Čisla

Slavjanskij tekst

1

1 I glagola Gospoď k Moiseju v pustyni Sinajstej, v skinii svidenija, v pervyj deň mesjaca vtorago, vtorago leta izšedšym im ot zemli Jegipetskija, glagolja:
2 vozmite sočtenije vsego sonma synov Izrailevych po srodstvom ich, po domom otečestva ich, po čislu imen ich, po glavam ich:
3 vsjak mužesk pol ot dvadesjati let i vyšše, vsjak ischoďaj s siloju Izrailevoju, sogljadajte ich s siloju ich, ty i Aaron sozirajte ich:
4 i s vami da budut s siloju svojeju kijždo, kijždo po plemeni kojegoždo ot kňazej, po domom otečestv da budut.
5 I sija imena mužej, iže stanut s vami: ot Ruvima Jelisur syn Sediurov,
6 ot Simeona Salamiil syn Surisadaev,
7 ot Iudy Naasson syn Aminadavl,
8 ot Issachara Nafanail syn Sogarov,
9 ot Zavulona Jeliav syn Cheloň,
10 ot synov Iosifovych, iže ot Jefrema, Jelisam syn Semiudov, ot Manassii Gamaliil syn Fadassurov,
11 ot Veniamiňa Avidan syn Gadeonijev,
12 ot Dana Achijezer syn Amisadaev,
13 ot Asira Fagaiil syn Jechranov,
14 ot Gada Jelisaf syn Raguilov,
15 ot Neffalima Achirej syn Jenaň.
16 Sii narečennii sonma kňazi ot plemen, po otečestvam ich, tysjaščenačalnicy Izrailevy suť.
17 I poja Moisej i Aaron mužy sija narečennyja imenem.
18 I ves sonm sobraša v pervyj deň mesjaca vtorago leta, i sogljadaša ja po rodom ich, po otečestvam ich, po čislu imen ich, ot dvadesjati let i vyšše, vsjak mužesk pol po glavam ich,
19 jakože povele Gospoď Moiseju: i sogljadašasja sii v pustyni Sinajstej.
20 I byša synove Ruvima, pervenca Izraileva, po srodstvom ich, po sonmom ich, po domom otečestv ich, po čislu imen ich, po glavam ich, vsjak mužesk pol ot dvadesjati let i vyšše, vsjak ischoďaj s siloju,
21 sogljadanije ich ot plemene Ruvimlja četyredesjať šesť tysjašč i pjať sot.
22 Synov Simeonovych po srodstvom ich, po sonmom ich, po domom otečestv ich, po čislu imen ich, po glavam ich, vsjak mužesk pol ot dvadesjati let i vyšše, vsjak ischoďaj s siloju,
23 sogljadanije ich ot plemene Simeoňa pjaťdesjat devjať tysjašč i trista.
24 Synov Iudinych po srodstvom ich, po sonmom ich, po domom otečestv ich, po čislu imen ich, po glavam ich, vsjak mužesk pol ot dvadesjati let i vyšše, vsjak ischoďaj s siloju,
25 sogljadanije ich ot plemene Iudina sedmdesjat četyri tysjaščy i šesť sot.
26 Ot synov Issacharovych po srodstvom ich, po sonmom ich, po domom otečestv ich, po čislu imen ich, po glavam ich, vsjak mužesk pol ot dvadesjati let i vyšše, vsjak ischoďaj s siloju,
27 sogljadanije ich ot plemene Issacharova pjaťdesjat i četyri tysjaščy i četyre sta.
28 Ot synov Zavulonich po srodstvom ich, po sonmom ich, po domom otečestv ich, po čislu imen ich, po glavam ich, vsjak mužesk pol ot dvadesjati let i vyšše, vsjak ischoďaj s siloju,
29 sogljadanije ich ot plemene Zavuloňa pjaťdesjat sedm tysjašč i četyre sta.
30 Ot synov Iosifovych, synov Jefremlich po srodstvom ich, po sonmom ich, po domom otečestv ich, po čislu imen ich, po glavam ich, vsjak mužesk pol ot dvadesjati let i vyšše, vsjak ischoďaj s siloju,
31 sogljadanije ich ot plemene Jefremlja četyredesjať tysjašč i pjať sot.
32 Ot synov Manassiinych po srodstvom ich, po sonmom ich, po domom otečestv ich, po čislu imen ich, po glavam ich, vsjak mužesk pol ich ot dvadesjati let i vyšše, vsjak ischoďaj s siloju,
33 sogljadanije ich ot plemene Manassiina tridesjať i dve tysjašči i dvesti.
34 Ot synov Veniaminovych po srodstvom ich, po sonmom ich, po domom otečestv ich, po čislu imen ich, po glavam ich, vsjak mužesk pol ich ot dvadesjati let i vyšše, vsjak ischoďaj s siloju,
35 sogljadanije ich ot plemene Veniamiňa tridesjať i pjať tysjašč i četyre sta.
36 Ot synov Gadovych, po srodstvom ich, po sonmom ich, po domom otečestv ich, po čislu imen ich, po glavam ich, vsjak mužeskij pol ich ot dvadesjati let i vyšše, vsjak ischoďaj s siloju,
37 sogljadanije ich ot plemene Gadova četyredesjať pjať tysjašč i šesť sot pjaťdesjat.
38 Ot synov Danovych po srodstvom ich, po sonmom ich, po domom otečestv ich, po čislu imen ich, po glavam ich, vsjak mužesk pol ich ot dvadesjati let i vyšše, vsjak ischoďaj s siloju,
39 sogljadanije ich ot plemene Danova šesťdesjat i dve tysjaščy i sedm sot.
40 Ot synov Asirovych po srodstvom ich, po sonmom ich, po domom otečestv ich, po čislu imen ich, po glavam ich, vsjak mužesk pol ich ot dvadesjati let i vyšše, vsjak ischoďaj s siloju,
41 sogljadanije ich ot plemene Asirova četyredesjať jedina tysjašča i pjať sot.
42 Ot synov Neffalimlich po srodstvom ich, po sonmom ich, po domom otečestv ich, po čislu imen ich, po glavam ich, vsjak mužesk pol ich ot dvadesjati let i vyšše, vsjak ischoďaj s siloju,
43 sogljadanije ich ot plemene Neffalimlja pjaťdesjat i tri tysjaščy i četyre sta.
44 Sije sočislenije, ježe sogljadaša Moisej i Aaron i kňazi Izrailevy, dvanadesjať mužej, muž jedin ot plemene jedinago, po plemeni domov otečestva ich byša.
45 I bysť vsego sogljadanija synov Izrailevych s siloju ich, ot dvadesjati let i vyšše, vsjak ischoďaj opolčatisja vo Izraili,
46 šesť sot tysjašč i tri tysjaščy i pjať sot i pjaťdesjat.
47 Leviti že ot plemene otečestva ich ne sočislišasja v synech Izrailevych.
48 I reče Gospoď k Moiseju, glagolja:
49 vižď, plejumene Leviina da na sočisliši, i čisla ich da ne priimeši sredi synov Izrailevych:
50 i ty pristavi levity k skinii svidenija i ko vsem sosudom jeja, i ko vsem, jelika suť v nej: da nosjat sii skiniju i vsja sosudy jeja, i tii da služat v nej, i okrest skinii da opolčajutsja:
51 i vnegda vozdvizati skiniju, da snimajut ju leviti, i vnegda postaviti skiniju, da vozstavjat: i inoplemennik pristupajaj da umret.
52 I da opolčajutsja synove Izrailevy, vsjak v svojem čine i vsjak po svojemu starejšinstvu, s siloju svojeju:
53 leviti že da opolčajutsja soprotiv, okrest skinii svidenija, i ne budet sogrešenija v synech Izrailevych, i da stregut leviti sami stražu skinii svidenija.
54 I sotvoriša synove Izrailevy po vsem, jelika zapoveda Gospoď Moiseju i Aaronu, tako sotvoriša.

2

1 I reče Gospoď k Moiseju i Aaronu, glagolja:
2 čelovek deržajsja po činu svojemu, po znamenijam, po domom otečestv svoich, da opolčajutsja synove Izrailevy pred Gospodem, okrest skinii svidenija da opolčajutsja synove Izrailevy.
3 I opolčajuščiisja pervii na vostok čin polka Iudina s siloju ich, i kňaz ot synov Iudinych Naasson syn Aminadavl:
4 sila jego sogljadanaja sedmdesjat i četyri tysjaščy i šesť sot.
5 I opolčajuščiisja bliz ot plemene Issacharova, i kňaz synov Issacharovych Nafanail syn Sogarov:
6 sila jego sogljadanaja pjaťdesjat i četyri tysjaščy i četyre sta.
7 I opolčajuščiisja bliz ot plemene Zavuloňa, i kňaz synov Zavulonich Jeliav syn Cheloň:
8 sila jego sogljadanaja pjaťdesjat sedm tysjašč i četyre sta.
9 Vsech sočtenych ot polka Iudina sto osmdesjat šesť tysjašč i četyre sta, s siloju ich pervii da vozdvizajutsja.
10 Činy polka Ruvimlja k jugu s siloju jego, i kňaz synov Ruvimlich Jelisur syn Sediurov:
11 sila jego sogljadanaja četyredesjať i šesť tysjašč i pjať sot.
12 I opolčajuščiisja bliz jego ot plemene Simeoňa, i kňaz synov Simeonich Salamiil syn Surisadain:
13 sila jego sočtenaja pjaťdesjat i devjať tysjašč i tri sta.
14 I opolčajuščiisja bliz jego ot plemene Gadova, i kňaz synov Gadovych Jelisaf syn Raguil:
15 sila jego sogljadanaja četyredesjať i pjať tysjašč i šesť sot i pjaťdesjat.
16 Vsech že sočtenych polka Ruvimlja sto pjaťdesjat jedina tysjašča i četyre sta i pjaťdesjat, s siloju ich vtorii da vozdvizajutsja.
17 I da vozdvignetsja skinija svidenija i polk levitskij posrede polkov: jakože opolčatsja, tako i da vozdvignutsja, kijždo deržasja po činu svojemu.
18 Čin polka Jefremlja k morju s siloju ich, i kňaz synov Jefremlich Jelisama syn Jemiudov:
19 sila jego sočtenaja četyredesjať tysjašč i pjať sot.
20 I opolčajuščiisja bliz plema Manassiino, i kňaz synov Manassiinych Gamaliil syn Fadassurov:
21 sila jego sogljadanaja tridesjať dve tysjaščy i dvesti.
22 I opolčajuščiisja bliz ot plemene Veniamiňa, i kňaz synov Veniaminich Avidan syn Gadeonijev:
23 sila jego sočtenaja tridesjať pjať tysjašč i četyre sta.
24 Vsech sočtenych polka Jefremlja sto osm tysjašč i sto, s siloju ich gretii da vozdvizajutsja.
25 Čin polka Danova k severu s siloju ich, i kňaz synov Danovych Achijezer syn Amisadain:
26 sila jego sogljadanaja šesťdesjat dve tysjaščy i sedm sot.
27 I opolčajuščiisja bliz jego plema Asirovo, i kňaz synov Asirovych Fagaiil syn Jechranov:
28 sila jego sogljadanaja četyredesjať jedina tysjašča i pjať sot.
29 I opolčajuščiisja bliz plema Neffalimle, i kňaz synov Neffalimlich Achirej syn Jenaň:
30 sila jego sogljadanaja pjaťdesjat tri tysjaščy i četyre sta.
31 Vsech sočtenych polka Danova sto pjaťdesjat sedm tysjašč i šesť sot, s siloju ich poslednii da vozdvizajutsja po činu svojemu.
32 Sije sočtenije synov Izrailevych po domom otečestv ich: vsja sogljadanija polkov s silami ich šesť sot tri tysjaščy i pjať sot pjaťdesjat.
33 Leviti že ne sogljadašasja sredi synov Izrailevych, jakože zapoveda Gospoď Moiseju.
34 I sotvoriša synove Izrailevy vsja, jelika zapoveda Gospoď Moiseju: tako opolčachusja po činom svoim, i tako vozdvizachusja kijždo bliz po sonmom svoim, po domom otečestv svoich.

3

1 I sija roždenija Aarona i Moisea, v deň v oňže glagola Gospoď Moiseju na gore Sinajstej:
2 i sija imena synov Aaronich: pervenec Nadav i Aviud, i Jeleazar i Ifamar:
3 sija imena synov Aaronich, žercy pomazanyja, imže soveršišasja ruce ich žreti:
4 i skončašasja Nadav i Aviud pred Gospodem, prinosjaščym im ogň čužď pred Gospodem v pustyni Sinajstej, i čad ne be im: i žrečestvovachu Jeleazar i Ifamar so Aaronom, otcem svoim.
5 I reče Gospoď k Moiseju, glagolja:
6 poimi plema Leviino, i postaviši ja pred Aaronom žercem, i da služat jemu:
7 i da stregut stražby jego i stražby synov Izrailevych pred skinijeju svidenija, delati dela skinii:
8 i da chraňat vsja sosudy skinii svidenija i stražby synov Izrailevych po vsem delom skinii:
9 i da dasi levity Aaronu bratu tvojemu i synom jego žercem: v dar dany sii Mne suť ot synov Izrailevych:
10 i Aarona i syny jego postaviši nad skinijeju svidenija, i da chraňat žrečestvo svoje, i vsja jaže u oltarja i vnutr zavesy: inoplemennik že prikasajajsja umret.
11 I reče Gospoď k Moiseju, glagolja:
12 i se, Az vzjach levity ot sredy synov Izrailevych, vmesto vsjakago pervenca, otverzajuščago ložesna ot synov Izrailevych: iskuplenija ich budut, i da budut Mne leviti:
13 Mne bo vsjak pervenec: v oňže deň pobich vsjakago pervenca v zemli Jegipetstej, osvjatich Sebe vsjakago pervenca vo Izraili, ot čeloveka do skota Mne da budut: Az Gospoď.
14 I reče Gospoď k Moiseju v pustyni Sinajstej, glagolja:
15 sogljadaj synov Leviinych po domom otečestv ich po sonmom ich, po roždeniju ich: vsjak mužesk pol ot mesjaca jedinago i vyšše da sogljadaete ich.
16 I sočte ich Moisej i Aaron povelenijem Gospodnim, jakože povele im Gospoď.
17 I bjachu sii synove Leviiny ot imen ich: Girson, Kaaf i Merari.
18 I sija imena synov Girsonich po sonmom ich: Loveni i Semej.
19 I synove Kaafovy po sonmom ich: Amram i Issaar, Chevron i Oziil.
20 I synove Merariny po sonmom ich: Mooli i Musi: sii suť sonmi Levitstii po domom otečestv ich.
21 Ot Girsona sonm Loveniin i sonm Semeiň: sii suť sonmi Girsonovy.
22 Sogljadanije ich po čislu vsego mužeska polu, ot mesjaca jedinago i vyšše, sogljadanije ich sedm tysjašč i pjať sot.
23 I synove Girsonovy za skinijeju da opolčajutsja k morju.
24 I kňaz domu otečestva sonma Girsoňa Jelisaf syn Dail.
25 I stražba synov Girsonovych v skinii svidenija, skinija i pokrov jeja, i pokrov dverij skinii svidenija,
26 i opony dvora, i zavesa dverij dvora, iže jesť u skinii, i pročaja vsech del jego.
27 Ot Kaafa sonm Amraml jedin i sonm Issaarov jedin, i sonm Chevroň jedin i sonm Oziil jedin: sii suť sonmi Kaafovy:
28 po čislu vsjak mužesk pol ot mesjaca jedinago i vyšše osm tysjašč i šesť sot, streguščii stražby Svjatych.
29 Sonmi synov Kaafovych da opolčajutsja ot strany skinii k jugu,
30 i kňaz domu otečestv sonmov Kaafovych Jelisafan syn Oziil:
31 i stražba ich kivot i trapeza, i svetilnik i oltari, i sosudy svjatago, v nichže služat, i pokrov, i vsja dela ich.
32 I kňaz nad kňazi levitskimi Jeleazar syn Aarona žerca, postavlen strešči stražby svjatych.
33 Ot Merara že sonm Mooli i sonm Musi: sii suť sonmi Merariny,
34 sogljadanije ich po čislu, vsjak mužesk pol ot mesjaca jedinago i vyšše, šesť tysjašč i dvesti.
35 I kňaz domu otečestv sonma Merarina Suriil syn Avicheov: ot strany skinii da opolčajutsja k severu,
36 sogljadanije stražby synov Merarinych glavicy skinii i verei jeja, i stolpy jeja i stojala jeja, i vsja sosudy ich i vsja dela ich,
37 i stolpy dvora okrest i stojala ich, i kolki ich i vervi ich.
38 Opolčajuščiisja sopredi skinii svidenija na vostoki Moisej i Aaron i synove jego, stregušče stražby svjatago, v stražbach synov Izrailevych: i inoplemennik prikasajajsja da umret.
39 Vse sogljadanije levitov, ichže sogljada Moisej i Aaron povelenijem Gospodnim po sonmom ich, vsjak mužesk pol ot mesjaca jedinago i vyšše, dvadesjať i dve tysjaščy.
40 I reče Gospoď k Moiseju, glagola: sogljadaj vsjakago pervenca mužeska polu synov Izrailevych ot mesjaca jedinago i vyšše, i vozmi čislo ich po imeni,
41 i da pojmeši Mne levity za vsja pervency synov Izrailevych: Az Gospoď: i skoty levitski vmesto vsech pervencev v skotech synov Izrailevych.
42 I sogljada Moisej, jakože zapoveda jemu Gospoď, vsjakago pervenca v synech Izrailevych.
43 I byša vsi pervency mužeskago polu, po čislu imen ot mesjaca jedinago i vyšše, ot sogljadanija ich dvadesjať dve tysjaščy dvesti i sedmdesjat tri.
44 I reče Gospoď k Moiseju, glagolja:
45 poimi levity vmesto vsech pervencev synov Izrailevych, i skoty levitski vmesto skotov ich, i budut Mne levity: Az Gospoď:
46 i iskup dvu sot sedmidesjati trech, iže preizbyvajut sverch levitov ot pervencov synov Izrailevych:
47 i da vozmeši po pjati sikl na glavu, po siklju svjatomu vozmeši dvadesjať peňazej sikl,
48 i dasi srebro Aaronu i synom jego iskup ot preizbyvajuščich v nich.
49 I vzja Moisej srebro iskupnoje ot preizbyvajuščich v nich na iskup levitom:
50 ot pervenec synov Izrailevych vzja srebra tysjašču tri sta šesťdesjat pjať siklev, po siklju svjatomu.
51 I dade Moisej okup ot preizbyvšich Aaronu i synom jego, povelenijem Gospodnim, jakože zapoveda Gospoď Moiseju.

4

1 I reče Gospoď k Moiseju i Aaronu, glagolja:
2 vozmi sočislenije synov Kaafovych ot sredy synov Leviinych, po sonmom ich, po domom otečestv ich,
3 ot dvadesjati i pjati let i vyšše, daže do pjatidesjati let, vsjak vchoďaj služiti, tvoriti vsja dela v skinii svidenija.
4 I sija dela synov Kaafovych ot sredy synov Leviinych, po sonmom ich, po domom otečestv ich, v skinii svidenija Svjatoje Svjatych.
5 I da vnidut Aaron i synove jego, jegda vozdvignetsja polk, i da snimut zavesu oseňajuščuju, i da obvijut v ňu kivot svidenija,
6 i da pokryjut jego pokrovom kožanym sinim, i da vozložat naň odeždu vsju sinetnuju sverchu, i da vložat nosila:
7 i na trapeze predloženija da položat na nej odeždu vsju bagrjanuju i bljuda, i kadilnicy i čašy, i vozlivalnicy, imiže vozlivajut, i chleby na nej vsegda da budut:
8 i da vozložat na ňu odeždu červlenu, i da pokryjut ju pokrovom kožanym sinim, i da vložat nosila jeja:
9 i da vozmut odeždu siňu, i pokryjut svetilnik sveťjaščij i sveščy jego, i ščipcy jego i očiščala jego, i vsja sosudy jelea jego, imiže služat v nich:
10 i da vložat jego i vsja sosudy jego v pokrov kožan sinij, i da vozložat jego na nosila:
11 i na oltar zlatyj da položat odeždu siňu, i da pokryjut jego pokrovom kožanym sinim, i da vložat nosila jego:
12 i da vozmut vsja sosudy služebnyja, jelikimi služat v nich vo svjatych, i vložat vo odeždu siňu, i da pokryjut ich pokrovom kožanym sinim, i da vozložat na nosila:
13 i pokrov da vozložat na oltar, i pokryjut jego odeždoju vseju bagrjanoju:
14 i da vozložat na nego vsja sosudy jego, jelikimi služat na nem v nich, i kadilniki, i vilicy i čašy, i pokrov i vsja sosudy oltarja, i da vozložat na nego pokrov kožan siň i da vložat nosila jego: i da vozmut odeždu bagrjanu, i da pokryjut umyvalnicu i stojala jeja: i da vložat ju v pokrov kožanyj sinij, i da vozložat na nosila.
15 I soveršat Aaron i synove jego, pokryvajušče svjataja i vsja sosudy svjatyja, vnegda vozdvizatisja polku: i po sich da vnidut synove Kaafovy vozdvizati, i da ne prikosnutsja svjatych, da ne umrut. Sija da vozdvizajut synove Kaafovy v skinii svidenija.
16 Nadsmotritel Jeleazar, syn Aarona žerca, jelej svetilnyj, i fimiam složenija, i žertva jaže po vsja dni, i jelej pomazanija, nadsmotrenije vseja skinii i jelika suť v nej vo svjatem, vo vsech delech.
17 I reče Gospoď k Moiseju i Aaronu, glagolja:
18 ne potrebite sonm plemene Kaafova ot sredy levitov:
19 sije sotvorite im, i živi budut i ne umrut: prichoďaščym im ko Svjatym Svjatych, Aaron i synove jego da vnidut i da ustrojat ich kojegoždo po nošeniju jego,
20 i da ne vnidut vnezapu videti svjataja, i umrut.
21 I reče Gospoď k Moiseju, glagolja:
22 vozmi sočislenije synov Girsonich, i iže po domom otečestv ich, po sonmom ich i po plemenem ich,
23 ot dvadesjati i pjati let i vyšše, daže do pjatidesjati let, sogljadajte ja, vsjak vchoďaj služiti i tvoriti dela v skinii svidenija.
24 Sija služba sonma Girsonova, služiti i vozdvizati.
25 I da vozdvignet opony skinii i skiniju svidenija, i pokrov jeja i pokrov sinij suščij sverch jeja, i oponu dverij skinii svidenija,
26 i opony dvora, i zavesu dverij dvora, jelika nad skinijeju svidenija, i jaže okrest oltarja, i pročaja ich, i vsja sosudy služebnyja, jelikimi služat v nich, da sotvorjat.
27 Po slovu Aarona i synov jego da budet vsja služba synov Girsonovych po vsem službam ich i po vsem delam ich: i da sogljadaeši ich po imenam, vsja nosimaja imi.
28 Sija služba sonma synov Girsonovych v skinii svidenija, i stražba ich rukoju Ifamara, syna Aaroňa žerca.
29 Synove Merariny po sonmom ich, po domom otečestv ich, sogljadajte ich,
30 ot dvadesjati i pjati let i vyšše, daže do pjatidesjati let, sogljadajte ich, vsjak vchoďaj služiti dela skinii svidenija.
31 I sija chranenija vozdvizaemych imi, po vsem delom ich v skinii svidenija: glavicy skinii i verei jeja, i stolpy jeja i stojala jeja, i pokrov i stojala ich, i stolpy ich, i pokrov dverij skinii,
32 i stolpy dvora okrest i stojala ich, i stolpy zavesy dverij dvora i stojala ich, i kolki ich i vervi ich, i vsja sosudy ich i vsja služenija ich: po imenam sogljadajte ich i vsja sosudy stražby vozdvizaemych imi.
33 Sija služba sonma synov Merarinych vo vsech delech ich, v skinii svidenija rukoju Ifamara, syna Aaroňa žerca.
34 I sogljada Moisej i Aaron i kňazi Izrailevy syny Kaafovy po sonmom ich, po domom otečestv ich,
35 ot dvadesjati i pjati let i vyšše, daže do pjatidesjati let, vsjak vchoďaj služiti i tvoriti dela v skinii svidenija.
36 I bysť sogljadanije ich po sonmom ich, dve tysjaščy sedm sot pjaťdesjat.
37 Sije sočtenije sonma Kaafova, vsech služaščich v skinii svidenija, jakože sogljada Moisej i Aaron povelenijem Gospodnim, rukoju Moiseovoju.
38 I sogljadani byša synove Girsoni po sonmom svoim, po domom otečestv svoich,
39 ot dvadesjati i pjati let i vyšše, daže do pjatidesjati let, vsjak vchoďaj služiti i tvoriti dela v skinii svidenija.
40 I bysť sogljadanije ich po sonmom ich, po domom otečestv ich, dve tysjaščy šesť sot tridesjať.
41 Sije sogljadanije sonma synov Girsonovych, vsech služaščich v skinii svidenija, ichže sogljadaša Moisej i Aaron po glagolu Gospodňu, rukoju Moiseovoju.
42 Sogljadani že byša synove Merariny po sonmom svoim, po domom otečestv svoich,
43 ot dvadesjati i pjati let i vyšše, daže do pjatidesjati let, vsjak vchoďaj služiti na dela skinii svidenija.
44 I bysť sočtenije ich po plemenom ich, po sonmom ich, po domom otečestv ich, tri tysjaščy i dvesti.
45 Sije sočislenije sonma synov Merarinych, ichže sogljada Moisej i Aaron po glagolu Gospodňu, rukoju Moiseovoju.
46 Vsi sogljadannii levity, ichže sogljada Moisej i Aaron i kňazi synov Izrailevych, po sonmom ich i po domom otečestv ich,
47 ot dvadesjati i pjati let i vyšše, daže do pjatidesjati let, vsjak vchoďaj na delo del, i k delam vozdvizaemym v skinii svidenija.
48 I byša sogljadannii osm tysjašč pjať sot osmdesjat.
49 Povelenijem Gospodnim sogljadaše ich Moisej, muža po mužu nad dely ich, i jaže vozdvizachu sii, i sogljadani suť, jakože povele Gospoď Moiseju.

