Iisus Navin

Slavjanskij tekst

1

1 I bysť po skončanii Moisea raba Gospodňa, i reče Gospoď Iisusu synu Navinu, služitelju Moiseovu, glagolja:
2 Moisej rab Moj skončasja: nyne ubo vostav prejdi Iordan ty i vsi ljudije sii v zemlju, juže Az daju im:
3 vsjakoje mesto, po nemuže prejdete stopoju nog vašich, vam dam je, jakože glagolach Moiseju:
4 pustyňu i Antilivan sej daže do reki velikija reki Jevfrata, vsju zemlju Jefeoňu, i daže do morja posledňago: ot zapada solnca budut predely vaši:
5 ne suprotivitsja čelovek pred vami vo vsja dni života tvojego, i jakože bech s Moiseom, tako budu i s toboju: i ne ostavlju tebe, niže prezrju ťja:
6 krepisja i mužajsja: ty bo razdeliši ljudem sim zemlju, jejuže kljachsja otcem vašym dati im:
7 krepisja ubo, i mužajsja zelo, chraniti i tvoriti, jakože tebe zapoveda Moisej rab Moj, i ne uklonisja ot nich ni na desno, ni na levo, da smysliši vo vsech, jaže tvoriši:
8 i da ne otstupit kniga zakona sego ot ust tvoich, i da poučaešisja v nej deň i nošč, da urazumeješi tvoriti vsja pisannaja: togda blagouspeješi i ispraviši puti tvoja, i togda urazumeješi:
9 se, zapovedaju tebe: krepisja i mužajsja, ni užasajsja, niže ubojsja: jako s toboju Gospoď Bog tvoj vo vsech, amože ašče pojdeši.
10 I zapoveda Iisus knigočijam ljudskim, glagolja:
11 vnidite posrede polka ljudij i zapovedajte ljudem, glagoljušče: ugotovajte brašno, jako ješče tri dni, i vy prejdete Iordan sej, všedše prijati zemlju, juže Gospoď Bog otec vašich daet vam v pričastije.
12 I Ruvimu i Gadu i poluplemeni Manassiinu reče Iisus:
13 pomanite slovo, ježe zapoveda vam Moisej rab Gospodeň, glagolja: Gospoď Bog vaš upokoi vas i dade vam zemlju siju:
14 ženy vaši i deti vaši i skoti vaši da živut na zemli, juže dade vam Moisej u Iordana: vy že prejdete vooruženi pred bratijeju vašeju, vsjak krepok, i spoborstvujete im,
15 dondeže upokoit Gospoď Bog vaš bratiju vašu, jakože i vas, i nasleďat i sii zemlju, juže Gospoď Bog vaš daet im: i otidete kijždo v nasledije svoje, i nasledite je, ježe dade vam Moisej ob Onu stranu Iordana ot vostokov solnca.
16 I otveščavše Iisusu, reša: vsja, jelika zapovesi nam, sotvorim, i vo vsjakoje mesto, amože posleši nas, pojdem:
17 po vsem, jelika slušachom Moisea, tebe poslušaem: tokmo da budet Gospoď Bog naš s toboju, jakože be s Moisejem:
18 čelovek že, iže ašče ne pokoritsja tebe i iže ne poslušaet sloves tvoich, jakože zapovesi jemu, da umret: točiju krepisja i mužajsja.

2

1 I posla Iisus syn Navin iz Sattina dva junošy sogljadati vtaj, glagolja: vzydite i vidite zemlju i Ijerichon. I šedša dva junošy vnidosta vo Ijerichon i vnidosta v dom ženy bludnicy, jejže ima Raav: i vitasta tamo.
2 I povedaša carju Ijerichonskomu, glagoljušče: se, mužije vnidoša semo (v siju nošč) ot synov Izrailevych sogljadati zemlju.
3 I posla car Ijerichonskij i reče k Raave, glagolja: izvedi mužy všedšyja v dom tvoj noščiju: sogljadati bo zemlju priidoša.
4 I pojemši žena dva muža, sokry ich: i reče im, glagoljušči: priidoša ko mne mužije, no ne vem otkudu byša:
5 jegda že vrata zatvorjachu v sumraki, i mužije izydoša: ne vem kamo poidoša: poženite skoro vsled ich, ašče postignete ich.
6 Ona že vozvede ja na chraminu i sokry ja v pazdere lňane sobranem u neja na chramine.
7 I mužije gnaša vsled ich putem ko Iordanu k prechodom, i vrata zatvoreny byša.
8 I bysť jegda izydoša ženuščii vsled ich, i sii prežde neže usnuti im, i ona vzyde k nim na chraminu i reče k nim:
9 vem, jako predade Gospoď zemlju (siju) vam: napade bo strach vaš na ny, i užasošasja vsi obitajuščii na zemli ot lica vašego:
10 slyšachom bo, jako izsuši Gospoď Bog more Čermnoje pred licem vašim, jegda ischoždaste iz Jegipta, i jelika sotvoriste dvoim carem Amorrejskim, iže byša ob onu stranu Iordana, Sionu i Ogu, ichže potrebiste:
11 i slyšavše my užasochomsja v serdcy našem, i ne sta ktomu duch ni vo jedinem ot nas ot lica vašego: jako Gospoď Bog vaš, Bog na nebesi gore i na zemli dole:
12 i nyne klenitesja mne Gospodem Bogom (vašim), jako az tvorju milosť vam, da sotvorite i vy milosť v domu otca mojego, i dadite mi znamenije istinno:
13 i oživite dom otca mojego, i mater moju, i bratiju moju, i sestry moja, i vsja, jelika suť im, i izmite dušy našja ot smerti.
14 I rekoša jej mužije: duša naša vmesto vas na smerť, ašče nyne ne objaviši nas. Ona že reče: i budet jegda predast Gospoď vam grad (sej), sotvorite mne milosť i istinu.
15 I svesi ich na verve oknom: jako dom jeja pri stene, i pri stene sija živjaše:
16 i reče im: otidite v goru, da ne srjaščut vas goňaščii, i skryjtesja tamo tri dni, dondeže vozvraťjatsja goňaščii vsled vas: i po sich otidete v puť vaš.
17 I reša k nej mužije: nepovinni jesmy kljatve sej tvojej, jejuže zakljala jesi nas:
18 se, my vchodim v časť grada, i postaviši znamenije, verv červlenu, siju da objažeši u okna, imže spustila jesi nas: otca že tvojego i mater tvoju, i bratiju tvoju i ves dom otca tvojego da sobereši k sebe v dom tvoj:
19 i budet vsjak, iže ašče izydet iz dverij domu tvojego von, sam sebe povinen budet, my že nepovinni (budem) kljatve tvojej sej: i jelicy ašče s toboju budut v domu tvojem, my budem povinni, ašče ruka prikosnetsja ich:
20 ašče že kto nas obidit, ili otkryet slovesa naša sija, budem nepovinni kljatve tvojej sej, jejuže zakljala jesi nas.
21 I reče im: po slovesi vašemu tako da budet. I otpusti ich, i otidoša: i privjaza verv červlenu u okna.
22 I otidoša, i proidoša v goru, i prebyša tamo tri dni, dondeže vozvratišasja gnavšii. I iskaša goňaščii po vsem putem, i ne obretoša.
23 I vozvratistasja dva junošy i snidosta s gory: i preidosta (Iordan) ko Iisusu synu Navinu, i povedasta jemu vsja slučivšajasja ima:
24 i resta ko Iisusu: jako predade Gospoď Bog naš v ruce naši vsju zemlju, i ubojašasja vsi živuščii na zemli toj ot nas.

3

1 I vosta zautra Iisus, i vozdvigošasja iz Sattina, i priidoša do Iordana toj i vsi synove Izrailevy, i staša tamo prežde neže prejti.
2 I bysť po trijech dnech, proidoša knigočija črez polk,
3 i zapovedaša ljudem, glagoljušče: jegda uzrite kivot zaveta Gospoda Boga našego, i žercy našja, i levity vozdvizajuščyja jego, da vozdvignetesja i vy ot mest vašich i pojdete vsled jego:
4 no podaleje da budet meždu vami i onym, jeliko dve tysjaščy lakot stanete: ne približitesja k nemu, da uveste puť, po nemuže pojdete: ne chodiste bo putem tem ni včera, ni tretijago dne.
5 I reče Iisus k ljudem: očistitesja nautrije, jako zautra sotvorit v vas Gospoď čudnaja.
6 I reče Iisus k žercem: vozdvignite kivot zaveta Gospodňa i predidite pred ljuďmi. I vzjaša žercy kivot zaveta Gospodňa i idoša pred ljuďmi.
7 I reče Gospoď ko Iisusu: v sej deň načinaju vozvyšati ťja pred vsemi synmi Izrailevymi, da uveďat, jakože bech s Moiseom, tako budu i s toboju:
8 i nyne zapovežď žercem vozdvizajuščym kivot zaveta, glagolja: jegda vnidete na časť vody Iordana, i vo Iordane stanete.
9 I reče Iisus synom Izrailevym: pristupite semo, i slyšite slovo Gospoda Boga vašego:
10 v sich uveste, jako Gospoď živjaj v vas i potrebljajaj potrebit ot lica vašego Chananea i Chettea, i Ferezea i Jevea, i Gergesea i Amorrea i Ijevusea:
11 se, kivot zaveta Gospoda vseja zemli prechodit Iordan:
12 izberite sebe dvanadesjať mužej ot synov Izrailevych, jedinago ot kojegoždo plemene,
13 i budet jegda počijut nozi žercev vozdvizajuščich kivot zaveta Gospoda vseja zemli v vode Iordana, voda Iordanova oskudejet, voda že niztekuščaja stanet.
14 I bysť jegda vozdvignušasja ljudije ot kušč svoich prejti Iordan, žercy že vozdvigoša kivot zaveta Gospodňa pred ljuďmi:
15 jegda že vnidoša žercy vozdvižušče kivot zaveta Gospodňa vo Iordan, i nozi žercev vozdvizajuščich kivot zaveta Gospodňa omočišasja v časti vody Iordana, Iordan že napolňašesja vo vsja krai svoja, jakože vo dni žatvy pšenicy:
16 i staša vody tekuščyja svyše, sta ogustenije jedino otlučivšejesja daleče zelo zelo ot Adami grada daže do strany Kariafiarima: niztekuščaja že nizteče v more Aravsko, v more Slanoje, dondeže do konca oskude.
17 I ljudije stojachu prjamo Ijerichonu. I staša žercy vozdvizajuščii kivot zaveta Gospodňa na suse posrede Iordana: i vsi synove Izrailevy prechoždachu po suchu, dondeže skončaša vsi ljudije prechoďašče Iordan.

4

1 I jegda skončaša vsi ljudije prechoďašče Iordan, i reče Gospoď k Iisusu, glagolja:
2 poimi dvanadesjať mužej ot ljudij, muža jedinago ot kojegoždo plemene,
3 poveli im, glagolja: vozmite ot sredy Iordana, ideže stojaša nozi žrečestii, gotovych dvanadesjať kamenej, i iznesše ja s soboju, položite v polce vašem, ideže stanete tamo v nošči.
4 I prizvav Iisus dvanadesjať mužej slavnych ot synov Izrailevych, jedinago ot kojegoždo plemene, reče im:
5 idite predo mnoju pred licem Gospodnim v sredinu Iordana: i vzem ottudu kijždo kameň jedin da vozložit na ramena svoja, po čislu plemen (synov) Izrailevych:
6 da budut vam sii v znamenije posrede vas ležašče vsegda, da jegda voprosit tebe utro syn tvoj, glagolja: čto suť kamenije sije vam?
7 I ty vozvestiši synu tvojemu, glagolja: jako oskude Iordan reka ot lica kivota zaveta Gospoda vseja zemli, jegda prechoždaše jego, i izsjače voda Iordanova: i budut vam kamenije sije v pamať synov Izrailevych daže do veka.
8 I sotvoriša tako synove Izrailevy, jakože zapoveda Gospoď Iisusu: i vzemše dvanadesjať kamenej ot sredy Iordana, jakože zapoveda Gospoď Iisusu v skončanii prechoždenija synov Izrailevych, i prinesoša ich s soboju v polk, i položiša ich tamo.
9 Postavi že Iisus i drugija dvanadesjať kamenej v samem Iordane na meste, ideže stojachu nozi žercev vozdvizajuščich kivot zaveta Gospodňa, i suť tamo daže do sego dne.
10 Stojachu že žercy vozdvizajuščii kivot zaveta Gospodňa vo Iordane, dondeže skonča Iisus vsja, jelika zapoveda Gospoď Iisusu povedati ljudem, po vsem, jelika zapoveda Moisej Iisusu: i potščašasja ljudije, i preidoša.
11 I bysť jegda skončaša vsi ljudije prechoditi (Iordan), prejde i kivot zaveta Gospodňa, i kamenije pred nimi.
12 I preidoša synove Ruvimli i synove Gadovy i pol plemene Manassiina ustrojeny pred synmi Izrailevy, jakože zapoveda im Moisej:
13 četyredesjať tysjašč vooruženi na rať preidoša pred Gospodem na braň ko gradu Ijerichonu.
14 V toj deň vozveliči Gospoď Iisusa pred vsem rodom Izrailevym: i bojachusja jego, jakože bojachusja Moisea, jeliko vrema požive.
15 I reče Gospoď ko Iisusu, glagolja:
16 zapovežď žercem, vozdvizajuščym kivot zaveta svidenija, izstupiti iz Iordana.
17 I zapoveda Iisus žercem, glagolja: izydite iz Iordana.
18 I bysť jegda izydoša žercy vozdvizajuščii kivot zaveta Gospodňa ot sredy Iordana, i postaviša nogi na suse, i ustremisja voda Iordanova na mesto i pojde jakože včera i tretijago dne po vsemu kraju.
19 I ljudije vzydoša ot Iordana v desjatyj deň pervago mesjaca: i opolčišasja synove Izrailevy v Galgalech na strane, jaže na vostok solnca ot Ijerichona.
20 I dvanadesjať kamenija sija, jaže vzja ot Iordana, postavi Iisus v Galgalech, i reče k synom Izrailevym, glagolja:
21 jegda voprosjat vas synove vaši, glagoljušče: čto suť kamenije sije?
22 Vozvestite synom vašym: jako po suchu prejde Izrail Iordan sej,
23 izsušivšu Gospodu Bogu vašemu vodu Iordaňu pred nimi, dondeže preidoša, jakože sotvori Gospoď Bog vaš Čermnomu morju, ježe izsuši Gospoď Bog vaš pred vami, dondeže preidochom:
24 da uveďat vsi jazycy zemnii, jako ruka Gospodňa krepka jesť, i vy da čtete Gospoda Boga vašego vo vsjakoje vrema.

