Kniga proroka Avdija
Slavjanskij tekst1
1 Videnije Avdiino: sija glagolet Gospoď Bog Idumei: sluch slyšach ot Gospoda, izvestije vo jazyki posla: vostanite, i vostanem na ňu ratiju.2 Se, mala dach ťja vo jazycech, bezčesten ty jesi zelo.
3 Prezorstvo serdca tvojego vozdviže ťja živuščago v peščerach kamennych: vozvyšajaj chraminu svoju, glagoljaj v serdcy svojem: kto ma sveržet na zemlju?
4 Ašče voznesešisja jakože orel i ašče položiši gnezdo tvoje srede zvezd, i ottudu svergu ťja, glagolet Gospoď.
5 Ašče by tatije vlezli k tebe, ili razbojnicy noščiju, kamo by poveržen byl jesi? Jeda ne ukrali by dovolnych sebe? Ili ašče by objemljuščii vinograd vlezli k tebe, jeda by ne ostavili grozdija?
6 Kako obyskasja Isav, i vzjata byša sokrovennaja jego?
7 Daže do predel ispustiša ťja: vsi mužije zaveta tvojego soprotivišasja ti, premogoša ťja mužije mirnicy tvoi: (jaduščii s toboju) položiša lesť pod toboju, nesť smysla v nich.
8 V toj deň, glagolet Gospoď, pogublju premudryja ot Idumei i smysl ot gory Isavovy:
9 i ubojatsja voini tvoi, iže ot Feman, da otimetsja čelovek ot gory Isavovy.
10 Posečenija radi i nečestija, ježe na brata tvojego Iakova, pokryet ťja stud, i otveržen budeši vo vek.
11 Ot negože dne soprotivilsja jesi vo dni pleňajuščich inoplemennikov silu jego, i čuždii vnidoša vo vrata jego i o Ijerusalime vergoša žrebija, i ty byl jesi jako jedin ot nich.
12 I da ne prezriši dne brata tvojego v deň čuždich, i da ne poraduješisja o synech Iudinych v deň pogibeli ich, i da ne velerečiši v deň skorbi:
13 i ne vchodi vo vrata ljudij Moich v deň bolezni ich, i ne prezri i ty sonma ich v deň potreblenija ich, i ne soveščajsja na silu ich v deň pogibeli ich:
14 niže nastoj na ischody ich potrebiti izbegajuščyja ich, niže zaključaj bežaščyja ich v deň skorbi.
15 Poneže bliz deň Gospodeň na vsja jazyki: jakože sotvoril jesi, sice budet ti, vozdajanije tvoje vozdastsja na glavu tvoju.
16 Poneže jakože jesi pil na gore Mojej svjatej, ispijut vsi jazycy vino, ispijut i snidut, i budut jako ne byvšii.
17 V gore že Sioni budet spasenije, i budet svjata: i nasleďat dom Iakovl nasledivšich ja.
18 I budet dom Iakovl ogň, dom že Iosifov plameň, a dom Isavov v trostije, i vozgorjatsja na nich i pojaďat ja, i ne budet izbegajaj domu Isavovu, jako Gospoď glagola.
19 I nasleďat iže vo nageve goru Isavovu, i iže v razdolii inoplemenniki: i vozmut goru Jefremovu i pole Samarijsko, i Veniamina i Galaaditidu.
20 I preselenija načalo sije synom Izrailevym, zemlja Chananejska do Sarepty: preselenije že Ijerusalimle do Jefrafa: i nasleďat grady Nagevovy.
21 I vzydut spasaemii ot gory Sioni, ježe otmstiti goru Isavlju, i budet carstvo Gospodevi.