5

1 I reče Gospoď k Moiseju, glagolja:
2 poveli synom Izrailevym, i da izgoňat iz polka vsjakago prokažennago, i vsjakago prolivajuščago sema, i vsjakago nečistago dušeju:
3 ot mužeska polu do ženska, izgonite vne polka, i da ne oskverňat polkov svoich, v nichže Az prebyvaju.
4 I sotvoriša synove Izrailevy tako, i izgnaša ich vne polka: jakože glagola Gospoď Moiseju, tako sotvoriša synove Izrailevy.
5 I reče Gospoď k Moiseju, glagolja:
6 rcy synom Izrailevym, glagolja: muž ili žena, iže ašče sotvorit ot vsech grechov čelovečeskich i preziraja prezrit Gospoda, i prestupit duša ona:
7 da ispovesť grech, jegože sotvori, i da otdast prestuplenije istoje, pjatuju časť jego da priložit k tomu, i da otdast, jemuže sogreši.
8 Ašče že nesť čeloveku užika, jako otdati jemu prestuplenije, prestuplenije otdaemoje Gospodu, žercu da budet, krome ovna očiščenija, imže pomolitsja o nem.
9 I vsjak načatok, i vsja osvjaščaemaja v synech Izrailevych, jelika ašče prinosjat Gospodu, žercu samomu da budut:
10 i kojegoždo osvjaščenaja, tomu da budut i muž ašče dast žercu, tomu da budet.
11 I reče Gospoď k Moiseju, glagolja:
12 glagoli synom Izrailevym i rečeši k nim: muža, muža ašče prestupit žena jego, i prezirajušči prezrit jego,
13 i budet kto s neju ložem semene, i utaitsja ot očiju muža jeja, i ukryetsja, ona že budet oskvernena, i svidetelja ne budet na ňu i sija nesť jata,
14 i priidet na nego duch revnovanija, i vozrevnujet k žene svojej, ona že oskvernena jesť, ili priidet jemu duch revnovanija, i vozrevnujet k žene svojej, ona že ne budet oskvernena,
15 i da privedet muž ženu svoju k žercu, i da prineset dar za ňu, desjatuju časť mery jefi muki jačnyja: da ne vozlijet na ňu jelea, niže da vozložit na ňu livana: žertva bo revnovanija jesť, žertva pamati vospominajuščaja grech.
16 I privedet ju žrec i postavit ju pred Gospodem:
17 i da vozmet žrec vodu živu čistu v sosude gliňane, i ot persti na zemli suščija u skinii svidenija, i vzem žrec da vsyplet v vodu:
18 i da postavit žrec ženu pred Gospodem, i da otkryet glavu žene, i da dast v ruce jeja žertvu pamati, žertvu revnovanija: v ruce že žerca da budet voda obličenija kljatvennaja sija.
19 I da zaklenet ju žrec i rečet žene: ašče niktože bysť s toboju, i nesi prestupila oskvernitisja pod mužem tvoim, nevinna budi ot vody obličenija kljatvennyja seja:
20 ašče že prestupila jesi, mužata sušči, ili oskvernena jesi, i dade kto tebe lože svoje, krome muža tvojego.
21 I zaklenet žrec ženu kljatvami kljatvy seja, i rečet žrec žene: da dast ťja Gospoď v kljatvu i prokljatije sredi ljudij tvoich, vnegda dati Gospodu stegnu tvojemu otpasti i črevu tvojemu razsestisja:
22 i vnidet voda kljatvennaja sija vo črevo tvoje, ježe rastorgnuti utrobu tvoju, i otpasti stegnu tvojemu. I otveščaet žena:
23 i da napišet žrec kljatvy sija v knize, i izgladit v vode obličenija kljatvennago:
24 i napoit ženu vodoju obličenija kljatvennoju, i vnidet v ňu voda kljatvennaja obličenija.
25 I da vozmet žrec ot ruki ženski žertvu revnovanija, i da vozložit žertvu pred Gospodem, i da prineset ju ko oltarju:
26 i da vozmet žrec gorstiju ot žertvy pamať jeja, i da prineset ju na oltar, i po sem napoit vodoju ženu.
27 I budet aše jesť oskvernena, i ašče utaenijem utaisja ot muža svojego, i vnidet v ňu voda kljatvennaja obličenija, i nadmet črevo jeja, i otpadet stegno jeja, i budet žena v prokljatije v ljudech svoich:
28 ašče že ne budet oskvernena žena, i čista jesť, i nevinna budet, i plodstvovati budet sema.
29 Sej zakon revnovanija, komulibo ašče prestupit žena, mužata sušči, i oskvernitsja:
30 ili čelovek, jemuže ašče najdet naň duch revnovanija, i vozrevnujet k žene svojej, i postavit ženu svoju pred Gospodem, i da sotvorit jej žrec ves zakon sej:
31 i čist budet čelovek ot grecha, i žena ta vozmet grech svoj.

6

1 I reče Gospoď k Moiseju, glagolja:
2 glagoli synom Izrailevym i rečeši k nim: muž ili žena, iže aše obeščaetsja zelo obetom, ježe očistitisja čistotoju Gospodu,
3 da vozderžitsja ot vina i sikera, i octa vinna i octa ot sikera da ne pijet: i, jelika delajutsja ot grozd vinnych, da ne pijet, i grozdija svežago i suchago da ne snest.
4 Vo vsja dni obeta svojego ot vsech, jelika byvajut ot vinničiny vina, ot kosti i do skorlupy da ne pijete, niže jaste ot vsego.
5 Vo vsja dni obeta očiščenija svojego britva da ne vzydet na glavu jego, dondeže skončajutsja dnije, jeliki obeščal jesť Gospodu: svjat budet rasťjaj vlasy glavy svojeja.
6 Vo vsja dni obeta svojego Gospodu, ko vsjakoj duše skončavšejsja da ne vnidet.
7 Nad otcem i nad materiju, i nad bratom i nad sestroju, da ne oskvernitsja nad nimi, umeršym im, jako obet Boga jego na glave jego.
8 Vsja dni obeta jego svjat budet Gospodu.
9 Aše že kto smertiju vnezapu umret u nego, abije oskvernitsja glava obeta jego, i obrijet glavu svoju, v oňže deň očistitsja, v deň sedmyj da obrijetsja,
10 i v deň osmyj da prineset dva gorličišča ili dva ptenca golubina k žercu pred dveri skinii svidenija:
11 i da sotvorit žrec jedinu grecha radi, i druguju vo vsesožženije, i da pomolitsja o nem žrec, o nichže sogreši, o duši, i osvjatit glavu svoju v toj deň, v oňže osvjatisja Gospodu, vo dni obeta svojego.
12 I da privedet agnca jedinoletna v prestuplenije, i dnije prežnii da ne budut jemu v čislo, poneže oskvernisja glava obeta jego.
13 I sej zakon obeščavšagosja, v oňže deň skončaet dni obeta svojego, da prineset sam k dverem skinii svidenija:
14 i da privedet dar svoj Gospodu agnca jedinoletna neporočna jedinago vo vsesožženije, i agnicu jedinoletnu jedinu neporočnu grecha radi, i ovna jedinago neporočna vo spasenije,
15 i koš opresnokov ot muki pšeničny, chleby smešany s jelejem, i opresnoki pomazany jelejem, i žertvu ich i vozlijanije ich.
16 I da prineset žrec pred Gospoda, i da sotvorit ježe grecha radi jego, i vsesožženije jego,
17 i ovna sotvorit žertvu spasenija Gospodu na košnice opresnokov, i da sotvorit žrec žertvu jego i vozlijanije jego.
18 I da obrijet obeščavyj pred dvermi skinii svidenija glavu obeta svojego, i da vozložit vlasy na ogň, iže jesť pod žertvoju spasenija:
19 i da vozmet žrec ramo vareno ot ovna, i chleb jedin opresnočnyj ot košnicy, i opresnok jedin, i da vozložit na ruki obeščavšemusja, po obritii glavy jego,
20 i da prineset ja žrec vozloženije pred Gospoda: svjato da budet žercu na grudech vozloženija i na rame učastija: i po sich obeščavyjsja da pijet vino.
21 Sej zakon obeščavšagosja, iže ašče obeščaet dar Gospodu o obete, krome sich jaže obrjaščet ruka jego: po sile obeta jego, jegože ašče obeščaet, po zakonu očiščenija.
22 I reče Gospoď k Moiseju, glagolja.
23 Rcy Aaronu i synom jego, glagolja: sice blagoslovite syny Izrailevy, glagoljušče im:
24 da blagoslovit ťja Gospoď i sochranit ťja:
25 da prosvetit Gospoď lice Svoje na ťja i pomilujet ťja:
26 da vozdvignet Gospoď lice Svoje na ťja i dast ti mir:
27 i da vozložat ima Moje na syny Izrailevy, i Az Gospoď blagoslovlju ja.

7

1 I bysť v deň v oňže skonča Moisej, jakože postaviti skiniju, i pomaza ju, i osvjati ju i vsja sosudy jeja, i oltar i vsja sosudy jego, i pomaza ja.
2 I privedoša kňazi Izrailtestii dvanadesjať, kňazi domov otečestv svoich, sii kňazi kojegoždo plemene, sii predstojaščii nad sogljadanijem:
3 i privedoša dary svoja pred Gospoda šesť kolesnic pokrytych i dvanadesjať volov: kolesnicu jedinu ot dvoich kňazej, i telca ot kojegoždo i privedoša pred skiniju.
4 I reče Gospoď k Moiseju, glagolja:
5 vozmi ot nich, i da budut na dela služebnaja skinii svidenija: i dasi ja levitom, kojemuždo po jego služeniju.
6 I vzem Moisej kolesnicy i voly, dade ja levitom:
7 dve kolesnicy i četyri voly dade synom Girsonim po službam ichže,
8 i četyri kolesnicy i osm volov dade synom Merarinym po službam ich, črez Ifamara, syna Aarona žerca:
9 i synom Kaafovym ne dade, jako služby svjatago imejut: na ramenach da vozdvizajut ja.
10 I prinesoša kňazi na obnovlenije oltarja v deň, v oňže pomaza jego, i prinesoša kňazi dary svoja pred oltar.
11 I reče Gospoď k Moiseju: kňaz jedin na deň, kňaz na deň da prinesut dary svoja na obnovlenije oltarja.
12 I bjaše prinosjaj dar svoj v pervyj deň Naasson syn Aminadavl, kňaz plemene Iudina:
13 i prinese dar svoj, bljudo srebrjano jedino, ves jego sto i tridesjať sikl: čašu jedinu srebrjanu sedmdesjat sikl, po siklju svjatomu: oboja polny muki pšeničny sprjaženy s jelejem na žertvu:
14 fimiamnik jedin desjati zlatnik, poln fimiama:
15 telca jedinago ot volov, ovna jedinago, agnca jedinago jedinoletna vo vsesožženije:
16 i kozla ot koz jedinago grecha radi:
17 i na žertvu spasenija junicy dve, ovnov pjať, kozlov pjať, agnic jedinoletnych pjať: sej dar Naassona syna Aminadavlja.
18 Vo vtoryj deň prinese Nafanail syn Sogarov, kňaz plemene Issacharja:
19 i prinese dar svoj, bljudo srebrjano jedino, ves jego sto i tridesjať sikl: čašu jedinu srebrjanu sedmdesjat sikl, po siklju svjatomu: oboja polny muki pšeničny sprjaženy s jelejem na žertvu:
20 fimiamnik jedin desjati zlatnik, poln fimiama:
21 telca jedinago ot volov, ovna jedinago, agnca jedinago jedinoletna vo vsesožženije:
22 i kozla ot koz jedinago grecha radi:
23 i na žertvu spasenija junicy dve, ovnov pjať, kozlov pjať, agnic jedinoletnych pjať: sej dar Nafanaila syna Sogarova.
24 V tretij deň kňaz synov Zavulonich, Jeliav syn Chelonov:
25 dar jego bljudo srebrjano jedino, ves jego sto i tridesjať sikl: čašu jedinu srebrjanu sedmdesjat sikl, po siklju svjatomu: oboja polny muki pšeničny sprjaženy s jelejem na žertvu:
26 fimiamnik jedin desjati zlatnik, poln fimiama:
27 telca jedinago ot volov, ovna jedinago, agnca jedinago jedinoletna vo vsesožženije:
28 i kozla ot koz jedinago grecha radi:
29 i na žertvu spasenija junicy dve, ovnov pjať, kozlov pjať, agnic jedinoletnych pjať: sej dar Jeliava syna Chelonova.
30 V četvertyj deň kňaz synov Ruvimlich, Jelisur syn Sediurov:
31 dar jego bljudo srebrjano jedino, ves jego sto i tridesjať sikl: čašu jedinu srebrjanu sedmdesjat sikl, po siklju svjatomu: oboja polny muki pšeničny sprjaženy s jelejem na žertvu:
32 fimiamnik jedin desjati zlatnik, poln fimiama:
33 telca jedinago ot volov, ovna jedinago, agnca jedinago jedinoletna vo vsesožženije:
34 i kozla ot koz jedinago grecha radi:
35 i na žertvu spasenija junicy dve, ovnov pjať, kozlov pjať, agnic jedinoletnych pjať: sej dar Jelisura syna Sediurova.
36 V pjatyj deň kňaz synov Simeonich, Salamiil syn Surisadail:
37 dar jego bljudo srebrjano jedino, ves jego sto i tridesjať sikl: čašu jedinu srebrjanu sedmdesjat sikl, po siklju svjatomu: oboja polny muki pšeničny sprjaženy s jelejem na žertvu:
38 fimiamnik jedin desjati zlatnik, poln fimiama:
39 telca jedinago ot volov, ovna jedinago, agnca jedinago jedinoletna vo vsesožženije:
40 i kozla ot koz jedinago grecha radi:
41 i na žertvu spasenija junicy dve, ovnov pjať, kozlov pjať, agnic jedinoletnych pjať: sej dar Salamiila syna Surisadailja.
42 V šestyj deň kňaz synov Gadovych, Jelisaf syn Raguilev:
43 dar jego bljudo srebrjano jedino, ves jego sto i tridesjať sikl: čašu jedinu srebrjanu sedmdesjat sikl, po siklju svjatomu: oboja polny muki pšeničny sprjaženy s jelejem na žertvu:
44 fimiamnik jedin desjati zlatnik, poln fimiama:
45 telca jedinago ot volov, ovna jedinago, agnca jedinago jedinoletna vo vsesožženije:
46 i kozla ot koz jedinago grecha radi:
47 i na žertvu spasenija junicy dve, ovnov pjať, kozlov pjať, agnic jedinoletnych pjať: sej dar Jelisafa syna Raguileva.
48 V sedmyj deň kňaz synov Jefremlich, Jelisama syn Jemiudov:
49 dar jego bljudo srebrjano jedino, ves jego sto i tridesjať sikl: čašu jedinu srebrjanu sedmdesjat sikl, po siklju svjatomu: oboja polny muki pšeničny sprjaženy s jelejem na žertvu:
50 fimiamnik jedin desjati zlatnik, poln fimiama:
51 telca jedinago ot volov, ovna jedinago, agnca jedinago jedinoletna vo vsesožženije:
52 i kozla ot koz jedinago grecha radi:
53 i na žertvu spasenija junicy dve, ovnov pjať, kozlov pjať, agnic jedinoletnych pjať: sej dar Jelisamy syna Jemiudova.
54 V osmyj deň kňaz synov Manassiinych, Gamaliil syn Fadassurov:
55 dar jego bljudo srebrjano jedino, ves jego sto i tridesjať sikl: čašu jedinu srebrjanu sedmdesjat sikl, po siklju svjatomu: oboja polny muki pšeničny sprjaženy s jelejem na žertvu:
56 fimiamnik jedin desjati zlatnik, poln fimiama:
57 telca jedinago ot volov, ovna jedinago, agnca jedinago jedinoletna vo vsesožženije:
58 i kozla ot koz jedinago grecha radi:
59 i na žertvu spasenija junicy dve, ovnov pjať, kozlov pjať, agnic jedinoletnych pjať: sej dar Gamaliila syna Fadassurova.
60 V devjatyj deň kňaz synov Veniaminich, Avidan syn Gadeonin:
61 dar jego bljudo srebrjano jedino, ves jego sto i tridesjať sikl: čašu jedinu srebrjanu sedmdesjat sikl, po siklju svjatomu: oboja polny muki pšeničny sprjaženy s jelejem na žertvu:
62 fimiamnik jedin desjati zlatnik, poln fimiama:
63 telca jedinago ot volov, ovna jedinago, agnca jedinago jedinoletna vo vsesožženije:
64 i kozla ot koz jedinago grecha radi:
65 i na žertvu spasenija junicy dve, ovnov pjať, kozlov pjať, agnic jedinoletnych pjať: sej dar Avidana, syna Gadeonina.
66 V desjatyj deň kňaz synov Danovych, Achijezer syn Amisadain:
67 dar jego bljudo srebrjano jedino, ves jego sto i tridesjať sikl: čašu jedinu srebrjanu sedmdesjat sikl, po siklju svjatomu: oboja polny muki pšeničny sprjaženy s jelejem na žertvu:
68 fimiamnik jedin desjati zlatnik, poln fimiama:
69 telca jedinago ot volov, ovna jedinago, agnca jedinago jedinoletna vo vsesožženije:
70 i kozla ot koz jedinago grecha radi:
71 i na žertvu spasenija junicy dve, ovnov pjať, kozlov pjať, agnic jedinoletnych pjať: sej dar Achijezera syna Amisadaina.
72 V pervyjnadesjať deň kňaz synov Asirovych, Fagaiil syn Jechraň:
73 dar jego bljudo srebrjano jedino, ves jego sto i tridesjať sikl: čašu jedinu srebrjanu sedmdesjat sikl, po siklju svjatomu: oboja polny muki pšeničny sprjaženy s jelejem na žertvu:
74 fimiamnik jedin desjati zlatnik, poln fimiama:
75 telca jedinago ot volov, ovna jedinago, agnca jedinago jedinoletna vo vsesožženije:
76 i kozla ot koz jedinago grecha radi:
77 i na žertvu spasenija junicy dve, ovnov pjať, kozlov pjať, agnic jedinoletnych pjať: sej dar Fagaiila syna Jechraňa.
78 Vo vtoryjnadesjať deň kňaz synov Neffalimlich, Achirej syn Jenaň:
79 dar jego bljudo srebrjano jedino, ves jego sto i tridesjať sikl: čašu jedinu srebrjanu sedmdesjat sikl, po siklju svjatomu: oboja polny muki pšeničny sprjaženy s jelejem na žertvu:
80 fimiamnik jedin desjati zlatnik, poln fimiama:
81 telca jedinago ot volov, ovna jedinago, agnca jedinago jedinoletna vo vsesožženije:
82 i kozla ot koz jedinago grecha radi:
83 i na žertvu spasenija junicy dve, ovnov pjať, kozlov pjať, agnic jedinoletnych pjať: sej dar Achirea syna Jenaňa.
84 Sije obnovlenije oltarja, v oňže deň pomaza jego, ot kňazej synov Izrailevych, bljud srebrjanych dvanadesjať, čaš srebrjanych dvanadesjať, fimiamnikov zlatych dvanadesjať:
85 po svjatu i tridesjati sikl v kojemždo bljude, i po sedmidesjati sikl čaša jedina: vsego srebra v sosudech dve tysjaščy četyresta siklev, po siklju svjatomu:
86 fimiamnikov zlatych dvanadesjať polnych fimiama, po desjati zlatnik v kojemždo fimiamnike, po siklju svjatomu: vsego zlata v fimiamnicech sto i dvadesjať zlatnik.
87 Vsech govjad vo vsesožženije, telcov dvanadesjať, ovnov dvanadesjať, agncev jedinoletnych dvanadesjať, i žertvy ich i vozlijanija ich: i kozlov ot koz dvanadesjať, grecha radi:
88 vsech govjad na žertvu spasenija, junic dvadesjať četyre, ovnov šesťdesjat, kozlov jedinoletnych šesťdesjat, agnic jedinoletnych neporočnych šesťdesjat. Sije obnovlenije oltarja, po ispolnennii ruk jego i po pomazanii jego.
89 Jegda vchoždaše Moisej v skiniju svidenija glagolati jemu, i uslyša glas Gospoda, glagoljušča k nemu svyše očistilišča, ježe jesť nad kovčegom svidenija meždu dvema cheruvimy: i glagolaše k nemu.

