Kniga proroka Aggeja

Slavjanskij tekst

1

1 Vo vtoroje leto, pri Darii cari, v šestyj mesjac, v pervyj (deň) mesjaca, bysť slovo Gospodne rukoju Aggea proroka glagolja: rcy k Zorovavelju Salafiilevu ot kolena Iudova i ko Iisusu synu Iosedekovu, ijereju velikomu, glagolja:
2 sice glagolet Gospoď Vsederžitel glagolja: ljudije sii glagoljut: ne priide vrema sozdati chram Gospodeň.
3 I bysť slovo Gospodne rukoju Aggea proroka glagolja:
4 ašče vrema ubo vam jesť žiti v domech vašich istesanych, chram že moj sej zapuste?
5 I nyne sice glagolet Gospoď Vsederžitel: ustrojte serdca vaša v puti vašja.
6 Sejaste mnogo, i vzjaste malo: jadoste, i ne v sytosť: piste, i ne v pijanstvo: oblekostesja, i ne sogrestesja v nich: i sobirajaj mzdy sobra vo vlagališče diravo.
7 Sice glagolet Gospoď Vsederžitel: položite serdca vaša v puti vašja,
8 vzydite na goru i usecyte dreva, i prinesite i soziždite chram, i blagovolju v nem i proslavljusja, reče Gospoď.
9 Prizreste na mnoga, i byša mala, i vnesoste ja v chram, i otdunuch ja: sego radi sice glagolet Gospoď Vsederžitel: zane chram Moj jesť pust, vy že tečete kijždo v dom svoj,
10 sego radi uderžitsja nebo ot rosy, i zemlja oskudit iznošenija svoja,
11 i navedu meč na zemlju i na gory, i na pšenicu i na vino i na jelej, i na vsja, jelika iznosit zemlja, i na čeloveki i na skoty i na vsja trudy ruk ich.
12 I slyša Zorovavel Salafiilev ot kolena Iudova, i Iisus Iosedekov, ijerej velikij, i vsi pročii ljudije glas Gospoda Boga svojego i slovesa Aggea proroka, jakože posla jego Gospoď Bog ich k nim, i ubojašasja ljudije ot lica Gospodňa.
13 I reče Aggej vestnik Gospodeň v vestnicech Gospodnich ljudem, glagolja: Az jesm s vami, glagolet Gospoď.
14 I vozdviže Gospoď duch Zorovavelja Salafiileva ot kolena Iudova i duch Iisusa Iosedekova, ijerea velikago, i duch pročiich vsech ljudij: i vnidoša i tvorjachu dela vo chrame Gospoda Vsederžitelja Boga svojego.

2

1 V dvadesjať četvertyj deň mesjaca šestago, vo vtoroje leto, pri Darii cari,
2 v sedmyj mesjac, v dvadesjať pervyj mesjaca, glagola Gospoď rukoju Aggea proroka glagolja:
3 rcy nyne k Zorovavelju Salafiilevu ot kolena Iudova i ko Iisusu synu Iosedekovu, ijereju velikomu, i ko vsem pročiim ljudem, glagolja:
4 kto ot vas, iže vide chram sej v slave jego prežnej? I kako vy vidite jego nyne jakože ne sušča pred vami?
5 I nyne ukrepljajsja, Zorovavelju, glagolet Gospoď, i ukrepljajsja, Iisuse, syne Iosedekov, ijereju velikij, i da ukrepljajutsja vsi ljudije zemli, glagolet Gospoď (Vsederžitel), i tvorite: zane Az s vami jesm, glagolet Gospoď Vsederžitel:
6 slovo, ježe zaveščach s vami, jegda ischodiste iz zemli Jegipetskija, i duch Moj nastoit posrede vas: derzajte, zane sice glagolet Gospoď Vsederžitel:
7 ješče jedinoju Az potrjasu nebom i zemleju, i morem i sušeju,
8 i sotrjasu vsja jazyki, i priidut izbrannaja vsech jazykov: i ispolňu chram sej slavy, glagolet Gospoď Vsederžitel.
9 Moje srebro i Moje zlato, glagolet Gospoď Vsederžitel:
10 zane velija budet slava chrama sego posledňaja pače pervyja, glagolet Gospoď Vsederžitel: i na meste sem dam mir, glagolet Gospoď Vsederžitel, i mir duši v snabdenije vsjakomu zižduščemu, ježe vozstaviti cerkov siju.
11 V dvadesjať četvertyj devjatago mesjaca, vo vtoroje leto pri Darii cari, bysť slovo Gospodne ko Aggeju proroku glagolja:
12 sice glagolet Gospoď Vsederžitel: voprosi ijerejev zakona glagolja:
13 ašče priimet čelovek maso svjato vskraj rizy svojeja, i kosnetsja kraj rizy jego chleba, ili variva, ili vina, ili masla, ili vsjakago brašna, jeda osvjatitsja? I otveščaša svjaščennicy i reša: ni.
14 I reče Aggej: ašče prikosnetsja oskvernenyj ili nečistyj dušeju vsjakomu sich, jeda oskvernitsja? I otveščaša ijereje i reša: oskvernitsja.
15 I otvešča Aggej i reče: sice ljudije sii, i sice jazyk sej predo Mnoju, glagolet Gospoď, i sice vsja dela ruk ich: i iže ašče približitsja tamo, oskvernitsja za prijatija ich utrenňaja, poboljat ot lica lukavstv svoich, i nenavideste vo vratech obličajuščago.
16 I nyne položite na serdcach vašich ot dne sego i vyše, prežde neže položiti kameň na kameni v chrame Gospodni.
17 Kto byste, jegda vlagaste v mech jačmene dvadesjať sat, i byša jačmene desjať sat? I vchodiste v podtočilije čerpati pjaťdesjat mer, i byša dvadesjať.
18 Porazich vy neplodijem i vetrotlenijem i gradom vsja dela ruk vašich, i ne obratistesja ko Mne, glagolet Gospoď.
19 Ustrojte že serdca vaša ot sego dne i daleje, ot dvadesjať četvertago dne devjatago mesjaca i ot dne, v oňže osnovasja cerkov Gospodňa: položite v serdcach vašich,
20 ašče ješče poznaetsja na gumne, i ašče ješče vinograd, i smokvi, i jabloň, i dreva masličnaja ne tvorjaščaja ploda? Ot dne sego blagoslovlju.
21 I bysť slovo Gospodne vtoriceju ko Aggeju proroku v dvadesjať četvertyj mesjaca glagolja:
22 rcy k Zorovavelju synu Salafiilevu ot kolena Iudova glagolja: Az potrjasu nebom i zemleju, i morem i sušeju,
23 i prevrašču prestoly carej, i potreblju silu carej jazyčeskich, i prevrašču kolesnicy i vsadniki, i snidut koni i vsadnicy ich, kijždo vo oružii na brata svojego.
24 V toj deň, glagolet Gospoď Vsederžitel, priimu ťja, Zorovavelju Salafiilev, rabe Moj, glagolet Gospoď, i položu ťja jako pečať, poneže ťja izbrach, glagolet Gospoď Vsederžitel.

{pokazať odnu glavu na stranice}