Poslanije apostola Pavla Jefesjanam

Slavjanskij tekst

1

1 Pavel, poslannik Iisus Christov voleju Božijeju, svjatym suščym vo Jefese i vernym o Christe Iisuse:
2 blagodať vam i mir ot Boga Otca našego i Gospoda Iisusa Christa.
3 Blagosloven Bog i Otec Gospoda našego Iisusa Christa, blagoslovivyj nas vsjacem blagoslovenijem duchovnym v nebesnych o Christe.
4 Jakože izbra nas v Nem prežde složenija mira, byti nam svjatym i neporočnym pred Nim v ljubvi,
5 prežde narek nas vo usynovlenije Iisus Christom v Nego, po blagovoleniju chotenija Svojego,
6 v pochvalu slavy blagodati Svojeja, jejuže oblagodati nas o Vozljublennem:
7 o Nemže imamy izbavlenije Kroviju Jego, i ostavlenije pregrešenii, po bogatstvu blagodati Jego,
8 juže preumnožil jesť v nas vo vsjacej premudrosti i razume,
9 skazav nam tajnu voli Svojeja po blagovoleniju Svojemu, ježe prežde položi v Nem,
10 v smotrenije ispolnenija vremen, vozglaviti vsjačeskaja o Christe, jaže na nebesech i jaže na zemli v nem:
11 v Nemže i naslednicy sotvorichomsja, prežde narečeni byvše po prozreniju Božiju vsja Dejstvujuščago po sovetu voli Svojeja,
12 jako byti nam v pochvalenije slavy Jego, prežde upovavšym vo Christa:
13 v Nemže i vy, slyšavše slovo istiny, blagovestvovanije spasenija našego, v Nemže i verovavše znamenastesja Duchom obetovanija Svjatym,
14 Iže jesť obručenije nasledija našego, vo izbavlenije snabdenija, v pochvalu slavy Jego.
15 Sego radi i az slyšav vašu veru o Christe Iisuse i ljubov, jaže ko vsem svjatym,
16 ne prestaju blagodarja o vas, pominanije o vas tvorja v molitvach moich,
17 da Bog Gospoda našego Iisusa Christa, Otec slavy, dast vam Ducha premudrosti i otkrovenija, v poznanije Jego,
18 prosveščenna očesa serdca vašego, jako uvedeti vam, koje jesť upovanije zvanija Jego, i koje bogatstvo slavy dostojanija Jego vo svjatych,
19 i koje prespejuščeje veličestvo sily Jego v nas verujuščich po dejstvu deržavy kreposti Jego,
20 juže sodeja o Christe, voskresiv Jego ot mertvych i posadiv odesnuju Sebe na nebesnych,
21 prevyše vsjakago Načalstva i Vlasti i Sily i Gospodstva, i vsjakago imene imenujemago ne točiju v vece sem, no i vo grjaduščem:
22 i vsja pokori pod noze Jego, i Togo dade glavu vyše vsech Cerkvi,
23 jaže jesť Telo Jego, ispolnenije Ispolňajuščago vsjačeskaja vo vsech.

2

1 I vas suščich pregrešeňmi mertvych i grechi vašimi,
2 v nichže inogda chodiste po veku mira sego, po kňazju vlasti vozdušnyja, ducha, iže nyne dejstvujet v synech protivlenija,
3 v nichže i my vsi žichom inogda v pochotech ploti našeja, tvorjašče volju ploti i pomyšlenij, i bechom jestestvom čada gneva, jakože i pročii:
4 Bog že, bogat syj v milosti, za premnoguju ljubov Svoju, jejuže vozljubi nas,
5 i suščich nas mertvych pregrešeňmi, sooživi Christom: blagodatiju jeste spaseni:
6 i s Nim voskresi, i sposadi na nebesnych vo Christe Iisuse,
7 da javit v vecech grjaduščich prezelnoje bogatstvo blagodati Svojeja blagostyneju na nas o Christe Iisuse.
8 Blagodatiju bo jeste spaseni črez veru: i sije ne ot vas, Božii dar:
9 ne ot del, da niktože pochvalitsja.
10 Togo bo jesmy tvorenije, sozdani vo Christe Iisuse na dela blagaja, jaže prežde ugotova Bog, da v nich chodim.
11 Temže pominajte, jako vy, iže inogda jazycy vo ploti, glagolemii neobrezanije ot rekomago obrezanija vo ploti, rukotvorennago,
12 jako beste vo vrema ono bez Christa, otčuždeni žitija Izraileva i čuždi ot zavet obetovanija, upovanija ne imušče i bezbožni v mire:
13 nyne že o Christe Iisuse vy, byvšii inogda daleče, bliz byste Kroviju Christovoju.
14 Toj bo jesť mir naš, sotvorivyj oboja jedino, i sredostenije ogrady razorivyj,
15 vraždu Plotiju Svojeju, zakon zapovedij učeňmi uprazdniv, da oba soziždet Soboju vo jedinago novago čeloveka, tvorja mir,
16 i primirit oboich vo jedinem tele Bogovi krestom, ubiv vraždu na nem:
17 i prišed blagovesti mir vam, dalnim i bližnim,
18 zane Tem imamy privedenije oboi vo jedinem Duse ko Otcu.
19 Temže ubo ktomu neste stranni i prišelcy, no sožitele svjatym i prisnii Bogu,
20 nazdani byvše na osnovanii Apostol i prorok, sušču kraeugolnu Samomu Iisusu Christu,
21 o nemže vsjako sozdanije sostavljaemo rastet v cerkov svjatuju o Gospode:
22 o nemže i vy sozidaetesja v žilišče Božije Duchom.