8

1 I reče Gospoď k Moiseju, glagolja:
2 glagoli Aaronu i rečeši k nemu: jegda postaviši svetila, ot strany spredi svetilnika da sveťjat sedm svetila.
3 I sotvori tako Aaron: ot jedinyja strany spredi svetilnika vozžže svetila jego, jakože povele Gospoď Moiseju.
4 I sije ustrojenije svetilnika: slijano zlato stebl jego i kriny jego, slijano vse: po obrazu, jegože pokaza Gospoď Moiseju, tako sotvori svetilnik.
5 I reče Gospoď k Moiseju, glagolja:
6 poimi levity ot sredy synov Izrailevych, i da očistiši ja:
7 i sice da sotvoriši im očiščenije ich: pokropiši na nich vodu očiščenija, i da vzydet britva na vse telo ich, i isperut rizy svoja, i čisti budut:
8 i da vozmut telca jedinago ot volov, i sego žertvu muki pšeničny, sprjaženy s jelejem, i telca jedinoletna ot volov da vozmeši grecha radi:
9 i da privedeši levity pred skiniju svidenija, i sobereši ves sonm synov Izrailevych:
10 i privedeši levity pred Gospoda, i da vozložat synove Izrailstii ruki svoja na levity:
11 i da otlučit Aaron levity otdanije pred Gospoda ot synov Izrailevych, i da služat služby Gospodvi:
12 leviti že da vozložat ruki na glavy telcev: i da sotvoriši jedinago ot grese i jedinago vo vsesožženije Gospodu, umilostiviti o nich:
13 i postaviši levity pred Gospodem i pred Aaronom i pred synmi jego, i otdasi ja otdanije Gospodu:
14 i da otlučiši levity ot sredy synov Izrailevych, i budut Mne:
15 i po sich da vnidut levity delati dela skinii svidenija: i da očistiši ich, i otdasi ja pred Gospodem: jako otdanije otdany sii Mne suť ot sredy synov Izrailevych:
16 vmesto otverzajuščich vsjaka ložesna pervencev vsech ot synov Izrailevych, prijach ja Sebe:
17 jako Mne jesť vsjak pervenec ot synov Izrailevych, ot čeloveka do skota: v deň v oňže porazich vsjakago pervenca v zemli Jegipetstej, osvjatich ja Sebe,
18 i vzjach levity vmesto vsjakago pervenca synov Izrailevych,
19 i otdach levity otdanijem Aaronu i synom jego ot sredy synov Izrailevych delati dela synov Izrailevych v skinii svidenija i umilostivljati o synech Izrailevych: da ne budet jazva na synech Izrailevych, vnegda pristupati im k svjatym.
20 I sotvori Moisej i Aaron i ves sonm synov Izrailevych levitom, jakože zapoveda Gospoď Moiseju o levitech, tako sotvoriša im synove Izrailevy.
21 I očistišasja leviti i ispraša rizy svoja: i otdade ja Aaron otdanije pred Gospodem, i pomolisja o nich Aaron, očiščenija radi ich.
22 I no sich vnidoša leviti služiti služby svoja v skinii svidenija pred Aaronom i pred syny jego: jakože povele Gospoď Moiseju o levitech, tako sotvoriša im.
23 I reče Gospoď k Moiseju glagolja:
24 sije jesť ježe o levitech: ot dvadesjati pjati let i vyšše, da vnidut služiti služenije v skinii svidenija:
25 i ot pjatidesjati let da otstanut ot služenija i ne služat ktomu.
26 I da služat bratija jego v skinii svidenija ježe strešči straži, del že da ne delajut. Tako sotvoriši levitom v stražach ich.

9

1 I glagola Gospoď k Moiseju v pustyni Sinajstej, vo vtoroje leto izšedšym im iz zemli Jegipetskija, v pervyj mesjac, glagolja:
2 rcy da sotvorjat synove Izrailstii Paschu vo vrema jeja,
3 v četvertyjnadesjať deň mesjaca pervago k večeru, i sotvoriši ju vo vrema jeja: po zakonu jeja i po ustavu jeja sotvoriši ju.
4 I reče Moisej synom Izrailteskim sotvoriti Paschu.
5 I sotvoriša Paschu, načinajuščusja pervomu mesjacu v četvertyjnadesjať deň v pustyni Sinajstej: jakože povele Gospoď Moiseju, tako sotvoriša synove Izrailevy.
6 I priidoša mužije, iže bjachu nečisti o duši čeloveči, i ne možachu sotvoriti Paschi v toj deň: i priidoša pred Moisea i Aarona v toj deň.
7 I rekoša mužije Onii k nemu: my nečisti jesmy o duši čeloveči: jeda ubo lišimsja prinesti dar Gospodu vo vrema svoje posrede synov Izrailevych?
8 I reče Moisej k nim: stanite tu, da jaslyšu, čto povelit Gospoď o vas.
9 I reče Gospoď k Moiseju, glagolja:
10 rcy synom Izrailevym, glagolja: čelovek čelovek, iže ašče budet nečist o duši čeloveči, ili na puti daleče, ili v vas, ili v rodech vašich, i da sotvorit Paschu Gospodu,
11 v mesjac vtoryj, v četvertyjnadesjať deň (mesjaca) k večeru da sotvorjat ju, so opresnoki i s gorkim zelijem da sneďat ju:
12 da ne ostavjat ot neja na utrije, i kosti da ne sokrušat ot neja, po vsemu zakonu Paschi da sotvorjat ju.
13 I čelovek, iže ašče čist budet, i na puti daleče nesť, i ostavit sotvoriti Paschu, potrebitsja duša ta ot ljudij svoich: jako dara Gospodvi ne prinese vo vrema svoje, grech svoj priimet čelovek toj.
14 Ašče že priidet k vam prišlec v zemlju vašu i sotvorit Paschu Gospodu, po zakonu Paschi i po činu jeja, tako sotvorit ju: zakon jedin da budet vam i prišelcu i tuzemcu.
15 I v deň, v oňže postavisja skinija, pokry oblak skiniju i dom svidenija: ot večera že bjaše nad skinijeju aki vid ognen do zautrija:
16 tako byvaše vsegda: oblak pokryvaše ju v deň, i vid ognen noščiju:,
17 i jegda voschoždaše oblak ot skinii, i po sich vozdvizachusja synove Izrailtestii: i na meste, na nemže stojaše oblak, tamo opolčachusja synove Izrailevy.
18 Po poveleniju Gospodňu da opolčajutsja synove Izrailevy i povelenijem Gospodnim da vozdvizajutsja: vo vsja dni, v ňaže oseňaet oblak nad skinijeju, da opolčajutsja synove Izrailevy:
19 i jegda premedlit oblak nad skinijeju dni mnogi, da stregut synove Izrailtestii stražu Gospodňu i da ne vozdvižutsja:
20 i budet jegda pokryet oblak dni čisla nad skinijeju, glagolgolom Gospodnim da opolčajutsja i povelenijem Gospodnim da vozdvižutsja:
21 i budet jegda prebudet oblak ot večera do zautrija, i ašče vozdvignetsja oblak zautra, da vozdvignutsja dnem ili noščiju,
22 i ašče vozdvignetsja oblak, da pojdut: ili deň ili mesjac dnij umnožit oblak oseňajušč nad neju, da opolčatsja synove Izrailevy, i da ne vozdvizajutsja: vo otstuplenii jego, vozdvizachusja:
23 jako povelenijem Gospodnim da opolčajutsja i povelenijem Gospodnim da vozdvizajutsja: stražu Gospodňu strežachu po poveleniju Gospodňu rukoju Moiseovoju.

10

1 I reče Gospoď k Moiseju, glagolja:
2 sotvori sebe dve truby srebrjany: kovany sotvoriši ja, i budut tebe na sozvanije sonma i vozstavljati polki:
3 i da vostrubiši imi, i da soberetsja k tebe ves sonm pred dveri skinii svidenija
4 ašče že jedinoju truboju vostrubjat, da priidut k tebe vsi kňazi i tysjaščenačalniki Izrailtestii:
5 i vostrubite v znamenije, i vozdvignutsja polcy opolčajuščiisja na vostoki:
6 i vostrubite v znamenije vtoroje, i vozdvignutsja polcy opolčajuščiisja ot juga: i vostrubite v znamenije tretije, i da vozdvignutsja polcy opolčajuščiisja ot morja: i vostrubite v znamenije četvertoje, i vozdvignutsja polcy opolčajuščiisja ot severa: znamenijem da vostrubjat v vozdviženije ich.
7 I jegda soberete sonm, vostrubite, ne v znamenije.
8 I synove Aaroni žercy da vostrubjat trubami: i da budet vam zakonno večno v rody vašja.
9 Ašče že izydete na braň v zemli vašej k supostatom suprotivjaščymsja vam, i vostrubite i naznamenujte trubami, i vospomanetesja pred Gospodem i izbavitesja ot vrag vašich.
10 I vo dnech veselija vašego i v prazdnicech vašich i v novomesjačiich vašich vostrubite trubami na vsesožženija i na žertvy spasenij vašich, i budet vam vospominanije pred Bogom vašim: Az Gospoď Bog vaš.
11 I bysť vo vtoroje leto, vo vtoryj mesjac, v dvadesjatyj mesjaca, voznesesja oblak ot skinii svidenija,
12 i vozdvigošasja synove Izrailevy so imenijami svoimi ot pustyni Sinajskija, i sta oblak v pustyni Farani.
13 I vozdvigošasja pervii po glasu Gospodňu rukoju Moiseovoju:
14 i vozdvigoša znama polka synov Iudinych pervii s siloju svojeju: i nad siloju ich Naasson syn Aminadavl:
15 i nad siloju plemene synov Issacharovych Nafanail syn Sogarov:
16 i nad siloju plemene synov Zavulonich Jeliav syn Cheloň.
17 I složiša skiniju, i vozdvigoša synove Girsoni i synove Merariny, nosjaščii skiniju.
18 I vozdvigoša znama polka Ruvimlja s siloju svojeju: i nad siloju ich Jelisur syn Sediurov:
19 i nad siloju plemene synov Simeonich Salamiil syn Surisadaev:
20 i nad siloju plemene synov Gadovych Jelisaf syn Raguilev:
21 i vozdvigošasja synove Kaafovy, vozdvizajuščii svjataja: i postaviša skiniju, dondeže priidoša.
22 I vozdvigoša znama polka Jefremlja s siloju svojeju: i nad siloju ich Jelisama syn Jemiudov:
23 i nad siloju plemene synov Manassiinych Gamaliil syn Fadassurov:
24 i nad siloju plemene synov Veniaminich Avidan syn Gadeonin.
25 I vozdvigoša znama polka synov Danovych, poslednii vsech polkov s siloju svojeju: i nad siloju ich Achijezer syn Amisadaev:
26 i nad siloju plemene synov Asirovych Fagaiil syn Jechraň:
27 i nad siloju plemene synov Neffalimlich Achirej syn Jenaň.
28 Sii polcy synov Izrailevych, i vozdvigošasja s siloju svojeju.
29 I reče Moisej Iovavu synu Raguilevu Madianitinu, tesťju Moiseovu: vozdvizaemsja my na mesto, o nemže Gospoď reče: sije dam vam: pojdi s nami, i sotvorim tebe dobro, jako Gospoď dobraja glagola o Izraili.
30 I otvešča k nemu: ne pojdu, no v zemlju moju i v rod moj idu.
31 I reče: ne ostavi nas, poneže byl jesi s nami v pustyni, i budeši v nas starejšina:
32 i budet ašče pojdeši s nami, i budut blagaja onaja, jelika blagosotvorit Gospoď nam, blagosotvorim i tebe.
33 I otidoša ot gory Gospodni v puť trech dnij: i kivot zaveta Gospodňa prediďaše pred nimi v puť trech dnij, sogljadati im stana.
34 I bysť jegda vozdvizachu kivot, i reče Moisej: vostani, Gospodi, i da razsypljutsja vrazi Tvoi, i da bežat vsi nenaviďaščii Tebe.
35 I v postavlenii (kivota) reče: vozvraščaj, Gospodi, tysjaščy tem vo Izraili.
36 I oblak Gospodň bysť oseňajušč nad nimi v deň, jegda vozdvizachusja iz polka.

11

1 I byša ljudije ropščušče zlaja pred Gospodem: i slyša Gospoď i razgnevasja gnevom, i razgoresja v nich ogň ot Gospoda i potrebi časť nekuju ot polka.
2 I vozopiša ljudije k Moiseju: i pomolisja Moisej k Gospodu, i presta ogň.
3 I prozvasja ima mestu tomu Zapalenije: jako razgoresja v nich ogň ot Gospoda.
4 I obščij narod iže v nich pochoteša pochotenijem: i sedše plakachusja synove Izrailevy i rekoša: kto ny napitaet masy?
5 Pomanuchom ryby, jaže jadochom v zemli Jegipetstej tune, i ogurcy i dyni, luk i červlenyj luk i česnok:
6 nyne že duša naša izsochla, ničtože točiju manna pred očima našima.
7 Manna že bjaše aki sema koriandrovo, i vid jeja jako vid kristalla:
8 i ischoždachu ljudije i sobirachu, i meljachu v žernovach i tolcachu v stupach, i varjachu v gorškach i tvorjachu iz neja potrebniki: i bjaše vkus jeja, jako vkus muki prjaženy s jelejem:
9 i jegda schoždaše rosa na polk noščiju, schoždaše manna naň.
10 I uslyša Moisej plačuščichsja ich v sonmech svoich, kojegoždo ich pred svoimi dvermi: i razgnevasja Gospoď gnevom zelo, i pred Moiseom bjaše zlo.
11 I reče Moisej ko Gospodu: vskuju ozlobil jesi raba Tvojego? I počto ne obretoch blagodati pred Toboju, ježe vozložiti ustremlenije ljudij sich na ma?
12 Jeda az vo utrobe začach vsja ljudi sija? Ili az rodich ja? Jako glagoleši mi: vozmi ich v nedra tvoja, jakože doilica nosit doimyja, v zemlju, jejuže kljalsja jesi otcem ich:
13 otkudu mne masa dati vsem ljudem sim? Jako plačut na ma, glagoljušče: dažď nam masa, da jadim:
14 ne vozmogu az jedin voditi ljudij sich, jako ťjažko mne jesť slovo sije:
15 ašče že tako Ty tvoriši mne, to ubij ma ubijenijem, ašče obretoch blagodať pred Toboju, da ne vižu ozloblenija mojego.
16 I reče Gospoď k Moiseju: soberi Mi sedmdesjat mužej ot starec Izrailevych, ichže ty sam vesi, jako tii suť starcy ljudstii i knigočija ich: i da privedeši ja ko skinii svidenija, i da stanut tamo s toboju:
17 i snidu i vozglagolju tamo s toboju, i ujmu ot Ducha, iže v tebe, i vozložu na ňa: da podimut s toboju ustremlenije ljudij, i ne budeši voditi ich ty jedin:
18 i ljudem rečeši: očistitesja nautrije, i sneste masa, jako plakastesja pred Gospodem, glagoljušče: kto ny napitaet masy? Jako dobro nam bysť vo Jegipte: i dast Gospoď vam masa jasti, i sneste masa:
19 ne jedin deň jasti budete, ni dva, ni pjať dnij, ni desjať dnij, niže dvadesjať dnij:
20 do mesjaca dnij jasti budete, dondeže izydet iz nozdrij vašich: i budet vam v merzosť, jako ne pokoristesja Gospodu, Iže jesť v vas, i plakastesja pred Nim, glagoljušče: vskuju be nam izyti iz Jegipta?
21 I reče Moisej: šesť sot tysjašč pešich ljudij, v nichže Az jesm, i Ty rekl jesi: masa im dam jasti, i budut jasti mesjac dnij:
22 jeda ovcy i voly zakoljutsja im, i dovolno budet im? Ili vsja ryby morskija soberutsja im, i dovolno budet im?
23 I reče Gospoď k Moiseju: jeda ruka Gospodňa ne dovolna budet? Nyne urazumeješi, ašče postignet ťja slovo Moje, ili ni.
24 I izyde Moisej i glagola ljudem slovesa Gospodňa: i sobra sedmdesjat mužej ot starec ljudskich, i postavi ja okrest skinii.
25 I snide Gospoď vo oblace i glagola k nemu: i uja ot Ducha, iže na nem, i vozloži na sedmdesjat mužej starec: jegda že prepoči Duch na nich, i proročestvovaša, i ktomu ne priložiša.
26 I ostašasja dva muža v polce: ima jedinomu Jeldad, i ima vtoromu Modad: i prepoči na nich Duch. I sii beša ot vpisannych, i ne priidoša ko skinii, i proročestvovaša v polce.
27 I pritek junoša vozvesti Moiseju, i reče, glagolja: Jeldad i Modad proročestvujut v polcech.
28 I otveščav Iisus Navin, predstojaj Moiseju izbrannyj jemu, reče gospodi moj Moiseju, zapreti im.
29 I reče jemu Moisej: jeda revnuješi ty mne? I kto dast vsem ljudem Gospodnim (byti) proroki, jegda dast Gospoď Ducha Svojego na nich?
30 I ide Moisej v polk sam i starcy Izrailtestii.
31 I duch izyde ot Gospoda, i izvede krasteli iz morja i navede na polk deň chodu otsjudu i deň chodu oťjunudu, okrest polka jako na dva lakťja ot zemli.
32 I vostavše ljudije ves deň i vsju nošč, i ves deň nautrije, i sobraša krasteli: iže malo, sobra desjať spud: i issušiša sebe sušanicy okrest polka.
33 I masa bjachu im ješče v zubech ich, prežde oskudenija, i Gospoď razgnevasja zelo na ljudi, i porazi Gospoď ljudi jazvoju velikoju zelo:
34 i prozvasja ima mestu tomu Groby Pochotenija: jako tamo pogreboša ljudij pochotevšich.
35 (I) vozdvigošasja ljudije ot Grobov Pochotenija vo Asirof, i byša ljudije vo Asirofe.

12

1 I vozglagolasta Mariam i Aaron na Moisea ženy radi Jefiopljanyni, juže poja Moisej, ibo ženu poja Jefiopljanyňu,
2 i rekosta: jeda Moiseju jedinomu glagola Gospoď? Jeda i nam ne glagolaše? I uslyša Gospoď.
3 I čelovek Moisej krotok zelo pače vsech čelovek suščich na zemli.
4 I reče Gospoď vnezapu k Moiseju i Aaronu i Mariame: izydite vy trije v skiniju svidenija.
5 I izydoša trije v skiniju svidenija. I snide Gospoď v stolpe oblačne sta nad dvermi skinii svidenija: i prizva Aarona i Mariam. I izydosta oba.
6 I reče k nim: poslušajte sloves Moich: ašče budet v vas prorok Gospodň, v videnii jemu poznajusja, i vo sne vozglagolju jemu:
7 ne tako jakože rab Moj Moisej, vo vsem domu Mojem veren jesť:
8 usty ko ustom vozglagolju jemu jave, i ne gadanijem, i slavu Gospodňu vide: i počto ne ubojastesja glagolati na raba Mojego Moisea?
9 I gnev jarosti Gospodni (bysť) na nich. I otide.
10 I oblak otstupi ot skinii, i se, Mariam prokažena bysť jako sneg: i vozzre Aaron na Mariam, i se, prokažena.
11 I reče Aaron k Moiseju: molju ťja, gospodi, ne vozlagaj na ny grecha, poneže ne veďachom, jako sogrešichom:
12 da ne budet sija jako mertva, jako izverg izveržen iz ložesn maternich, i (se, uže) pojade pol ploti jeja.
13 I vozopi Moisej ko Gospodu, glagolja: Bože, moljutisja, isceli ju.
14 I reče Gospoď k Moiseju: ašče by otec jeja pljuja zapleval v lice jeja, ne posramitsja li sedm dnij? Da otlučitsja sedm dnij vne polka, i po sich da vnidet.
15 I otlučisja Mariam vne polka na sedm dnij: i ljudije ne vozdvigošasja, dondeže očistisja Mariam.