5

1 I bysť jegda uslyšaša carije Amorrejstii, iže bjachu ob onu stranu Iordana, i carije Finičeskii, iže bjachu bliz morja, jako izsuši Gospoď Bog Iordan reku pred syny Izrailevymi, vnegda prechoditi im, i istajaša mysli ich, i užasošasja, i ne bjaše v nich smyšlenija ni jedinago ot lica synov Izrailevych.
2 V sije že vrema reče Gospoď Iisusu: sotvori sebe noži kamenny ot kamene ostrago, i sed obreži syny Izrailevy vtoroje.
3 I sotvori Iisus sebe noži kamenny ostry i obreza syny Izrailevy na meste narečennem Cholm obrezanija.
4 I tako obreza Iisus syny Izrailevy: jelicy togda rodišasja na puti, i jelicy togda ne obrezani byša ot izšedšich iz Jegipta, vsech sich obreza Iisus: vsi ljudije izšedšii iz Jegipta mužeska polu, vsi mužije ratnii izmroša v pustyni na puti, vnegda izydoša iz Jegipta:
5 jako obrezani byša vsi ljudije izšedšii, vsi že ljudije, iže rodišasja v pustyni na puti, jegda izydoša iz Jegipta, ne obrezani byša:
6 četyredesjať bo i dva leta choždaše Izrail v pustyni Mavdaritide: sego radi ne obrezani byša mnozi ot tech voinov izšedšich iz zemli Jegipetskija, ne poslušavšii zapovedij Gospodnich, imže i opredeli Gospoď ne videti zemli, jejuže kljatsja Gospoď otcem ich dati nam zemlju kipjaščuju medom i mlekom:
7 vmesto že sich postavi syny ich, ichže obreza Iisus, jako skončanyja ploti bjachu im, jako rodišasja na puti ne obrezani:
8 obrezavšesja že pokoj imachu tamo seďašče v polce, dondeže iscelišasja.
9 I reče Gospoď Iisusu: v dnešnij deň oťjach ponošenije Jegipetsko ot vas. I nareče ima mestu tomu Galgala, daže do sego dne.
10 I opolčišasja synove Izrailevy v Galgalech i sotvoriša Paschu v četvertyjnadesjať deň mesjaca ot večera na zapade na poli Ijerichonstem,
11 i jadoša ot pšenicy zemli onoja opresnoki i novaja:
12 v toj deň presta manna, povnegda jadoša ot pšenicy zemli, i ktomu ne bysť synom Izrailevym manny: no jadoša ot plodov zemli Finičeskija v leto onoje.
13 I bysť jegda bjaše Iisus u Ijerichona, i vozzrev očima svoima, vide čeloveka stojašča pred nim, i meč jego obnažen v ruce jego. I pristupiv Iisus, reče jemu: naš li jesi, ili ot sopostat našich?
14 On že reče jemu: az archistratig sily Gospodni, nyne priidoch (semo). I Iisus pade licem svoim na zemlju i poklonisja jemu, i reče: gospodi, čto povelevaeši rabu tvojemu?
15 I reče archistratig Gospodeň ko Iisusu: izzuj sapog s nogu tvojeju: mesto bo, na nemže ty stoiši, svjato jesť. I sotvori Iisus tako.
16 Ijerichon že zaključen i ogražden bysť ot lica synov Izrailevych: i niktože iz nego ischoždaše, niže vchoždaše.

6

1 I reče Gospoď ko Iisusu: se, Az predaju tebe v ruce Ijerichon i carja jego, i suščyja v nem, silny krepostiju:
2 i obchodite grad okrest vsi mužije krepcyi jedinoju (na deň), tako sotvorite šesť dnij:
3 i sedm žercy da vozmut sedm trub rožanych pred kivotom: i v sedmyj deň oydite grad sedmiždy, i žercy da vostrubjat v truby rožany:
4 i budet jegda vostrubite truboju rožanoju, vnegda uslyšati vam glas truby, da voskliknut vsi ljudije: i voskliknuvšym im, padut sami steny grada vo osnovanii svojem, i vnidut vsi ljudije ustremivšesja kijždo prjamo sebe vo grad.
5 I vnide Iisus syn Navin k žercem synov Izrailevych i reče im glagolja: vozmite kivot zaveta Gospodňa, i sedm žercy da vozmut sedm trub rožanych pred licem kivota Gospodňa.
6 I reče im glagolja: povelite ljudem oyti i okružiti grad, i voini da predidut vooruženi pred kivotom Gospodnim.
7 I bysť jegda reče Iisus k ljudem, i sedm žercy imušče sedm trub svjaščennych da predidut takožde pred Gospodem, i da vostrubjat dobroglasno: i kivot zaveta Gospodňa vsled po nich da idet:
8 voini že da predidut napredi, i žercy trubjašče v truby, i posledujuščii sozadi kivota zaveta Gospodňa bjachu idušče i trubjašče trubami.
9 Ljudem že zapoveda Iisus, glagolja: ne vopite, niže da slyšit kto glasa vašego, niže da izydet iz ust vašich slovo do dne, v oňže povelju vam sam voskliknuti, i togda voskliknite.
10 I obšed kivot zaveta Božija okrest grada (edinoju), abije ide v polk, i sta tamo.
11 Vo vtoryj že deň vosta Iisus zautra, i vozdvigoša žercy kivot zaveta Gospodňa.
12 I žercy sedm nosjaščii sedm trub prediďachu pred kivotom Gospodnim i trubiša trubami, i voini vooruženi iďachu, i pročii ljudije vsled kivota zaveta Gospodňa idušče, i žercy vostrubiša trubami rožanymi.
13 I obydoša grad v deň vtoryj jedinoju, i poidoša paki v polk: sice tvorjachu šesť dnij.
14 I bysť v sedmyj deň, vostaša v vostanije utrenneje, i obydoša grad v toj deň sedmiždy.
15 I bysť vo obchoždenii sedmem vostrubiša žercy trubami, i reče Iisus k synom Izrailevym: voskliknite, predade bo Gospoď vam grad:
16 i budet grad sej prokljat, i vsja, jelika suť v nem, Gospodu sil: tokmo Raav bludnicu snabdite ju, i vsja, jelika suť v domu jeja, jako sokry prelagatai, ichže posylachom:
17 no vy sobljuditesja ot kljatvy, da ne kogda pomyslivše vy vozmete ot kljatvy, i sotvorite polk synov Izrailevych kljatvu, i potrebite ny:
18 zlato že vse i srebro, i meď i železo svjato da budet Gospodu: v sokrovišče Gospodne da vnesetsja.
19 I vostrubiša žercy trubami: jegda že uslyšaša ljudije glas trubnyj, voskliknuša vsi kupno ljudije glasom velikim i silnym: i padoša vsja steny grada okrest, i vnidoša vsi ljudije vo grad, kijždo protivu sebe, i prijaša grad.
20 I proklja i Iisus, i jelika byša vo grade, ot mužeska polu i do ženska, ot junoši i do starca, i ot telca do ovcy i do osljate, vse pod meč.
21 I dvoim junošam sogljadavšym zemlju reče Iisus: vnidite v dom ženy bludnicy, i izvedite ju ottudu, i vsja, jelika suť jeja, jakože kljastesja jej.
22 I vnidosta dva junošy sogljadavšii grad v dom ženy, i izvedoste Raav bludnicu, i otca jeja i mater jeja, i bratiju jeja i vse srodstvo jeja, i vsja jelika byša jej, izvedosta i postavista ja vne polka Izraileva.
23 I grad sožgoša ognem so vsem, ježe be v nem, krome zlata i srebra, medi i železa, jaže otdaša v dom Gospodeň vnesti Gospodevi.
24 I Raav bludnicu i ves dom jeja otečeskij ostavi živy Iisus, i obitati sotvori vo Izraili daže do dne sego, poneže sokry prelagatai, ichže posla Iisus sogljadati Ijerichona.
25 I proklja Iisus v toj deň, glagolja: prokljat čelovek pred Gospodem, iže postavit i soziždet grad sej Ijerichon: na pervence svojem osnujet jego, i na menšem svojem postavit vrata jego. I sice sotvori Azan, iže ot Vefilja: na Avirone pervence svojem osnova i, i na menšem spasenem postavi vrata jego.
26 I bjaše Gospoď so Iisusom, i be ima jego po vsej zemli.

7

1 I pregrešiša synove Izrailevy pregrešenijem velikim, i vzjaša ot kljatvy: vzja bo Achar syn Charmii, syna Zamvrii, syna Zary, ot plemene Iudina, ot kljatvy. I razgnevasja Gospoď jarostiju na syny Izrailevy.
2 I posla Iisus mužy ot Ijerichona v Gaj, iže jesť protivu Vifavn na vostok Vefilja, i reče im, glagolja: šedše sogljadajte zemlju. I idoša mužije i sogljadaša Gaj.
3 I vozvratišasja ko Iisusu i rekoša jemu: da ne idut vsi ljudije, no jako dve tysjaščy ili tri tysjaščy mužej da idut i da vojujut Gaj: da ne vedeši tamo vsech ljudij, malo bo jesť ich (tamo).
4 I idoša ot ljudij tamo, aki tri tysjaščy mužej, i pobegoša ot lica mužej Gajskich:
5 i ubiša ot nich mužije Gajstii jako tridesjať i šesť mužej, i otgnaša ich ot vrat, dondeže sokrušiša ich na stremnine: i užasesja serdce ljudij, i bysť jako voda.
6 I rasterza Iisus rizy svoja, i pade na zemli na lice svoje pred Gospodem daže do večera, sam i starcy Izrailevy: i posypaša persť na glavy svoja.
7 I reče Iisus: moljusja, Gospodi Gospodi, vskuju prevede rab Tvoj ljudi sija črez Iordan predati ich Amorreom na pogublenije? Ot, da bychom prebyli i vselilisja u Iordana:
8 Gospodi, čto reku? Poneže otvrati Izrail vyju svoju pred vragi svoimi:
9 i uslyšav Chananej i vsi živuščii na zemli obydut nas i potrebjat nas ot zemli: i čto sotvoriši imeni Tvojemu velikomu?
10 I reče Gospoď ko Iisusu: vostani, vskuju ty pal jesi na lice tvoje?
11 Sogrešiša ljudije i prestupiša zavet Moj, jegože zaveščach k nim, i ukradše ot kljatvy, skryša v sosudech svoich:
12 sego radi ne mogut synove Izrailevy stati pred licem vragov svoich, no chrebet obraťjat pred vragi svoimi, jako kljatvoju stašasja: ne priložu ksemu byti s vami, ašče ne izmete kljatvy ot sebe samich:
13 vostav očisti ljudi i rcy: očistitesja na utro: jako sija glagolet Gospoď Bog Izrailev: kljatva jesť v vas, ne vozmožete stati pred vragi vašimi, dondeže izmete ot sebe samich kljatvu:
14 i soberitesja vsi zautra po plemenom (vašym), i budet plema, ježe pokažet Gospoď, da privedete po sonmom: i sonm, jegože pokažet Gospoď, da privedete po domom: i dom, jegože pokažet Gospoď, da privedete po mužem:
15 i iže obličitsja, da sožžetsja ognem, sam i vsja jelika suť jego, jako prestupi zavet Gospodeň i sotvori bezzakonije vo Izraili.
16 I vosta Iisus zautra, i privede ljudij po plemenom: i obličisja plema Iudino.
17 I privedesja po sonmom, i obličisja sonm Zarain: i privedesja sonm Zarain po mužem, i obličisja dom Zamvriin.
18 I privedesja dom jego po mužem, i obličisja Achar syn Charmiin syna Zamvriina, syna Zaraňa, ot plemene Iudina.
19 I reče Iisus Acharu: syne moj, dažď slavu dnes Gospodu Bogu Izrailevu, i dažď Jemu ispovedanije, i ispovežď mi, čto sotvoril jesi, i ne utaj ot mene.
20 I otvešča Achar Iisusu i reče: poistinne az sogrešich pred Gospodem Bogom Izrailevym: sice i sice sotvorich:
21 videch v plene rizu krasnu i dobru i dvesti didrachm srebra, i sosud jedin zlat, pjaťdesjat didrachm ves jego: i pomysliv na ňa vzjach: i se, sija sokrovenna suť v zemli v kušči mojej, i srebro sokrovenno pod nimi.
22 I posla Iisus posly, i idoša v kušču v polk: i sija bjachu sokrovenna v kušči jego, i srebro pod nimi,
23 i iznesoša ja iz kušči, i prinesoša ko Iisusu i k starcem Izrailevym, i položiša ja pred Gospodem.
24 I vzja Iisus Achara syna Zaraňa, i srebro i rizu i sosud zlatyj, i vozvede jego v debr Achor, i syny jego i dščeri jego, i telcy jego i osljata jego i vsja ovcy jego, i kušču jego i vsja imenija jego, i ves Izrail po nem: i vozvede ja (so vsem) vo jemek Achor.
25 I reče Iisus Acharu: počto potrebil jesi nas? Da potrebit ťja Gospoď, jakože i dnes. I pobiša jego kamenijem ves Izrail, i sožgoša vsja ognem, i nametaša ich kamenijem,
26 i nametaša na nem gromadu kamenija veliku. I presta Gospoď ot jarosti gneva Svojego. Sego radi prozvasja ima mestu tomu jemek Achor daže do dne sego.

