Poslanije apostola Pavla Kolossjanam

Slavjanskij tekst

1

1 Pavel, Apostol Iisus Christov voleju Božijeju, i Timofej brat,
2 suščym v Kolossaech svjatym i vernym bratijam o Christe Iisuse:
3 blagodať vam i mir ot Boga Otca našego, i Gospoda Iisusa Christa. Blagodarim Boga i Otca Gospoda našego Iisusa Christa, vsegda o vas moljaščesja,
4 slyšavše veru vašu, jaže o Christe Iisuse, i ljubov, juže imate ko vsem svjatym,
5 za upovanije otložennoje vam na nebesech, ježe prežde slyšaste v slovesi istiny blagovestvovanija,
6 suščago v vas, jakože i vo vsem mire: i jesť plodonosno i rastimo, jakože i v vas, ot negože dne slyšaste i razumeste blagodať Božiju vo istine:
7 jakože i uvedeste ot Jepafrasa, vozljublennago sorabotnika našego, iže jesť veren o vas služitel Christov,
8 iže i javi nam vašu ljubov v duse.
9 Sego radi i my, ot negože dne slyšachom, ne prestaem o vas moljaščesja i prosjašče, da ispolnitesja v razume voli Jego, vo vsjacej premudrosti i razume duchovnem,
10 jako choditi vam dostoine Bogu vo vsjacem ugoždenii i vsjakom dele blaze, plodonosjašče i vozrastajušče v razume Božii,
11 vsjakoju siloju vozmogajušče po deržave slavy Jego, vo vsjacem terpenii i dolgoterpenii s radostiju.
12 Blagodarjašče Boga i Otca, prizvavšago vas v pričastije nasledija svjatych vo svete.
13 Iže izbavi nas ot vlasti temnyja i prestavi v Carstvo Syna ljubve Svojeja,
14 o Nemže imamy izbavlenije Kroviju Jego i ostavlenije grechov.
15 Iže jesť obraz Boga nevidimago, pervorožden vseja tvari.
16 Jako Tem sozdana byša vsjačeskaja, jaže na nebesi i jaže na zemli, vidimaja i nevidimaja, ašče prestoli, ašče gospodstvija, ašče načala, ašče vlasti: vsjačeskaja Tem i o Nem sozdašasja.
17 I Toj jesť prežde vsech, i vsjačeskaja v Nem sostojatsja.
18 I Toj jesť glava telu Cerkve, Iže jesť načatok, pervorožden iz mertvych, jako da budet vo vsech Toj pervenstvuja.
19 Jako v Nem blagoizvoli vsemu ispolneniju vselitisja,
20 i Tem primiriti vsjačeskaja k Sebe, umirotvoriv Kroviju kresta Jego, črez Nego, ašče zemnaja, ašče li nebesnaja.
21 I vas, inogda suščich otčuždennych i vragov pomyšleňmi v delech lukavych,
22 nyne že primiri v tele Ploti Jego smertiju Jego, predstaviti vas svjatych i neporočnych i nepovinnych pred Soboju,
23 ašče ubo prebyvaete v vere osnovani i tverdi, i nepodvižimi ot upovanija blagovestvovanija, ježe slyšaste, propovedannoje vsej tvari podnebesnej, jemuže bych az Pavel služitel.
24 Nyne radujusja vo stradaniich moich o vas, jako ispolňaju lišenije skorbej Christovych vo ploti mojej za Telo Jego, ježe jesť Cerkov.
25 Jejže bych az služitel po smotreniju Božiju, dannomu mne v vas, ispolniti slovo Božije,
26 tajnu sokrovennuju ot vek i ot rodov: nyne že javisja svjatym Jego,
27 Imže voschote Bog skazati, koje bogatstvo slavy tajny seja vo jazycech, iže jesť Christos v vas, upovanije slavy,
28 Jegože my propovedujem, nakazujušče vsjakago čeloveka i učašče vsjacej premudrosti, da predstavim vsjakago čeloveka soveršenna o Christe Iisuse:
29 v nemže i truždajusja i podvizajusja po dejstvu Jego dejstvujemomu vo mne siloju.