13

1 I po sich vozdvigošasja ljudije ot Asirofa i opolčišasja v pustyni Farani.
2 I reče Gospoď k Moiseju, glagolja:
3 posli ot sebe mužy, i da sogljadajut zemlju Chanaansku, juže Az daju synom Izrailevym vo oderžanije: muža jedinago ot plemene, po sonmom otečestv ich, da posleši ich vsjakago starejšinu ot nich.
4 I posla ja Moisej ot pustyni Farani glagolgolom Gospodnim: vsi muži starejšiny synov Izrailevych sii, i sija imena ich:
5 ot plemene Ruvimlja Samuil syn Zakchurov:
6 ot plemene Simeoňa Safat syn Surin:
7 ot plemene Iudina Chalev syn Ijefonniin:
8 ot plemene Issacharja Igal syn Iosifl:
9 ot plemene Jefremlja Avsis syn Navin:
10 ot plemene Veniamiňa Faltij syn Rafuov:
11 ot plemene Zavuloňa Gudiil syn Sudin:
12 ot plemene Iosiflja synov Manassiinych Gaddi syn Susin:
13 ot plemene Danova Amiil syn Gamalin:
14 ot plemene Asirova Safur syn Michail:
15 ot plemene Neffalimlja Navij syn Saviň:
16 ot plemene Gadova Gudiil syn Machiil.
17 Sija imena mužej, ichže posla Moisej sogljadati zemlju: i prozva Moisej Avsia syna Navina Iisus.
18 I posla ja Moisej ot pustyni Farani sogljadati zemli Chanaanskija, i reče k nim: vzydite pustyneju seju, i vzydete na goru.
19 I uzrite zemlju, kakova jesť, i ljudi seďaščyja na nej, ašče silni suť, ili nemoščni, malo li ich jesť, ili mnogo?
20 I kakova zemlja, na nejže sii seďat, dobra li jesť, ili zla? I kakovi gradi, v nichže živut sii, ograždeni li suť, ili ne ograždeni?
21 I kakova zemlja, izjubilna li, ili ne izjubilna? Suť li na nej drevesa, ili ni? I ukrepivšesja, vozmite ot plodov zemli. Dnije že bjachu vesenni, predvarjajuščii jagody.
22 I šedše sogljadaša zemlju ot pustyni Sin daže da Roova, do vchodov Jemaf.
23 I idoša po pustyni, i priidoša do Chevrona: i tamo (živjaše) Achiman i Sessij i Felamin, rody Jenakovy: i Chevron sozdasja sedmiju lety prežde Tanina (grada) Jegipetskago.
24 I priidoša do debri Grozdnyja, i sogljadaša ju: i urezaša ottudu vetv, i grozd vinograda jedin na nej, i vozdvigoša ju na žerď, i ot šipkov, i ot smokvej.
25 I mesto ono nazvaša debr Grozdnaja, grozda radi, jegože urezaša ottudu synove Izrailtestii.
26 I vozvratišasja ottudu, sogljadavše zemlju po četyredesjati dnech.
27 I chodivše priidoša k Moiseju i Aaronu i ko vsemu sonmu synov Izrailevych v pustyňu Faraňu v Kadis: i povedaša im slovo i vsemu sonmu, i pokazaša im plod zemnyj.,
28 i povedaša jemu, i rekoša: chodichom na zemlju, na ňuže posylal jesi nas, na zemlju kipjaščuju mlekom i medom, i sij plod jeja:
29 krome jako ljudije silni zelo, iže na nej živut, i gradi utverždeni ograždenijem velicy zelo, i rod Jenakov videchom tamo:
30 i Amalik živet v zemli k jugu: i Chettej i Jevej, i Ijevusej i Amorrej živut v gorach: i Chananej živet pri mori i pri Iordane rece.
31 I utiši Chalev ljudi pred Moiseom, i reče jemu: nikakože, na voschoďa vzydem i priimem ju v nasledije, jako silni jesmy preodoleti im.
32 I čelovecy chodivšii s nim rekoša: ne idem, jako ne možem izyti protivu jazyku (semu), jako kreplšij jesť pače nas.
33 I iznesoša užas zemli, juže sogljadaša, k synom Izrailevym, glagoljušče: zemlju juže proidochom sogljadajušče, zemlja jesť pojadajušči živuščyja na nej, i vsi ljudi, ichže videchom na nej, muži prevysocyi:
34 i tamo videchom ispoliny, syny Jenakovy, i bechom pred nimi jako pruzi, i tako bechom pred nimi.

14

1 I vzem ves sonm, dade glas: i plakachusja ljudije vsju nošč tu:
2 i roptachu na Moisea i Aarona vsi synove Izrailtestii, i rekoša k nim ves sonm:
3 o daby umerli bychom v zemli Jegipetstej, ili v pustyni sej da bychom umerli: i vskuju vvodit nas Gospoď v zemlju siju, ježe pasti na brani? Ženy našja i deti naša budut v razgrablenije: nyne ubo lučše jesť nam vozvratitisja vo Jegipet.
4 I reče drug ko drugu: postavim sebe starejšinu, i vozvratimsja bo Jegipet.
5 I padosta Moisej i Aaron nic pred vsem sonmom synov Izrailevych.
6 Iisus že syn Navin i Chalev syn Ijefonniin ot sogljadavšich zemlju, rasterzasta rizy svoja.
7 I rekosta ko vsemu sonmu synov Izrailevych, glagoljušče: zemlja, juže sogljadachom, dobra jesť zelo zelo:
8 ašče ljubit nas Gospoď, vvedet nas v zemlju tu i dast ju nam: zemlja že jesť kipjaščaja medom i mlekom:
9 no ot Gospoda ne budite otstupnicy: vy že ne ubojtesja ljudij zemli toja, poneže v sneď nam jesť: otstupilo bo vrema ot nich, Gospoď že s nami: ne ubojtesja ich.
10 I reče ves sonm pobiti ich kamenijem: i slava Gospodňa javisja vo oblace nad skinijeju svidenija vsem synom Izrailevym.
11 I reče Gospoď k Moiseju: dokole preogorčevajut Ma ljudije sii? I dokole ne verujut Mne vo vsech znameniich, jaže sotvorich v nich?
12 Poražu ich smertiju i pogublju ich: i sotvorju ťja i dom otca tvojego v jazyk velik i mnog pače neželi sej.
13 I reče Moisej ko Gospodu: iuslyšat Jegipťjane, jako vozvel jesi krepostiju Tvojeju ljudi Tvoja sija ot nich:
14 no i vsi živuščii na zemli sej slyšaša, jako Ty jesi Gospoď v ljudech sich, iže očima ko očesem javljaešisja, Gospodi, i oblak Tvoj sta nad nimi, i stolpom oblačnym ideši Ty pred nimi v deň, i stolpom ognennym v nošči:
15 i potrebiši ljudi sija aki jedinago čeloveka: i rekut vsi jazycy, jelicy slyšaša ima Tvoje, glagoljušče:
16 zaneže ne vozmože Gospoď ljudij Svoich vvesti v zemlju, o nejže kljatsja im, pogubi ich v pustyni:
17 i nyne da voznesetsja ruka Tvoja, Gospodi, jakože rekl jesi, glagolja:
18 Gospoď dolgoterpeliv i mnogomilostiv i istinen, otemljaj bezzakonija i nepravdy i grechi, i očiščenijem ne očistit povinnago, otdaja grechi otcev na čada, do tretijago i četvertago roda:
19 ostavi grech ljudem sim po velicej milosti Tvojej, jakože milostiv byl jesi im ot Jegipta daže do nyne.
20 I reče Gospoď k Moiseju: milostiv im jesm po slovesi tvojemu:
21 no živu Az, i prisno živet ima Moje, i napolnit slava Gospodňa vsju zemlju:
22 jako vsi mužije viďaščii slavu Moju i znamenija, jaže sotvorich vo Jegipte i v pustyni sej, i iskusiša Ma, se, desjatoje, i ne poslušaša glasa Mojego,
23 istinno ne uzrjat zemli, jejuže kljachsja otcem ich: razve čadom ich, jaže suť so Mnoju zde, iže ne veďat dobra i zla, vsjak junoša ne vedyj, sim dam zemlju: vsi že razgnevavšii Ma ne uzrjat ju:
24 rab že Moj Chalev, jako bysť duch in v nem, i vozsledova Mne, vvedu jego v zemlju, v ňuže chodil tamo, i sema jego nasledit ju:
25 Amalik že i Chananej živut vo judoli: utre vozvratitesja i podvignitesja vy v pustyňu putem morja Čermnago.
26 I reče Gospoď k Moiseju i Aaronu, glagolja:
27 dokole sonm sej zlyj? Jaže oni ropščut protivu Mne, roptanije synov Izrailevych, imže vozroptaša o vas, slyšach:
28 rcy im: živu Az, glagolet Gospoď: istinno, jakože glagolaste vo ušy Moi, tako sotvorju vam:
29 v pustyni sej padut telesa vaša, i vse sogljadanije vaše, i sočtenija vaša, ot dvadesjati let i vyšše, jelicy roptaša na Ma:
30 ašče vy vnidete v zemlju, na ňuže prostroch ruku Moju, vseliti vas na nej, razve Chalev syn Ijefonniin i Iisus syn Navin:
31 i čada vaša, ichže reste v razgrablenii byti, vvedu Ja v zemlju, i nasleďat zemlju, ot nejaže vy otvergostesja:
32 i telesa vaša padut v pustyni sej:
33 synove že vaši pasomi budut v pustyni četyredesjať let, i nositi imut bluženije vaše, dondeže potrebjatsja telesa vaša v pustyni:
34 po čislu dnij, v nichže sogljadaste zemlju, četyredesjať dnij, za deň leto celoje, ponesete grechi vašja četyredesjať let, i uveste jarosť gneva Mojego:
35 Az Gospoď glagolach vam: istinno tako sotvorju sonmu semu zlomu, vostavšemu na Ma: v pustyni sej potrebjatsja, i tamo izmrut.
36 I mužije, ichže posyla Moisej sogljadati zemlju, i prišedše vozroptaša na ňu k sonmu, ježe by iznesti slovesa zla o zemli,
37 i izomroša muži, glagolavšii o zemli zlo, jazvoju pred Gospodem:
38 i Iisus syn Navin i Chalev syn Ijefonniin živy ostastasja ot mužej tech chodivšich sogljadati zemlju.
39 I glagola Moisej slovesa sija ko vsem synom Izrailevym: i vosplakašasja ljudije zelo,
40 i vostavše zautra, vzydoša na verch gory, glagoljušče: se, my vzydem na mesto, ježe reče Gospoď, jako sogrešichom.
41 I reče Moisej: vskuju vy prestupaete slovo Gospodne? Ne blagopospešno budet vam:
42 ne voschodite: nesť bo Gospoď s vami: i padete pred licem vrag vašich:
43 zane Amalik i Chananej tamo pred vami, i padete mečem, poneže otvratistesja, ne pokarjajuščesja Gospodu, i ne budet Gospoď s vami.
44 I ponudivšesja vzydoša na verch gory: kivot že zaveta Gospodňa i Moisej ne dvignušasja iz sredy polka.
45 I snide Amalik i Chananej seďaj v gore toj, i sotroša ich, i izsekoša ich daže do Jermana: i vozvratišasja v polk.

15

1 I reče Gospoď k Moiseju, glagolja:
2 glagoli synom Izrailevym i rečeši k nim: jegda vnidete v zemlju vselenija vašego, juže Az daju vam,
3 i sotvorite prinos Gospodu vo vsesožženije ili žertvu, ježe vozveličiti molbu, ili blagovolnu, ili v prazdniki vašja v voňu blagovonija Gospodu, ašče ubo ot volov, ili ot ovec:
4 i da prineset prinosjaj dar svoj Gospodu žertvu, muki pšeničny desjatuju časť jefi (mery), vmešeny v jelej četvertyja časti ina (mery):
5 i vina na vozlijanije četvertuju časť ina sotvorite vo vsesožženije ili v žertvu: agncu jedinomu da sotvoriši toliko, prinos voňu blagovonija Gospodu.
6 I ovnu, jegda tvorite jego vo vsesožženije ili v žertvu, da sotvoriši žertvu muki pšeničny dve desjatiny vmešany v jelei, tretiju časť ina (mery):
7 i vina na vozlijanije tretiju časť ina prinesete v voňu blagovonija Gospodu.
8 Ašče že tvorite ot volov vo vsesožženije ili v žertvu, ježe vozveličiti molbu, ili vo spasitelnoje Gospodu,
9 i prineset s telcem prinos muki pšeničny tri desjatiny vmešany v jelej, pol ina (mery):
10 i vina na vozlijanije pol ina (mery), prinos v voňu blagovonija Gospodu.
11 Tako da sotvoriši telcu jedinomu, ili ovnu jedinomu, ili agncu jedinomu ot ovec ili ot koz:
12 po čislu ich, jaže ašče sotvorite, tako sotvorite jedinomu po čislu ich.
13 Vsjak tuzemec da sotvorit tako sicevaja prinesti prinošenija v voňu blagovonija Gospodu:
14 ašče že prišlec v vas pribudet v zemli vašej, ili iže ašče budet v vas v rodech vašich, i sotvorit prinos v voňu blagovonija Gospodu, jakože tvorite vy, tako da sotvorit.
15 Sonme Gospodň, zakon jedin da budet vam i prišelcem priležaščym v vas, zakon večnyj v rody vašja: jakože vy, (tako) i prišlec da budet pred Gospodem:
16 zakon jedin da budet i opravdanije jedino da budet vam i prišelcu priležaščemu v vas.
17 I reče Gospoď k Moiseju, glagolja:
18 glagoli synom Izrailevym i rečeši k nim: jegda vnidete v zemlju, v ňuže Az vvoždu vas tamo,
19 i budet jegda jaste ot chlebov zemli (toja), otložite učastije vo otdelenije Gospodu: načatok testa vašego,
20 chleb otlučite učastije onoje: jakože učastije ot gumna,
21 tako otdelite toj chleb, načatok testa vašego, i dadite Gospodu učastije v rody vašja.
22 Jegda že sogrešite i ne sotvorite vsech zapovedij sich, ichže glagola Gospoď Moiseju,
23 jakože povele Gospoď Bog k vam rukoju Moiseovoju, ot dne v oňže povele Gospoď k vam, i potom v rody vašja,
24 i budet ašče ot očes sonma sotvoritsja nevoleju, i da sotvorit ves sonm telca jedinago neporočna ot volov vo vsesožženije, v voňu blagovonija Gospodu, i žertvu sego, i vozlijanije jego po ustavleniju, i kozla jedinago ot koz grecha radi:
25 i da pomolitsja žrec ot vsem sonme synov Izrailevych, i ostavitsja im, jako nechotenije jesť: i sii prinesoša dar svoj, prinesenije Gospodu grecha radi svojego pred Gospodem, nechotenij radi svoich,
26 i ostavitsja vsemu sonmu synov Izrailevych i prišelcu priležaščemu v vas, jako vsem ljudem nechotennoje.
27 Ašče že duša jedina ne choťjašči sogrešit, da privedet kozu jedinu jedinoletnu grecha radi:
28 i da pomolitsja žrec o duši nechotevšej i sogreššej nechotenijem pred Gospodem, i da pomolitsja o nej, i ostavitsja jej.
29 Naselniku (zemli) synov Izrailevych i prišelcu priležaščemu v nich, zakon jedin da budet im, iže ašče sotvorit ne choťjašč.
30 I duša jaže sotvorit rukoju gordosti ot tuzemec ili ot prišelcev, Boga sija razgnevaet, i potrebitsja duša ta ot ljudij svoich:
31 jako slovo Gospodne prezre i zapovedi Jego razsypa, sotrenijem da sotretsja duša ta: i grech jeja na nej.
32 I bjachu synove Izrailevy v pustyni, i obretoša muža sobirajušča drova v deň subbotnyj,
33 i privedoša jego obretšii sobirajušča drova v deň subbotnyj k Moiseju i Aaronu i ko vsemu sonmu synov Izrailevych,
34 i vvergoša jego v temnicu: ne soveščaša bo, čto sotvorjat jemu.
35 I reče Gospoď k Moiseju, glagolja: smertiju da umret čelovek sej, da pobijete jego kamenijem ves sonm vne polka.
36 I izvedoša jego ves sonm vne polka, i pobiša jego kamenijem ves sonm vne polka, jakože glagola Gospoď Moiseju.
37 I reče Gospoď k Moiseju, glagolja:
38 glagoli synom Izrailevym i rečeši im: i da sotvorjat sebe rjasny na voskriliich riz svoich v rody svoja: i vozložite na rjasny voskrilij prjadenije sineje,
39 i budet vam na rjasnach: i uzrite ich, i vospomanete vsja zapovedi Gospodni i sotvorite ja, i ne razvratitesja vsled myslej svoich i vsled očes vašich, imiže vy sobludiste vsled ich:
40 jako da pomanete i sotvorite vsja zapovedi Moja, i budete svjati Bogu vašemu:
41 Az Gospoď Bog vaš, izvedyj vas iz zemli Jegipetskija, byti vam Bog: Az Gospoď Bog vaš.

16

1 I glagola Korej, syn Issaara syna Kaafa syna Leviina, i Dafan i Aviron, synove Jeliavli, i Avnan syn Falefa syna Ruvimlja:
2 i vostaša na Moisea, i muži synov Izrailevych dvesti i pjaťdesjat načalnicy sonma, sigklitiki soveta i muži imeniti.
3 Sovostaša na Moisea i Aarona i reša k nim: dovlejet vam, jako ves sonm vsi svjati, i v nich Gospoď: i česo radi vostaete na sonm Gospodň?
4 I slyšav Moisej, pade nic.
5 I glagola k Koreju i ko vsemu sonmu jego, glagolja: sogljada i pozna Gospoď suščich Jego i svjatych, i privede k Sebe: i ichže ne izbra Sebe, ne privede k sebe:
6 sije sotvorite: vozmite sebe sami kadilniki, Korej i ves sonm jego,
7 i vložite ogň v ňa, i vložite v ňa fimiam pred Gospodem utre: i budet muž, jegože ašče izberet Gospoď, sej svjat: da dovlejut vam synove Leviiny.
8 I reče Moisej Koreju: poslušajte mene, synove Leviini:
9 jeda malo jesť sije vam, jako otluči vas Bog ot sonma Izraileva i privede vas k Sebe služiti služby v skinii Gospodni i stojati pred sonmom Gospodnim, ježe služiti im?
10 I privede ťja i vsju bratiju tvoju, syny Leviiny s toboju, i prosite svjaščenstvovati?
11 Tako ty i ves sonm tvoj sobravšijsja na Boga: i Aaron kto jesť, jako ropščete naň?
12 I posla Moisej prizvati Dafana i Avirona, syny Jeliavli. I reša: ne idem:
13 jeda malo se, jako izvel jesi ny iz zemli kipjaščija mlekom i medom, ježe pogubiti nas v pustyni, jako vladeješi nami? Kňaz jesi:
14 i ty li v zemlju kipjaščuju medom i mlekom vvel jesi nas i dal jesi nam časť sela i vinograda? Oči čelovek tech iztknul jesi: ne idem.
15 I oťjagča Moisej gnevom zelo i reče k Gospodu: ne vnemli na žertvu ich: ni jedinago pochotenija ot nich prijach, niže ozlobich kogo ot nich.
16 I reče Moisej k Koreju: osvjati sonm tvoj, i budite gotovi pred Gospoda ty i Aaron i oni zautra:
17 i vozmite kijždo kadilnik svoj, i vozložite na ňa fimiam, i prinesite pred Gospoda kijždo kadilnik svoj, dvesti i pjaťdesjat kadilnikov, i ty i Aaron kijždo kadilnik svoj.
18 I vzjaša kijždo svoj kadilnik, i vozložiša na ňa ogň, i vložiša v ňa fimiam, i staša pred dvermi skinii svidenija Moisej i Aaron.
19 I sobra na ňa Korej ves sonm svoj pred dvermi skinii svidenija: i javisja slava Gospodňa vsemu sonmu.
20 I reče Gospoď k Moiseju i Aaronu, glagolja:
21 otstupite kijždo ot sredy sonma sego, i potreblju Ja abije.
22 I padosta na lica svoja i rekosta: Bože, Bože duchov i vsjakija ploti: ašče čelovek jedin sogreši, na ves li sonm gnev Gospodň?
23 I reče Gospoď k Moiseju, glagolja:
24 rcy sonmu, glagolja: otstupite okrest ot sonma Korejeva i Dafaňa i Aviroňa.
25 I vosta Moisej, i ide k Dafanu i Avironu: i idoša s nim vsi starcy Izrailtestii.
26 I reče k sonmu, glagolja: otstupite ot kušč čelovek žestokoserdych sich, i ne prikosnitesja ko vsem, jelika suť im, da ne pogibnete kupno vo vsem grese ich.
27 I otstupiša ot kušč Korea i Dafana i Avirona okrest: Dafan že i Aviron izydosta i stasta pred dvermi kušč svoich, i ženy ich, i deti ich i imenije ich.
28 I reče Moisej: v sem poznaete, jako Gospoď posla ma sotvoriti vsja dela sija, jako ne ot sebe (az tvorju sija):
29 ašče smertiju vsech ljudij umrut sii, i ašče po priseščeniju vsech čelovek poseščenije budet ich, to ne Gospoď posla mene:
30 no javno pokažet Gospoď, i otverzši zemlja usta svoja požret ja i domy ich, i kuščy ich i vsja, jelika suť ich, i snidut živi vo ad, i uvedite, jako razgnevaša čelovecy sii Gospoda.
31 Jegda že presta glagolja vsja slovesa sija, razsedesja zemlja pod nogami ich:
32 i razverzesja zemlja, i požre ja i domy ich, i vsja ljudi suščyja s Koreom, i skoty ich:
33 i snidoša tii, i vsja, jelika suť ich, živi vo ad, i pokry ich zemlja, i pogiboša ot sredy sonma:
34 i ves Izrail, i iže okrest ich, otbegoša ot voplja ich, zane rekoša, glagoljušče: da ne požret nas zemlja.
35 I ogň izyde ot Gospoda i pojade dvesti i pjaťdesjat mužej prinesšich fimiam.
36 I reče Gospoď k Moiseju.
37 I ko Jeleazaru synu Aaronovu žercu: soberite kadilniki meďanyja ot sredy izgorevšich, i ogň čuždij sej razsyplite tamo, jako osvjatišasja kadilnicy grešnych sich v dušach ich:
38 i sotvorite ja dščicy kovany, obloženije u oltarja, jako prinesošasja pred Gospoda i osvjatišasja, i byša v znamenije synom Izrailevym.
39 I vzja Jeleazar syn Aarona žerca kadilniki meďanyja, jeliki prinesoša izgorevšii, i obložiša ja vo obloženije oltarja,
40 v pamať synom Izrailevym jako da niktože priidet inoplemennik, iže nesť ot semene Aaroňa, ježe vozložiti fimiam pred Gospodem, i da ne budet, jakože Korej i sovetnicy jego, jakože glagola jemu Gospoď rukoju Moiseovoju.
41 I vozroptaša synove Izrailtestii na utrije na Moisea i Aarona, glagoljušče: vy izbiste ljudi Gospodni.
42 I bysť jegda napade sonm na Moisea i Aarona, i ustremišasja k skinii svidenija:
43 i pokry onuju oblak, i javisja slava Gospodňa: i vnide Moisej i Aaron pred skiniju svidenija.
44 I reče Gospoď k Moiseju i Aaronu, glagolja:
45 ustupite ot sredy sonma sego i potreblju ja jediniceju . I padosta na lica svoja.
46 I reče Moisej ko Aaronu: vozmi kadilnik, i vloži v nego ogň ot oltarja, i vozloži naň fimiam, i ponesi skoro v polk, i pomolisja o nich: izyde bo gnev ot lica Gospodňa, i nača gubiti ljudi.
47 I vzja Aaron, jakože glagola jemu Moisej, i teče v sonm, uže bo načasja paguba v ljudech: i vozloži fimiam, i pomolisja o ljudech:
48 i sta meždu mertvymi i živymi, i presta paguba.
49 I bysť umeršich v pagube četyrenadesjať tysjašč i sedm sot krome umeršich Korea radi.
50 I vozvratisja Aaron k Moiseju, k dverem skinii svidenija, i presta paguba.