8

1 I reče Gospoď ko Iisusu: ne bojsja, niže užasajsja: poimi s soboju vsja mužy voinskija, i vostav vzydi v Gaj: se, predach v ruce tvoi carja Gajska i zemlju jego, i ljudi jego i grad jego:
2 i da sotvoriši Gaju i carju jego, jakože sotvoril jesi Ijerichonu i carju jego: i plen jego i skoty jego da pleniši sebe: ustroj že sebe podsadu gradu za soboju.
3 I vosta Iisus i vsi mužije voinstii, da vnidut v Gaj: i izbra Iisus tridesjať tysjašč mužej voinskich silnych krepostiju i posla ich noščiju,
4 i zapoveda im, glagolja: vy skryjtesja za gradom: ne daleče budite ot grada zelo, i budite vsi gotovi:
5 az že i vsi ljudije iže so mnoju pristupim ko gradu: i budet jegda izydut živuščii v Gai v sretenije nam, jakože i prežde, i pobegnem ot lica ich:
6 i jegda izydut vsled nas, ottorgnem ich ot grada: i rekut: bežat sii ot lica našego, jakože i prežde:
7 vy že vostanete ot podsady, i pojdete vo grad, i predast jego Gospoď Bog naš v ruce vaši:
8 i budet jegda vozmete grad, zapalite jego ognem, po slovesi semu sotvorite: se, zapovedaju vam.
9 I posla ich Iisus, i idoša v podsadu: i sedoša meždu Vefilem i meždu Gaijem, ot morja Gaia.
10 I vostav Iisus zautra, sogljada ljudi: i vzyde sam i starcy Izrailtestii pred ljuďmi v Gaj.
11 I vsi ljudije voinstii s nim vzydoša, i idušče priidoša soprotiv grada ot vostokov: i podsady grada ot morja.
12 I opolčišasja ot severa Gaia, i (bysť) debr meždu imi i meždu Gaijem. I vzja jako pjať tysjašč mužej, i položi ich na podsadu meždu Vefilem i Gaijem ot zapada Gaia.
13 I postaviša ljudije ves polk ot severa grada, a pročaja jego ot morja grada. I pojde Iisus v nošč onu posrede debri.
14 I bysť jegda uvide car Gajskij, potščasja, i vosta rano i izyde v sretenije im prjamo na braň, sam i vsi ljudije jego s nim vo vrema, pred licem podsady: on že ne veďaše, jako podsada jemu jesť za gradom (ego).
15 I uvide, i otide Iisus i ves ljud ot lica ich, i pobeže putem pustyni,
16 i ukrepisja ves ljud gnati vsled ich, i pognaša vsled synov Izrailevych, i otstupiša ot grada.
17 (I) ne ostasja niktože v Gai i Vefili, iže ne pogna vsled Izrailja: i ostaviša grad otverst, i gnaša vsled Izrailja.
18 I reče Gospoď ko Iisusu: prostri ruku tvoju s kopijem, ježe v ruce tvojej, na grad, zane v ruku tvoju predach jego: i podsady vostanut vskore ot mesta svojego. I prostre Iisus ruku svoju i s kopijem na grad.
19 I podsady vostaša skoro ot mesta svojego: i izydoša, jegda prostre ruku, i vnidoša vo grad, i vzjaša jego: i potščavšesja zapališa grad ognem.
20 I ozrevšesja obitateli Gajstii vspjať sebe, uzreša dym voschoďašč ot grada do nebese, i ktomu ne imeša kamo pobegnuti, semo ili ovamo: ljudije že beguščii v pustyňu obratišasja na goňaščich.
21 Iisus že i ves Izrail uvideša, jako vzjaša podsady grad, i jako voschodit dym gradnyj do nebese: i obrativšesja izbiša mužej Gajskich.
22 I sii izydoša iz grada protivu im, i byša posrede polka Izraileva, sii otsjudu i sii oťjunudu: i izbiša ich, dondeže ne ostasja ni jedin ot nich cel, ni ubeža.
23 I carja Gajska jaša živa, i privedoša jego ko Iisusu.
24 I bysť jegda prestaša synove Izrailevy sekušče vsech suščich v Gai i suščich na poljach i na gore ischoda, ideže goniša ich, i padoša vsi ostrijem meča na nej do konca: i obratisja Iisus v Gaj i poseče ich mečem.
25 I byša vsi padšii v toj deň ot mužeska polu i do ženska dvanadesjať tysjašč, vsi živuščii v Gai.
26 Iisus že ne obrati ruki svojeja, juže prostre s kopijem, dondeže proklja vsech obitajuščich v Gai.
27 Krome skotov (ich) i imenija, jaže vo grade onem, vsja pleniša sebe synove Izrailevy po poveleniju Gospodňu, jakože povele Gospoď Iisusu.
28 I zapali grad Iisus ognem: zemlju neobitaemu vo vek položi jego daže do sego dne.
29 I carja Gajska povesi na dreve sugubem: i bjaše na dreve do večera: i zachoďašču solncu povele Iisus, i sňaša telo jego s dreva, i povergoša i v rov pred vraty grada: i nasypa nad nim gromadu veliku kamenija daže do sego dne.
30 Togda sozda Iisus oltar Gospodu Bogu Izrailevu na gore Geval,
31 jakože zapoveda Moisej rab Gospodeň synom Izrailevym, i jakože napisasja v zakone Moiseove, oltar ot kamenij vsecelych, na nichže ne vozložisja železo: i voznese tamo vsesožženija Gospodu i žertvu spasenija.
32 I napisa Iisus na kameniich vtoryj zakon, zakon Moiseov, jegože napisa pred syny Izrailevymi.
33 I ves Izrail, i starcy ich i sudii ich i knigočija ich predchoďachu sjudu i sjudu pred kivotom, i žercy i leviti vozdvizaša kivot zaveta Gospodňa, prišelec že i tuzemec: iže byša polovina ich bliz gory Garizin, i polovina ich bliz gory Geval, jakože zapoveda Moisej rab Gospodeň blagosloviti ljudij Izrailevych v pervych.
34 I po sich tako pročte Iisus vsja slovesa zakona sego, blagoslovenija i kljatvy, po vsemu napisannomu v zakone Moiseove.
35 Ne bjaše slovese ot vsech, jaže zapoveda Moisej Iisusu, jegože ne pročte Iisus vo uši vsego sonma synov Izrailevych, mužem i ženam, i detem i prišelcem prichoďaščym ko Izrailju.

9

1 Jegda že uslyšaša vsi carije Amorrejstii, iže ob onu stranu Iordana, iže v gornej i iže v ravnej, i iže vo vsem primorii morja velikago i iže pri Antilivane, i Chettei i Amorrei, i Gergesei i Chananei, i Ferezei i Jevei i Ijevusei,
2 snidošasja vkupe seščisja so Iisusom i so Izrailem jedinomyslenno.
3 I živuščii v cholme v Gavaone slyšaša vsja, jelika sotvori Gospoď Ijerichonu i Gaju,
4 i sotvoriša i sii s lukavstvom, i šedše ugotovaša brašna i ugotovašasja: i vzemše vretišča vetcha na osly svoja, i mechi vina vetchi i razsedšyjasja zavjazany:
5 i sapogi vetchi i zaplačeny na nogu ich, i rizy obvetšany na nich, i chleby brašna ich beša presochli i splesneli i sdrobleni.
6 I priidoša ko Iisusu v polk Izrailev v Galgaly, i rekoša ko Iisusu i vsemu Izrailju: ot zemli dalnija priidochom, i nyne zaveščajte nam zavet.
7 I rekoša synove Izrailevy k Chorreju: vižď, ne posrede li nas živeši, i kako tebe zaveščaju zavet?
8 I rekoša ko Iisusu: rabi jesmy tvoi. I reče k nim Iisus: otkudu jeste? I otkudu priidoste?
9 I rekoša k nemu: ot dalnija zemli zelo priidochom rabi tvoi vo ima Gospoda Boga tvojego: slyšachom bo ima Jego i vsja, jelika sotvori vo Jegipte,
10 i vsja, jelika sotvori dvoim carem Amorrejskim, iže byša ob onu stranu Iordana, Sionu carju Jesevonsku i Ogu carju Vasansku, iže živjaše vo Astarofe i vo Jedraine.
11 I slyšavše rekoša k nam starcy naši i vsi živuščii na zemli našej, glagoljušče: vozmite sebe brašno na puť i idite protivu im, i rcyte k nim: rabi jesmy vaši, i nyne zaveščajte nam zavet:
12 sii chleby naši, teplyja na puť vzjachom ich ot domov našich, v oňže deň izydochom priiti k vam: nyne že preschoša i byša sodrobleni:
13 i sii mesi vina, ichže nalijachom novy, i sii razsedošasja: i rizy našja sija i obuvišča naša obetšaša ot dolgago puti zelo.
14 I vzjaša kňazi brašno ich, a Gospoda ne voprosiša.
15 I sotvori Iisus s nimi mir, i ustavi k nim zavet, ježe snabdeti ich: i kljašasja im kňazi sonma.
16 I bysť po trijech dnech po zaveščanii k nim zaveta, uslyšaša, jako bliz ich suť i jako posrede ich živut.
17 I vostaša synove Izrailevy i vnidoša vo grady ich v tretij deň: gradi že ich (bjachu) Gavaon i Kefira, i Virot i grad Iarim.
18 I ne sotvoriša s nimi rati (Iisus i) synove Izrailevy, jako kljašasja im vsi kňazi sonma Gospodem Bogom Izrailevym. I roptaša ves sonm Izrailev na kňazej.
19 I rekoša vsi kňazi vsemu sonmu: my kljachomsja im Gospodem Bogom Izrailevym, i nyne ne vozmožem kosnutisja ich:
20 sije sotvorim im, ježe živiti ich, i snabdim ich, i ne budet na nas gneva kljatvy radi, jejuže kljachomsja im.
21 I rekoša im kňazi: da živut sii, i budut drevosečcy i vodonoscy vsemu sonmu. I sotvori ves sonm, jakože rekoša im kňazi.
22 I sozva ich Iisus i reče im, glagolja: počto prelstiste ma, glagoljušče: daleče jesmy ot tebe zelo? Vy že naselnicy jeste ot živuščich v nas:
23 i nyne prokljati jeste: i ne oskudejet ot vas rab, niže drevosečec, niže vodonosec mne i Bogu mojemu.
24 I otveščaša Iisusu, glagoljušče: poneže vozvestisja nam (rabom tvoim), jelika zapoveda Gospoď Bog tvoj Moiseju rabu Svojemu, dati vam zemlju siju i potrebiti nas i vsja živuščyja na nej ot lica vašego, sego radi ubojachomsja zelo ot dušach našich ot lica vašego, i sotvorichom delo sije:
25 i nyne, se, my područni vam, jakože ugodno jesť vam, i jakože vam mnitsja, tvorite nam.
26 I sotvoriša im sice: i izbavi ja Iisus v toj deň ot ruku synov Izrailevych, i ne ubiša ich.
27 I postavi ja Iisus v toj deň drevosečcy i vodonoscy vsemu sonmu i oltarju Božiju. Sego radi byša živuščii v Gavaone drevosečcy i vodonoscy oltarju Božiju, daže do dnešňago dne, i na meste ježe ašče izberet Gospoď.

