Vtoroje poslanije apostola Pavla Soluňanam

Slavjanskij tekst

1

1 Pavel i Siluan i Timofej, cerkvi Solunstej, o Boze Otce našem i Gospode Iisuse Christe:
2 blagodať vam i mir ot Boga Otca našego, i Gospoda Iisusa Christa.
3 Blagodariti dolžni jesmy Boga vsegda o vas, bratije, jakože dostojno jesť, jako prevozrastaet vera vaša, i množitsja ljubov jedinago kojegoždo vsech vas drug ko drugu:
4 jako samem nam chvalitisja o vas v cerkvach Božiich, o terpenii vašem i vere vo vsech goneniich vašich i skorbech, jaže prijemlete,
5 pokazanije pravednago suda Božija, vo ježe spodobitisja vam Carstvija Božija, jegože radi i straždete.
6 Ašče ubo pravedno u Boga, vozdati skorb oskorbljajuščym vas,
7 a vam oskorbljaemym otradu s nami, vo otkrovenii Gospoda Iisusa s nebese, so Angely sily Svojeja,
8 vo ogni plamenne dajuščago otmščenije ne veduščym Boga i ne poslušajuščym blagovestvovanija Gospoda našego Iisusa Christa:
9 iže muku priimut, pogibel večnuju, ot lica Gospodňa i ot slavy kreposti Jego,
10 jegda priidet proslavitisja vo svjatych Svoich i diven byti vo vsech verovavšich, jako uverisja svidetelstvo naše v vas, v deň on.
11 Za sije i molimsja vsegda o vas, da vy spodobit zvaniju Bog naš i ispolnit vsjako blagovolenije blagosti i delo very v sile,
12 jako da proslavitsja ima Gospoda našego Iisusa Christa v vas, i vy v Nem, po blagodati Boga našego i Gospoda Iisusa Christa.

2

1 Molim že vy, bratije, o prišestvii Gospoda našego Iisusa Christa i našem sobranii o Nem,
2 ne skoro podvizatisja vam ot uma, ni užasatisja niže duchom, niže slovom, ni poslanijem aki ot nas poslannym, jako uže nastoit deň Christov.
3 Da niktože vas prelstit ni po jedinomu že obrazu: jako ašče ne priidet otstuplenije prežde, i otkryetsja čelovek bezzakonija, syn pogibeli,
4 protivnik i prevoznosjajsja pače vsjakago glagolemago Boga ili čtilišča, jakože jemu sesti v cerkvi Božijej aki Bogu, pokazujušču sebe, jako Bog jesť.
5 Ne pomnite li, jako ješče živyj u vas, sija glagolach vam?
6 I nyne uderžavajuščeje veste, vo ježe javitisja jemu v svoje jemu vrema.
7 Tajna bo uže dejetsja bezzakonija, točiju deržjaj nyne dondeže ot sredy budet:
8 i togda javitsja bezzakonnik, jegože Gospoď Iisus ubijet duchom ust Svoich, i uprazdnit javlenijem prišestvija Svojego,
9 jegože jesť prišestvije po dejstvu sataninu vo vsjacej sile i znameniich i čudesech ložnych,
10 i vo vsjakoj lsti nepravdy v pogibajuščich, zane ljubve istiny ne prijaša, vo ježe spastisja im.
11 I sego radi poslet im Bog dejstvo lsti, vo ježe verovati im lži,
12 da sud priimut vsi ne verovavšii istine, no blagovolivšii v nepravde.
13 My že dolžni jesmy blagodariti Boga vsegda o vas, bratije vozljublennaja ot Gospoda, jako izbral jesť vas Bog ot načala vo spasenije vo svjatyni Ducha i very istiny,
14 v neže prizva vas blagovestvovanijem našim, v polučenije slavy Gospoda našego Iisusa Christa.
15 Temže ubo, bratije, stojte i deržite predanija, imže naučistesja ili slovom, ili poslanijem našim.
16 Sam že Gospoď naš Iisus Christos, i Bog i Otec naš, vozljubivyj nas i davyj utešenije večno i upovanije blago v blagodati,
17 da utešit serdca vaša i da utverdit vo vsjacem slove i dele blaze.

3

1 Pročeje, molitesja o nas, bratije, da slovo Gospodne tečet i slavitsja, jakože i v vas,
2 i da izbavimsja ot zlych i lukavych čelovek: ne vsech bo jesť vera.
3 Veren že jesť Gospoď, Iže utverdit vas i sochranit ot lukavago.
4 Upovaem že na Gospoda o vas, jako, jaže povelevaem vam, i tvorite i sotvorite.
5 Gospoď že da ispravit serdca vaša v ljubov Božiju i v terpenije Christovo.
6 Povelevaem že vam, bratije, o imeni Gospoda našego Iisusa Christa, otlučatisja vam ot vsjakago brata bezčinno choďašča, a ne po predaniju, ježe prijaša ot nas:
7 sami bo veste, kako lepo jesť vam podobitisja nam: jako ne bezčinnovachom u vas,
8 niže tune chleb jadochom u kogo, no v trude i podvize, nošč i deň delajušče, da ne oťjagčim nikogože ot vas:
9 ne jako ne imamy vlasti, no da sebe obraz damy vam, vo ježe upodobitisja nam.
10 Ibo jegda bechom u vas, sije zaveščavachom vam: jako ašče kto ne choščet delati niže da jast.
11 Slyšim bo nekija bezčinno choďaščyja u vas, ničtože delajuščyja, no lukavno obchoďaščyja:
12 takovym zapreščaem i molim o Gospode našem Iisuse Christe, da s bezmolvijem delajušče, svoj chleb jaďat.
13 Vy že, bratije, ne stužajte, dobroje tvorjašče.
14 Ašče že kto ne poslušaet slovese našego poslanijem, sego naznamenujte i ne primešajtesja jemu, da posramitsja:
15 i ne aki vraga imejte jego, no nakazujte jakože brata.
16 Sam že Gospoď mira da dast vam mir vsegda vo vsjacem obraze: Gospoď so vsemi vami.
17 Celovanije mojeju rukoju Pavleju, ježe jesť znamenije vo vsjacem poslanii: sice pišu:
18 blagodať Gospoda našego Iisusa Christa so vsemi vami. Amiň.

{pokazať odnu glavu na stranice}