17

1 I reče Gospoď k Moiseju, glagolja:
2 glagoli synom Izrailevym, i vozmi ot nich no jedinomu žezlu, žezl ot vsech kňazej ich, po domom otečestva ich, dvanadesjať žezlov, ima že kojegoždo napiši na žezle jego,
3 i ima Aarone napiši na žezle Leviine: jesť bo žezl jedin: po plemeni domu otečestv svoich da daďat:
4 i da položiši ich v skinii svidenija, prjamo svideniju, v nichže javljusja tebe tu:
5 i budet čelovek, jegože ašče izberu, žezl jego prozjabnet: i otimu ot mene roptanije synov Izrailevych, jelika sii ropščut na vy.
6 I glagola Moisej synom Izrailevym: i daša jemu vsi kňazi ich po žezlu, kňazja jedinago žezl, po kňaženiju, po domom otečestv ich, dvanadesjať žezlov: i žezl Aaroň posrede žezlov ich.
7 I položi Moisej žezly pred Gospodem v skinii svidenija.
8 I bysť na utrije, i vnide Moisej i Aaron v skiniju svidenija: i se, prozjabe žezl Aaroň v domu Leviine, i izrasti vetv, i procvetoša cveti, i izrasti orechi:
9 i iznese Moisej vsja žezly ot lica Gospodňa ko vsem synom Izrailevym: i videša, i vzja kijždo žezl svoj.
10 I reče Gospoď k Moiseju: otloži žezl Aaroň pred svidenijem v sochranenije, v znamenije synov oslušlivych: i da prestanet roptanije ich ot Mene, i ne izmrut.
11 I sotvori Moisej i Aaron, jakože povele Gospoď Moiseju, tako sotvoriša.
12 I rekoša synove Izrailevy k Moiseju, glagoljušče: se, potrebichomsja, pogibochom, isčezochom:
13 vsjak prikasajajsja ko skinii svidenija Gospodňa umiraet: daže do konca li umirajušče pogibnem?

18

1 I reče Gospoď ko Aaronu, glagolja: ty i synove tvoi, i dom otca tvojego s toboju, vozmite grechi svjatych, ty že i synove tvoi vozmite grechi žrečestva vašego:
2 i bratiju tvoju, plema Leviino, sonm otca tvojego privedi k sebe, i da priložatsja k tebe, i da služat tebe, i ty i synove tvoi s toboju pred skinijeju svidenija,
3 i da bljudut stražby tvoja i stražby skinii: tokmo k sosudom svjatym i ko oltarju da ne pristupajut, da ne izmrut i sii, i vy:
4 i priložatsja k tebe i da bljudut stražby skinii svidenija po vsem službam skinii, i inoplemennik da ne pristupit k tebe,
5 i sobljudete stražby svjatych i stražby oltarja, i ne budet ktomu gneva na synech Izrailevych:
6 i Az vzjach bratiju vašu levity ot sredy synov Izrailevych v dar dannyj Gospodu služiti služby skinii svidenija.
7 I ty i synove tvoi s toboju sochranite žrečestvo vaše po vsemu obrazu oltarja, i ježe vnutr zavesy, i da služite služby v dar žrečestva vašego: i inoplemennik pristupajaj umret.
8 I reče Gospoď ko Aaronu: i se, Az dach vam snabdenije načatkov moich ot vsech osvjaščennych Mne ot synov Izrailevych: tebe dach ja v česť, i synom tvoim po tebe zakonno večno:
9 i sije da budet vam ot osvjaščennych svjatych prinošenij, ot vsech darov ich i ot vsech žertv ich, i ot vsjakago prestuplenija ich i ot vsech grech ich, jelika otdajut Mne, ot vsech svjatyň, tebe da budut i synom tvoim.
10 Vo svjatem svjatych jadite ja: vsjak mužeskij pol da jast ja, ty i synove tvoi: svjata budut tebe.
11 I sije da budet vam ot načatkov dajanij ich, ot vsech vozloženij synov Izrailevych: tebe dach ja, i synom tvoim i dščerem tvoim s toboju, zakonno večno: vsjak čistyj v domu tvojem da jast ja.
12 Vsjak načatok jelea, i vsjak načatok vina i pšenicy, načatok ich, jelika ašče otdaďat Gospodu, tebe dach ja: pervorodnaja vsja jelika v zemli ich, jelika ašče prinesut Gospodu, tebe da budut:
13 vsjak čistyj v domu tvojem da jast ja.
14 Vsjako osvjaščennoje v synech Izrailevych tebe da budet,
15 i vsjakoje razverzajuščeje vsjaka ložesna ot vsjakija ploti, jelika prinosjat Gospodu, ot čeloveka do skota, tebe da budut: no tokmo iskuplenijem iskupjatsja pervency čelovečestii, i pervency skotov nečistych da iskupjatsja:
16 i iskup jego ot jedinago mesjaca, scenenije pjať sikl, po siklju svjatomu: dvadesjať mednic jesť:
17 obače pervorodnaja telcev i pervorodnaja ovec i pervorodnaja koz da ne iskupjatsja: svjata suť: i krov ich proliješi u oltarja, i tuk prineseši prinos v voňu blagovonija Gospodu.
18 I masa tebe da budut, jakože i grudi vozloženija: i po ramu desnomu tebe da budut.
19 Vsjako učastije svjatych, jelika ašče otlučat synove Izrailtestii Gospodu, tebe dach i synom tvoim i dščerem tvoim s toboju, zakonno večno: zavet soli večnyja jesť pred Gospodem, tebe i semeni tvojemu po tebe.
20 I reče Gospoď ko Aaronu: v zemli ich da ne naslediši nasledija, i časti da ne budet tebe v nich: jako Az časť tvoja i nasledije tvoje posrede synov Izrailevych.
21 I synom Leviinym, se, dach vsju desjatinu vo Izraili v žrebij za služby ich, jeliko služat tii služenije v skinii svidenija:
22 i da ne pristupajut po sem synove Izrailtestii k skinii svidenija prijati grech smertonosnyj:
23 i da služat leviti sami službu skinii svidenija, i tii vozmut grechi ich: zakonno večno v rody ich: i posrede synov Izrailevych da ne nasleďat nasledija:
24 jako desjatiny synov Izrailevych, jeliki ašče otlučat Gospodu, učastije dach levitom v žrebij: sego radi rekoch im: sredi synov Izrailevych da ne nasleďat žrebija.
25 I reče Gospoď k Moiseju, glagolja:
26 i levitom da glagoleši i rečeši k nim: ašče vozmete desjatinu ot synov Izrailevych, juže dach vam ot nich vo žrebij, i otdelite vy ot neja učastije Gospodu, desjatinu ot desjatiny jeja,
27 i vmeňatsja vam učastija vaša jako pšenica ot gumna i jako učastije ot točila:
28 tako otdelite ich i vy ot vsech učastij Gospodnich, ot vsech desjatin vašich, jeliki ašče vozmete ot synov Izrailevych, i dadite ot nich učastije Gospodu, Aaronu žercu:
29 ot vsech dajanij vašich otdelite učastije Gospodu, ili ot vsech načatkov osvjaščennoje ot nego,
30 i rečeši k nim: jegda otdelite načatok ot nego, i vmenitsja levitom aki žito ot gumna i jako učastije ot točila:
31 i jadite to vo vsjakom meste vy i synove vaši i domove vaši, jako mzda sija vam jesť za služby vašja, jaže v skinii svidenija:
32 i ne priimete za sije grecha, jako ašče otlučite načatok ot nego: i svjatyň synov Izrailevych ne oskvernite, da ne umrete.

19

1 I reče Gospoď k Moiseju i Aaronu, glagolja:
2 se, raspoloženije zakona, jelika zapoveda Gospoď, glagolja: glagoli synom Izrailevym, i da privedut k tebe junicu ryžu neporočnu, jaže ne imať na sebe poroka, i na ňuže ne be vozloženo igo:
3 i dasi ju ko Jeleazaru žercu: i da izvedut ju vne polka na mesto čisto, i da zakoljut ju pred nim:
4 i da vozmet Jeleazar ot krove jeja i da pokropit spredi skinii svidenija ot krove jeja sedmiždy:
5 i da sožgut ju pred nim, i kožu jeja i masa jeja i krov jeja s motyly jeja da sožgut:
6 i da vozmet žrec drevo kedrovo, i issop, i soskanije červlenoje, i da vložat v sredinu sožženija junicy:
7 i da izmyet rizy svoja žrec i da omyet telo svoje vodoju, i potom da vnidet v polk, i nečist budet žrec do večera:
8 i iže sožigaet ju, da isperet rizy svoja i da omyet telo svoje vodoju, i nečist budet do večera:
9 i da soberet čistyj čelovek pepel junicy i da izneset vne polka na mesto čisto, i da budet sonmu synov Izrailevych v sochranenije: voda okroplenija očiščenije jesť:
10 i sobirajaj pepel junicy da isperet rizy svoja, i nečist budet do večera: i da budet synom Izrailevym i prišelcem priležaščym posrede vas zakonno večno.
11 Prikasajajsja mertvomu vsjakija duši čeloveči nečist budet sedm dnij:
12 sej da očistitsja (seju vodoju) v deň tretij i v deň sedmyj, i čist budet: ašče že ne očistitsja jeju v deň tretij i v deň sedmyj, nečist budet.
13 Vsjak prikasajajsja mertvomu ot vsjakija duši čeloveči, ašče umret, i ne očistitsja, skiniju Gospodňu oskverni: potrebitsja duša ta ot Izrailja, jako voda okroplenija ne voskropisja naň, nečist jesť, ješče nečistota jego na nem jesť.
14 I sej zakon: čelovek ašče umret v domu, vsjak vchoďaj v dom, i jelika suť v domu, nečista budut sedm dnij.
15 I vsjak sosud nepokroven, i jeliki obvjazanijem ne obvjazany, nečisti suť.
16 I vsjak iže ašče prikosnetsja na poli jazvennomu, ili mertvomu, ili kosti čeloveči, ili grobu, sedm dnij nečist budet:
17 i da vozmut nečistomu ot pepela sožžennago očiščenija, i da vozlijut naň vodu živu v sosud:
18 i da vozmet issop i omočit v vodu muž čist, i da voskropit na dom i na sosudy i na dušy, jeliki suť tamo, i na kosnuvšasja kosti čelovečej, ili jazvennomu, ili mertvečine, ili grobu:
19 i da voskropit čistyj na nečistago v deň tretij i v deň sedmyj, i očistitsja sedmago dne: i da isperet rizy svoja i da omyet telo svoje vodoju, i nečist budet do večera.
20 I čelovek, iže aše oskvernitsja, i ne očistit sebe, potrebitsja duša ta ot sredy sonma, jako svjataja Gospodňa oskvernavi , jako voda okroplenija ne voskropisja Naň, nečist jesť.
21 I da budet vam zakonno večno, i okropljajaj vodoju okroplenija da isperet rizy svoja, i prikasajasja vode okroplenija nečist budet do večera.
22 I vsjakoje, jemuže prikosnetsja nečistyj, nečisto budet: i duša prikasajuščajasja nečista budet do večera.

20

1 I priidoša synove Izrailtestii, ves sonm, v pustyňu Sin, v mesjac pervyj, i prebyvachu ljudije v Kadise: i skončasja tu Mariam, i pogrebesja tamo.
2 I ne bjaše vody sonmu: i sobrašasja na Moisea i Aarona,
3 i roptaša ljudije na Moisea, glagoljušče: o , daby umerli bychom v pogibeli bratii našeja pred Gospodem:
4 i vskuju vvedoste sonm Gospodň v pustyňu siju, pogubiti ny i skoty našy?
5 I vskuju sije? Izvedoste ny iz Jegipta, ježe priiti (nam) na mesto zloje sije, mesto, v nemže ne sejetsja, ni smokvi, ni vinogrady, niže jabloki, niže voda jesť piti.
6 I priide Moisej i Aaron ot lica sonma pred dveri skinii svidenija, i padosta nic: i javisja slava Gospodňa nad nimi.
7 I reče Gospoď k Moiseju, glagolja:
8 vozmi žezl tvoj i sozovi sonm ty i Aaron, brat tvoj, i rcyte ko kameňu pred nimi, i dast vody svoja: i izvedete im vody iz kamene, i napojte sonm i skoty ich.
9 I vzja Moisej žezl iže pred Gospodem, jakože povele Gospoď.
10 I sozva Moisej i Aaron sonm pred kameň, i reče k nim: poslušajte mene, nepokorivii: jeda iz kamene sego izvedem vam vodu?
11 I vozdvig Moisej ruku svoju, udari v kameň žezlom dvaždy: i izyde voda mnoga, i napisja sonm (ves) i skoty ich.
12 I reče Gospoď k Moiseju i Aaronu: poneže ne verovaste osvjatiti Ma pred synmi Izrailteskimi, sego radi ne vvedete vy sonma sego v zemlju, juže dach im:
13 sija voda Prerekanija, jako vozroptaša synove Izrailtestii pred Gospodem, i osvjatisja v nich.
14 I posla Moisej posly ot Kadisa k Carju Jedomskomu, glagolja: tako glagolet brat tvoj Izrail: ty vesi ves trud obretšij nas:
15 i snidoša otcy naši v Jegipet, i žichom vo Jegipte dni mnogi, i ozlobiša nas Jegipťjane i otcev našich:
16 i vozopichom ko Gospodu, i uslyša Gospoď glas naš, i poslav Angela, izvede ny iz Jegipta: i nyne jesmy v Kadise grade, na konce predel tvoich:
17 da prejdem skvoze zemlju tvoju: ne projdem skvoze sela, ni skvoze vinogrady, ni pijem vody v potocech tvoich: putem carskim pojdem, ne sovratimsja ni na desno, ni na levo, dondeže prejdem predely tvoja.
18 I reče k nim Jedom: ne projdeši skvoze mene: ašče že ni, ratiju izydu protivu tebe.
19 I rekoša k nemu synove Izrailevy: pod goroju projdem: ašče že ot vody tvojeja ispijem az i skoty moja, dam cenu tebe: no vešč sija ničtože jesť, pod goroju da projdem.
20 On že reče: ne projdeši skvoze mene. I izyde protivu im Jedom s narodom ťjažkim i rukoju krepkoju.
21 I ne voschote Jedom dati Izrailju proiti skvoze predely svoja, i uklonisja Izrail ot nego.
22 I vozdvigošasja ot Kadisa, i priidoša synove Izrailtestii, ves sonm, v goru Or.
23 I reče Gospoď k Moiseju i Aaronu v gore Or u predel zemli Jedomli, glagolja:
24 da priložitsja Aaron k ljudem svoim, jako ne vnidete v zemlju, juže dach synom Izrailevym v nasledije, poneže preogorčiste Ma u vody Prerekanija:
25 vozmi Aarona brata tvojego i Jeleazara syna jego, i vozvedi ja na Or goru pred vsem sonmom:
26 i sovlecy Aaronu rizy jego i oblecy Jeleazara syna jego, i Aaron priloživsja da umret tamo.
27 I sotvori Moisej, jakože povele jemu Gospoď: i vozvede ja na Or goru pred vsem sonmom,
28 i sovleče Aarona s riz jego, i obleče v ňa Jeleazara syna jego:
29 i umre Aaron tamo na verse gory: i snide Moisej i Jeleazar s gory.
30 I vide ves sonm, jako umre Aaron: i plakašasja po Aarone tridesjať dnij ves dom Izrailev.

21

1 I uslyša Chananej car Aradskij živyj pri pustyni, jako priide Izrail putem Afarimskim, i ratova protivu Izrailja, i vzja ot nich plen.
2 I obeščasja Izrail obetom Gospodu i reče: ašče mne predasi ljudi sija područny, pogublju ich i grady ich.
3 I uslyša Gospoď glas Izrailev i predade Chananea područna jemu: i opustoši jego i grady jego, i prozva ima mestu tomu Zapustenije.
4 I vozdvigšesja ot Ora gory putem iže k morju Čermnomu, obydoša zemlju Jedomlju: i malodušestvovaša ljudije na puti,
5 i roptachu ljudije na Boga i na Moisea, glagoljušče: vskuju izvel jesi ny iz Jegipta ubiti nas v pustyni, jako nesť chleba, ni vody? I duša naša negodujet o chlebe sem tščem.
6 I posla Gospoď na ljudi zmijev umerščvljajuščich, i ugryzachu ljudij: i umroša ljudi mnozi ot synov Izrailevych.
7 I prišedše ljudije k Moiseovi glagolaša: sogrešichom, jako roptachom na Gospoda i na ťja: pomolisja ubo ko Gospodu, da otženet ot nas zmii. I pomolisja Moisej ko Gospodu o ljudech.
8 I reče Gospoď k Moiseju: sotvori sebe zmiju (meďanu) i položi ju na znama: i budet ašče ugryzet zmija čeloveka, vsjak ugryzennyj videv ju živ budet.
9 I sotvori Moisej zmiju meďanu i postavi ju na znameni: i bysť jegda ugryzaše zmija čeloveka, i vziraše na zmiju meďanu, i oživaše.
10 I vozdvigošasja synove Izrailevy, i opolčišasja vo Ovofe:
11 i vozdvigšesja ot Ovofa, opolčišasja vo Achalgei ob onu stranu pustyni, jaže jesť pred licem Moavitskim, na vostok solnca:
12 i ottudu vozdvigošasja, i opolčišasja v debri Zared:
13 i ottudu vozdvigšesja, opolčišasja ob onu stranu Arnona v pustyni, jaže ischodit ot predel Amorrejskich: jesť bo Arnon predel Moavl meždu Moavom i meždu Amorreom.
14 Sego radi glagoletsja v knize braň Gospodňa: Zoovu popali, i potoki Arnoni,
15 i potoki ustroi v selenije Ir, i priležit predelom Moavlim.
16 I ottudu (vozdvigošasja) ko Klaďazju: sej jesť klaďaz, o nemže reče Gospoď k Moiseju: soberi ljudi, i dam im vodu piti.
17 Togda vospe Izrail pesň siju u klaďazja: načinajte jemu:
18 klaďaz, iskopaša jego kňazi, izsekoša jego carije jazyčestii vo carstvii ich, vnegda obladati imi. I ot klaďazja (vozdvigošasja) v Manfanail:
19 i ot Manfanaila v Naadiil, i ot Naadiila v Vamof:
20 i ot Vamofa v Napin, iže jesť na poli Moavli, ot vercha Izsečenago, zrjaščago pred lice pustyni.
21 I posla Moisej posly k Sionu carju Amorrejsku, slovesy mirnymi glagolja:
22 da projdem skvoze zemlju tvoju, putem pojdem: ne uklonimsja ni na sela, ni na vinogrady, ne ispijem vody ot klaďaz tvoich: putem carskim pojdem, dondeže projdem predely tvoja.
23 I ne dade Sion Izrailju proiti skvoze predely svoja: i sobra Sion vsja ljudi svoja, i izyde opolčitisja na Izrailja v pustyňu: i priide vo Iassan, i opolčisja na Izrailja.
24 I porazi jego Izrail ubijstvom meča, i obladaše zemleju jego ot Arnona do Iavoka, daže do synov Ammanich: jako Iazir predely synov Ammanich suť.
25 I vzja Izrail vsja grady sija: i vselisja Izrail vo vsech gradech Amorrejskich, vo Jesevone i vo vsech podležaščich jemu:
26 jesť bo Jesevon grad Siona carja Amorrejska: i sej povojeva carja Moavlja prežde i vzja vsju zemlju jego ot Aroira daže do Arnona.
27 Sego radi rekut pritočnicy: priidite vo Jesevon, da sograditsja i soziždetsja grad Sion:
28 jako ogň izyde ot Jesevona i plameň ot grada Siona, i pojade daže do Moava, i požre stolpy Arnonskija:
29 gore tebe, Moave, pogiboste, ljudije Chamosovy: prodani byša synove ich v zaključenije i dščeri ich plennicy carju Amorrejskomu Sionu:
30 i sema ich pogibnet, Jesevon daže do Devona: i ženy ich ješče razožgoša ogň na Moava.
31 Vselisja že Izrail vo vsja grady Amorrejski:
32 i posla Moisej sogljadati Iazira: i vzjaša jego i sela jego, i izgnaša Amorrea živuščago tamo:
33 i vozvrativšesja, priidoša putem v Vasan. I izyde Og, car Vasanskij, protivu im i vsi ljudije jego na braň vo Jedrain.
34 I reče Gospoď k Moiseju: ne ubojsja jego, jako v ruce tvoi predach jego i vsja ljudi jego i vsju zemlju jego: i sotvoriši jemu, jakože sotvoril jesi Sionu carju Amorrejsku, iže živjaše vo Jesevone.
35 I porazi jego i syny jego i vsja ljudi jego, daže ne osta v nich živyj: i naslediša zemlju jego.