2

1 Chošču ubo vas vedeti, kolik podvig imam o vas i o suščich v Laodikii i vo Ijerapoli, i jelicy ne videša lica mojego vo ploti,
2 da utešatsja serdca ich, snemšichsja v ljubvi i vo vsjacem bogatstve izveščenija razuma, v poznanije tajny Boga i Otca i Christa,
3 v Nemže suť vsja sokrovišča premudrosti i razuma sokrovenna.
4 Sije že glagolju, da niktože vas prelstit v slovoprenii.
5 Ašče bo i plotiju otstoju, no duchom s vami jesm, radujasja i viďa vaš čin i utverždenije vašeja very, jaže vo Christa.
6 Jakože ubo prijaste Christa Iisusa Gospoda, takožde v Nem chodite,
7 ukoreneni i nazdani v Nem i izvestvovani veroju, jakože naučistesja, izbytočestvujušče v nej blagodarenijem.
8 (Bratije,) bljuditesja, da niktože vas budet prelščaja filosofijeju i tščetnoju lestiju, po predaniju čelovečeskomu, po stichiam mira, a ne po Christe.
9 Jako v Tom živet vsjako ispolnenije Božestva telesne:
10 i da budete v Nem ispolneni, Iže jesť glava vsjakomu načalu i vlasti:
11 o Nemže i obrezani byste obrezanijem nerukotvorennym, v sovlečenii tela grechovnago ploti, vo obrezanii Christove,
12 spogrebšesja Jemu kreščenijem: o Nemže i sovostaste veroju dejstvija Boga, Voskresivšago Jego iz mertvych.
13 I vas, mertvych suščich v pregrešeniich i v neobrezanii ploti vašeja, sooživil jesť s Nim, darovav nam vsja pregrešenija,
14 istrebiv ježe na nas rukopisanije učeňmi, ježe be soprotivno nam, i to vzjat ot sredy, prigvozdiv je na kreste:
15 sovlek načala i vlasti, izvede v pozor derznovenijem, izobličiv ich v Sebe.
16 Da niktože ubo vas osuždaet o jadenii, ili o pitii, ili o časti prazdnika, ili o novomesjačiich, ili o subbotach:
17 jaže suť steň grjaduščich, telo že Christovo.
18 Niktože vas da prelščaet izvolennym jemu smirenomudrijem i služboju Angelov, jaže ne uvede učja, bez uma dmasja ot uma ploti svojeja,
19 a ne deržja glavy, iz nejaže vse telo, sostavy i souzy podaemo i snemlemo, rastit vozraščenije Božije.
20 Ašče ubo umroste so Christom ot stichij mira, počto aki živušče v mire sťjazaetesja?
21 Ne kosnisja, niže vkusi, niže osjaži:
22 jaže suť vsja vo istlenije upotreblenijem, po zapovedem i učenijem čelovečeskim:
23 jaže suť slovo ubo imušča premudrosti v samovolnej službe i smirenomudrii i nepoščadenii tela, ne v česti kojej k sytosti ploti.

