Pervoje poslanije Petra
Slavjanskij tekst1
1 Petr, Apostol Iisus Christov, izbrannym prišelcem razsejanija Ponta, Galatii, Kappadokii, Asii i Vifinii,2 po prozreniju Boga Otca, vo svjatyni Ducha, v poslušanije i kroplenije Krove Iisus Christovy: blagodať vam i mir da umnožitsja.
3 Blagosloven Bog i Otec Gospoda našego Iisusa Christa, Iže po mnozej Svojej milosti poroždej nas vo upovanije živo voskresenijem Iisus Christovym ot mertvych,
4 v nasledije netlenno i neskverno i neuvjadaemo, sobljudeno na nebesech vas radi,
5 iže siloju Božijeju sobljudaemi jeste črez veru, vo spasenije gotovoje javitisja vo vrema posledneje.
6 O nemže radujtesja, malo nyne, ašče lepo jesť, priskorbni byvše v različnych napastech:
7 da iskušenije vašeja very mnogočestnejše zlata gibnušča, ognem že iskušena, obrjaščetsja v pochvalu i česť i slavu, vo otkrovenii Iisus Christove,
8 Jegože ne videvše ljubite, i na Negože nyne ne zrjašče, verujušče že, radujetesja radostiju neizglagolannoju i proslavlennoju,
9 prijemljušče končinu vere vašej, spasenije dušam:
10 o nemže spasenii vzyskaša i ispytaša prorocy, iže o vašej blagodati prorekoša,
11 ispytajušče, v kakovo ili v koje vrema javljaše v nich Duch Christov, prežde svidetelstvuja o Christovych strastech, i o slavach, jaže po sich:
12 imže otkrysja, jako ne im samem, no nam služachu sija, jaže nyne vozvestišasja vam blagovestvovavšimi vam Duchom Svjatym poslannym s nebese, v ňaže želajut Angeli priniknuti.
13 Temže, vozljublennii, prepojasavše čresla pomyšlenija vašego, trezvjaščesja, soveršenne upovajte na prinosimuju vam blagodať otkrovenijem Iisus Christovym.
14 Jako čada poslušanija, ne preobrazujuščesja pervymi nevedenija vašego pochotenii,
15 no po zvavšemu vy Svjatomu, i sami svjati vo vsem žitii budite.
16 Zane pisano jesť: svjati budite, jako Az svjat jesm.
17 I ašče Otca nazyvaete nelicemerno suďašča komuždo po delu, so strachom žitija vašego vrema žitelstvujte,
18 veďašče, jako ne istlennym srebrom ili zlatom izbavistesja ot sujetnago vašego žitija otcy predannago,
19 no čestnoju Kroviju jako Agnca neporočna i prečista Christa,
20 preduvedena ubo prežde složenija mira, javlšasja že v posledňaja leta vas radi,
21 iže Jego radi verujete v Boga Vozdvigšago Jego iz mertvych i slavu Jemu davša, jako da vera vaša i upovanije budet na Boga.
22 Dušy vašja očistivše v poslušanii istiny Duchom, v bratoljubije nelicemerno, ot čista serdca drug druga ljubite priležno,
23 poroždeni ne ot semene istlenna, no neistlenna, slovom živago Boga i prebyvajušča vo veki.
24 Zane vsjaka ploť jako trava, i vsjaka slava čeloveča jako cvet travnyj: izsše trava, i cvet jeja otpade:
25 glagolgol že Gospodň prebyvaet vo veki. Se že jesť glagolgol blagovestvovannyj v vas.
2
1 Otložše ubo vsjaku zlobu i vsjaku lesť i licemerije i zavisť i vsja klevety,2 jako novoroždeni mladency, slovesnoje i nelestnoje mleko vozljubite, jako da o nem vozrastete vo spasenije:
3 poneže vkusiste, jako blag Gospoď.
4 K Nemuže prichoďašče, kameni živu, ot čelovek ubo uničiženu, ot Boga že izbranu, čestnu,
5 i sami jako kamenije živo zižditesja vo chram duchoven, svjatitelstvo svjato, voznositi žertvy duchovny, blagoprijatny Bogovi Iisus Christom.
6 Zane pisano jesť v Pisanii: se polagaju v Sione kameň kraeugolen, izbran, česten: i verujaj voň ne postyditsja.
7 Vam ubo česť verujuščym, a protivjaščymsja kameň, jegože nebregoša zižduščii, sej bysť vo glavu ugla, i kameň pretykanija i kameň soblazna:
8 o nemže i pretykajutsja slovu protivljajuščiisja, na neže i položeni byša.
9 Vy že rod izbran, carskoje svjaščenije, jazyk svjat, ljudije obnovlenija, jako da dobrodeteli vozvestite iz tmy vas Prizvavšago v čudnyj Svoj svet:
10 iže inogda ne ljudije, nyne že ljudije Božii: iže ne pomilovani, nyne že pomilovani byste.