10

1 Jegda že uslyša Adonivezek car Ijerusalimskij, jako vzja Iisus Gaj i potrebi jego, jakože sotvori Ijerichonu i carju jego, tako sotvori i Gaju i carju jego, i jako sami vdašasja živuščii v Gavaone ko Iisusu i ko Izrailju, i byša v nich,
2 i ubojašasja sami v sebe zelo: veďachu bo, jako grad bjaše velik Gavaon, jako jedin ot velikich gradov, i vsi mužije iže v nem krepcy.
3 I posla Adonivezek car Ijerusalimskij k Jelamu carju Chevronsku i Feraanu carju Ijerimufsku, i ko Afiju carju Lachissku, i k Daviru carju Odollamsku, glagolja:
4 priidite, vzydite ko mne i pomozite mi, da povojuem Gavaona: vdašasja bo sami ko Iisusu i k synom Izrailevym.
5 I sobrašasja i vzydoša pjať carej Ijevusejskich: car Ijerusalimskij i car Chevronskij, i car Ijerimufskij i car Lachisskij i car Odollamskij, sami i vsi ljudije ich, i obsedoša Gavaona i vojevaša na nego.
6 I poslaša živuščii v Gavaone ko Iisusu v polk Izrailev v Galgaly, glagoljušče: ne otrešaj ruki tvojeja ot rab tvoich: vzydi k nam skoro i pomozi nam, i izmi nas: jako sobrani suť na ny vsi carije Amorrejstii, živuščii v gornej.
7 I vzyde Iisus ot Galgal, sam i vsi ljudije voinstii s nim, vsjak silnyj krepostiju.
8 I reče Gospoď ko Iisusu: ne ubojsja ich, jako v ruce tvoi predach ja: ne ostanet ot nich ni jedin pred vami.
9 I priide na nich Iisus vnezapu: vsju bo nošč ide ot Galgal.
10 I užasi ja Gospoď ot lica synov Izrailevych: i sokruši ja Gospoď sokrušenijem velikim v Gavaone: i pognaša ja putem voschoda Viforonska, i sečachu ich daže do Azika i do Makida.
11 Vnegda že bežati im ot lica synov Izrailevych do voschoda Viforonska, i Gospoď verže na ňa kamenije velikoje grada s nebese daže do Azika, i bysť množae umeršich ot grada kamenna, neže ubijennych ot synov Izrailevych mečem na brani.
12 Togda glagola Iisus ko Gospodu, v oňže deň predade Gospoď Bog Amorrea pod ruku Izrailevu, jegda sokruši ich v Gavaone, i sokrušišasja ot lica Izraileva: i reče Iisus: da stanet solnce prjamo Gavaonu, i luna prjamo debri Jelon.
13 I sta solnce i luna v stojanii, dondeže otmsti Bog vragom ich. Ne sije li jesť pisano v knigach Pravednago: i sta solnce posrede nebese i ne iďaše na zapad v soveršenije dne jedinago?
14 I ne bysť deň takovyj niže prežde, niže posledi, ježe poslušati Bogu tako glasa čeloveča, jako Gospoď spoborstvova Izrailju.
15 I vozvratisja Iisus i ves Izrail s nim v polk v Galgaly.
16 I ubegoša pjať carije sii i skryšasja v peščere jaže v Makide.
17 I povedaša Iisusu, glagoljušče: obretošasja pjať carije skryvšiisja v peščere jaže v Makide.
18 I reče Iisus: privalite kamenije velije ko ustiju peščery i pristavite nad nimi mužy strešči ich:
19 vy že ne stojte zde, goňašče vsled vragov vašich, i postignite ostanok ich, i ne dadite vniti im vo grady ich, predade bo ja Gospoď Bog naš v ruce naši.
20 I bysť jegda presta Iisus i vsi synove Izrailevy sekušče ich sečenijem velikim zelo daže do konca, i ucelevšii ot nich vnidoša vo grady tverdy.
21 I vozvratišasja vsi ljudije v polk ko Iisusu v Makidu zdravi, i ne vozskomle niktože ot synov Izrailevych jazykom svoim.
22 I reče Iisus: otverzite ustije peščery i izvedite ko mne pjať carej sich iz peščery.
23 I sotvoriša tako, i izvedoša k nemu pjať carej iz peščery: carja Ijerusalimska i carja Chevronska, i carja Ijerimufska i carja Lachisska i carja Odollamska.
24 I jegda izvedoša ich ko Iisusu, i sozva Iisus vsego Izrailja i načalniki voinskija choďaščyja s nim, glagolja k nim: pristupite i nastupite nogami vašimi na vyi carej sich. I pristupivše nastupiša nogami svoimi na vyi ich.
25 I reče k nim Iisus: ne bojtesja ich, ni užasajtesja: mužajtesja i krepitesja, jako sice sotvorit Gospoď vsem vragom vašym, ichže vy povojuete.
26 I ubi ja Iisus, i povesi ja na pjati drevesech: i byša visjašče na drevach daže do večera.
27 I bysť pri zachoždenii solnca, povele Iisus, i sňaša ja s dreves, i vvergoša ja v peščeru, v ňuže vbegoša tamo: i zavališa kamenijem velikim peščeru do dnešňago dne.
28 Vzjaša že i Makidu v toj deň, i izbiša ju ostrijem meča i carja jeja, i potrebiša ich i vse dyšuščeje ježe bjaše v nej: i ne ostasja niktože v nej cel i izbegšij. I sotvoriša carju Makidsku, jakože sotvoriša carju Ijerichonsku.
29 I otide Iisus i ves Izrail s nim ot Makidy v Levnu, i obleže Levnu.
30 I predade ju Gospoď v ruce Izrailju: i vzjaša ju i carja jeja, i izbiša ju ostrijem meča, i vse dyšuščeje v nej: i ne ostasja v nej ni jedin cel i izbegšij. I sotvoriša carju jeja, jakože sotvoriša carju Ijerichonsku.
31 I otide Iisus i ves Izrail s nim ot Levny v Lachis, i obleže jego, i vojevaše naň.
32 I predade Gospoď Lachis v ruce Izrailevy: i vzja jego v deň vtoryj, i izbiša jego ostrijem meča (i vse dyšuščeje v nem), i potrebiša jego, jakože sotvoriša Levne.
33 Togda vzyde Oram car Gazersk, pomogajaj Lachisu: i porazi jego Iisus ostrijem meča, i ljudi jego, dondeže ne ostasja ot nich ni jedin cel i izbegšij.
34 I otide Iisus i ves Izrail s nim ot Lachisa vo Aglon, i obleže i, i vojeva na nego.
35 I predade i Gospoď v ruce Izrailju: i vzja i v toj deň, i izbi i ostrijem meča, i vse dyšuščeje v nem ubi, i sotvori jemu jakože i Lachisu.
36 I otide Iisus i ves Izrail s nim v Chevron, i obsjade i:
37 i vzja jego, i porazi jego ostrijem meča, i carja jego, i vsja vesi jego, i vsja dyšuščaja jelika bjachu v nem: ne be ucelevyj: jakože sotvoriša Aglonu, potrebiša i i vse dyšuščeje, jelika v nem bjachu.
38 I obratisja Iisus i ves Izrail s nim v Davir: i obsedše i,
39 vzjaša jego i carja jego i vsja vesi jego, i poraziša i mečem, i potrebiša i i vse dyšuščeje v nem, i ne ostaviša v nem ni jedinago ucelevša: jakože sotvoriša Chevronu i carju jego, tako sotvoriša Daviru i carju jego, i jakože sotvoriša Levne i carju jeja.
40 I porazi Iisus vsju zemlju gornuju i Nagev, i ravnuju i Asidof, i vsja cari jego: ne ostaviša v nem ni jedinago ucelevša: i vse dyšuščeje potrebiša, jakože zapoveda Gospoď Bog Izrailju.
41 I izbi ich Iisus ot Kadis-Varni daže do Gazy, i vsju zemlju Gosom daže do Gavaona:
42 i vsja cari sija i zemlju ich vzja Iisus jedinoju: jako Gospoď Bog Izrailev pomogaše Izrailju.
43 I vozvratisja Iisus i ves Izrail s nim v polk v Galgaly.

11

1 Jegda že uslyša Iavin car Asorsk, posla ko Iovavu carju Madonsku, i k carju Semeronsku i k carju Achiavsku,
2 i k carem iže v Sidone velicem i v gornej, i v Aravu prjamo Chenerefu, i na poljanu, i v Nafeddor,
3 i k primorskim Chananeam ot vostok, i k primorskim Amorreom i Chetteom, i Ferezeom i Ijevuseom, iže na gore, i Jeveom, i iže pod Ajermonom, v zemlju Massifa.
4 I izydoša sii i carije ich s nimi, ljudije mnozi, jako pesok iže pri krai morja množestvom, i koni i kolesnicy mnogi zelo.
5 I snidošasja vsi carije sii, i priidoša vkupe, i opolčišasja pri vode Marron vojevati na Izrailja.
6 I reče Gospoď ko Iisusu: ne ubojsja ot lica ich, jako zautra v sej čas Az predam ich jazvennych pred syny Izrailevy: konem ich žily presečeši i kolesnicy ich da sožžeši ognem.
7 I priide Iisus i vsi ljudije voinstii s nim na nich k vode Marronstej vnezapu, i napadoša na ňa v gornej.
8 I predade ich Gospoď pod ruce Izrailevy: i sekušče ich, prognaša daže do Sidona velikago i do Masrefof-Maima i do pol Massifskich k vostokom: i izsekoša ich, dondeže ne ostasja v nich ni jedin cel i izbegšij.
9 I sotvori im Iisus, jakože zapoveda jemu Gospoď: konem ich žily preseče i kolesnicy ich sožže ognem.
10 I obratisja Iisus v to vrema, i vzja Asor, i carja jego ubi mečem: Asor bo be prežde obladajuščij vsemi carstvy simi:
11 i izbi vse dyšuščeje, ježe v nem bysť, ostrijem meča, i potrebiša vsja, i ne ostasja v nem vse dyšuščeje: i Asor zapališa ognem.
12 I vsja grady carstv sich i vsja cari ich vzja Iisus i izbi ja mečem, i potrebi ich, jakože povele im Moisej rab Gospodeň.
13 No vsja grady krepki ne zapali Izrail, točiju Asor jedin zapali Iisus.
14 I vsja korysti ich i vsja skoty ich pleniša sebe synove Izrailevy: ljudij že vsech potrebiša mečem, dondeže pogubiša ich, i ne ostaviša ot nich ni jedinago dyšuščago.
15 Jakože povele Gospoď Moiseju rabu Svojemu, tako Moisej zapoveda Iisusu: i tako sotvori Iisus, ne prestupi ni jedinago že ot vsech, jaže zapoveda Gospoď Moiseju.
16 I vzja Iisus vsju zemlju gornuju i vsju zemlju nagev, i vsju zemlju Gosomsku, i ravnuju, i jaže na zapad, i goru Izrailevu, i polja jaže pri gore,
17 ot gory Chelcha, i jaže voschodit k Seiru, i daže do Valgada, i pole Livana pod goroju Ajermon: i vsja cari ich vzja i izbi.
18 I mnogi dni sotvori Iisus s cari simi braň:
19 i ne be ni jedinago grada, jegože ne predade Gospoď synom Izrailevym, krome Jevea obitajuščago v Gavaone: vsech vzjaša braniju:
20 jako Gospodem bysť ukrepitisja ich serdcu, soprotivitisja na brani protivu Izrailja, da potrebjat ich, jako da ne dastsja im milosť, no da potrebjatsja, jakože glagola Gospoď k Moiseju.
21 I priide Iisus v to vrema, i potrebi (vsja) Jenakimy ot gornyja, ot Chevrona i ot Davira i ot Anova, i ot vseja gory Izrailevy i ot vseja gory Iudiny, s grady ich, i potrebi ja Iisus:
22 ne ostasja ni jedin Jenakim ot synov Izrailevych, no točiju v Gaze i v Gefe i vo Asidofe ostašasja.
23 I vzja Iisus vsju zemlju, jakože zapoveda Gospoď Moiseju: i dade ju Iisus v nasledije Izrailju, razdelenijem po plemenom ich. I presta zemlja vojuema byti.

12

1 I sii carije zemli, ichže izbiša synove Izrailevy i naslediša zemlju ich ob onu stranu Iordana, ot vostok solnca, ot debri Arnonskija daže do gory Ajermon, i vsju zemlju aravu ot vostok:
2 Siona carja Amorrejska, iže živjaše vo Jesevone, obladajaj ot Aroira, iže jesť v debri Arnonstej ot strany debri, i pol (zemli) Galaada daže do Iavoka, (ideže) predely synov Ammonich:
3 i arava daže do morja Cheneref na vostoki, i daže do morja arava, morja Soliščnago ot vostok, putem iže ko Vifsimofu, i ot Femana iže pod Asidof-Fasgoju:
4 i Og car Vasanskij ostasja ot Ispolinov, iže obita vo Astarofe i vo Jedraine,
5 obladajaj ot gory Ajermon, i ot Selchi, i vseju zemleju Vasan daže do predel Gesuri, i Machafi, i pol Galaada do predel Siona carja Jesevonska.
6 Moisej rab Gospodeň i synove Izrailevy poraziša ja: i dade ju Moisej rab Gospodeň v nasledije Ruvimu i Gadu i polplemeni Manassiinu.
7 I sii carije Amorrejstii, jaže izbi Iisus i synove Izrailevy ob onu stranu Iordana, pri mori Valgad na poli Livana, i daže do gory Alok, voschoďaščich v Siir: i dade ju Iisus plemenom Izrailevym v nasledije po žrebiju ich,
8 na gore i na poli, i vo Arave i vo Asidofe, i v pustyni i vo nageve, Chettea i Amorrea, i Chananea i Ferezea, i Jevea i Ijevusea:
9 carja Ijerichonska i carja Gajska, iže jesť bliz Vefilja,
10 carja Ijerusalimska, carja Chevronska,
11 carja Ijerimufska, carja Lachisska,
12 carja Jeglonska, carja Gazerska,
13 carja Davirska, carja Gaderska,
14 carja Jermafska, carja Aderska,
15 carja Levnska, carja Odollamska,
16 carja Makidska, carja Vefilska,
17 carja Apfuska, carja Oferska,
18 carja Afekska, carja Chesaromska,
19 carja Samvronska, carja Fuvska,
20 carja Maronska, carja Achsafska,
21 carja Fanachska, carja Magdedonska,
22 carja Kedesska, carja Ijekonama Chermela,
23 carja Adorska Nafeddorja,
24 carja Goimska Gelgelja, carja Ferska. Vsi sii carije tridesjať jedin.

