1 

Poslanije apostola Pavla Filimonu

Slavjanskij tekst

1

1 Pavel juznik Iisus Christov, i Timofej brat, Filimonu vozljublennomu i spospešniku našemu,
2 i Apfii sestre vozljublennei, i Archippu sovoinstvenniku našemu, i domašnej tvojej cerkvi:
3 blagodať vam i mir ot Boga Otca našego, i Gospoda Iisusa Christa.
4 Blagodarju Boga mojego, vsegda pamať o tebe tvorja v molitvach moich,
5 slyšav ljubov tvoju i veru, juže imaši ko Gospodu Iisusu i ko vsem svjatym.
6 Jako da obščenije tvojeja very dejstvenno budet v razume vsjakago blaga, ježe v vas, o Christe Iisuse.
7 Radosť bo imam mnogu i utešenije o ljubvi tvojej, jako utroby svjatych počiša toboju, brate.
8 Sego radi mnogoje derznovenije imeja vo Christe povelevati tebe, ježe potrebno jesť,
9 ljubve že radi pače molju, takov syj jakože Pavel starec, nyne že i uznik Iisusa Christa:
10 molju ťja o mojem čade, jegože rodich vo uzach moich Onisima,
11 inogda tebe nepotrebnago, nyne že tebe i mne blagopotrebna, jegože vozposlach tebe,
12 ty že jego, sireč moju utrobu, priimi.
13 Jegože az chotech u sebe deržati, da vmesto tebe poslužit mi vo uzach blagovestvovanija:
14 bez tvojeja že voli ničtože voschotech sotvoriti, da ne aki po nuždi blagoje tvoje budet, no po voli.
15 Negli bo radi sego razlučisja na čas, da večna togo priimeši,
16 ne ktomu aki raba, no vyše raba, brata vozljublenna, pače že mne, kolmi že pače tebe, i po ploti i o Gospode.
17 Ašče ubo imaši mene obščnika, priimi sego jakože mene.
18 Ašče že v česom obide tebe, ili dolžen jesť, mne sije vmeni.
19 Az Pavel napisach rukoju mojeju: az vozdam: da ne reku tebe, jako i sam sebe mi jesi dolžen.
20 Jej, brate, az da poluču ježe prošu u tebe o Gospode: upokoj moju utrobu o Gospode.
21 Nadejavsja na poslušanije tvoje napisach tebe, vedyj, jako i pače, ježe glagolju, sotvoriši.
22 Kupno že i ugotovi mi obitel: upovaju bo, jako molitvami vašimi darovan budu vam.
23 Celujet ťja Jepafras, splennik moj o Christe Iisuse,
24 Marko, Aristarch, Dimas, Luka, spospešnicy moi.
25 Blagodať Gospoda našego Iisusa Christa so duchom vašim. Amiň.

{pokazať odnu glavu na stranice}