22

1 I vozdvigšesja synove Izrailtestii, opolčišasja na zapady Moava u Iordana ko Ijerichonu.
2 I videv Valak syn Sepforov vsja, jelika sotvori Izrail Amorreju,
3 i ubojasja Moav ljudij zelo, jako mnozi bjachu, i oskorbe Moav ot lica synov Izrailevych,
4 i reče Moav starejšinam Madiamlim: nyne potrebit sonm sej vsech, iže okrest nas, jakože potrebljaet telec zlak na poli. I Valak, syn Sepforov, bjaše car Moavl v to vrema,
5 i posla posly k Valaamu, synu Veorovu, vo Fafuru jaže jesť u reki zemli synov ljudij jego, prizvati jego, glagolja: se, ljudije izydoša iz Jegipta, i se, pokryša lice zemli, i sii seďat pri oderžanii mojem:
6 i nyne priidi, prokleni mne ljudi sija, poneže kreplšii suť pače nas, aše vozmožem sich izbiti, i izženu ich iz zemli: jako vem, ichže ašče blagosloviši ty, blagosloveni suť, i ichže ašče prokleneši ty, prokljati.
7 I idoša starejšiny Moavli i starejšiny Madiamli, i volchvovanija v rukach ich: i priidoša k Valaamu i glagolaša jemu slovesa Valakova.
8 I reče k nim: prepočijte zde nošč (siju), i otveščaju vam dejanija, jaže ašče vozglagolet Gospoď ko mne. I prebyša kňazi Moavli u Valaama.
9 I priide Bog k Valaamu i reče jemu: čto čelovecy sii u tebe?
10 I reče Valaam k Bogu: Valak syn Sepforov, car Moavl, posla ich ko mne, glagolja:
11 se, ljudije izydoša iz Jegipta i pokryša lice zemli, i sii seďat pri oderžanii mojem: i nyne priidi, prokleni mi ich, negli vozmogu izbiti ich i izgnati ja ot zemli.
12 I reče Bog k Valaamu: da ne ideši s nimi, niže da kleneši ljudij: suť bo blagosloveni.
13 I vostav Valaam zautra, reče kňazem Valakovym: vozvratitesja k gospodinu svojemu: ne popuščaet mi Bog iti s vami.
14 I vostavše kňazi Moavli priidoša k Valaku i rekoša jemu: ne choščet Valaam priiti s nami.
15 I priloži Valak ješče poslati kňazi množajšii i čestnejšii sich.
16 I priidoša k Valaamu i glagolaša jemu: sija glagolet Valak, syn Sepforov: molju ťja, ne oblenisja priiti ko mne:
17 čestne bo ťja počtu, i vsja, jelika ašče rečeši mi, sotvorju tebe: i priidi, i prokleni mi ljudi sija.
18 I otvešča Valaam i reče kňazem Valakovym: ašče mi dast Valak polnu chraminu svoju zlata i srebra, ne mogu prestupiti slova Gospoda Boga, ježe sotvoriti to malo ili veliko v razume mojem:
19 i nyne poterpite zde i vy nošč siju, i uvem, čto priložit Gospoď glagolati ko mne.
20 I priide Bog k Valaamu noščiju i reče jemu: ašče zvati ťja priidoša čelovecy sii, vostav idi vsled ich, no slovo, ježe aše reku tebe, to da sotvoriši.
21 I vostav Valaam zautra, osedla oslja svoje i ide so kňazi Moavli.
22 I razgnevasja jarostiju Bog, jako ide sej: i vosta Angel Božij prepjati jemu na puti. Sej že seďaše na osljati svojem i dva raba jego s nim.
23 I uzrev osel Angela Božija suprotiv stojašča na puti, i meč izvlečen v ruce jego, i sovratisja osel s puti i iďaše na pole: i bijaše (Valaam) oslja žezlom svoim, ježe napraviti je na puť:
24 i sta Angel Božij na brozdach vinogradnych: ograždenije otsjudu, i ograždenije oťjunudu:
25 i uzrev osel Angela Božija, priložisja ko ograde i prižme nogu Valaamu ko ograde, i priloži ješče biti jego:
26 i priloži Angel Božii, i šed svjata v meste uzkom, v nemže ne bjaše uklonitisja ni na desno, ni na levo:
27 i viďa oslja Angela Božija, pade pod Valaamom: i razgnevasja Valaam, i bijaše oslja žezlom.
28 I otverze Bog usta osljati, i reče Valaamu: čto sotvorich tebe, jako se, v tretije biješi ma?
29 I reče Valaam osljati: jako porugalosja mi jesi: i ašče bych meč imel v ruku mojeju, probol bych ťja.
30 I reče oslja Valaamu: ne az li oslica tvoja, na nejže ty jezdiši ot junosti svojeja do dnešňago dne? Jeda prezorstvom prezrevši sotvorich tebe sije? On že reče: ni.
31 Otverze že Bog oči Valaamu, i uzre Angela Božija protivostojašča na puti, i meč izvlečen v ruce jego: i priklonivsja poklonisja jemu licem svoim.
32 I reče jemu Angel Božij: počto biješi oslja tvoje sije v tretije? I se, Az priidoch na prepjatije tvoje, jako neprijaten puť tvoj predo Mnoju: i viďa ma oslica, sovratisja ot Mene se tretije:
33 i ašče by ne uklonilasja ot Mene, nyne ťja ubo ubil bych, siju že sochranil bych.
34 I reče Valaam ko Angelu Gospodňu: sogrešich, ne vedech bo, jako Ty mne protivostojal jesi na puti: i nyne ašče Tebe ne ugodno, vozvraščusja.
35 I reče Angel Božij k Valaamu: idi ty s čeloveki: obače slovo, ježe ašče reku tebe, sije sochrani glagolati. I ide Valaam so kňazi Valakovy.
36 I uslyšav Valak, jako prichodit Valaam, izyde vo sretenije jemu vo grad Moavl, iže jesť v predelech Arnonich, iže jesť na krai predelov.
37 I reče Valak k Valaamu: ne poslach li k tebe zvati ťja? Počto ne prišel jesi ko mne? Ili ne vozmogu počtiti tebe?
38 I reče Valaam k Valaku: se, prichoždu k tebe nyne: moščen li budu glagolati čto? Slovo, ježe ašče vložiť Bog vo usta moja, sije reku.
39 I ide Valaam s Valakom, i vnidoša vo Grady Selnyja.
40 I zakla Valak telcy i ovcy, i posla Valaamu i kňazem iže s nim.
41 I bysť zautra, i vzjav Valak Valaama, vozvede jego na stolp Vaalov, i pokaza jemu ottudu časť nekuju ljudij.

23

1 I reče Valaam k Valaku: soziždi mne zde sedm trebišč, i ugotovaj mne zde sedm telcev i sedm ovnov.
2 I sotvori Valak, jakože reče jemu Valaam: i voznese telca i ovna na trebišče.
3 I reče Valaam k Valaku: stani u treby svojeja, i pojdu, ašče javitsja mne Bog v sretenije, i slovo, ježe mne ukažet, povem tebe. I sta Valak u treby svojeja.
4 I Valaam ide voprositi Boga, i ide prjamo: i javisja Bog Valaamu. I reče k nemu Valaam: sedm trebišč izgotovich i vozložich telca i ovna na trebišče.
5 I vloži Bog slovo vo usta Valaamu i reče: vozvrativsja k Valaku tako glagoli.
6 I vozvratisja k nemu: on že stojaše u vsesožženij svoich, i vsi kňazi Moavli s nim: i bysť Duch Božij na nem.
7 I vospriim pritču svoju reče: ot Mesopotamii privede ma Valak car Moavl, ot gor vostočnych, glagolja: grjadi, prokleni mi Iakova, i grjadi, prokleni mi Izrailja:
8 čto proklenu, jegože ne klenet Gospoď? Ili čto zlo reku, jegože ne zloslovit Bog?
9 Jako ot vercha gor uzrju jego i ot cholm prourazumeju jego: se, ljudije jedini naseljatsja i so jazyki ne vmeňatsja:
10 kto izsledit sema Iakovle? I kto izočtet sonmy Izrailja? Da umret duša moja v dušach pravednych, i budi sema moje, jakože sema ich.
11 I reče Valak k Valaamu: čto sotvoril jesi mi? Na prokljatije vrag moich prizvach ťja, i se, blagoslovil jesi (ja) blagoslovenijem.
12 I reče Valaam k Valaku: ne jelika li vložit Bog vo usta moja, sije sochraňu glagolati?
13 I reče k nemu Valak: pojdi ješče so mnoju na mesto ino, s negože ne uzriši ich ottudu, no razve časť nekuju ich uzriši, vsech že ne uzriši, i prokleni mi ich ottudu.
14 I poja jego na stražu sela, na verch Istesanago, i sozda tamo sedm trebišč, i vozloži telca i ovna na trebišče.
15 I reče Valaam k Valaku: stani u treby svojeja, az že pojdu voprositi Boga.
16 I srete Bog Valaama, i vloži slovo vo usta jemu i reče: vozvratisja k Valaku, i rečeši sija.
17 I vozvratisja k nemu: on že stojaše u vsesožženij svoich, i vsi kňazi Moavli s nim. I reče jemu Valak: čto glagola Gospoď?
18 I vospriim pritču svoju, reče: vostani, Valak, i poslušaj, vnuši svidetel, syne Sepforov:
19 ne jako čelovek Bog kolebletsja, niže jako syn čelovečeskij izmeňaetsja: Toj glagolaše, ne sotvorit li? Rečet, i ne prebudet li?
20 Se, blagoslovljati priveden jesm: blagoslovlju, i ne otvrašču:
21 ne budet truda vo Iakove, niže uzritsja bolezň vo Izraili: Gospoď Bog jego s nim, slava carskaja na nem:
22 Bog izvedyj jego iz Jegipta, jakože slava jedinoroga v nem:
23 nesť bo vražby vo Iakove, niže volchvovanija vo Izraili: vo vrema narečetsja Iakovu i Izrailju, čto soveršit Bog:
24 se, ljudije jako lvičišča vostanut, i jako lev voznesetsja: ne usnet, dondeže snest lov i krov posečenych ispijet.
25 I reče Valak k Valaamu: ni kljatvami mne kleni ich, niže blagoslovenijem blagoslovi ich.
26 I otveščav Valaam, reče k Valaku: ne rech li ti, glagolja: slovo, ježe ašče vozglagolet Bog, sije sotvorju?
27 I reče Valak k Valaamu: grjadi, pojmu ťja na mesto ino, ašče ugodno budet Bogu, i prokleni mi ich ottudu.
28 I poja Valak Valaama na verch Fogora, prostirajuščasja v pustyňu.
29 I reče Valaam k Valaku: soziždi mne zde sedm trebišč, i ugotovaj mne zde sedm telcev i sedm ovnov.
30 I sotvori Valak, jakože reče jemu Valaam: i voznese telca i ovna na trebišče.

24

1 I videv Valaam, jako dobro jesť pred Gospodem blagoslovljati Izrailja, ne ide po obyčaju svojemu v sretenije volchvovanijem, i vozvrati lice svoje v pustyňu.
2 I vozved Valaam oči svoi, uzre Izrailja opolčivšasja po plemenom: i bysť Duch Božij na nem.
3 I vospriim pritču svoju reče: glagolet Valaam, syn Veorov, glagolet čelovek istinno zrjaj,
4 glagolet slušajaj slovesa Krepkago, iže videnije Božije vide vo sne: otversty oči jego:
5 kol dobri domi tvoi, Iakove, i kuščy tvoja, Izrailju:
6 jako dubravy oseňajuščyja i jako sadije pri rekach, i jako kuščy, jaže vodruzi Gospoď, i jako kedri pri vodach:
7 izydet čelovek ot semene jego, i obladaet jazyki mnogimi: i vozvysitsja pače Goga carstvo jego, i vozrastet carstvo jego:
8 Bog izvede jego iz Jegipta, jakože slava jedinoroga jemu: pojast jazyki vrag svoich i tolščy ich izmoždit, i strelami svoimi ustrelit vraga:
9 vozleg poči jako lev i jako skimen: kto vozbudit jego? Blagoslovjaščii ťja blagosloveni, i proklinajuščii ťja prokljati.
10 I razgnevasja Valak na Valaama, i plesnu rukami svoimi, i reče Valak k Valaamu: kljati ťja vraga mojego prizvach, i se, blagoslovil jesi ich v tretije:
11 nyne ubo beži na mesto svoje: rekoch, počtu ťja: i nyne liši ťja Gospoď slavy.
12 I reče Valaam k Valaku: i poslom tvoim, ichže poslal jesi ko mne, ne rekoch li, glagolja:
13 ašče mi dast Valak chraminu svoju polnu srebra i zlata, ne mogu prestupiti slova Božija, ježe sotvoriti je zlo ili dobro ot mene samago: jelika ašče rečet mi Bog, sija vozglagolju?
14 I nyne, se, idu do mesta svojego: grjadi, prisovetuju tebe, čto sotvorjat ljudije sii ljudem tvoim, v posledňaja dni.
15 I vospriim pritču svoju reče: glagolet Valaam syn Veorov, glagolet čelovek istinno zrjaj,
16 slyšaj slovesa Božija, umeja umenije Vyšňago i videnije Božije videvyj vo sne: otversty oči jego:
17 pokažu jemu, i ne nyne: ublažaju, i ne približaetsja: vozsijaet zvezda ot Iakova, i vostanet čelovek ot Izrailja i pogubit kňazi Moavitskija, i plenit vsja syny Sifovy:
18 i budet Jedom nasledije, i budet nasledije Isav vrag jego, i Izrail sotvori kreposť:
19 i vostanet ot Iakova, i pogubit spasaemago ot grada.
20 I videv Amalika i vospriim pritču svoju, reče: načalo jazykov Amalik, i sema ich pogibnet.
21 I videv Keneona i vospriim pritču svoju, reče: silno selenije tvoje: i ašče položiši na kameni gnezdo tvoje,
22 i ašče budet Veoru gnezdo kovarstva, Assiriane pleňat ťja.
23 I videv Oga i vospriim pritču svoju, reče: gore, gore, kto živ budet, jegda položit Bog sija?
24 I izydut iz ruk Kitijejskich, i ozlobjat Assura, i ozlobjat Jevreov, i sami vkupe pogibnut.
25 I vostav Valaam otide, vozvrativsja na mesto svoje: i Valak otide k sebe.

25

1 I živjaše Izrail v Sattime, i oskvernišasja ljudije bluženijem so dščermi Moavli:
2 i prizvaša ja v treby kumir svoich, i jadoša ljudije treby ich i poklonišasja kumirom ich:
3 i pričastisja Izrail Vejelfegoru, i razgnevasja jarostiju Gospoď na Izrailja.
4 I reče Gospoď k Moiseju: poimi vsja kňazi ljudskija, i obliči ja Gospodu prjamo solncu, i otvratitsja gnev jarosti Gospodni ot Izrailja.
5 I reče Moisej k plemenem Izrailskim: izbijte kijždo užika svojego služivšago Vejelfegoru.
6 I se, čelovek ot synov Izrailevych prišed privede brata svojego k Madianityne pred Moisejem i pred vsem sonmom Izrailevym: sii že plakachusja pred dvermi skinii svidenija.
7 I videv Finejes, syn Jeleazara syna Aarona žerca, vosta iz sredy sonma, i vzem sulicu v ruku,
8 vnide vsled čeloveka Izrailťjanina v bludilišče, i probode oboich, i čeloveka Izrailťjanina, i ženu skvoze ložesna jeja: i presta vred ot synov Izrailevych.
9 I byša umeršii jazvoju dvadesjať četyri tysjaščy.
10 I reče Gospoď k Moiseju, glagolja:
11 Finejes syn Jeleazara syna Aarona žerca utoli gnev Moj ot synov Izrailevych, jegda vozrevnova revnosť Moja v nich, i ne potrebich synov Izrailevych v revnosti Mojej:
12 tako rcy: se, Az daju jemu zavetzavet Moj mirnyj,
13 i budet jemu i semeni jego po nem zavet žrečestva večnyj, poneže vozrevnova po Boze svojem i umilostivi o synech Izrailevych.
14 Ima že čeloveku Izrailťjaninu, jegože ubi s Madianityneju, Zamvrij syn Salmoň, kňaz domu otečestva synov Simeonich:
15 i ima žene Madianityne probodenoj Chazvi, dšči Sura, kňazja roda Sommofova, domu otečestva jesť Madiamlja.
16 I reče Gospoď k Moiseju, glagolja: rcy synom Izrailevym, glagolja:
17 vraždujte Madianitom i bijte ja:
18 zane vraždujut vam sii lestiju, jeliko prelščajut vas Fogorom i Chazvijeju dščeriju kňazja Madiamlja, sestroju svojeju probodenoju, v deň jazvy Fogora radi.

26

1 I bysť no jazve, i reče Gospoď k Moiseju i Jeleazaru žercu, glagolja:
2 vozmi načalo vsego sonma synov Izrailevych ot dvadesjati let i vyšše, no domom otečestv ich, vsjak ischoďaj vooružitisja vo Izraili.
3 I glagola Moisej i Jeleazar žrec k nim vo Aravofe Moavli pri Iordane u Ijerichona, glagolja:
4 ot dvadesjati let i vyšše, jakože zapoveda Gospoď Moiseju: i synove Izrailtestii izšedšii iz Jegipta:
5 Ruvim pervenec Izrailev. Synove že Ruvimli: Jenoch i sonm Jenochov, Fallu sonm Fallov,
6 Asronu sonm Asronov, Charmu sonm Charmiin.
7 Sii sonmi Ruvimli: i bysť sogljadanije ich četyredesjať tri tysjaščy i šesť sot i tridesjať.
8 I synove Fallovy Jeliav.
9 I synove Jeliavli Namuil i Dafan i Aviron: sii naročitii sonmu: sii suť vostavše na Moisea i Aarona v sonme Koreove v kramole na Gospoda:
10 i otverzši zemlja usta svoja požre ich i Korea v smerti sonma jego, jegda pojade ogň dvesti i pjaťdesjat, i byša v znamenije.
11 Synove že Koreovy ne izmroša.
12 I synove Simeoni, sonm synov Simeonich: Namuilu sonm Namuilov, Iaminu sonm Iaminov, Iachinu sonm Iachinov,
13 Zare sonm Zarin, Saulu sonm Saulov.
14 Sii sonmi Simeoni ot sogljadanija ich dvadesjať dve tysjaščy i dvesti.
15 Synove že Iudiny Ir i Avnan i Silom, i Fares i Zara: i umre Ir i Avnan v zemli Chanaani.
16 I byša synove Iudiny po sonmom svoim: Silomu sonm Siloml, Faresu sonm Faresov, Zare sonm Zarin.
17 I byša synove Faresovy: Asronu sonm Asronov, Iamuilu sonm Iamuilov.
18 Sii sonmi Iudiny po sogljadaniju ich sedmdesjat šesť tysjašč i pjať sot.
19 I synove Issacharovy po sonmom svoim: Fole sonm Folin Fujevi sonm Fuin,
20 Iasuvu sonm Iasuvin, Amvramu sonm Amvraml.
21 Sii sonmi Issacharovy no sogljadaniju ich šesťdesjat i četyri tysjaščy i četyresta.
22 Synove Zavuloni po sonmom svoim: Saredu sonm Saredin, Allonu sonm Allonin, Allilu sonm Allilin.
23 Sii sonmi Zavuloni po sogljadaniju ich šesťdesjat tysjašč i pjať sot.
24 Synove Gadovy po sonmom ich: Safonu sonm Safonin, Agginu sonm Agginov, Suninu sonm Suninov,
25 Azenu sonm Azenin, Addu sonm Addin,
26 Aroadu sonm Aroadin, Ariilu sonm Ariil.
27 Sii sonmi synov Gadovych no sogljadaniju ich četyredesjať i četyri tysjaščy i pjať sot.
28 Synove Asirovy po sonmom ich: Iaminu sonm Iaminov, Ijesuju sonm Ijesuiň,
29 Variaju sonm Variaiň, Choveru sonm Choverin, Melchiilu sonm Melchiilin,
30 ima že dščeri Asirove Sara,
31 sii sonmi Asirovy no sogljadaniju ich četyredesjať tri tysjašči i četyresta.
32 Synove Iosifli po sonmom ich: Manassia i Jefrem.
33 Synove Manassiiny: Machiru sonm Machirin: i Machir rodi Galaada, Galaadu sonm Galaadin.
34 I sii synove Galaadiny: Achijezeru sonm Achijezerov, Cheleku sonm Chelekov,
35 Jesriilu sonm Jesriilov, Sichemu sonm Sicheml,
36 Simaeru sonm Simaerin, i Oferu sonm Oferov.
37 I Salpaadu synu Oferovu ne byša jemu synove, no tokmo dščeri. I sija imena dščerem Salpaadovym: Maala i Nua, i Jegla i Melcha i Fersa.
38 Sii sonmi Manassiiny po sogljadaniju ich pjaťdesjat i dve tysjaščy i sedm sot.
39 I sii synove Jefremli: Sufalu sonm Sufalin, Tanachu sonm Tanachin.
40 Sii synove Sufalovy: Jedenu sonm Jedenin.
41 Sii sonmi Jefremli po sogljadaniju ich tridesjať dve tysjaščy i pjať sot. Sii sonmi synov Iosifovych po sonmom ich.
42 Synove Veniamini po sonmom ich: Valu sonm Valin, Asiviru sonm Asivirov, Iachiranu sonm Iachiranin, Sofanu sonm Sofanin.
43 I byša synove Valu Ader i Nojeman:
44 Aderu sonm Aderin, i Nojemanu sonm Nojemanin.
45 Sii synove Veniamini po sonmom ich po sogljadaniju ich četyredesjať i pjať tysjašč i šesť sot.
46 I synove Danovy po sonmom ich: Sameju sonm Samein: sii sonmi Danovy no sonmom ich.
47 Vsi sonmi Sameini po sogljadaniju ich šesťdesjat četyri tysjaščy i četyresta.
48 Synove Neffalimli po sonmom ich: Asiilu sonm Asiilev, Goinu sonm Goinin,
49 Ijesriju sonm Ijesrijev, Sellimu sonm Sellimov.
50 Sii sonmi Neffalimli po sogljadaniju ich četyredesjať pjať tysjašč i četyresta.
51 Sije sogljadanije synov Izrailevych šesť sot jedina tysjašča i sedm sot tridesjať.
52 I reče Gospoď k Moiseju, glagolja:
53 sim razdelitsja zemlja v nasledije po čislu imen:
54 množajšym da umnožiši nasledije, i malejšym da umališi nasledije ich: kojemuždo, jakože suť sogljadani, da dastsja nasledije ich:
55 po žrebijem da razdelitsja zemlja imenam, po plemenem otečestv svoich da nasleďat:
56 ot žrebija da razdeliši nasledije ich meždu mnogimi i malymi.
57 I synove Leviini no sonmom ich: Girsonu sonm Girsonov, Kaafu sonm Kaafov, Merare sonm Merarin.
58 Sii sonmi synov Leviinych: sonm Lovenin, sonm Chevronin, i sonm Musin, i sonm Koreov. I Kaaf rodi Amrama.
59 Ima že žene Amramli Iochavef, dšči Leviina, jaže rodi sich Levii vo Jegipte, i rodi Amramu Aarona i Moisea i Mariam sestru ich.
60 I rodišasja Aaronu Nadav i Aviud, i Jeleazar i Ifamar.
61 I umre Nadav i Aviud, jegda prinesosta ogň čuždij pred Gospodem v pustyni Sinajstej.
62 I byša ot sogljadanija ich dvadesjať tri tysjaščy, vsjak mužesk pol ot jedinago mesjaca i vyšše: ne byša bo sogljadani posrede synov Izrailevych, jako ne dadesja im žrebij posrede synov Izrailevych.
63 I sije sogljadanije Moisea i Jeleazara žerca, iže sogljadaša synov Izrailevych vo Aravofe Moavli, u Iordana pri Ijerichone.
64 I v sich ne bjaše čelovek ot sogljadanych Moiseom i Aaronom, ichže sogljadaša synov Izrailevych v pustyni Sinajstej.
65 Poneže reče Gospoď im: smertiju izmrut v pustyni. I ne ostasja ot nich ni jedin, krome Chaleva syna Ijefonniina i Iisusa syna Navina.