13

1 Iisus že sostaresja prošed dni. I reče Gospoď ko Iisusu: ty sostarelsja jesi denmi, i zemlja ostasja mnoga v nasledije:
2 i sija zemlja ostavšajasja: predely Filistimli, Gesuri i Chananej,
3 ot Neobitaemyja, jaže ot lica Jegipta daže do predel Akkaronskich ošujuju Chananeov, pričisljaetsja pjatim oblastem Filistimskim: Gazeu i Azotiju, i Askalonitu i Getfeju, i Akkaronitu i Jeveju:
4 ot Feman i vsej zemli Chanaanstej prjamo Gaze, i Sidonii daže do Afeka, daže do predel Amorrejskich:
5 i vsju zemlju Gavli Filistimlju, i ves Livan ot vostok solnca, ot Galgal pod goroju Ajermon daže do vchoda Jemaf:
6 vsjak obitajuščij v gornej ot Livana daže do Masrefofmaima, vsech Sidoňan Az potreblju ot lica Izraileva: no razdaj ju vo žrebij Izrailju, jakože zapovedach tebe:
7 i nyne razdeli zemlju siju v nasledije devjati plemenom i polplemeni Manassiinu ot Iordana daže do morja velikago, k zapadu solnca dasi ju: more velikoje predel budet.
8 Dvu že plemenom i poluplemeni Manassiinu, Ruvimu i Gadu, dade Moisej ob onu stranu Iordana: k vostokom solnca dade im Moisej rab Gospodeň,
9 ot Aroira, iže jesť na ustii vodoteči Arnoni, i grad iže posrede debri, i ves Misor ot Medavana:
10 vsja grady Siona carja Amorrejska, iže carstvova vo Jesevone, daže do predel synov Ammonich:
11 i Galaad, i predely Gesuri, i Machafi, vsju goru Ajermon, i vsju Vasanitsku do Jelchi:
12 vse carstvo Ogovo v Vasanitide, iže carstvova vo Astarofe i vo Jedraine: sej ostasja (edin) ot Ispolinov, i ubi jego Moisej, i potrebi.
13 I ne potrebiša synove Izrailevy Gesura i Machafa i Chananea: i živjaše car Gesuri i Machafi v synech Izrailevych daže do sego dne.
14 Tokmo plemeni Leviinu ne dadesja nasledije: Gospoď Bog Izrailev, sam nasledije ich, jakože reče im Gospoď. I sije razdelenije, ježe razdeli Moisej synom Izrailevym (po plemenom ich) vo Aravofe Moavli ob onu stranu Iordana protivu Ijerichona.
15 I dade Moisej plemeni synov Ruvimlich po sonmom ich:
16 i byša im predely ot Aroira, iže jesť prjamo debri Arnonskija, i grad, iže jesť v debri Arnonstej,
17 i vsju zemlju Misorsku daže do Jesevona, i vsja grady iže suť v misore, i Devor, i Vamof-Vaal, i domy Vejelmoni,
18 i Iassa i Kedimofa i Mifaaf,
19 i Kariafem i Sevama, i Sarf i Sior na gore Jenak,
20 i Veffogor i Asidof-Fasga i Vifsimuf,
21 i vsja grady Misorski, i vse carstvo Siona carja Amorrejska, jegože ubi Moisej samago, i starejšiny Madiamli, i Jevia i Rokoma, i Sura i Ura i roveka, kňazi Siorskija, i živuščich na zemli (toj):
22 i Valaama syna Veorova volchva ubiša mečem synove Izrailevy v sraženii.
23 Byša že predely Ruvimli, Iordan predel. Sije nasledije synov Ruvimlich po sonmom ich, grady ich i sela ich.
24 Dade že Moisej synom Gadovym po sonmom ich,
25 i byša im predely Iazir: vsi gradi Galaadi i polzemli synov Ammonich do Aroira, iže jesť pred licem Ravvafa:
26 i ot Jesevona do Ramofa k Masfe, i Votanimu, i Manaimu do predel Davirovych,
27 i vo jemeke Vifaram i Vifnamra, i Sochof i Safon, i pročeje carstvo Siona carja Jesevonska: i Iordan opredeljaet daže do strany morja Cheneref, ob onu stranu Iordana ot vostok.
28 Sije nasledije synov Gadovych po sonmom ich i po gradom ich i selam ich.
29 I dade Moisej poluplemeni Manassiinu po sonmom ich,
30 i byša predely ich ot Manaima, i vse carstvo Vasansko, i vse carstvo Oga carja Vasanska, i vsja vesi Iaira, jaže suť v Vasanitide, šesťdesjat gradov:
31 i pol Galaada, i vo Astarofe, i vo Jedraine, grady carstva Ogova v Vasanitide: i dašasja synom Machirovym, synom Manassiinym, i polovine synov Machirovych po sonmom ich.
32 Sii suť, imže dade nasledije Moisej ob onu stranu Iordana vo Aravofe Moavli, prjamo Ijerichona na vostoki.
33 Plemeni že Leviinu ne dade Moisej nasledija: poneže Sam Gospoď Bog Izrailev nasledije Jego jesť, jakože glagola im.

14

1 I sii nasledovavšii ot synov Izrailevych v zemli Chanaanstej, imže razdeliša ju v nasledije Jeleazar žrec i Iisus syn Navin i kňazi otečestv plemen synov Izrailevych:
2 po žrebijem naslediša, jakože zapoveda Gospoď Moiseom dati devjati plemenom i polplemeni (Manassiinu),
3 dade bo Moisej nasledije dvu plemenom i polplemeni Manassiinu ob onu stranu Iordana: levitom že ne dade žrebija v nich:
4 zaneže byša synove Iosifovy dva plemena, Manassiino i Jefremle: i ne dadesja časti v zemli levitom, no tokmo grady obitati, i predgradija skotom ich, i skoty ich.
5 Jakože zapoveda Gospoď Moiseju, tako sotvoriša synove Izrailevy i razdeliša zemlju.
6 I priidoša synove Iudiny ko Iisusu v Galgaly. I reče k nemu Chalev Ijefonniin Kenezej: ty vesi slovo, ježe glagola Gospoď k Moiseju čeloveku Božiju o mne i o tebe v Kadis-Varni:
7 četyredesjati bo let bech, jegda posla ma Moisej rab Gospodeň ot Kadis-Varni sogljadati zemlju: i otveščach jemu slovo po serdcu jego:
8 bratija moja chodivšii so mnoju prevratiša serdce ljudij, az že priložichsja posledovati Gospodevi Bogu mojemu:
9 i kljatsja Moisej v toj deň, glagolja: zemlja, na ňuže vozšel jesi, tebe budet v žrebij i čadom tvoim vo vek, jako priložilsja jesi posledovati Gospodu Bogu mojemu:
10 i nyne prepita ma Gospoď, jakože reče, sije četyredesjať i pjatoje leto, otneleže glagola Gospoď slovo sije k Moiseju, i choždaše Izrail v pustyni: i nyne se, mi dnes osmdesjat i pjať let:
11 ješče jesm dnes mogij, jakože jegda posla ma Moisej: tako i nyne mogu vchoditi i ischoditi na braň:
12 i nyne prošu u tebe gory seja, jakože reče Gospoď v deň on, jako ty slyšal jesi slovo sije v deň onyj: nyne že Jenakimi tamo suť, grady tverdy i velicy: ašče ubo budet Gospoď so mnoju, potreblju ich, jakože reče mi Gospoď.
13 I blagoslovi jego Iisus, i dade Chevron Chalevu synu Ijefonniinu, synu Kenezeinu v žrebij.
14 Sego radi bysť Chevron Chalevu Ijefonniinu Kenezeinu v žrebij daže do dne sego: poneže vozsledova poveleniju Gospoda Boga Izraileva.
15 Ima že Chevronu prežde bjaše Grad Argov: Mitropol Jenakimljan sej. I poči zemlja ot brani.

15

1 I byša predely synov Iudinych po sonmom ich, ot predel Idumejskich, ot pustyni Sin k livu daže do Kadis k jugu:
2 i byša predely ich ot poludne do časti morja Slanago, ot vercha kloňaščagosja k jugu,
3 i prochoďat prjamo voschoždeniju Akravvim, i obchoďat Sena, i voschoďat ot juga do Kadis-Varni: i ischoďat iz Jesrona, i voschoďat vo Addaru, i ischoďat na zapady Kadis, obchoďat Akkarki,
4 i ischoďat vo Asemonu, i prechoďat daže do debri Jegipetskija: i budet ischod predelov jego k morju. Sii suť predely ich ot juga.
5 I predely ot vostok, vse more Slanoje daže do časti Iordana, i predely ich k severu, i ot vercha morja, i ot časti Iordanski:
6 voschoďat predely (tii) v Vifaglu i prechoďat ot severa k Vefaru, i voschoďat predely k kameni Veora syna Ruvimlja,
7 i voschoďat predely k Deviru debri Achorovy, i nischoďat do Galgaly, jaže jesť prjamo schoždeniju Adommin, iže jesť k jugu debri, i voschodit predel k vode istočnika Solnečna, i budet ischod jego istočnik Rogil:
8 i voschoďat predely v debr Jennom, sozadi Ijevusa ot poludne, sej jesť Ijerusalim: i ischoďat predely na verch gory, jaže jesť pred licem debri Jennom k morju, jaže jesť ot časti zemli Rafain k severu:
9 i prechodit predel ot vercha gory ko istočniku vody Naffo i prechodit k gore Jefroni, i izvedet predel v Vaal, sej jesť Grad Iarim:
10 i obydet predel ot Vaala k morju i prejdet v goru Siir, i prejdet sozadi grada Iarima ot severa, sej jesť Chasalon: i snidet ko gradu Solnečnu i prejdet k jugu:
11 i prechodit predel sozadi Akkarona do severa, i prechoďat predely v Sakcharon, i prejdut goru zemli Valaani, i prechoďat ko Iavnilu, i budet ischod predelov k morju, i predely ich ot morja, more velikoje opredelit.
12 Sii predely synov Iudinych okrest po sonmom ich.
13 I dade (Iisus) Chalevu synu Ijefonniinu časť posrede synov Iudinych povelenijem Božiim, i dade jemu Iisus Grad Arvok, otca Jenakova: sej jesť Chevron.
14 I potrebi ottudu Chalev syn Ijefonniin tri syny Jenakovy, Susia i Folmai i Achima:
15 i vzyde ottudu Chalev na živuščich v Davire: ima že prežde bjaše Daviru Grad Pismen.
16 I reče Chalev: iže ašče vozmet kto Grad Pismen i vozobladaet im, dam jemu Aschaň dščer moju v ženu.
17 I vzja jego Gofoniil syn Keneza, brata Chalevova, junejšij: i dade jemu Aschaň dščer svoju v ženu.
18 I bysť vnegda otchoditi jej, i sovešča s nim, glagoljušči: poprošu u otca mojego sela. I vozzva so osljati. I reče jej Chalev: čto ti jesť?
19 I reče jemu: dažď mi blagoslovenije, jako v zemlju poludennuju otdal jesi ma: dažď mi Golaf-Maim. I dade jej Chalev Golaf-Maim vyšnij i Golaf nižnij.
20 Sije nasledije plemene synov Iudinych po sonmom ich:
21 byša že gradi ich gradi plemene synov Iudinych k predelom jedomlim v pustyni, Kavseil i Jedraim i Iagur,
22 i Kina i Dimona i Adada,
23 i Kedes i Asor i Ifnaksif,
24 i Telem i Valof,
25 i Asor Novyj i Grad Aserom (sej jesť Asor):
26 Amam i Samaa i Modada,
27 i Asergadda i Veffalef,
28 i Asarsula i Virsaveje (i sela ich i predgradija ich):
29 i Vaala i Avim i Asem,
30 i Jelfolad i Chesil i Jerma,
31 i Sikeleg i Vedevina i Sansanna,
32 i Lavof i Seleim, i Ain i Remmon: vsech gradov dvadesjať i devjať, i sela ich.
33 V napolnej, Jesfaol i Saraa, i Asna (i Ramen),
34 i Zano i Ingonim, i Faffua i Inaim,
35 i Ijerimuf i Odollam, (i Nemra) i Socho i Azika,
36 i Sagarim i Adiafaim, i Gadira i sela jeja: gradi četyrenadesjať i vesi ich.
37 Sennam i Adasa i Magdalgad,
38 i Dalaan i Masfa i Ijekfail,
39 i Lachis i Vaschaf i Jeglom,
40 i Chavvon i Lamas i Chaflos,
41 i Gadirof i Vif-Dagon, i Noma i Makida: gradi šesťnadesjať i vesi ich.
42 Levna i Afer i Asan,
43 i Ijeffa i Asenna i Nesiv,
44 i Keila i Achzev, i Marisa (i Jedom): gradi devjať i vesi ich.
45 Akkaron i sela jego i predgradija jego.
46 (I) ot Akkarona, ijemne i vsi jeliki suť bliz Asdofa, i vesi ich:
47 Asdof i vesi jego i predgradija jego: Gaza i vesi jeja i predgradija jeja, daže do vodoteči Jegipetskija, i more velikoje opredeljaet.
48 I v gornej, Safir i Ijefer i Socho,
49 i Renna, Grad Pismen (sej jesť Davir),
50 i Anov i Jesfemo i Anim,
51 i Gosom i Chiluon i Gilon: gradov jedinonadesjať i vesi ich.
52 Jerev i Jesan i Ruma,
53 i Ianum i Vef-Fapfuje i Afaka,
54 i Chammata i Grad Arvo (sej jesť Chevron) i Sior: gradov devjať i sela ich.
55 Maon i Chermel, i Zif i Ijetta,
56 i Ijezdrael i Ijekdaam i Zano,
57 Akim i Gavaa i Famna: gradi desjať i vesi ich.
58 Alul i Vefsur i Gedor,
59 i Marof i Vefanon i Jelfeken: gradi šesť i vesi ich: Feko i Jefrafa (sej jesť Viflejem): i Fagor i Jetam, i Kulon i Tatami, i Soris i Karem, i Gallim i Vefir i Manocho: gradov jedinonadesjať i vesi ich.
60 Kariaf-Vaal (sej Grad Iarim) i Arevva: gradi dva, i sela ich i predgradija ich.
61 Vaddargis i Vifarava, (i) Madon i Sochocha,
62 i Nevsan i grad Soli i Ingaddi: gradi šesť i vesi ich.
63 I Ijevusej obitaše vo Ijerusalime, i ne vozmogoša synove Iudiny pogubiti ich: i obitaša Ijevuseje s synmi Iudinymi vo Ijerusalime daže do dne onago.