11 Vozljublennii, molju jako prišelcev i strannikov, ogrebatisja ot plotskich pochotej, jaže vojujut na dušu,
12 žitije vaše imušče dobro vo jazycech, da o nemže kleveščut vas aki zlodejev, ot dobrych del videvše, proslavjat Boga v deň poseščenija.
13 Povinitesja ubo vsjakomu čeloveču sozdaniju Gospoda radi: ašče carju, jako preobladajušču:
14 ašče li že kňazem, jako ot nego poslannym, vo otmščenije ubo zlodejem, v pochvalu že blagotvorcem.
15 Jako tako jesť volja Božija, blagotvorjaščym obuzdovati bezumnych čelovek nevežstvo:
16 jako svobodni, a ne jako prikrovenije imušče zloby svobodu, no jako rabi Božii.
17 Vsech počitajte, bratstvo vozljubite, Boga bojtesja, carja čtite.
18 Rabi, povinujtesja vo vsjacem strase vladykam, ne tokmo blagim i krotkim, no i stroptivym.
19 Se bo jesť ugodno pred Bogom, ašče sovesti radi Božija terpit kto skorbi, stražda bez pravdy.
20 Kaja bo pochvala, ašče sogrešajušče mučimi terpite? No ašče dobro tvorjašče i straždušče terpite, sije ugodno pred Bogom,
21 na sije bo i zvani byste: zane i Christos postrada po nas, nam ostavl obraz, da posledujem stopam Jego:
22 iže grecha ne sotvori, ni obretesja lesť vo ustech Jego:
23 iže ukarjaem protivu ne ukarjaše, stražda ne preščaše, predajaše že Suďaščemu pravedno:
24 iže grechi našja Sam voznese na tele Svojem na drevo, da ot grech izbyvše, pravdoju poživem: Jegože jazvoju izceleste.
25 Beste bo jako ovcy zabluždšyja ne imuščja pastyrja: no vozvratistesja nyne k Pastyrju i Posetitelju duš vašich.
3
1 Takožde že i ženy, povinujuščjasja svoim mužem, da i ašče necyi ne povinujutsja slovu, ženskim žitijem bez slova pleneni budut,2 videvše ježe so strachom čisto žitije vaše.
3 Umže da budet ne vnešňaja, pletenija vlas i obloženija zlata, ili odejanija riz, lepota,
4 no potaenyj serdca čelovek, v neistlenii krotkago i molčalivago ducha, ježe jesť pred Bogom mnogocenno.
5 Tako bo inogda i svjatyja ženy, upovajuščyja na Boga, ukrašachu sebe, povinujuščjasja svoim mužem:
6 jakože Sarra poslušaše Avraama, gospodina togo zovušči: jejaže byste čada, blagotvorjaščja i ne bojaščjasja ni jedinago stracha.
7 Mužije takožde, vkupe živušče so svoimi ženami po razumu, jako nemoščnejšu sosudu ženskomu vozdajušče česť, jako i snaslednicy blagodatnyja žizni, vo ježe ne prekraščatisja molitvam vašym.
8 Konec že, vsi jedinomudreni budite, milostivi, bratoljubcy, miloserdni, blagoutrobni, mudroljubcy, smirenomudri:
9 ne vozdajušče zla za zlo, ili dosaždenija za dosaždenije: suprotivnoje že, blagoslovjašče, veďašče, jako na se zvani byste, da blagoslovenije nasledite.
10 Choťjaj bo život ljubiti i videti dni blagi, da uderžit jazyk svoj ot zla, i ustne svoi ježe ne glagolati lsti.
11 Da uklonitsja ot zla, i da sotvorit blago, da vzyščet mira i da deržitsja jego:
12 zane oči Gospodni na pravednyja, i ušy Jego v molitvu ich, lice že Gospodne na tvorjaščyja zlaja, ježe potrebiti ich ot zemli.
13 I kto ozlobit vas, ašče blagomu podobnicy budete?
14 No ašče i straždete pravdy radi, blaženi jeste: stracha že ich ne ubojtesja, niže smuščajtesja.
15 Gospoda že Boga osvjatite v serdcach vašich: gotovi že prisno ko otvetu vsjakomu voprošajuščemu vy slovese o vašem upovanii, s krotostiju i strachom:
16 sovesť imušče blagu, da o nemže kleveščut vas aki zlodejev, postyďatsja zloslovjaščii vaše blagoje o Christe žitije.
17 Lučše bo jesť blagoje tvorjaščym, ašče choščet volja Božija, postradati, neželi zlo tvorjaščym:
18 zane i Christos jedinoju o gresech našich postrada, pravednik za nepravedniki, da privedet ny Bogovi, umerščvlen ubo byv plotiju, oživ že duchom:
19 o nemže i suščym v temnice duchovom sošed propoveda,
20 protivlšymsja inogda, jegda ožidaše Božije dolgoterpenije, vo dni Nojevy, delaemu kovčegu, v nemže malo, sireč osm duš, spasošasja ot vody.