3

1 Sego radi az Pavel juznik Iisus Christov o vas jazycech.
2 Ašče ubo slyšaste smotrenije blagodati Božija dannyja mne v vas,
3 jako po otkroveniju skazasja mne tajna, jakože prednapisach vmale:
4 o nemže možete čtušče razumeti razum moj v tajne Christove,
5 jaže vo inech rodech ne skazasja synom čelovečeskim, jakože nyne otkrysja svjatym Jego Apostolom i prorokom Duchom Svjatym:
6 jako byti jazykom snaslednikom i stelesnikom i spričastnikom obetovanija Jego o Christe Iisuse, blagovestvovanijem,
7 jemuže bych služitel po daru blagodati Božija, dannyja mne po dejstvu sily Jego.
8 Mne menšemu vsech svjatych dana bysť blagodať sija, vo jazycech blagovestiti neizsledovannoje bogatstvo Christovo
9 i prosvetiti vsech, čto jesť smotrenije tajny sokrovennyja ot vekov v Boze, sozdavšem vsjačeskaja Iisus Christom,
10 da skažetsja nyne načalom i vlastem na nebesnych Cerkoviju mnogorazličnaja premudrosť Božija,
11 po predloženiju vek, ježe sotvori o Christe Iisuse Gospode našem,
12 o Nemže imamy derznovenije i privedenije v nadejanii veroju Jego.
13 Temže molju (vy) ne stužati si v skorbech moich o vas, jaže jesť slava vaša.
14 Sego radi prekloňaju kolena moja ko Otcu Gospoda našego Iisusa Christa,
15 iz Negože vsjako otečestvo na nebesech i na zemli imenujetsja:
16 da dast vam po bogatstvu slavy Svojeja, siloju utverditisja Duchom Jego vo vnutrennem čelovece,
17 vselitisja Christu veroju v serdca vaša: v ljubvi vkoreneni i osnovani,
18 da vozmožete razumeti so vsemi svjatymi, čto širota i dolgota i glubina i vysota,
19 razumeti že prespejuščuju razum ljubov Christovu, da ispolnitesja vo vsjako ispolnenije Božije.
20 Moguščemu že pače vsja tvoriti po preizbytočestviju, ichže prosim ili razumejem, po sile dejstvujemej v nas,
21 Tomu slava v Cerkvi o Christe Iisuse vo vsja rody veka vekov. Amiň.