16

1 I byša predely synov Iosifovych ot Iordana iže ko Ijerichonu ot vostok, i voschoďat ot Ijerichona v gornuju pustyňu v Vefil,
2 i ischoďat ot Vefilja v Luzu, i prechoďat k predelom Achiatarofa:
3 i prejdut k morju k predelom Ijefaltimskim, daže do predel Veforona nižňago i daže do Gazera, i budet ischod ich k morju.
4 I nasledstvovaša synove Iosifovy Jefrem i Manassij,
5 i byša predely synov Jefremlich po sonmom ich: i byša predely nasledija ich ot vostok Atarof i Adar, daže do Veforona vyšňago i Gazary,
6 i prechoďat predely k morju v Machfof ot severa, i idut na vostok vo Finaf-Silom, i prejdut ot vostok vo Ianocha,
7 i ot Ianocha snidut vo Atarof i v Naarafa i vesi ich: i prichoďat ko Ijerichonu i ischoďat ko Iordanu,
8 i ot Tapfu pojdut predely k morju k vodoteči Kana, i budet ischod jego k morju. Sije nasledije plemene synov Jefremlich po sonmom ich.
9 I grady otlučennyja synom Jefremlim posrede nasledija synov Manassiinych, vsi gradi i vesi ich.
10 I ne pogubi Jefrem Chananea živuščago v Gazere: i obitaša Chananeje posrede Jefrema, dajušče jemu dani do dnešňago dne, dondeže vzyde faraon car Jegipetskij, i vzja grad, i zapali jego ognem: i Chananejev i Ferezejev i živuščich v Gazere izbodoša: i dade jego faraon v veno dščeri svojej.

17

1 I byša predely plemene synov Manassiinych, jako sej pervenec Iosifu, Machirovi pervencu Manassiinu, otcu Galaadovu, (sej bo bysť muž chrabr) v Galaaditide i Vasanitide.
2 I byša synom Manassiinym pročym po sonmom ich: synom Achijezerovym i synom Jelekovym i synom Jesriilevym, i synom Sechemovym i synom Semiraelovym i synom Oferovym: sii suť synove Manassiiny, syna Iosifova, mužesk pol po plemenom svoim.
3 I Salpaadu synu Oferovu, syna Galaadova, syna Machirova, syna Manassiina, ne byša syny, no tokmo dščeri: i sija imena dščerem Salpaadovym: Maala i Nua, i Jegla i Melcha i Fersa.
4 I staša pred Jeleazarom žercem i pred Iisusom synom Navinym i pred kňazi, glagoljuščja: Bog zapoveda rukoju Moiseovoju dati nam nasledije posrede bratii našeja. I dadesja im nasledije povelenijem Gospodnim, žrebij v bratii otca ich.
5 I pade žrebij Manassiju pole lavekovo krome zemli Galaadovy i Vasani, jaže jesť ob onu stranu Iordana,
6 poneže dščeri synov Manassiinych naslediša žrebij posrede bratij svoich: zemlja že Galaadova bysť synom Manassiinym pročym.
7 I byša predely synov Manassiinych ot Asir-Machfofa, i danaf, jaže jesť pred licem Sichema, i idut predely na Iamin i na Iasif ko istočniku Faffof.
8 Manassiju budet zemlja Faffof: i Faffof nad predely Manassiinymi synom Jefremlim:
9 i snidut predely k debri Kana na jug po debri Iarim: Terevinf Jefremu posrede grada Manassiina. I predely Manassiiny k severu na vodoteč, i budet ischod jego more:
10 ot juga Jefremu, i k severu Manassii, i budet more predel im: i ko Asiru sovokupjatsja k severu, i Issacharu ot vostok.
11 I budet Manassiju (predel) meždu Issacharom i meždu Asirom Vefsan i vesi ich, i Ijevlaam i vesi jego, i živuščyja v Dore i vesi jego, i živuščyja v jendore i vesi jego, i živuščyja v Magedde i vesi jego, i živuščyja v Tanache i vesi jego, i tretija časť Nafefa i vesi jego.
12 I ne vozmogoša synove Manassiiny potrebiti gradov sich: i nača Chananej žiti v zemli sej.
13 I bysť jegda ukrepišasja synove Izrailevy, i sotvoriša Chananeov poslušnych, potreblenijem že ne potrebiša ich.
14 Protivoreša že synove Iosifovy Iisusu, glagoljušče: počto nasledstvoval jesi nas žrebijem jedinym i užem jedinym? Az že ljud mnog jesm, i blagoslovi ma Bog (daže dosele).
15 I reče im Iisus: ašče ljud mnog jesi, vzydi v dubravu i otrebi sebe tamo mesto v zemli Ferezea i Rafaima, ašče utesňaet ťja gora Jefremlja.
16 I reša synove Iosifovy: ne dovolno nam gory Jefremli: i koň preizbrannyj i železo vsemu Chananeju živuščemu v zemli jemek, v Vefsane i v vesech jeja, i vo judole Ijezrael.
17 I reče Iisus k synom Iosifovym, Jefremu i Manassiju, glagolja: ašče ljud mnog jesi i silu veliku imaši, ne budet ti žrebij jedin:
18 zane dubrava budet tebe, poneže dubrava jesť, i otrebiši ju, i budet tebe, i koncy jeja, jegda potrebiši Chananea, ašče koň preizbrannyj jemu jesť: (i sam silen,) ty bo presiliši jego.

18

1 I sobrasja ves sonm synov Izrailevych v Silom, i vodruziša tamo skiniju svidenija: i zemlja oderžasja ot nich.
2 I ostašasja synove Izrailevy, iže ne naslediša nasledija svojego sedm plemen.
3 I reče Iisus synom Izrailevym: dokole vy razslabljaetesja vniti naslediti zemlju, juže dade vam Gospoď Bog otec vašich?
4 Dajte ot vas po tri mužy ot plemene, i poslju ich, i vostavše da projdut zemlju i da opišut ju predo mnoju, jakože jesť lepo razdeliti ju. I priidoša k nemu.
5 I razdeli im na sedm častej: Iuda da postavit predel svoim ot liva, i synove Iosifli da postavjat predel svoim ot severa:
6 vy že razdelite zemlju na sedm častej, i prinesite ko mne semo, i iznesu vam žrebij pred Gospodem Bogom vašim:
7 nesť bo časti u vas synom Leviinym, zane žrečestvo Gospodne časť ich: Gad že i Ruvim i polplemene Manassiina vzjaša nasledije svoje ob onu stranu Iordana na vostoki, ježe dade im Moisej rab Gospodeň.
8 I vostavše mužije poidoša. I zapoveda Iisus mužem iduščym opisati zemlju, glagolja: idite i obydite zemlju, i opišite ju, i priidite ko mne, i iznesu vam zde žrebij pred Gospodem v Silome.
9 I idoša mužije, i obydoša zemlju i sogljadaša ju, i opisaša ju po gradom jeja na sedm častej v knigu, i prinesoša ko Iisusu v polk v Silom.
10 I verže im Iisus žrebij pred Gospodem v Silome: i razdeli tamo zemlju Iisus synom Izrailevym po razdeleniju ich.
11 I izyde žrebij plemene synov Veniaminovych pervyj po sonmom ich: i izydoša predely žrebija ich posrede synov Iudinych i posrede synov Iosifovych.
12 I byša predely ich ot severa: ot Iordana vzydut predely sozadi Ijerichona k severu i vzydut k gore k morju, i budet ischod jego Mavdarit Vefavn:
13 i projdut ottudu predely Luzy sozadi Luzy ot juga: sija jesť Vefil: i snidut predely sii ot Atarof-Addar na gornuju, jaže jesť k livu Veforon nižnij,
14 i prejdut predely, i obydut k strane zrjašči k morju ot livy, ot gory k licu Veforon Liva, i budet ischod jego v Kariaf-Vaal: sej jesť Kariafiarim, Grad synov Iudinych. Sija jesť časť jaže k morju.
15 I časť jaže k livu ot časti Kariaf-Vaal: i projdut predely morskija v Gain, na istočnik vody Naffonovy,
16 i snidut predely na stranu gory, jaže jesť pred licem dubravy, syna Jenoma, jaže jesť ot časti jemek Rafain ot severa, i snidut k Gejennomu sozadi Ijevusa ot juga, i snidut na istočnik Rogil,
17 i projdut skvoze ot severa, i projdut na istočnik Samesa, i projdut na Galilof, iže jesť prjamo k voschodu Jedomim: i snidut na kameň Vaan synov Ruvimlich,
18 i projdut sozadi vefaravy ot severa, i snidut ko arave,
19 i snidut s Aravy (na) predely sozadi Vefagla ot severa, i budet ischod predelov na cholm morja Slanago ot severa v stranu Iordanovu ot livy. Sii predely suť ot juga: i Iordan opredelit ju ot strany vostoka.
20 Sije nasledije synov Veniaminovych, predely jego okrest po sonmom ich.
21 I byša grady plemene synov Veniaminovych po sonmom ich, Ijericho i Vifagla i Amekkasis,
22 i Vefarava i Semrim i Vifil,
23 i Avim i Afara, i Afra (i Jekaren),
24 i Kafirammin i Afni i Gavaa: grady dvanadesjať i vesi ich:
25 Gavaon i Rama i Virof,
26 i Masfa i Chefira i Amosa,
27 i Rekem i Ijerfail i Farala,
28 i Silalef i Ijevus (sej jesť Ijerusalim), i Gavaaf i Grad Iarim: grady trinadesjať i vesi ich. Sije nasledije synov Veniaminovych po sonmom ich.

19

1 I izyde vtoryj žrebij Simeonu, plemeni synov Simeonovych po sonmom ich, i bysť nasledije ich posrede žrebija synov Iudinych.
2 I bysť žrebij ich Virsaveje i Saveje i Molada,
3 i Asersual i Vaful, i Velvola i Asom,
4 i Jelfulad i Jerma,
5 i Sekelag i Vefammargasvof, i Asersusim
6 i Vefalvaf, i sela ich: grady trinadesjať i vesi ich.
7 Ain i Remmof, i Jejefer i Asam, grady četyri i vesi ich:
8 i vsja predgradija, jaže okrest gradov sich daže do Vaalferirrammof, iduščich vo Iamef k livu. Sije nasledije plemen synov Simeonovych po sonmom ich.
9 Ot žrebija Iudina nasledije plemene synov Simeonovych, jako bysť časť synov Iudinych bolšaja neželi ich: i naslediša synove Simeonovy posrede žrebija ich.
10 I izyde žrebij tretij Zavulonu po sonmom ich: i budut predely nasledija ich do Sarida:
11 i voschoďat predely ich k morju i Marile, i dojdut k Davasefu, i snidutsja v debr, jaže jesť k licu Ijeknama,
12 i obraťjatsja ot Sarida protivu ot vostokov Sames na predely Chasalof-Favor, i projdut k Davrafu, i vzydut k Iafagi:
13 i ottudu obydut suprotiv na vostoki v Gefaefer, vo grad Kasim, i projdut na Remmonam Mafarim Annua,
14 i obydut predely k severu na Jennafof, i budet ischod ich k Gaju Ijeffail,
15 i Kattaf i Naalol, i Semron i Iadila i Viflejem: grady dvanadesjať i vesi ich.
16 Sije nasledije plemene synov Zavulonovych po sonmom ich, grady ich i vesi ich.
17 I Issacharu izyde žrebij četvertyj, synom Issacharovym po srodstvom ich,
18 i byša predely ich Ijezrael i Achaselof i Sunam,
19 i Aferarim i Sian, (i Renaf) i Anacharef,
20 i Ravvof i Kesion i Ajeme,
21 i Ramaf i Ingannim, i Inadda i Veffasis:
22 i snidutsja predely k Favoru i k Sasimafu k morju, i vefsmas, i budet jego ischod predel Iordan: grady šesťnadesjať i vesi ich.
23 Sije nasledije plemene synov Issacharovych po sonmom ich, grady i predgradija ich.
24 I izyde žrebij pjatyj plemene synov Asirovych po sonmom ich,
25 i byša predely ich Chelkaf i Ooli, i Vatne i Achsaf,
26 i Jelimelech i Amad i Masal: i približatsja k Karmilu k morju, i Sioru i Lavanafu,
27 i obraťjatsja ot vostok solnca v Vif-Dagon, i približatsja k Zavulonu, i v Gaj Ijeffail k severu, (i vnidut predely Asafa) v Vif-Ajemek, i da idut po doline Aniila, i projdut v Chavol ošujuju,
28 i Achran i Roov, i Ammon i Kana, daže do Sidona velikago:
29 i vozvraťjatsja predely v Ramu, i daže do grada tverda Tirian, i vozvraťjatsja predely do Susy, i budet ischod jego more, i ot uža v Achzif,
30 i Amma i Afek i Raov: grady dvadesjať dva i vesi ich.
31 Sije nasledije plemene synov Asirovych po sonmom ich, grady ich i vesi ich.
32 I Neffalimu izyde žrebij šestyj, synom Neffalimlim po sonmom ich,
33 i byša predely ich Mejelef i Milon, i Vesenanim i Arme, i Nakev i Iavnil, daže do Lakkun: i byša ischodi ich Iordan:
34 i vozvraťjatsja predely k morju v Azanof-Favor, i projdut ottudu vo Ikok, i pritknutsja k Zavulonu ot juga, i Asiru približatsja k morju, i ko Iude Iordan ot vostok solnca.
35 I grady ograždeni Tirian, Tir i Amaf, i Rekkaf i Chenerof,
36 i Adami i Rama i Asor,
37 i Kedes i Jedrai i istočnik Asor,
38 i Iarion i Magdaliil, Oran i Vefanaf i Fasmus: grady devjaťnadesjat i vesi ich.
39 Sije nasledije plemene synov Neffalimlich po srodstvu ich, grady i predgradija ich.
40 I Danu i plemeni synov Danovych po sonmom ich izyde žrebij sedmyj,
41 i byša predely ich Saraa i Jesfaol i grady Sames,
42 i Salamiň i Jealon i Ijefla,
43 i Jelon i Famna i Akkaron,
44 i Jelfeko i Gavafon i Vaafof,
45 i Iuf i Vanivarak i Gefremmon,
46 i ot morja Ijerakonska, i Irakkon, predel bliz Ioppy, i izyde predel synov Danovych ot nich.
47 I izydoša synove Danovy i vojevaša Lasem, i vzjaša jego i poraziša jego ostrijem meča: i obitaša v nem, i narekoša ima jego Lasendan, po imeni Dana otca svojego. I Amorrej ostasja žiti vo Jelome i v Salamine: i oťjagote ruka Jefremlja na nich, i byša im dannicy.
48 Sije nasledije plemene synov Danovych po sonmom ich, grady ich i vesi ich. I ne istrebiša synove Danovy Amorrea ozlobljajuščago ich na gore, i ne dajachu im Amorreje ischoditi na judol, i utesniša ot nich predel časti ich.
49 I soveršiša razdeljati zemlju v predelech jeja: i daša synove Izrailevy žrebij Iisusu synu Navinu povelenijem Gospodnim srede sebe,
50 i daša jemu grad, jegože prosi, Famnaf-Sarai, iže jesť v gore Jefraim: i sozda grad, i vselisja v nem.
51 Sija razdelenija, jaže razdeliša Jeleazar žrec i Iisus Navin i kňazi otečestv v plemenech Izrailevych po žrebijam v Silome pred Gospodem, u dverij skinii svidenija. I skončaša deliti zemlju.

