1 

Treťje poslanije Ioanna

Slavjanskij tekst

1

1 Starec Gaijevi vozljublennomu, jegože az ljublju voistinnu.
2 Vozljublenne, vo vsech moljusja (o tebe) blagospejatisja tebe i zdravstvovati, jakože blagospejetsja tebe duša.
3 Vozradovachsja zelo, prišedšym bratijam i svidetelstvujuščym tvoju istinu, jakože ty vo istine chodiši.
4 Bolši seja ne imam radosti, da slyšu moja čada vo istine choďašča.
5 Vozljublenne, verno tvoriši, ježe ašče delaeši v bratiju i v strannyja,
6 iže svidetelstvovaša o tvojej ljubvi pred cerkoviju. Ichže predposlav dostojno Bogu, dobre tvoriši.
7 O imeni bo Jego izydoša, ničtože prijemljušče ot jazyk.
8 My ubo dolžni jesmy priimati takovych, da pospešnicy budem istine.
9 Pisach cerkvi: no pervenstvoljubec ich Diotref ne prijemlet nas.
10 Sego radi, ašče priidu, vospomanu jego dela, jaže tvorit, slovesy lukavymi ukorjaja nas: i nedovolen byvaja o sich, ni sam prijemlet bratiju, i choťjaščym vozbraňaet, i ot cerkve izgonit.
11 Vozljublenne, ne upodobljaisja zlomu, no blagomu. Blagotvorjaj ot Boga jesť: a zlotvorjaj ne vide Boga.
12 Dimitrijevi svidetelstvovasja ot vsech i ot samyja istiny: i my že svidetelstvujem, i veste, jako svidetelstvo naše istinno jesť.
13 Mnoga imech pisati, no ne chošču černilom i trostiju pisati tebe,
14 upovaju že abije videti ťja i usty ko ustom glagolati.
15 Mir tebe. Celujut ťja druzi: celuj drugi po imeni. Amiň.

{pokazať odnu glavu na stranice}