21 Jegože voobraženije nyne i nas spasaet kreščenije, ne plotskija otloženije skverny, no sovesti blagi voprošenije u Boga, voskresenijem Iisus Christovym,
22 Iže jesť o desnuju Boga, vozšed na nebo, pokoršymsja Jemu Angelom i Vlastem i Silam.
4
1 Christu ubo postradavšu za ny plotiju, i vy v tu že mysl vooružitesja: zane postradavyj plotiju, presta ot grecha,2 vo ježe ne ktomu čelovečeskim pochotem, no voli Božijej pročeje vo ploti žiti vrema.
3 Dovlejet bo vam mimošedšeje vrema žitija, volju jazyčeskuju tvorivšym, choždšym v nečistotach, v pochotech, v muželožstve, v skotoložstve, v pomyslech, v pijanstve, v kozloglasovaniich, v lichoimanii i bogomerzkich idolosluženiich:
4 o nemže divjatsja, ne schoďaščymsja vam v tože bluda razlijanije, chuljašče:
5 iže vozdaďat slovo gotovu Suščemu suditi živym i mertvym.
6 Na se bo i mertvym blagovestisja, da sud ubo priimut po čeloveku plotiju, poživut že po Boze duchom.
7 Vsem že končina približisja. Ucelomudritesja ubo i trezvitesja v molitvach.
8 Prežde že vsech drug ko drugu ljubov priležnu imejte, zane ljubov pokryvaet množestvo grechov.
9 Strannoljubcy drug ko drugu, bez roptanii.
10 Kijždo jakože prijat darovanije, meždu sebe sim služašče, jako dobrii stroitelije različnyja blagodati Božija.
11 Ašče kto glagolet, jako slovesa Božija: ašče kto služit, jako ot kreposti, juže podaet Bog: da o vsem slavitsja Bog Iisus Christom, Jemuže jesť slava i deržava vo veki vekov. Amiň.
12 Vozljublennii, ne divitesja ježe v vas raždeženiju ko iskušeniju vam byvaemu, jako čuždu vam slučajuščusja:
13 no poneže priobščaetesja Christovym strastem, radujtesja, jako da i v javlenije slavy Jego vozradujetesja veseljaščesja.
14 Ašče ukorjaemi byvaete o imeni Christove, blaženi jeste jako Slavy i Božij Duch na vas počivaet: onemi ubo chulitsja, a vami proslavljaetsja.
15 Da ne kto ubo ot vas postraždet jako ubijca, ili jako tať, ili jako zlodej, ili jako čuždoposetitel:
16 ašče li že jako Christianin, da ne styditsja, da proslavljaet že Boga v časti sej.
17 Jako vrema načati sud ot domu Božija: ašče že prežde ot vas, kaja končina protivjaščymsja Božiju Jevangeliju?
18 I ašče pravednik jedva spasetsja, nečestivyj i grešnyj gde javitsja?
19 Temže i stražduščii po voli Božijej, jako vernu Zižditelju da predaďat dušy svoja vo blagotvorenii.
5
1 Starcy iže v vas molju, jako starec syj i svidetel Christovym strastem, iže i choťjaščej slave javitisja obščnik:2 pasite ježe v vas stado Božije, poseščajušče ne nuždeju, no voleju i po Boze, niže nepravednymi pribytki, no userdno,
3 ni jako obladajušče pričtu, no obrazi byvajte stadu:
4 i javlšusja Pastyrenačalniku, priimete neuvjadaemyj slavy venec.
5 Takože junii, povinitesja starcem: vsi že drug drugu povinujuščesja, smirenomudrije sťjažite, zane Bog gordym protivitsja, smirennym že daet blagodať.
6 Smiritesja ubo pod krepkuju ruku Božiju, da vy vozneset vo vrema:
7 vsju pečal vašu vozvergše Naň, jako Toj pečetsja o vas.
8 Trezvitesja, bodrstvujte, zane supostat vaš diavol, jako lev rykaja, chodit, iskij kogo poglotiti:
9 jemuže protivitesja tverdi veroju, vedušče, jako teže strasti slučajutsja vašemu bratstvu, ježe v mire.
10 Bog že vsjakija blagodati, prizvavyj vas v večnuju Svoju slavu o Christe Iisuse, malo postradavšyja, Toj da soveršit vy, da utverdit, da ukrepit, da osnujet.
11 Tomu slava i deržava vo veki vekov. Amiň.
12 Siluanom vam vernym bratom, jako nepščuju, vmale napisach, molja i zasvidetelstvuja sej byti istinnej blagodati Božijej, v nejže stoite.
13 Celujet vy jaže v Vavilone soizbrannaja, i Marko syn moj.
14 Celujte drug druga lobzanijem ljubve. Mir vam vsem o Christe Iisuse. Amiň.