20

1 I reče Gospoď ko Iisusu, glagolja:
2 rcy synom Izrailevym, glagolja: dadite grady ubeženij, jaže rekoch k vam Moiseom:
3 ubežišče ubijce porazivšemu dušu nevoleju: i budut vam grady ubežišče, i ne umret ubijca ot užika krove, dondeže predstanet pred sonmom na sud.
4 I (ašče kto) ubegnet vo jedin ot gradov sich, i stanet vo vratech grada, i ispovesť vo uši starcem grada togo slovesa svoja: i priimut jego sonm k sebe, i daďat jemu mesto žiti s nimi:
5 i jegda poženet užik krove vsled jego, i ne dadut ubivšago v ruce jego: jako ne vedyj ubi bližňago svojego i ne nenaviďa toj jego ot včera i tretijago dne:
6 i da vselitsja v toj grad, dondeže stanet pred licem sonma na sud, i dondeže umret žrec velikij, iže budet v tyja dni: togda da obratitsja ubijca, i vnidet vo grad svoj i v dom svoj, i vo grad, otňuduže izbeže.
7 I otdeliša Kedes v Galilei, v gore Neffalimli, i Sichem v gore Jefremli, i Grad Arvo (sej jesť Chevron) v gore Iude:
8 i ob onu stranu Iordana ko Ijerichonu na vostok, daša Vosor v pustyni v poli ot plemene Ruvimlja, i Ramof v Galaade ot plemene Gadova, i Golan v Vasanitide ot plemene Manassiina:
9 sii grady izbrany byša vsem synom Izrailevym i prišelcu priležaščemu v nich, ježe ubežati tamo vsjakomu ubivajuščemu dušu nevoleju, da ne umret ot ruku užika krove, dondeže stanet pred sonmom na sud.

21

1 I priidoša starejšiny otečestv synov Leviinych k Jeleazaru žercu i ko Iisusu synu Navinu i k starejšinam otečestv ot plemen synov Izrailevych,
2 i reša k nim v Silome v zemli Chanaani, glagoljušče: zapoveda Gospoď rukoju Moiseovoju dati nam grady ježe obitati, i okrestnaja ich predgradija skotom našym.
3 I daša synove Izrailevy levitom ot učastij svoich po poveleniju Gospodňu grady sija i okrestnaja predgradija ich.
4 I izyde žrebij sonmu Kaafovu, i bysť synom Aaronim žercem levitom ot plemene Iudina i ot plemene Simeoňa i ot plemene Veniamiňa po žrebijem grady trinadesjať:
5 i synom Kaafovym ostavšymsja ot (srodstva) plemene Jefremova i ot plemene Danova i ot poluplemene Manassiina po žrebiju grady desjať:
6 i synom Girsonim ot plemene Issacharova i ot plemene Asirova, i ot plemene Neffalimlja i ot poluplemene Manassiina (eže) v Vasane, po žrebiju grady trinadesjať:
7 i synom Merarinym po sonmom ich, ot plemene Ruvimlja i ot plemene Gadova i ot plemene Zavuloňa, po žrebiju grady dvanadesjať.
8 I daša synove Izrailevy levitom grady sija i okrestnaja ich, jakože zapoveda Gospoď Moiseju, po žrebiju.
9 I dade plema synov Iudinych i plema synov Simeonovych i plema synov Veniaminovych grady sija: i narekoša po imeni.
10 I byša synom Aaronovym ot sonma Kaafova synov Leviinych, jako sim bysť žrebij pervyj.
11 I dade im Kariafarvok, Mitropol synov Jenakovych (sej jesť Chevron v gore Iudine), i okrestnaja ich.
12 I sela grada (sego) i vesi jego dade Iisus Chalevu synu Ijefonniinu vo obderžanije jego.
13 I synom Aarona žerca dade grad ubežišče ubivšemu Chevron i otlučennaja jaže k nemu:
14 i Levnu i otlučennaja jaže k nej: i Ijefer i otlučennaja jaže k nemu: i Jesfemo i otlučennaja jaže k nemu:
15 i Olon i otlučennaja jaže k nemu: i Davir i otlučennaja jaže k nemu:
16 i Ain i otlučennaja jemu: i Ijetta i otlučennaja jemu: i Vefsamis i otlučennaja jemu: grady devjať ot dvu plemen sich.
17 I ot plemene Veniamiňa Gavaon i otlučennaja jemu: i Gaveje i okrestnaja jego:
18 i Anafof i okrestnaja jego: i Almon i okrestnaja jego: grady četyri.
19 Vsi grady synov Aaronovych žercev, grady trinadesjať i okrestnaja ich.
20 I sonmom synov Kaafovych levitom, ostavlšymsja ot synov Kaafovych, i bysť grad predelov ich ot plemene Jefremova.
21 I daša im grad ubežišče ubivšemu Sichem i okrestnaja jego v gore Jefremli: i Gazer i okrestnaja jego:
22 i Kavsaim i okrestnaja jego: i Veforon i okrestnaja jego: grady četyri.
23 I ot plemene Danova Jelfeko i okrestnaja jego: i Gavefon i okrestnaja jego:
24 i Jelon i okrestnaja jego: i Gefremmon i okrestnaja jego: grady četyri.
25 I ot poluplemene Manassiina Faanach i okrestnaja jego: i Vefsam i okrestnaja jego: grada dva.
26 Vsi grady desjať i okrestnaja ich sonmom synov Kaafovych ostavlšymsja.
27 I synom Girsonim srodnikom levitskim, ot poluplemene Manassiina, grady otlučennyja ubivšym, Golan v Vasanitide i okrestnaja jego: i Vejesfera i okrestnaja jego: grada dva.
28 I ot plemene Issacharova Kision i okrestnaja jego: i Devraf i okrestnaja jego:
29 i Ijermof i okrestnaja jego: i Istočnik Pismen i okrestnaja jego: grady četyri.
30 I ot plemene Asirova Masaal i okrestnaja jego: i Avdon i okrestnaja jego:
31 i Felkaf i okrestnaja jego: i Roov i okrestnaja jego: grady četyri.
32 I ot plemene Neffalimova grad opredelennyj ubivšemu Kedes v Galilei i okrestnaja jego: i Jemafdor i okrestnaja jego: i Nojemmon i otlučennaja jego: grady tri.
33 Vsi grady Girsonovy po sonmom ich, grady trinadesjať i otlučennaja ich.
34 I sonmu synov Merarinych levitom pročym, ot plemene synov Zavulonich, Ijeknaam i okrestnaja jego: i Karfa i okrestnaja jego:
35 i Damna i okrestnaja jego: i Naalol i okrestnaja jego: grady četyri.
36 I ob onu stranu Iordana ko Ijerichonu ot plemene Ruvimova dade grad ubežišče ubivšemu Vosor v pustyni Misor i okrestnaja jego: i Iazir i okrestnaja jego:
37 i Gedson i okrestnaja jego: i Masfa i okrestnaja jego: grady četyri.
38 I ot plemene Gadova grad ubežišča ubivšemu Ramof v Galaade i okrestnaja jego: i Manaim i okrestnaja jego:
39 i Jesevon i okrestnaja jego: i Iazir i okrestnaja jego: grady četyri.
40 Vsi grady synom Merarinym po sonmom ich, ostavlšichsja ot plemene Leviina, i byša predely ich grady dvanadesjať.
41 Vsi grady levitstii posrede obderžanija synov Izrailevych četyredesjať i osm gradov i okrestnaja ich, okrest gradov sich:
42 grad i okrestnaja okrest grada: tako vsem gradom sim. I soverši Iisus razdelivyj zemlju v predelech jeja: i daša synove Izrailevy časť Iisusu povelenijem Gospodnim: daša jemu grad, jegože prosi: Famnasachar daša jemu na gore Jefremove. I sozda Iisus grad, jegože prosi, i vselisja v nem. I vzja Iisus nožy kamennyja, imiže obrezova syny Izrailevy, rodivšyjasja na puti v pustyni, jako ne obrezašasja v pustyni, i položi ja vo Famnasachare.
43 I dade Gospoď Izrailju vsju zemlju, juže kljatsja dati otcem ich: i naslediša ju i vselišasja v nej.
44 I upokoi Gospoď ich okrest, jakože kljatsja otcem ich: ne vosta niktože protivu im ot vsech vragov ich: i vsja vragi ich predade im Gospoď v ruki ich.
45 Ne oskude slovo (ni jedino) ot vsech glagolgol blagich, jaže reče Gospoď synom Izrailevym: vsja sobyšasja.

22

1 Togda sozva Iisus syny Ruvimli i syny Gadovy i polplemene Manassiina, i reče im:
2 vy slyšaste vsja, jelika zapoveda vam Moisej rab Gospodeň, i poslušaste glasa mojego, po vsemu jelika zapovedach vam:
3 ne ostaviste bratii vašeja v sija dni i množajšyja, daže do dne sego: sochraniste zapoveď Gospoda Boga vašego:
4 nyne že upokoi Gospoď Bog vaš bratiju vašu, jakože reče im: nyne ubo vozvrativšesja otidite v domy vašja i v zemlju obderžanija vašego, juže dade vam Moisej rab Gospodeň ob onu stranu Iordana:
5 no sochranite zelo tvoriti zapovedi i zakon, jegože zapoveda vam Moisej rab Gospodeň, ljubiti Gospoda Boga vašego i choditi vo vsech putech Jego, chraniti zapovedi Jego i priležati Jemu i služiti Jemu ot vsego serdca vašego i ot vseja duši vašeja.
6 I blagosloviv ich Iisus otpusti ich: i otidoša v domy svoja.
7 I polu (plemene) Manassiinu dade Moisej (obderžanije) v Vasane, i polovine dade Iisus s bratijeju ich u Iordana k morju. I jegda otpusti ich Iisus v domy ich, i blagoslovi ich:
8 i so imenijem mnogim otidoša v domy svoja: i skoty mnogi zelo, i srebro i zlato, i meď i železo, i rizy mnogi zelo, i razdeliša plen vragov svoich s bratijeju svojeju.
9 I vozvrativšesja otidoša synove Ruvimli i synove Gadovy i polplemene Manassiina ot synov Izrailevych, ot Siloma zemli Chanaani, otiti v zemlju Galaadsku, v zemlju obderžanija svojego, juže naslediša po poveleniju Gospodňu rukoju Moiseovoju.
10 I priidoša v Galilof Iordansk, iže jesť v zemli Chanaani: i sozdaša synove Ruvimli i synove Gadovy i polplemene Manassiina tamo oltar u Iordana, oltar velik ježe videti.
11 I uslyšaša synove Izrailevy glagoljuščich: se, sozdaša synove Ruvimli i synove Gadovy i polplemene Manassiina oltar u predelov zemli Chanaani, v galilofe u Iordana ob onu stranu synov Izrailevych.
12 I uslyšaša synove Izrailevy, i sobrašasja vsi synove Izrailevy v Silon, ježe vozšedše vojevati ich.
13 I poslaša synove Izrailevy k synom Ruvimlim i k synom Gadovym i k poluplemeni Manassiinu v zemlju Galaadsku Finejesa syna Jeleazara, syna Aarona žerca,
14 i desjať kňazej s nim: kňaz jedin ot domu otečestva, ot vsech plemen synov Izrailevych: mužije kňazi domov otečestv ich, iže suť tysjaščenačalnicy Izrailevy.
15 I priidoša k synom Ruvimlim i k synom Gadovym i k poluplemeni Manassiinu v zemlju Galaadovu, i reša k nim, glagoljušče:
16 sija glagolet ves sonm Gospodeň: koje pregrešenije sije, imže sogrešiste pred Gospodem Bogom Izrailevym, otvratitisja dnes ot Gospoda Boga Izraileva, sozdavše sebe trebišče, ježe otstupnikom vam byti dnes ot Gospoda?
17 Jeda mal vam grech Fogorov, jako ne očistichomsja ot nego daže do sego dne? I bysť jazva v sonme Gospodni:
18 i vy otvratistesja dnes ot Gospoda: i budet jegda otstupite dnes ot Gospoda, i zautra na vsem Izraili budet gnev Gospodeň:
19 i nyne ašče mala vam zemlja obderžanija vašego, prejdite vy v zemlju obderžanija Gospodňa, ideže prebyvaet skinija Gospodňa, i nasledite srede nas, i ne budite otstupnicy ot Gospoda, i ot nas ne otstupite, za ježe sozdati vam trebišče krome oltarja Gospoda Boga našego:
20 ne se li Achar syn Zaranov pregrešenijem pregreši ot prokljatija, i bysť na ves sonm Izrailev gnev? Ašče i jedin bjaše, no ne jedin umre grechom svoim.
21 I otveščaša synove Ruvimli i synove Gadovy i polplemene Manassiina, i reša tysjaščenačalnikom Izrailevym, glagoljušče:
22 Bog bog, Gospoď jesť, i Bog bog Gospoď Sam vesť, i Izrail sam poznaet, ašče vo otstuplenii pregrešichom pred Gospodem, da ne izbavit nas vo dnešnij deň:
23 i ašče sozdachom sebe trebišče, ježe otstupiti nam ot Gospoda Boga našego, ili voznesti nam naň žertvu vsesožženij, ili ježe sotvoriti na nem žertvu spasenija, Sam Gospoď vzyščet:
24 no radi blagogovenija glagola sotvorichom sije, glagoljušče: da ne rekut zautra čada vaša čadom našym, glagoljušče: čto vam i Gospodevi Bogu Izrailevu?
25 I predely postavi Gospoď meždu vami i nami, synove Ruvimli i synove Gadovy, Iordan, i nesť vam časti Gospodni: i otčužďat synove vaši synov našich, jako da ne služat Gospodu:
26 i rekochom sotvoriti sice, ježe sozdati trebišče sije, ne prinošenij radi, niže žertv radi,
27 no da budet svidetelstvo sije meždu vami i nami i meždu rody našimi po nas, ježe služiti službu Gospodevi pred nim v prinošeniich našich i v žertvach našich i v žertvach spasenij našich: i da ne rekut čada vaša zautra čadom našym: nesť vam časti Gospodni.
28 I rekochom: ašče budet kogda, i vozglagoljut k nam ili k rodom našym zautra i rekut: zrite podobije žertvennika Gospodňa, jegože sotvoriša otcy naši, ne prinošenija radi, niže žertv radi, no svidetelstvo jesť meždu nami i meždu vami i meždu syny našimi:
29 da ne budet ubo nam otstupiti ot Gospoda, ježe otvratitisja vo dnešnij deň ot Gospoda, ježe sotvoriti nam žertvennik prinošenijem i žertvam salamin i žertve spasenija, krome oltarja Gospoda Boga našego, iže jesť pred skinijeju Jego.
30 I uslyšavše Finejes žrec i vsi kňazi sonma, i tysjaščenačalnicy Izrailevy, iže byša s nim, slovesa sija, jaže glagolaša synove Ruvimli i synove Gadovy i polplemene Manassiina, i ugodno im bysť sije.
31 I reče Finejes žrec synom Ruvimlim i synom Gadovym i poluplemeni Manassiinu: dnes poznachom, jako s nami jesť Gospoď, iže ne pogrešiste pred Gospodem pregrešenija, no dnes izbaviste syny Izrailevy ot ruki Gospodni.
32 I vozvratisja Finejes žrec i kňazi otečestv ot synov Ruvimlich i ot synov Gadovych i ot poluplemene Manassiina ot zemli Galaadovy v zemlju Chanaaňu k synom Izrailevym: i otveščaša im slovesa sija.
33 I ugodno bysť slovo sije synom Izrailevym, i blagosloviša Boga synove Izrailevy i rekoša: ktomu da ne izydem k nim na braň potrebiti zemlju synov Ruvimlich i synov Gadovych i poluplemene Manassiina. I vselišasja na nej.
34 I nareče Iisus trebišče synov Ruvimlich i synov Gadovych i poluplemene Manassiina i reče: jako svidenije jesť meždu imi, jako Gospoď bog Bog ich jesť.