27

1 I prišedšja dščeri Salpaada syna Oferova, syna Galaadova, syna Machirova, sonma Manassiina, synov Iosifovych, i sija imena ich: Maala i Nua, i Jegla i Melcha i Fersa,
2 i stavšja pred Moiseom i pred Jeleazarom žercem, i pred kňazi i pred vsem sonmom u dverij skinii svidenija, glagolaša:
3 otec naš umre v pustyni, i sej ne be srede sonma vostavšago na Gospoda v sonme Koreove, jako grecha radi svojego umre, i synove ne byša jemu:
4 da ne pogibnet ima otca našego ot sredy sonma svojego, jako nesť syna jemu: dadite nam nasledije posrede bratii otca našego.
5 I prinese Moisej sud ich pred Gospoda.
6 I reče Gospoď k Moiseju, glagolja:
7 pravo glagolaša dščeri Salpaadovy: dajanije da dasi im oderžanije nasledija posrede bratij otca ich, i da priložiši im žrebij otca ich:
8 i synom Izrailevym da rečeši, glagolja: čelovek ašče umret, i ne budet syna jemu, dadite nasledije jego dščeri jego:
9 ašče že dščeri ne budet jemu, dadite nasledije jego bratu jego:
10 ašče že ne budut jemu bratija, dadite nasledije bratu otca jego:
11 ašče že ne budut bratija otca jego, dadite nasledije užiku bližnemu jego ot plemene jego naslediti jaže jego: i da budet sije synom Izrailevym opravdanije suda, jakože zapoveda Gospoď Moiseju.
12 I reče Gospoď k Moiseju: vzydi na goru, jaže ob onu stranu Iordana, sija gora Navav, i vižď zemlju Chanaaňu, juže Az daju synom Izrailevym vo oderžanije:
13 i uzriši ju, i priložišisja k ljudem svoim i ty, jakože priložisja Aaron brat tvoj na gore Or:
14 poneže prestupiste slovo Moje v pustyni Sin, vnegda suprotivitisja sonmu osvjatiti Ma, ne osvjatiste Mene u vody pred nimi: sija jesť voda Prerekanija v Kadise v pustyni Sin.
15 I reče Moisej ko Gospodu:
16 da izberet Gospoď Bog duchov i vsjakija ploti čeloveka nad sonmom sim,
17 iže izydet pred licem ich, iže vnidet pred licem ich, i iže izvedet ich i iže vvedet ich, i da ne budet sonm Gospodeň, jako ovcy ne imuščja pastyrja.
18 I reče Gospoď k Moiseju, glagolja: poimi k sebe Iisusa syna Navina, čeloveka, iže imať Ducha v sebe: i da vozložiši ruce tvoi na nego:
19 i postaviši jego pred Jeleazarom žercem, i zapovežď jemu pred vsem sonmom, i zapovežď o nem pred nimi:
20 i dasi na nego ot slavy tvojeja, jako da poslušajut jego vsi synove Izrailevy:
21 i pred Jeleazarom žercem da stanet, i da voprosjat ot nego suda javlennych pred Gospodem: po slovesi jego da ischoďat, i po slovesi jego da vchoďat sam i synove Izrailevy vkupe, i ves sonm.
22 I sotvori Moisej, jakože povele jemu Gospoď Bog: i vzem Iisusa postavi jego pred Jeleazarom žercem i pred vsem sonmom:
23 i vozloži ruce svoi na nego, i ustroi jego, jakože povele Gospoď Moiseju.

28

1 I reče Gospoď k Moiseju, glagolja:
2 zapovežď synom Izrailevym, i rečeši k nim, glagolja: dary Moja, dajanija Moja, prinosy Moja, v voňu blagovonija sobljudite prinositi Mne na prazdniki Moja.
3 I da rečeši k nim: sija prinošenija, jaže prinesete Gospodu, agncev jedinoletnych neporočnych dva na deň vo vsesožženije vynu:
4 agnca jedinago sotvorite rano, i agnca vtorago sotvorite v večer:
5 i da sotvoriši desjatuju časť jefi (mery) muki pšeničny na žertvu, vmešanu v jelei četvertuju časť (mery) ina:
6 vsesožženije neprestannoje, jakože bysť v gore Sinajstej, v voňu blagovonija Gospodu.
7 I vozlijanije jego četvertuju časť (mery) ina agncu jedinomu: vo svjatem da vozliješi vozlijanije sikeru Gospodu:
8 i agnca vtorago sotvoriši k večeru: po žertve jego i po vozlijaniju jego da sotvoriši, v voňu blagovonija Gospodu.
9 I v deň subbot privedete dva agnca jedinoletna neporočna i dve desjatiny muki pšeničny vmešany v jelei na žertvu i vozlijanije,
10 vsesožženija subboty v subbotach, na vsesožženije vsegdašneje i vozlijanije jego.
11 I v novomesjačiich da prinesete vo vsesožženije Gospodu telca dva ot govjad i ovna jedinago, agncev jedinoletnych sedm neporočnych:
12 tri desjatiny muki pšeničny vmešany v jelei telcu jedinomu, i dve desjatiny muki pšeničny vmešany v jelei ovnu jedinomu,
13 po desjatine muki pšeničny vmešany v jelei agncu jedinomu: žertvu v voňu blagovonija prinos Gospodu.
14 Vozlijanije ich ot vina pol (mery) ina da budet telcu jedinomu: i tretija časť (mery) ina da budet ovnu jedinomu: i četvertaja časť (mery) ina da budet agncu jedinomu: sije vsesožženije ot mesjaca do mesjaca v mesjacy leta.
15 I kozla jedinago ot koz grecha radi Gospodu na vsesožženije prisnoje sotvorite i vozlijanije jego.
16 I v mesjace pervem v četvertyjnadesjať deň mesjaca Pascha Gospodu:
17 i v pjatyjnadesjať deň mesjaca sego prazdnik: sedm dnij opresnoki da jaste.
18 I deň pervyj naročit svjat da budet vam: vsjakago dela služebna da ne sotvorite.
19 I prinesete vsesožženija prinos Gospodu, telca ot volov dva, ovna jedinago, agncev jedinoletnych sedm: neporočni budut vam.
20 I žertva ich muka pšenična vmešana v jelei: tri desjatiny telcu jedinomu i dve desjatiny ovnu jedinomu da sotvorite:
21 po desjatine sotvoriši agncu jedinomu, sedmi agncem:
22 i kozla jedinago ot koz grecha radi, vo ježe umoliti o vas.
23 Krome vsesožženija vsegdašňago utrenňago, ježe jesť vsesožženije vsegdašneje, sotvorite sija.
24 Po semu sotvorite na (vsjak) deň, v sedm dnij, dar, prinos v voňu blagovonija Gospodu: na vsesožženije vsegdašneje sotvoriši vozlijanije jego.
25 I deň sedmyj naročit svjat da budet vam: vsjakago dela služebnago da ne sotvorite v oň.
26 I deň novych (plodov), jegda prinesete Gospodevi žertvu novu sedmic, naročit svjat budet vam: vsjakago dela služebna da ne sotvorite.
27 I da prinesete vsesožženija v voňu blagovonija Gospodu, telca ot volov dva, ovna jedinago, agncev jedinoletnych sedm neporočnych.
28 Žertva ich muka pšenična vmešana v jelei: tri desjatiny telcu jedinomu i dve desjatiny ovnu jedinomu:
29 po desjatine agncu jedinomu, sedmi agncem:
30 i kozla jedinago ot koz grecha radi, vo ježe umoliti o vas.
31 Krome vsesožženija vsegdašňago, i žertvu ich sotvorite Mne, neporočni da budut vam, i vozlijanija ich.

29

1 I v mesjac sedmyj, pervyj (deň) mesjaca naročit svjat da budet vam: vsjakago dela služebna da ne sotvorite: deň znamenija budet vam.
2 I sotvorite vsesožženija v voňu blagovonija Gospodu, telca ot volov jedinago, ovna jedinago, agncev jedinoletnych sedm neporočnych:
3 žertva ich muka pšenična vmešana v jelei: tri desjatiny telcu jedinomu i dve desjatiny ovnu jedinomu:
4 po desjatine agncu jedinomu, sedmi agncem:
5 i kozla ot koz jedinago grecha radi, vo ježe umoliti o vas:
6 krome vsesožženij novomesjačija i žertvy ich, i vozlijanija ich, i vsesožženije vsegdašneje: i žertvy ich i vozlijanija ich, po ustavu ich, v voňu blagovonija Gospodu.
7 I desjatyj deň mesjaca sego naročit svjat da budet vam: i ozlobite dušy vašja, i vsjakago dela služebna da ne sotvorite,
8 i prinesete vsesožženije v voňu blagovonija Gospodu, prinosy Gospodu: telca jedinago ot govjad, ovna jedinago, agncev jedinoletnych sedm: neporočny da budut vam:
9 žertva ich muka pšenična vmešana v jelei: tri desjatiny telcu jedinomu i dve desjatiny ovnu jedinomu:
10 po desjatine agncu jedinomu, na sedm agncev:
11 i kozla jedinago ot koz grecha radi, vo ježe umoliti o vas: krome ježe grecha radi očiščenija, i vsesožženije vsegdašneje: žertva jego i vozlijanije jego, po ustavu jego v voňu blagovonija prinos Gospodu.
12 I pjatyjnadesjať deň sedmago mesjaca sego naročit svjat da budet vam: vsjakago dela služebna da ne sotvorite, i prazdnujte toj prazdnik Gospodevi sedm dnij,
13 i prinesite vsesožženija prinos v voňu blagovonija Gospodu: v pervyj deň telcev ot govjad trinadesjať, ovna dva, agncev jedinoletnych četyrenadesjať: neporočny da budut vam:
14 žertvy ich muka pšenična vmešana v jelei: tri desjatiny telcu jedinomu, tremnadesjati telcem, i dve desjatiny ovnu jedinomu, na dva ovna:
15 po desjatine agncu jedinomu, na četyrenadesjať agncev:
16 i kozla jedinago ot koz grecha radi: krome vsesožženija vsegdašňago, žertvy ich i vozlijanija ich.
17 I v deň vtoryj telcev dvanadesjať, ovna dva, agncev jedinoletnych četyrenadesjať neporočnych:
18 žertva ich i vozlijanija ich telcem i ovnom i agncem po čislu ich, po ustavu ich:
19 i kozla jedinago ot koz grecha radi: krome vsesožženija vsegdašňago, žertvy ich i vozlijanija ich.
20 V deň tretij telcev jedinnadesjať, ovna dva, agncev jedinoletnych četyrenadesjať neporočnych:
21 žertva ich i vozlijanija ich telcem i ovnom i agncem po čislu ich, po ustavu ich:
22 i kozla ot koz jedinago grecha radi: krome vsesožženija vsegdašňago, žertvy ich i vozlijanija ich.
23 V deň četvertyj telcev desjať, ovna dva, agncev jedinoletnych četyrenadesjať neporočnych:
24 žertvy ich i vozlijanija ich telcem i ovnom i agncem po čislu ich, po ustavu ich:
25 i kozla ot koz jedinago grecha radi: krome vsesožženija vsegdašňago, žertvy ich i vozlijanija ich.
26 V deň pjatyj telcev devjať, ovna dva, agncev jedinoletnych četyrenadesjať neporočnych:
27 žertvy ich i vozlijanija ich telcem i ovnom i agncem no čislu ich, po ustavu ich:
28 i kozla ot koz jedinago grecha radi: krome vsesožženija vsegdašňago, žertvy ich i vozlijanija ich.
29 V deň šestyj telcev osm, ovna dva, agncev jedinoletnych četyrenadesjať neporočnych:
30 žertvy ich i vozlijanija ich telcem i ovnom i agncem po čislu ich, po ustavu ich:
31 i kozla ot koz jedinago grecha radi: krome vsesožženija vsegdašňago, žertvy ich i vozlijanija ich.
32 V deň sedmyj telcev sedm, ovna dva, agncev jedinoletnych četyrenadesjať neporočnych:
33 žertvy ich i vozlijanija ich telcem i ovnom i agncem po čislu ich, po ustavu ich:
34 i kozla ot koz jedinago grecha radi: krome vsesožženija vsegdašňago, žertvy ich i vozlijanija ich.
35 I v deň osmyj ischod budet vam: vsjakago dela služebna da ne sotvorite v oň,
36 i da prinesete vsesožženija v voňu blagovonija Gospodu, telca jedinago, ovna jedinago, agncev jedinoletnych sedm neporočnych:
37 žertvy ich i vozlijanija ich telcu i ovnu i agncem po čislu ich, po ustavu ich:
38 i kozla ot koz jedinago grecha radi: krome vsesožženija vsegdašňago, žertvy ich i vozlijanija ich.
39 Sija sotvorite Gospodu v prazdniki vašja, krome obetov vašich, i volnaja vaša, i vsesožženija vaša, i žertvy vašja, i vozlijanija vaša, i spasitelnaja vaša.

30

1 I glagola Moisej synom Izrailevym po vsem, jelika zapoveda Gospoď Moiseju:
2 i glagola Moisej kňazem plemen synov Izrailevych, glagolja: sije slovo, ježe povele Gospoď.
3 Čelovek čelovek, iže ašče obeščaet obet Gospodu, ili zaklenetsja kljatvoju, ili opredelit predelom o duši svojej, ne oskvernavit slovese svojego: vsja, jelika izydut iz ust jego, da sotvorit.
4 Ašče že obeščaet žena obet Gospodu, ili opredelit opredelenije v domu otca svojego v junosti svojej,
5 i uslyšit otec jeja obety jeja i opredelenija jeja, jaže opredeli na dušu svoju, i premolčit otec jeja, i da sostojatsja vsja obety jeja, i vsja opredelenija, jaže opredeli na dušu svoju, da prebudut jej.
6 Ašče že vozbranenijem vozbranit otec jeja, v oňže deň uslyšit vsja obety jeja i opredelenija, jaže opredeli na dušu svoju, ne sostojatsja: i Gospoď očistit ju, jako vozbrani otec jeja.
7 Ašče že posjagla za muža, i obety jeja na nej, po opredelenii ust jeja, jelika opredeli na dušu svoju,
8 i uslyšit muž jeja, i premolčit jej, v oňže deň uslyšit, i tako sostojatsja vsja obety jeja, i opredelenija jeja, jaže opredeli na dušu svoju, da sostojatsja.
9 Ašče že vozbranenijem vozbranit muž jeja, v oňže deň uslyšit vsja obety jeja i opredelenija jeja, jaže opredeli na dušu svoju, da ne prebudut, jako muž vozbrani jej: i Gospoď očistit ju.
10 I obet vdovicy i puščenicy, jelika ašče obeščajut na dušu svoju, da prebudut im.
11 Ašče že v domu muža jeja obet jeja ili opredelenije, ježe na dušu jeja s kljatvoju,
12 i uslyšit muž jeja, i premolčit jej, i ne vozbranit jej, i sostojatsja vsja obety jeja, i vsja opredelenija jeja, jaže opredeli na dušu svoju da sostojatsja na ňu.
13 Ašče že otlučaja otlučit muž jeja, v oňže deň uslyšit, vsja jelika izydoša iz ust jeja po obetom jeja i po opredelenijem jeja jaže na dušu jeja, ne prebudut jej: muž bo jeja otlučil jesť, i Gospoď očistit ju.
14 Vsjak obet i vsjaka kljatva souza vo ježe ozlobiti dušu, muž jeja postavit jej, i muž jeja otimet.
15 Ašče že molča premolčit jej deň ot dne, i postavit jej vsja obety jeja, i opredelenija jaže na nej, postavit jej, jako umolča jej v deň, v oňže uslyša.
16 Ašče že otlučaja otlučit muž jeja po dni, v oňže uslyša, i priimet grech svoj.
17 Sija opravdanija, jelika zapoveda Gospoď Moiseju, meždu mužem i meždu ženoju jego, i meždu otcem i dščeriju v junosti jeja, v domu otči.

31

1 I reče Gospoď k Moiseju, glagolja:
2 otmsti mesť synov Izrailevych ot Madianitov, i posledi priložišisja k ljudem svoim.
3 I reče Moisej k ljudem, glagolja: vooružite ot vas mužy i opolčitesja pred Gospodem na Madiama, otdati otmščenije ot Gospoda Madiamu:
4 tysjašču ot plemene i tysjašču ot plemene, ot vsech plemen synov Izrailevych, poslite opolčitisja.
5 I sočtoša ot tysjašč Izrailevych, po tysjašči ot plemene, dvanadesjať tysjašč vooruženych na braň.
6 I posla ja Moisej tysjašču ot plemene i tysjašču ot plemene s siloju ich, i Finejesa syna Jeleazarova syna Aarona žerca: i sosudy svjatyja, i truby znamennyja v rukach ich.
7 I opolčišasja na Madiama, jakože povele Gospoď Moiseju, i izbiša ves mužesk pol:
8 i carej Madiamskich ubiša vkupe s jazvenymi ich, i Jevina i Rokoma, i Sura i Ura i rovoka, pjať carej Madiamlich: i Valaama syna Veorova ubiša mečem s jazvenymi ich:
9 i pleniša žen Madiamlich i imenija ich, i skoty ich i vsja priťjažanija ich, i silu ich pleniša:
10 i vsja grady ich, jaže vo obitaniich ich, i vesi ich požgoša ognem,
11 i vzjaša ves plen ich i vsja korysti ich, ot čeloveka do skota:
12 i privedoša k Moiseju i ko Jeleazaru žercu i ko vsem synom Izrailevym plen i korysti i imenije v polk, vo aravof Moavl, iže jesť u Iordana pri Ijerichone.
13 I izyde Moisej i Jeleazar žrec i vsi kňazi sonma v sretenije im vne polka.
14 I razgnevasja Moisej na nadziratelej sily, tysjaščenačalnikov i stonačalnikov iduščich ot opolčenija brani.
15 I reče im Moisej: vskuju živ ostaviste ves žensk pol?
16 Tyja bo byša synom Izrailevym, po slovesi Valaamlju, ježe otstupiti i prezreti slovo Gospodne Fogora radi, i bysť jazva v sonme Gospodni:
17 i nyne izbijte vsjak mužesk pol vo vsjakom vozraste, i vsjaku ženu, jaže pozna lože mužesko, izbijte:
18 i vsjak vozrast žensk, jaže ne poznaša loža mužeska, živych ostavite ja:
19 i vy stanite vne polka sedm dnij: vsjak ubivyj dušu i prikosnuvyjsja ubijenomu da očistitsja v tretij deň i v deň sedmyj, vy i plen vaš:
20 i vsjaku odeždu, i vsjak sosud kožan, i vsjako sodelanoje ot kozličiny, i vsjak sosud drevjan očistite.
21 I reče Jeleazar žrec k mužem sily prichoďaščym ot opolčenija ratnago: sije opravdanije zakona, ježe zapoveda Gospoď Moiseju:
22 krome srebra i zlata, i medi i železa, i kassitera i olova,
23 vsjaka vešč, jaže projdet skvoze ogň, i (ognem) očistitsja, no i vodoju očiščenija očistitsja: i vsja, jelika ašče ne projdut skvoze ogň, da projdut skvoze vodu:
24 i isperite rizy vašja v deň sedmyj, i očistitesja: i po sich vnidete v polk.
25 I reče Gospoď k Moiseju, glagolja:
26 vozmite sočislenije korystej plena ot čeloveka do skota, ty i Jeleazar žrec i kňazi otečestv sonma,
27 i razdelite korysti meždu voiny chodivšimi na braň i meždu vsem sonmom,
28 i otlučite daň Gospodu ot ljudij vojennych chodivšich na braň, jedinu dušu ot pjati sot, ot čelovek i ot skotov, i ot volov i ot ovec i ot osljat,
29 i ot poloviny ich da vozmete, i dasi Jeleazaru žercu načatki Gospodni:
30 i ot poloviny synov Izrailevych da vozmeši jedino ot pjatidesjati čelovek, i ot volov i ot ovec, i ot osljat i ot vsech skotov, i dasi ja levitom, iže stregut stražby v skinii Gospodni.
31 I sotvori Moisej i Jeleazar žrec, jakože povele Gospoď Moiseju.
32 I bysť množestvo plena, jegože pleniša muži voinstii, ot ovec šesť sot sedmdesjat pjať tysjašč,
33 i volov sedmdesjat dve tysjaščy,
34 i oslov šesťdesjat jedina tysjašča,
35 i duš čelovečeskich ot ženska polu, jaže ne poznaša loža mužeska, vsech duš tridesjať dve tysjaščy:
36 i bysť polovina časť chodivšich na braň, ot čisla ovec trista tridesjať sedm tysjašč i pjať sot:
37 i bysť daň Gospodu ot ovec šesť sot sedmdesjat pjať:
38 i volov tridesjať šesť tysjašč, i daň Gospodu sedmdesjat i dva:
39 i oslov tridesjať tysjašč pjať sot, i daň Gospodu šesťdesjat jedin:
40 i duš čelovečeskich šesťnadesjať tysjašč, i daň ot sich Gospodu tridesjať dve duši.
41 I dade Moisej daň Gospodu, učastije Božije Jeleazaru žercu, jakože povele Gospoď Moiseju.
42 Ot poloviny synov Izrailevych, ichže razdeli Moisej ot mužej vojennych:
43 i bysť polovina ot sonma, ot ovec trista i tridesjať sedm tysjašč i pjať sot:
44 i volov tridesjať šesť tysjašč:
45 oslov tridesjať tysjašč i pjať sot:
46 i čelovečich duš šesťnadesjať tysjašč:
47 i vzja Moisej ot poloviny synov Izrailevych, jedino ot pjatidesjati, ot čelovek i ot skotov, i dade ja levitom streguščym stražby skinii Gospodni, jakože povele Gospoď Moiseju.
48 I priidoša k Moiseju vsi postavlennii nad tysjaščami sily, tysjaščenačalniki i stonačalniki,
49 i rekoša k Moiseju: otrocy tvoi vzjaša sočtenije ot mužej voinskich, iže suť u nas, i niktože pogibe ot nich:
50 i prinesochom dar Gospodu, muž ježe obrete, sosud zlat i obručije, i grivnu i persteň, i userjazi i čep zlatuju, umoliti o nas pred Gospodem.
51 I vzja Moisej i Jeleazar žrec zlato ot nich, vsjak sosud sodelan.
52 I bysť vsego zlata učastije, ježe otlučisja Gospodu, šesťnadesjať tysjašč i sedm sot i pjaťdesjat sikl ot tysjaščenačalnikov i ot stonačalnikov.
53 I muži voinstii pleniša kijždo sebe.
54 I vzjaša Moisej i Jeleazar žrec zlato ot tysjaščenačalnikov i ot stonačalnikov i vnesoša je v skiniju svidenija, v pamať synov Izrailevych pred Gospodem.