4

1 Molju ubo vas az juznik o Gospode, dostojno choditi zvanija, v neže zvani byste,
2 so vsjakim smirenomudrijem i krotostiju, s dolgoterpenijem, terpjašče drug drugu ljuboviju,
3 tščaščesja bljusti jedinenije ducha v sojuze mira.
4 Jedino telo, jedin duch, jakože i zvani byste vo jedinem upovanii zvanija vašego:
5 jedin Gospoď, jedina vera, jedino kreščenije,
6 jedin Bog i Otec vsech, Iže nad vsemi i črez vsech i vo vsech nas.
7 Jedinomu že komuždo nas dadesja blagodať po mere darovanija Christova.
8 Temže glagolet: vozšed na vysotu, plenil jesi plen, i dade dajanija čelovekom.
9 A ježe, vzyde, čto jesť, točiju jako i snide prežde v dolnejšyja strany zemli?
10 Sšedyj, Toj jesť i vozšedyj prevyše vsech nebes, da ispolnit vsjačeskaja.
11 I Toj dal jesť ovy ubo Apostoly, ovy že proroki, ovy že Blagovestniki, ovy že pastyri i učiteli,
12 k soveršeniju svjatych, v delo služenija, v sozidanije Tela Christova,
13 dondeže dostignem vsi v sojedinenije very i poznanija Syna Božija, v muža soveršenna, v meru vozrasta ispolnenija Christova:
14 da ne byvaem ktomu mladency, vlajuščesja i skitajuščesja vsjakim vetrom učenija, vo lži čelovečestej, v kovarstve koznej lščenija:
15 istinstvujušče že v ljubvi, da vozrastim v Nego vsjačeskaja, Iže jesť glava Christos,
16 iz Negože vse telo, sostavljaemo i sčinevaemo prilične vsjacem osjazanijem podajanija, po dejstvu v mere jedinyja kojejaždo časti, vozraščenije tela tvorit v sozdanije samago sebe ljuboviju.
17 Sije ubo glagolju i poslušestvuju o Gospode, ktomu ne choditi vam, jakože i pročii jazycy choďat v sujete uma ich,
18 pomračeni smyslom, sušče otčuždeni ot žizni Božija, za nevežestvo suščeje v nich, za okamenenije serdec ich:
19 iže v nečajanije vložšesja, predaša sebe studodejaniju, v delanije vsjakija nečistoty v lichoimanii.
20 Vy že ne tako poznaste Christa:
21 ašče ubo slyšaste Jego i o Nem naučistesja, jakože jesť istina o Iisuse:
22 otložiti vam, po pervomu žitiju, vetchago čeloveka, tlejuščago v pochotech prelestnych,
23 obnovljatisja že duchom uma vašego,
24 i obleščisja v novago čeloveka, sozdannago po Bogu v pravde i v prepodobii istiny.
25 Temže otložše lžu, glagolite istinu kijždo ko iskrennemu svojemu. Zane jesmy drug drugu udove.
26 Gnevajtesja i ne sogrešajte: solnce da ne zajdet v gneve vašem:
27 niže dadite mesta diavolu.
28 Kradyj ktomu da ne kradet, no pače da truždaetsja, delaja svoima rukama blagoje, da imať podajati trebujuščemu.
29 Vsjako slovo gnilo da ne ischodit iz ust vašich, no točiju ježe jesť blago k sozdaniju very, da dast blagodať slyšaščym.
30 I ne oskorbljajte Ducha Svjatago Božija, Imže znamenastesja v deň izbavlenija.
31 Vsjaka goresť, i gnev, i jarosť, i klič, i chula da vozmetsja ot vas, so vsjakoju zloboju:
32 byvajte že drug ko drugu blazi, miloserdi, proščajušče drug drugu, jakože i Bog vo Christe prostil jesť vam.

5

1 Byvajte ubo podražatele Bogu, jakože čada vozljublennaja,
2 i chodite v ljubvi, jakože i Christos vozljubil jesť nas, i predade Sebe za ny prinošenije i žertvu Bogu v voňu blagouchanija.
3 Blud že i vsjaka nečistota i lichoimstvo niže da imenujetsja v vas, jakože podobaet svjatym:
4 i skvernoslovije, i bujeslovije, ili koščuny, jaže nepodobnaja, no pače blagodarenije:
5 sije bo da veste, jako vsjak bludnik, ili nečist, ili lichoimec, iže jesť idoloslužitel, ne imať dostojanija v Carstvii Christa i Boga.
6 Niktože vas da lstit sujetnymi slovesy, sich bo radi grjadet gnev Božij na syny nepokorivyja.
7 Ne byvajte ubo sopričastnicy sim.
8 Beste bo inogda tma, nyne že svet o Gospode: jakože čada sveta chodite:
9 plod bo duchovnyj jesť vo vsjacej blagostyni i pravde i istine:
10 iskušajušče, čto jesť blagougodno Bogovi:
11 i ne prijubščajtesja k delom neplodnym tmy, pače že i obličajte.
12 Byvaemaja bo otaj ot nich, sramno jesť i glagolati.
13 Vsja že obličaemaja ot sveta javljajutsja, vse bo javljaemoje svet jesť:
14 sego radi glagolet: vostani, spjaj, i voskresni ot mertvych, i osvetit ťja Christos.
15 Bljudite ubo, kako opasno chodite, ne jakože nemudri, no jakože premudri,
16 iskupujušče vrema, jako dnije lukavi suť.
17 Sego radi ne byvajte nesmyslenni, no razumevajte, čto jesť volja Božija.
18 I ne upivajtesja vinom, v nemže jesť blud: no pače ispolňajtesja Duchom,
19 glagoljušče sebe vo psalmech i peniich i pesnech duchovnych, vospevajušče i pojušče v serdcach vašich Gospodevi,
20 blagodarjašče vsegda o vsech o imeni Gospoda našego Iisusa Christa Bogu i Otcu,
21 povinujuščesja drug drugu v strase Božii.
22 Ženy, svoim mužem povinujtesja, jakože Gospodu,
23 zane muž glava jesť ženy, jakože i Christos glava Cerkve, i Toj jesť Spasitel tela:
24 no jakože Cerkov povinujetsja Christu, takožde i ženy svoim mužem vo vsem.
25 Mužije, ljubite svoja ženy, jakože i Christos vozljubi Cerkov, i Sebe predade za ňu,
26 da osvjatit ju, očestiv baneju vodnoju v glagolgole:
27 da predstavit ju Sebe slavnu Cerkov, ne imušču skverny, ili poroka, ili nečto ot takovych, no da budet svjata i neporočna.
28 Tako dolžni suť mužije ljubiti svoja ženy, jako svoja telesa: ljubjaj bo svoju ženu, sebe samago ljubit.
29 Niktože bo kogda svoju ploť voznenavide, no pitaet i grejet ju, jakože i Gospoď Cerkov:
30 zane udi jesmy Tela Jego, ot ploti Jego i ot kostej Jego.
31 Sego radi ostavit čelovek otca svojego i mater, i prilepitsja k žene svojej, i budeta dva v ploť jedinu.
32 Tajna sija velika jesť: az že glagolju vo Christa i vo Cerkov.
33 Obače i vy, po jedinomu kijždo svoju ženu sice da ljubit, jakože (i) sebe: a žena da boitsja (svojego) muža.

