iže ne ispovedujet Iisusa Christa vo ploti prišedša, ot Boga nesť: i sej jesť antichristov, jegože slyšaste, jako grjadet, i nyne v mire jesť uže.
4 Vy ot Boga jeste, čadca, i pobediste tech: jako bolij jesť Iže v vas, neželi iže v mire.
5 Oni ot mira suť: sego radi ot mira glagoljut, i mir tech poslušaet.
6 My ot Boga jesmy: iže znaet Boga, poslušaet nas, i iže nesť ot Boga, ne poslušaet nas. O sem poznavaem ducha istiny i ducha lestča.
7 Vozljublennii, vozljubim drug druga, jako ljuby ot Boga jesť, i vsjak ljubjaj ot Boga rožden jesť, i znaet Boga:
8 a ne ljubjaj ne pozna Boga, jako Bog ljuby jesť.
9 O sem javisja ljuby Božija v nas, jako Syna Svojego Jedinorodnago posla Bog v mir, da živi budem Im.
10 O sem jesť ljuby, ne jako my vozljubichom Boga, no jako Toj vozljubi nas, i posla Syna Svojego očiščenije o gresech našich.
11 Vozljublennii, ašče sice vozljubil jesť nas Bog, i my dolžni jesmy drug druga ljubiti.
12 Boga niktože nigdeže vide. Ašče drug druga ljubim, Bog v nas prebyvaet, i ljuby Jego soveršenna jesť v nas.
13 O sem razumejem, jako v Nem prebyvaem, i Toj v nas, jako ot Ducha Svojego dal jesť nam.
14 I my videchom i svidetelstvujem, jako Otec posla Syna Spasitelja miru.
15 Iže ašče ispovesť, jako Iisus jesť Syn Božij, Bog v nem prebyvaet, i toj v Boze.
16 I my poznachom i verovachom ljubov, juže imať Bog k nam. Bog ljuby jesť, i prebyvajaj v ljubvi v Boze prebyvaet, i Bog v nem prebyvaet.
17 O sem soveršaetsja ljuby s nami, da derznovenije imamy v deň sudnyj, zane, jakože On jesť, i my jesmy v mire sem.
18 Stracha nesť v ljubvi, no soveršenna ljuby von izgoňaet strach, jako strach muku imať: bojajsja že ne soveršisja v ljubvi.
19 My ljubim Jego, jako Toj perveje vozljubil jesť nas.
20 Ašče kto rečet, jako ljublju Boga, a brata svojego nenavidit, lož jesť: ibo ne ljubjaj brata svojego, jegože vide, Boga, Jegože ne vide, kako možet ljubiti?
21 I siju zapoveď imamy ot Nego, da ljubjaj Boga ljubit i brata svojego.

5

1 Vsjak verujaj, jako Iisus jesť Christos, ot Boga rožden jesť: i vsjak ljubjaj Roždšago ljubit i Roždennago ot Nego.
2 O sem vemy, jako ljubim čada Božija, jegda Boga ljubim i zapovedi Jego sobljudaem.
3 Sija bo jesť ljuby Božija, da zapovedi Jego sobljudaem: i zapovedi Jego ťjažki ne suť.
4 Jako vsjak roždennyj ot Boga pobeždaet mir: i sija jesť pobeda, pobedivšaja mir, vera naša.
5 Kto jesť pobeždajaj mir, tokmo verujaj, jako Iisus jesť Syn Božij?
6 Sej jesť prišedyj vodoju i kroviju i Duchom, Iisus Christos, ne vodoju točiju, no vodoju i kroviju: i Duch jesť svidetelstvujaj, jako Duch jesť istina.
7 Jako trije suť svidetelstvujuščii na nebesi, Otec, Slovo i Svjatyj Duch: i Sii tri jedino suť.
8 I trije suť svidetelstvujuščii na zemli, duch i voda i krov: i trije vo jedino suť.
9 Ašče svidetelstvo čelovečeskoje prijemlem, svidetelstvo Božije boleje jesť: jako sije jesť svidetelstvo Božije, ježe svidetelstvova o Syne Svojem.
10 Verujaj v Syna Božija imať svidetelstvo v sebe: ne verujaj Bogovi lža sotvoril jesť Jego, jako ne verova vo svidetelstvo, ježe svidetelstvova Bog o Syne Svojem.
11 I sije jesť svidetelstvo, jako život večnyj dal jesť nam Bog, i sej život v Syne Jego jesť.
12 Imejaj Syna Božija imať život: a ne imejaj Syna Božija života ne imať.
13 Sija pisach vam verujuščym vo ima Syna Božija, da veste, jako život večnyj imate, i da verujete vo ima Syna Božija.
14 I sije jesť derznovenije, ježe imamy k Nemu, jako ašče česo prosim po voli Jego, poslušaet nas:
15 i ašče vemy, jako poslušaet nas, ježe ašče prosim, vemy, jako imamy prošenija, ichže prosichom ot Nego.
16 Ašče kto uzrit brata svojego sogrešajušča grech ne k smerti, da prosit, i dast jemu život, sogrešajuščym ne k smerti. Jesť grech k smerti: ne o tom, glagolju, da molitsja.
17 Vsjaka nepravda grech jesť, i jesť grech ne k smerti.
18 Vemy, jako vsjak roždennyj ot Boga ne sogrešaet: no roždennyj ot Boga bljudet sebe, i lukavyj ne prikasaetsja jemu.
19 Vemy, jako ot Boga jesmy, i mir ves vo zle ležit.
20 Vemy že, jako Syn Božij priide i dal jesť nam (svet i) razum, da poznaem Boga istinnago i da budem vo istinnem Syne Jego Iisuse Christe: Sej jesť istinnyj Bog i život večnyj.
21 Čadca, chranite sebe ot treb idolskich. Amiň.

{pokazať odnu glavu na stranice}