3

1 Ašče ubo voskresnuste so Christom, vyšnich iščite, ideže jesť Christos o desnuju Boga seďa:
2 gorňaja mudrstvujte, (a) ne zemnaja.
3 Umroste bo, i život vaš sokroven jesť so Christom v Boze:
4 jegda že Christos javitsja, život vaš, togda i vy s Nim javitesja v slave.
5 Umertvite ubo udy vašja, jaže na zemli: blud, nečistotu, strasť, pochoť zluju i lichoimanije, ježe jesť idolosluženije,
6 ichže radi grjadet gnev Božii na syny protivlenija.
7 V nichže i vy inogda chodiste, jegda živjaste v nich.
8 Nyne že otložite i vy ta vsja: gnev, jarosť, zlobu, chulenije, sramoslovije ot ust vašich:
9 ne lžite drug na druga, sovlekšesja vetchago čeloveka s dejaňmi jego
10 i oblekšesja v novago, obnovljaemago v razum po obrazu Sozdavšago jego,
11 ideže nesť Jellin, ni Iudej, obrezanije i neobrezanije, varvar i Skif, rab i svoboď, no vsjačeskaja i vo vsech Christos.
12 Oblecytesja ubo jakože izbrannii Božii, svjati i vozljublenni, vo utroby ščedrot, blagosť, smirenomudrije, krotosť i dolgoterpenije,
13 prijemljušče drug druga i proščajušče sebe, ašče kto na kogo imať porečenije: jakože i Christos prostil jesť vam, tako i vy.
14 Nad vsemi že simi (sťjažite) ljubov, jaže jesť souz soveršenstva:
15 i mir Božii da vodvorjaetsja v serdcach vašich, v oňže i zvani byste vo jedinom tele: i blagodarni byvajte.
16 Slovo Christovo da vseljaetsja v vas bogatno, vo vsjakoj premudrosti: učašče i vrazumljajušče sebe samech vo psalmech i peniich i pesnech duchovnych, vo blagodati pojušče v serdcach vašich Gospodevi.
17 I vse, ježe ašče čto tvorite slovom ili delom, vsja vo ima Gospoda Iisusa Christa, blagodarjašče Boga i Otca Tem.
18 Ženy, povinujtesja svoim mužem, jakože podobaet o Gospode.
19 Mužije, ljubite ženy vašja, i ne ogorčajtesja k nim.
20 Čada, poslušajte roditelej (svoich) vo vsem: sije bo ugodno jesť Gospodevi.
21 Otcy, ne razdražajte čad vašich, da ne unyvajut.
22 Rabi, poslušajte po vsemu plotskich gospodii (vašich), ne pred očima točiju rabotajušče aki čelovekougodnicy, no v prostote serdca, bojaščesja Boga.
23 I vsjako, ježe ašče čto tvorite, ot duši delajte, jakože Gospodu, a ne čelovekom,
24 veďašče, jako ot Gospoda priimete vozdajanije dostojanija: Gospodu bo Christu rabotaete.
25 A obiďaj vospriimet, ježe obide: i nesť lica obinovenija.

4

1 Gospodije, pravdu i uravnenije rabom podavajte, veďašče, jako i vy imate Gospoda na nebesech.
2 V molitve terpite, bodrstvujušče v nej so blagodarenijem:
3 moljaščesja i o nas vkupe, da Bog otverzet nam dveri slova, proglagolati tajnu Christovu, jejaže radi i svjazan jesm:
4 da javlju ju, jakože podobaet mi glagolati.
5 V premudrosti chodite ko vnešnim, vrema iskupujušče.
6 Slovo vaše (da byvaet) vsegda vo blagodati, soliju rastvoreno, vedeti, kako podobaet vam jedinomu komuždo otveščavati.
7 Iže o mne, vsja skažet vam Tichik, vozljublennyj brat i veren služitel i sorabotnik o Gospode,
8 jegože poslach k vam na se istoje, da razumejet jaže o vas i utešit serdca vaša,
9 so Onisimom, vernym i vozljublennym bratom našim, iže jesť ot vas: vsja vam skažut, jaže zde.
10 Celujet vy Aristarch splennik moj, i Marko anepsij Varnavin, o nemže prijaste zapovedi: ašče priidet k vam, priimite jego:
11 i Iisus narečennyj Iust, suščij ot obrezanija: sii jedini spospešnicy vo Carstvo Božije, iže byša mi utešenije.
12 Celujet vy Jepafras, iže ot vas, rab Iisusa Christa, vsegda podvizajajsja o vas v molitvach, da budete soveršeni i ispolneni vo vsjacej voli Božijej.
13 Svidetelstvuju bo o nem, jako imať revnosť mnogu (i bolezň) o vas i o suščich v Laodikii i vo Ijerapoli.
14 Celujet vy Luka vrač vozljublennyj, i Dimas.
15 Celujte bratiju suščuju v Laodikii, i Nimfana, i domašňuju jego cerkov.
16 I jegda pročtetsja poslanije sije u vas, sotvorite, da i v Laodikiistej cerkvi pročteno budet, i napisanoje ot Laodikii da i vy pročtete.
17 I rcyte Archippu: bljudi služenije, ježe prijal jesi o Gospode, da doveršiši je.
18 Celovanije mojeju rukoju Pavleju. Pominajte moja uzy. Blagodať so (vsemi) vami. Amiň.

{pokazať odnu glavu na stranice}