23

1 I bysť po dnech mnozech, jegda upokoi Gospoď Bog Izrailja ot vsech vragov jego iže okrest, i Iisus sostaresja prošed dni.
2 I sozva Iisus vsja syny Izrailevy i starejšiny ich, i kňazi ich i sudii ich i knigočija ich, i reče k nim: az sostarechsja i proidoch dni:
3 vy že videste vsja, jelika sotvori Gospoď Bog vaš vsem jazykom sim ot lica vašego, zane Gospoď Bog naš spoborstvovavyj nam:
4 vidite, jako nizvergoch vam jazyki ostavšyjasja vam sija vo žrebiich plemenom vašym, ot Iordana vsja jazyki potrebich, i ot morja velikago, ježe opredelit na zapad solnca:
5 Gospoď že Bog vaš Sam potrebit ich ot lica vašego, dondeže pogibnut, i poslet na ňa zveri divija, dondeže potrebit ich i cari ich ot lica vašego, i nasledite zemlju ich, jakože glagola vam Gospoď Bog vaš:
6 ukrepitesja ubo zelo chraniti i tvoriti vsja napisannaja v knigach zakona Moiseova, da ne uklonitesja ot nego na desno ili na levo:
7 jako da ne vnidete vo jazyki ostavšyjasja sija, i imena bogov ich da ne vozimenujutsja v vas, niže da klenetesja imi, niže da poslužite im, niže poklonitesja im:
8 no tokmo Gospodu Bogu vašemu prilepitesja, jakože tvoriste do sego dne:
9 i potrebi Gospoď ot lica vašego jazyki veliki i silny, i nikto protivosta vam do sego dne:
10 jedin ot vas progna tysjaščy, jako Gospoď Bog vaš spoborstvovaše vam:
11 i sochranite zelo ljubiti Gospoda Boga vašego:
12 ašče bo otvratitesja i priložitesja ko ostavšymsja jazykom sim, iže s vami, i braki sotvorite s nimi, i smesitesja s nimi, i oni s vami,
13 vedenijem uvedite, jako ne priložit Gospoď potrebiti jazyki sija ot lica vašego: i budut vam v seti i v soblazny, i v gvozdija v pjatach vašich i v strely vo očesech vašich, dondeže pogibnete ot zemli blagija seja, juže dade vam Gospoď Bog vaš:
14 az že dnes otchoždu v puť, jakože i vsi iže na zemli: i poznaete vsem serdcem vašim i dušeju vašeju, jako ni jedino slovo otpade ot vsech sloves blagich, jaže reče Gospoď Bog vaš k vam: vsja prichoďat vam, i ne raznstvova ot nich ni jedino slovo:
15 i budet, imže obrazom prichoďat na vas vsja slovesa dobraja, jaže glagola Gospoď Bog k vam, tako navedet Gospoď na vy vsja slovesa zlaja, dondeže potrebit vy ot zemli blagija seja, juže dade vam Gospoď Bog vaš:
16 vnegda prestupite zavet Gospoda Boga vašego, jegože zapoveda vam, i šedše poslužite bogom inym i poklonitesja im: i razgnevaetsja jarostiju Gospoď na vy, i pogibnete skoro ot zemli blagija, juže dade Gospoď vam.

24

1 I sobra Iisus vsja plemena Izraileva v Sichem, i sozva starejšiny Izrailevy i kňazi ich, i sudii ich i knigočija ich, i staša pred Gospodem Bogom.
2 I reče Iisus ko vsem ljudem, glagolja: sija glagolet Gospoď Bog Izrailev: ob onu stranu reki žiša otcy vaši isperva, Fara otec Avraamov i otec Nachorov, i služiša bogom inym:
3 i pojach otca vašego Avraama ot ob onu stranu reki, i vodich jego vo vsej zemli Chanaanstej: i umnožich sema jego, i dach jemu Isaaka:
4 Isaaku že dach Iakova i Isava i dach Isavu goru Siir nasledije jemu: Iakov že i synove jego snidoša vo Jegipet, i byša tamo v jazyk velik i krepok i mnog, i ozlobiša ich Jegipťjane:
5 i poslach Moisea i Aarona, i porazich Jegipta vo znameniich, jaže sotvorich v nich, i po sem izvedoch vas,
6 i izvedoch otcy vašja iz Jegipta, i vnidoste v more Čermnoje: i pognaša Jegipťjane vsled otec vašich na kolesnicach i na konech v more Čermnoje:
7 i vozopichom ko Gospodu, i dade oblak i mglu meždu nami i meždu Jegipťjany, i navede na nich more, i pokry ich: i videša očesa vaša, jelika sotvori Gospoď v zemli Jegipetstej: i byste v pustyni dni mnogi:
8 i privede vas v zemlju Amorreov živuščich ob onu stranu Iordana, i opolčišasja na vy: i predade ja Gospoď v ruki vašja, i naslediste zemlju ich, i potrebiste ich ot lica vašego:
9 i vosta Valak syn Sepforov, car Moavl, i opolčisja protivu Izrailja, i poslav prizva Valaama syna Veorova kljati vas:
10 i ne voschote Gospoď Bog pogubiti ťja, no blagoslovenijem blagoslovi vas i izbavi vas ot ruk ich:
11 i preidoste Iordan i priidoste vo Ijerichon, i bišasja s vami živuščii vo Ijerichone, Amorrej i Ferezej, i Chananej i Chettej, i Gergesej i Jevej i Ijevusej, i predade ich Gospoď v ruki vašja:
12 i posla pred vami šeršni, i izgna ot lica vašego dva carja Amorrejska, ne oružijem tvoim, niže lukom tvoim,
13 i dade vam zemlju, o nejže ne trudistesja na nej, i grady, ichže ne sozdaste, i požiste v nich, i vinogrady i masličije, ichže ne nasadiste vy, jadoste:
14 i nyne ubojtesja Gospoda, i poslužite Jemu v pravde i pravote: i otveržite bogi čuždyja, imže služiša otcy vaši ob onu stranu reki i vo Jegipte, i služite Gospodevi:
15 ašče že ne ugodno vam služiti Gospodevi, izberite sami sebe dnes, komu poslužite, ili bogom otec vašich, iže byša ob onu stranu reki, ili bogom Amorrejskim, v nichže vy živete na zemli ich: az že i dom moj služiti budem Gospodevi, jako svjat jesť.
16 I otveščavše ljudije, reša: ne budi nam ostaviti Gospoda, ježe služiti bogom inym:
17 Gospoď bo Bog naš Toj Bog jesť, Toj izvede nas i otcy našy ot zemli Jegipetskija, ot domu raboty, iže sotvori pred očima našima znamenija velija, i sochrani nas vo vsem puti, po nemuže idochom, i vo vsech jazycech, ichže skvoze proidochom:
18 i izgna Gospoď vsja jazyki i Amorrea živuščago na zemli ot lica našego: no i my poslužim Gospodevi, Sej bo jesť Bog naš.
19 I reče Iisus k ljudem: ne vozmožete služiti Gospodevi Bogu, jako Bog svjat jesť i revnitel sej: ne ostavit grech vašich i bezzakonij vašich:
20 jegda ostavite Gospoda i poslužite bogom čuždim, i prišed ozlobit vas i potrebit vas, vmesto ježe blago sotvori vam.
21 I rekoša ljudije ko Iisusu: ni, no Gospodevi poslužim.
22 I reče Iisus k ljudem: svideteli vy sami na sja, jako vy izbraste služiti Gospodevi Samomu. I rekoša: svideteli my.
23 I nyne otveržite bogi čuždyja, iže suť v vas, i ispravite serdca vaša ko Gospodu Bogu Izrailevu.
24 I rekoša ljudije ko Iisusu: Gospodevi Bogu našemu poslužim, i glasa Jego poslušaem.
25 I zavešča Iisus zavet k ljudem v deň on, i dade im zakon i sud v Sicheme, pred skinijeju Gospoda Boga Izraileva.
26 I vpisa Iisus slovesa sija v knigu zakona Božija: i vzja kameň velij, i postavi jego pod terevinfom, iže jesť pred Gospodem.
27 I reče Iisus k ljudem: se, kameň sej budet vam vo svidenije: jako sej slyša vsja glagolgolannaja ot Gospoda, jelika glagola k vam dnes, i sej budet vam vo svidenije v poslednija dni, i jegda solžete Gospodevi Bogu vašemu.
28 I otpusti Iisus ljudi, kojegoždo v mesta svoja.
29 I posluži Izrail Gospodevi vo vsja dni Iisusovy i vo vsja dni starcev, iže preprovodiša vrema so Iisusom i iže videša vsja dela Gospodňa, jelika sotvori Izrailju.
30 I bysť po sich, i umre Iisus syn Navin rab Gospodeň, (poživ) sto i desjať let.
31 I pogreboša jego v predelech žrebija jego vo Famnasachare, v gore Jefremli, ot severa gory Gaasovy, i položiša tamo s nim vo grobe, v nemže pogreboša jego, nožy kamennyja, imiže obreza syny Izrailevy v Galgalech (Iisus), jegda izvede ich iz Jegipta, jakože povele Gospoď: i tamo suť daže do dne sego.
32 I kosti Iosifovy iznesoša synove Izrailevy iz Jegipta i zakopaša ich v Sichemech, v časti sela, ježe priťjaža Iakov ot Amorrej živuščich v Sichemech stom agnic, i dade ju Iosifu v časť.
33 I bysť po sich, i Jeleazar syn Aaronov archijerej skončasja: i pogreben bysť v Gavaafe Finejesa syna svojego, jegože dade jemu v gore Jefremove.
34 V toj deň vzemše synove Izrailevy kivot Božij, obnošachu s soboju: i Finejes žrečestvova vmesto Jeleazara otca svojego, dondeže umre i pogrebesja v Gavaafe svojem.
35 Synove že Izrailevy otidoša kijždo v mesto svoje i v svoj grad.
36 I počitachu synove Izrailevy Astartu i Astarofa i bogi jazykov suščich okrest ich. I predade ich Gospoď v ruki Jeglomu carju Moavlju, i oblada imi let osmnadesjať.

{pokazať odnu glavu na stranice}