32

1 I skota množestvo bjaše synom Ruvimlim i synom Gadovym, mnogo zelo. I videša stranu Iazirovu i stranu Galaadovu, i bjaše mesto, mesto skotno.
2 I prišedše synove Ruvimli i synove Gadovy rekoša k Moiseju i ko Jeleazaru žercu i ko kňazem sonma, glagoljušče:
3 Atarof i Devon, i Iazir i Namra, i Jesevon i Jeleali, i Sevama i Navav i Vean,
4 zemlja, juže predade Gospoď pred syny Izrailevymi, zemlja skotopitatelna jesť, rabom že tvoim skot jesť.
5 I reša: ašče obretochom blagodať pred toboju, da dastsja nam zemlja sija rabom tvoim vo oderžanije, i ne prevodi nas črez Iordan.
6 I reče Moisej synom Gadovym i synom Ruvimlim: bratija vašja pojdut na braň, i vy li sjadete tu?
7 I vskuju razvraščaete serdce synov Izrailevych, ne prejti na zemlju, juže daet Gospoď im?
8 Ne tako li sotvoriša otcy vaši, jegda poslach ja ot Kadis-Varni sogljadati zemlju?
9 I vzydoša do debri Greznovnyja, i sogljadaša zemlju, i otvratiša serdce synov Izrailevych, jako da ne vnidut v zemlju, juže dade im Gospoď?
10 I razgnevasja jarostiju Gospoď v deň On i kljatsja, glagolja:
11 ašče uzrjat čelovecy sii izšedšii iz Jegipta, ot dvadesjati let i vyšše, veduščii dobro i zlo, zemlju, jejuže kljachsja Avraamu i Isaaku i Iakovu: ne posledovaša bo vsled Mene,
12 točiju Chalev syn Ijefonniin Otlučennyj i Iisus syn Navin, jako posledovaša vsled Gospoda.
13 I razgnevasja jarostiju Gospoď na Izrailja, i tomi ja v pustyni četyredesjať let, dondeže potrebisja ves rod tvorjaščij zlaja pred Gospodem.
14 Se, vostaste vmesto otec vašich, sokrušenije čelovek grešnikov, priložiti ješče k jarosti gneva Gospodňa na Izrailja:
15 jako otvratitesja ot Nego, priložiti ješče ostaviti jego v pustyni, i vozbezzakonnujete na ves sonm sej.
16 I priidoša k nemu i glagolaša: ogrady ovcam da sogradim zde skotom svoim, i grady imenijem našym:
17 i my vooruženi pojdem na stražbu pervii synom Izrailevym, dondeže vvedem ja v mesto ich: i da vseljatsja imenija naša vo gradech utverždenych radi živuščich na zemli:
18 ne vozvratimsja v domy našja, dondeže razdeljatsja synove Izrailtestii, kijždo v nasledije svoje:
19 i ktomu ne nasledim v nich ob onu stranu Iordana i daleje, jako prijachom žrebija našja siju stranu Iordana na vostoki.
20 I reče k nim Moisej: ašče sotvorite po slovesi semu, ašče vooružitesja pred Gospodem na braň,
21 i prejdet vsjak oružnik vaš Iordan pred Gospodem na braň, dondeže potrebitsja vrag Jego ot lica Jego,
22 i obladana budet zemlja pred Gospodem, i posem vozvratitesja, i budete bezvinni pred Gospodem i ot Izrailja: i budet zemlja sija vam vo oderžanije pred Gospodem:
23 ašče že ne sotvorite tako, sogrešite pred Gospodem, i uveste grech vaš, jegda vas postignut zlaja:
24 i sogradite vy sebe grady imeniju vašemu i ogrady skotom vašym: i ischoďaščeje iz ust vašich sotvorite.
25 I rekoša synove Ruvimli i synove Gadovy k Moiseju, glagoljušče: rabi tvoi sotvorjat, jakože Gospoď naš povelel jesť:
26 imenije naše, i ženy naši, i ves skot naš da budut vo gradech Galaadovych:
27 rabi že tvoi prejdut vsi vooruženi i ugotovani pred Gospodem na braň, jakože glagolet Gospoď.
28 I pristavi im Moisej Jeleazara žerca i Iisusa syna Navina, i kňazi otečestv plemen synov Izrailevych.
29 I reče k nim Moisej: ašče prejdut synove Ruvimli i synove Gadovy s vami črez Iordan, vsjak vooružen na braň pred Gospodem, i obladaete zemleju pred soboju, i dadite im zemlju Galaadovu vo oderžanije.
30 Ašče li ne prejdut vooruženi s vami na braň pred Gospodem, to predposlite imenije ich i ženy ich i skoty ich prežde vas na zemlju Chanaaňu, i da nasleďat kupno s vami v zemli Chanaani.
31 I otveščaša synove Ruvimli i synove Gadovy, glagoljušče: jelika glagolet Gospoď rabom Svoim, tako sotvorim my:
32 prejdem vooruženi pred Gospodem v zemlju Chanaaňu, i dadite nam vo oderžanije stranu siju Iordana.
33 I dade im Moisej synom Gadovym i synom Ruvimlim i poluplemeni Manassiinu synov Iosifovych carstvo Siona carja Amorrejska i carstvo Oga carja Vasanska, zemlju i grady s predely jeja, grady okrestnyja zemli.
34 I sogradiša synove Gadovy Devon i Atarof i Aroir,
35 i Sofan i Iazir, i voznesoša ich,
36 i Namram i Vefaran grady tverdy, i ogrady ovcam.
37 I synove Ruvimli sogradiša Jesevon i Jeleali i Kariafaim,
38 i Navon i Vejelmeon ograždeny, i Sevama: i prozvaša po imenom svoim imena gradom, jaže sogradiša.
39 I ide ur syn Machirov, vnuk Manassijev, v Galaad, i vzja jego, i pogubi Amorrea živuščago v nem:
40 i dade Moisej Galaad Machiru synu Manassiinu, i vselisja tu.
41 I Iair syn Manassijev ide i vzja sela ich, i prozvaša ja sela Iairova.
42 I Navav ide i vzja Kaafa i sela jego, i imenova ja Navof ot imene svojego.

33

1 I sii stanove synov Izrailevych, jegda izydoša iz zemli Jegipetskija s siloju svojeju rukoju Moiseovoju i Aaroneju.
2 I napisa Moisej vozdviženija ich i stany ich, po slovesi Gospodňu. I sii stanove šestvija ich:
3 vozdvigošasja ot Ramessy v mesjac pervyj, v pjatyjnadesjať deň pervago mesjaca: nautrije Paschi izydoša synove Izrailtestii rukoju vysokoju pred vsemi Jegipťjany:
4 i Jegipťjane pogrebachu umeršyja ot nich vsja, jaže izbi Gospoď vsjakago pervenca v zemli Jegipetstej: i v bozech ich sotvori otmščenije Gospoď.
5 I vozdvigšesja synove Izrailevy ot Ramessy, opolčišasja v Sokchofe:
6 i vozdvigšesja ot Sokchofa, opolčišasja v Vufane, iže jesť časť nekaja pustyni:
7 i vozdvigošasja ot Vufana, i opolčišasja vo ustii Irofa, iže jesť prjamo Vejelsepfonu, i opolčišasja prjamo Magdolu:
8 i vozdvigošasja prjamo Irofu, i proidoša sredi morja v pustyňu: i idoša putem tri dni v pustyni tii, i opolčišasja v Gorkostech.
9 I vozdvigošasja ot Gorkostej i priidoša v Jelim: i v Jelime (byša) dvanadesjať istočniki vod, i sedmdesjat steblij finikov, i opolčišasja u vody tamo.
10 I vozdvigošasja ot Jelima i opolčišasja u morja Čermnago:
11 i vozdvigošasja ot morja Čermnago i opolčišasja v pustyni Sin:
12 i vozdvigošasja ot pustyni Sin i opolčišasja v Rafake:
13 i vozdvigošasja ot Rafaka i opolčišasja v Jeluse:
14 i vozdvigošasja ot Jelusa i opolčišasja v Rafidine: i ne bysť tamo vody ljudem piti.
15 I vozdvigošasja ot Rafidina i opolčišasja v pustyni Sina:
16 i vozdvigošasja ot pustyni Sina i opolčišasja vo grobech Pochotenija:
17 i vozdvigošasja ot Grobov Pochotenija i opolčišasja vo Asirofe:
18 i vozdvigošasja ot Asirofa i opolčišasja v Rafame:
19 i vozdvigošasja ot Rafama i opolčišasja v Remnon-Farese:
20 i vozdvigošasja ot Remnon-Faresa i opolčišasja v Lemvone:
21 i vozdvigošasja ot Lemvona i opolčišasja v Ressane:
22 i vozdvigošasja ot Ressana i opolčišasja v Makellafe:
23 i vozdvigošasja ot Makellafa i opolčišasja vo Arsafafe:
24 i vozdvigošasja ot Arsafafa gory i opolčišasja v Charadafe:
25 i vozdvigošasja ot Charadafa i opolčišasja v Makidofe:
26 i vozdvigošasja ot Makidofa i opolčišasja v Kataafe:
27 i vozdvigošasja ot Kataafa i opolčišasja vo Farafe:
28 i vozdvigošasja ot Farafa i opolčišasja v Mafekke:
29 i vozdvigošasja ot Mafekka i opolčišasja vo Aselmone:
30 i vozdvigošasja ot Aselmona i opolčišasja v Masurufe:
31 i vozdvigošasja ot Masurufa i opolčišasja v Vanakkane:
32 i vozdvigošasja ot Vanakkana i opolčišasja v gore Gaddad:
33 i vozdvigošasja ot gory Gaddad i opolčišasja vo Jetevafe:
34 i vozdvigošasja ot Jetevafa i opolčišasja vo Jevrone:
35 i vozdvigošasja ot Jevrona i opolčišasja v Gesion-Gavere:
36 i vozdvigošasja ot Gesion-Gavera i opolčišasja v pustyni Sin: i vozdvigošasja ot pustyni Sin i opolčišasja v pustyni Farani, jaže jesť Kadis:
37 i vozdvigošasja ot Kadisa i opolčišasja v gore Or bliz zemli Jedomli.
38 I vzyde Aaron žrec na goru Or povelenijem Gospodnim, i umre tamo v četyredesjatoje leto izšestvija synov Izrailevych iz zemli Jegipetskija, mesjaca pjatago v pervyj deň mesjaca.
39 I Aaron bjaše sta dvadesjati trech let, jegda umre v gore Or.
40 I uslyša Chananej car Aradskij, i sej živjaše v zemli Chanaani, jegda vchoždachu synove Izrailevy.
41 I vozdvigošasja ot gory Or i opolčišasja v Selmone:
42 i vozdvigošasja ot Selmona i opolčišasja v Finone:
43 i vozdvigošasja ot Finona i opolčišasja vo Ovofe:
44 i vozdvigošasja ot Ovofa i opolčišasja v Gai, ob onu stranu predel Moavlich:
45 i vozdvigošasja ot Gai i opolčišasja v Devon-Gade:
46 i vozdvigošasja ot Devon-Gada i opolčišasja v Gelmon-Devlafaime:
47 i vozdvigošasja ot Gelmon-Devlafaima i opolčišasja v gorach Avarimlich prjamo Navavu:
48 i vozdvigošasja ot gor Avarimlich i opolčišasja na zapade Moavli, u Iordana pri Ijerichone:
49 i vozdvigošasja ot zapada Moavlja i opolčišasja u Iordana, meždu Jesimofom, do Velsattima na zapady Moava.
50 I reče Gospoď k Moiseju v zapade Moava u Iordana pri Ijerichone, glagolja:
51 glagoli synom Izrailevym i rečeši k nim: vy prechodite Iordan v zemlju Chanaaňu,
52 i pogubite vsja živuščyja na zemli ot lica vašego, i razrušite stražby ich, i vsja idoly izlijannyja ich sokrušite ja, i vsja kapišča ich razrušite,
53 i pogubite vsja živuščyja na zemli, i vselitesja v ňu: vam bo dach zemlju ich po žrebiju:
54 i nasledite zemlju ich žrebijem po plemenam vašym: mnogim umnožite oderžanije ich, i malym umalite oderžanije ich: v neže izydet ima jego, tamo da budet žrebij jego: po plemenam otečestvij vašich nasledite:
55 ašče že ne pogubite živuščich na zemli ot lica vašego, budut, ichže ostavite ot nich, ostny vo očesech vašich i strely v rebrach vašich, i sovraždujut vam na zemli, na nejže vy vselitesja:
56 i budet jakože umyslich sotvoriti onem, to sotvorju vam.

34

1 I reče Gospoď k Moiseju, glagolja:
2 zapovežď synom Izrailevym, i rečeši k nim: vy vchodite v zemlju Chanaaňu, sija budet vam v nasledije, zemlja Chanaaňa s predely jeja:
3 i budet vam strana, jaže k live ot pustyni Sin daže do Jedoma: i budut vam predele k live, ot kraja morja Slanago ot vostokov,
4 i obydut vas predely ot livy do vozšestvija Akraviňa, i projdut Jennak, i budet ischod jego k live Kadis-Varni, i izydet na selo Arad, i projdet Aselmona:
5 i obydut predely ot Aselmona vodoteču Jegipetskuju, i budet ischod more (velikoje):
6 i predely morstii budut vam, more velikoje opredelit, sije budet vam predely morstii:
7 i sije budet vam predel k severu: ot morja velikago izmerite sami sebe pri gore Goru:
8 i ot gory Goru izmerite sami sebe, vchoďašče vo Jemaf, i budut prechod jego predely Sadada:
9 i izydut predely Zefrona, i budet ischod jego Arsenain: sije budet vam predely ot severa:
10 i izmerite sami sebe predely vostočnyja ot Arsenaina do Sepfamara:
11 i snidut predely ot Sepfamar-Vila ot vostok na istočniki, i snidut predely Vily, i projdut na chrebet morja Cheneref, ot vostok:
12 i snidut predely na Iordan, i budet prechod jego more Slanoje: sija budet zemlja vam, i predely jeja okrest.
13 I zapoveda Moisej synom Izrailevym, glagolja: sija zemlja, juže priimete v nasledije po žrebiju, jakože povele Gospoď, dati ju devjati plemenom i poluplemeni Manassiinu:
14 jako vzja plema synov Ruvimlich i plema synov Gadovych, po domom otečestv ich, i pol plemene Manassiina vosprijaša žrebija svoja:
15 dva plemena i pol plemene prijaša žrebija svoja za Iordanom pri Ijerichone ot poludňa na vostoki.
16 I reče Gospoď k Moiseju, glagolja:
17 sija imena mužej, iže razdeljat vam zemlju: Jeleazar žrec i Iisus Navin:
18 i po kňazju jedinomu ot plemene vozmete razdeliti vam zemlju.
19 I sija imena mužem: plemene Iudina Chalev syn Ijefonniin,
20 plemene Simeoňa Salamiil syn Semiudov,
21 plemene Veniamiňa Jeldad syn Chasloň,
22 plemene Danova kňaz Vokkor syn Ijeklinin,
23 synov Iosifovych plemene synov Manassiinych kňaz Aniil syn Sufidov,
24 plemene synov Jefremlich kňaz Kamuil syn Saftanov,
25 plemene Zavuloňa kňaz Jelisafan syn Charnachov,
26 plemene synov Issacharovych kňaz Faltiil syn Ozain,
27 plemene synov Asirovych kňaz Achior syn Selemiin,,
28 plemene Neffalimlja kňaz Fadail syn Amiudov.
29 Sim zapoveda Gospoď razdeliti synom Izrailevym v zemli Chanaani.

35

1 I reče Gospoď k Moiseju na zapade Moavli u Iordana pri Ijerichone, glagolja:
2 zapovežď synom Izrailevym, da daďat levitom ot žrebij oderžanija svojego grady vselitisja, i predgradija gradskaja okrest ich da daďat levitom:
3 i budut im grady vseljatisja, i učastija ich da budut skotom ich i vsem četveronožnym ich:
4 i priležaščaja gradom, ichže dadite levitom, ot steny grada i vne, dve tysjaščy lakot okrest:
5 i da izmeriši stranu vne grada, jaže na vostok, dve tysjaščy lakot, i stranu, jaže k live, dve tysjaščy lakot, i stranu, jaže k morju, dve tysjaščy lakot, i stranu, jaže k severu, dve tysjaščy lakot, i grad posrede sego budet vam, i predely gradov:
6 i grady jaže dadite levitom, šesť gradov (da budut) ubežnych, ichže dadite ubegati v ňa ubivšemu, i k sim četyredesjať i dva grada:
7 vsech gradov dadite levitom četyredesjať i osm gradov, sija i predgradija ich:
8 i grady, ichže dadite ot oderžanija synov Izrailevych, ot mnogich mnoga, a ot malych mala: kijždo po naslediju svojemu, ježe nasleďat, da daďat ot gradov levitom.
9 I reče Gospoď k Moiseju, glagolja:
10 glagoli synom Izrailevym i rečeši k nim: vy prechodite Iordan v zemlju Chanaaňu:
11 i razdelite sami sebe grady ubežišča da budut vam ubegati v ňa ubijce, vsjak ubivyj dušu nechoťjaj:
12 i budut gradi vam ubežišča ot užika krove, i da ne umret ubivyj, dondeže stanet pred sonmom na sude:
13 i grady, jaže dadite, šesť gradov, ubežišča da budut vam.
14 Tri grady dadite ob onu stranu Iordana, i tri grady dadite v zemli Chanaani:
15 ubežišče da budet synom Izrailevym, i prišelcu, i obitalniku iže v vas, da budut gradi sii vo ubežišče ubegati tamo vsjakomu ubivšemu dušu nechotenijem.
16 Ašče že orudijem železnym ubijet jego, i umret, ubijca jesť: smertiju da umret ubijca.
17 Ašče že kamenijem iz ruki ubijet jego, i umret ot nego, ubijca jesť: smertiju da umret ubijca.
18 Ašče že orudijem drevjanym iz ruki, ot negože umret, ubijet jego, i umret, ubijca jesť: smertiju da umret ubijca.
19 Užik krove, sej da ubijet ubivšago: jegda usrjaščet jego, sej da ubijet jego.
20 Ašče že vraždy radi rinet jego i veržet na nego vsjak sosud po navetu, i umret,
21 ili ot nenavisti porazil jego rukoju, i umret, smertiju da umret ubivyj, ubijca jesť: smertiju da umret ubivajaj: užik krove da ubijet ubijcu, jegda sretitsja s nim.
22 Ašče že vnezapu ne vraždy radi rinet jego, ili veržet na nego vsjak sosud ne po navetu,
23 ili vsjakim kamenem, imže veržet ne vedyj, i padet na nego, i umret, on že vrag jego ne be, niže iščjaj zla jemu tvoriti,
24 i da sudit sonm meždu ubivšim i meždu užikom krove, po sudbam sim,
25 i izbavit sonm ubivšago ot užika krove, i da vozvratit jego sonm vo grad ubežišča jego, v oňže ubeža, i da poživet tamo, dondeže umret žrec velikij, jegože pomazaša jelejem svjatym.
26 Ašče že ischodom izydet ubivyj vne predel grada, v oňže ubeža tamo,
27 i obrjaščet jego užik krove vne predel grada ubežišča jego, i ubijet užik krove ubivšago, nesť povinen:
28 vo grade bo ubežanija da živet, dondeže umret žrec velikij, i po umertvii žerca velikago da vozvratitsja ubivyj v zemlju oderžanija svojego.
29 I da budut sija vam vo opravdanije suda v rody vašja vo vsech seleniich vašich.
30 Vsjakago ubivšago dušu, pred svidetelmi da ubiješi ubivšago: i svidetel jedin da ne svidetelstvujet na smerť duši.
31 I da ne vozmete iskupa za dušu ot ubivšago, povinna sušča ubijeniju: smertiju bo umret:
32 niže da vozmete iskupa ubežanija vo grad ubežišča, da paki živet na zemli, dondeže umret žrec velikij.
33 I da ne ubijete zemli, na nejže vy obitaete: krov bo sija ubivaet zemlju, i ne očistitsja zemlja ot krove prolijannyja na nej, no tokmo kroviju prolivajuščago:
34 i da ne oskvernite zemli, na nejže živete, na nejže Az vseljajusja posrede vas: Az bo jesm Gospoď vseljajajsja posrede synov Izrailevych.

36

1 I priidoša kňazi plemene synov Galaadovych, syna Machirova syna Manassiina ot plemene synov Iosifovych, i glagolaša pred Moiseom i pred Jeleazarom žercem i pred kňazi domov otečestv synov Izrailevych,
2 i rekoša: gospodinu našemu povele Gospoď otdati zemlju nasledija po žrebiju synom Izrailevym: i gospodinu našemu zapoveda Gospoď dati nasledije Salpaada brata našego dščerem jego:
3 i budut jedinomu ot plemen synov Izrailevych v ženy, i otlučitsja žrebij ich ot oderžanija otec našich, i priložitsja k naslediju plemene, imže budut v ženy, i ot žrebija nasledija našego otlučitsja:
4 ašče že budet ostavlenije synov Izrailevych, i priložitsja nasledije ich k naslediju plemene, imže ašče budut v ženy, i ot nasledija plemene otečestva našego otimetsja nasledije ich.
5 I zapoveda Moisej synom Izrailevym po poveleniju Gospodňu, glagolja: sice plema synov Iosifovych glagoljut:
6 sije slovo, ježe zapoveda Gospoď dščerem Salpaadovym, glagolja: ideže ugodno im, da budut v ženy, tokmo ot sonma otečestva svojego da budut v ženy,
7 i ne prevratitsja nasledije synov Izrailevych ot plemene v plema ino: jako kijždo v nasledii plemene otečestva svojego ženitisja imut synove Izrailevy:
8 i vsjaka dšči, užičestvujuščaja nasledije ot plemen synov Izrailevych, jedinomu suščich ot sonma otca jeja da budet žena: da užičestvujut synove Izrailevy kijždo nasledije otca svojego:
9 i ne prevratitsja žrebij ot plemene v plema ino, no kijždo v nasledii svojem da žeňatsja synove Izrailevy.
10 Jakože povele Gospoď Moiseju, tako sotvoriša dščeri Salpaadovy.
11 I byša Maala i Fersa, i Jegla i Melcha i Nua, dščeri Salpaadovy, synom bratii svojeja, ot sonma Manassiina synov Iosifovych, byša v ženy:
12 i bysť nasledije ich v plemeni sonma otca ich.
13 Sija zapovedi i opravdanija i sudy, jaže zapoveda Gospoď rukoju Moiseovoju na zapade Moavli pri Iordane prjamo Ijerichonu.

{pokazať odnu glavu na stranice}