6

1 Čada, poslušajte svoich roditelej o Gospode: sije bo jesť pravedno.
2 Čti otca tvojego i mater: jaže jesť zapoveď pervaja vo obetovanii:
3 da blago ti budet, i budeši dolgoleten na zemli.
4 I otcy, ne razdražajte čad svoich, no vospitovajte ich v nakazanii i učenii Gospodni.
5 Rabi, poslušajte gospodij svoich po ploti so strachom i trepetom, v prostote serdca vašego, jakože i Christa,
6 ne pred očima točiju rabotajušče jako čelovekougodnicy, no jakože rabi Christovy, tvorjašče volju Božiju ot duši,
7 so blagorazumijem služašče jakože Gospodu, a ne jako čelovekom,
8 veďašče, jako kijždo, ježe ašče sotvorit blagoje, sije priimet ot Gospoda, ašče rab, ašče svoboď.
9 I gospodije, tajažde tvorite k nim, poslabljajušče im preščenija, vedušče, jako i vam samem i tem Gospoď jesť na nebesech, i obinovenija lica nesť u Nego.
10 Pročeje že, bratije moja, vozmogajte vo Gospode i v deržave kreposti Jego:
11 oblecytesja vo vsja oružija Božija, jako vozmošči vam stati protivu koznem diavolskim,
12 jako nesť naša braň k krovi i ploti, no k načalom i ko vlastem (i) k miroderžitelem tmy veka sego, k duchovom zloby podnebesnym.
13 Sego radi priimite vsja oružija Božija, da vozmožete protivitisja v deň ljut i vsja sodejavše stati.
14 Stanite ubo prepojasani čresla vaša istinoju, i obolkšesja v broňa pravdy,
15 i obuvše noze vo ugotovanije blagovestvovanija mira:
16 nad vsemi že vospriimše ščit very, v nemže vozmožete vsja strely lukavago razžžennyja ugasiti:
17 i šlem spasenija vospriimite, i meč duchovnyi, iže jesť Glagolgol Božij:
18 vsjakoju molitvoju i molenijem moljaščesja na vsjako vrema duchom, i v sije istoje bďašče vo vsjakom terpenii i molitve o vsech svjatych
19 i o mne, da dastsja mi slovo vo otverzenije ust moich, s derznovenijem skazati tajnu blagovestvovanija,
20 o nemže posolstvuju vo uzach, da v nem derzaju, jakože podobaet mi glagolati.
21 Da uveste že i vy, jaže o mne, čto delaju, vsja skažet vam Tichik, vozljublennyj brat i veren služitel o Gospode,
22 jegože poslach k vam na sije istoje, da uveste, jaže o nas, i da utešit serdca vaša.
23 Mir bratii i ljubov s veroju ot Boga Otca i Gospoda Iisusa Christa.
24 Blagodať so vsemi ljubjaščimi Gospoda našego Iisusa Christa v neistlenii. Amiň.

{pokazať odnu glavu na stranice}