Kniga proroka Malachii

Slavjanskij tekst

1

1 Proročestvo slovese Gospodňa na Izrailja rukoju angela Jego: položite ubo na serdcach vašich.
2 Vozljubich vy, glagolet Gospoď. I reste: o čem vozljubil jesi ny? Ne brat li be Isav Iakovu? Glagolet Gospoď: i vozljubich Iakova, Isava že voznenavidech,
3 i učinich predely jego vo izčeznovenije i dostojanije jego v nyrišča pustynna.
4 Zane ašče rečet: Idumea razorisja, i obratimsja i vozsoziždem opustevšaja jeja: sice glagolet Gospoď Vsederžitel: tii soziždut, i Az razorju, i narekutsja im predele bezzakonija, i ljudije, na ňaže opolčisja Gospoď do veka.
5 I očesa vaša uviďat, i vy rečete: vozveličisja Gospoď prevyše predel Izrailevych.
6 Syn slavit otca, i rab gospodina svojego uboitsja: i ašče Otec jesm Az, to gde slava Moja? I ašče Gospoď jesm Az, to gde jesť strach Moj? Glagolet Gospoď Vsederžitel. Vy svjaščennicy prezirajuščii ima Moje. I reste: o česom prezrechom ima Tvoje?
7 Prinosjašče ko oltarevi Mojemu chleby skverny. I reste: o česom oskvernichom ja? Vnegda glagolati vam: trapeza Gospodňa oskvernena jesť: i vozložennaja brašna uničižili jeste.
8 Zane ašče privedete slepo na žertvu, ne zlo li? I ašče privedete chromo ili nedužno, to ne zlo li? Privedi je kňazju tvojemu, jeda priimet je? Jeda priimet lice tvoje? Glagolet Gospoď Vsederžitel.
9 I nyne umilostivite lice Boga vašego i pomolitesja Jemu, (da pomilujet vy). V rukach vašich byša sija, ašče priimu ot vas lica vaša? Glagolet Gospoď Vsederžitel.
10 Zane i v vas zatvorjatsja dveri, i ne vozgnetite ogňa oltarevi Mojemu tune: nesť volja Moja v vas, glagolet Gospoď Vsederžitel, i žertvy ne priimu ot ruk vašich.
11 Zane ot vostok solnca i do zapad ima Moje proslavisja vo jazycech, i na vsjacem meste fimiam prinositsja imeni Mojemu i žertva čista: zane velije ima Moje vo jazycech, glagolet Gospoď Vsederžitel.
12 Vy že skvernite je glagoljušče: trapeza Gospodňa oskvernena jesť, i vozlagaemaja brašna jego uničtožena byša.
13 I reste: sija ot zlostradanija suť. I otdunuch ja, glagolet Gospoď Vsederžitel. I vnesoste chiščenija i chromaja i nedužnaja, i privedete ja na žertvu, jeda priimu ich ot ruk vašich? Glagolet Gospoď Vsederžitel.
14 I prokljat, iže be silen, i be jemu v stade jego mužesk pol, i obet jego na nem, i žret rastlennoje Gospodevi: zane Car velij Az jesm, glagolet Gospoď Vsederžitel, i ima Moje svetlo vo jazycech.

2

1 I nyne zapoveď sija k vam, svjaščennicy:
2 ašče ne uslyšite i ašče ne položite na serdcach vašich, ježe dati slavu imeni Mojemu, glagolet Gospoď Vsederžitel, to poslju na vy kljatvu i proklenu blagoslovenije vaše i oklenu je: i razorju blagoslovenije vaše, i ne budet v vas, zane vy ne vlagaete v serdca vaša.
3 Se, Az otluču vam ramo, i raskidaju trebuchi na lica vaša, trebuchi prazdnikov vašich, i priimu vy vkupe:
4 i urazumejete, jako Az Gospoď poslach k vam zapoveď siju, ježe byti zavetu Mojemu k Levitom, glagolet Gospoď Vsederžitel.
5 Zavet Moj be s nim žizni i mira, i dach jemu bojazniju bojatisja Mene i ot lica imene Mojego ustrašatisja jemu.
6 Zakon istiny be vo ustech jego, i nepravda ne obretesja vo ustnach jego: v mire ispravljajaj ide so Mnoju i mnogi obrati ot nepravdy.
7 Poneže ustne ijereovy sochraňat razum, i zakona vzyščut ot ust jego: jako angel Gospoda Vsederžitelja jesť.
8 Vy že uklonistesja ot puti i iznemoščestviste mnogich v zakone, rastliste zavet Leviin, glagolet Gospoď Vsederžitel.
9 I Az dach vy uničiženy i otverženy vo vsja jazyki, zane vy ne sochraniste putij Moich, no lic obinustesja v zakone.
10 Ne Otec li jedin vsem vam? Ne Bog li jedin sozda vas? Čto jako ostaviste kijždo brata svojego, oskverniti zavet otec vašich?
11 Ostavlen bysť Iuda, i merzosť bysť vo Izraili i vo Ijerusalime: zane oskverni Iuda svjataja Gospodňa, jaže vozljubi, i prejde k bogom čuždim.
12 Potrebit Gospoď čeloveka tvorjaščago sija, dondeže smiritsja ot selenij Iakovlich i ot prinosjaščich žertvu Gospodu Vsederžitelju.
13 I sija, jaže nenavidech, tvoriste: pokryvaste slezami oltar Gospodeň, i plačem i vozdychanijem ot trudov: ješče li dostojno prizreti na žertvu (vašu), ili prijati prijatno iz ruk vašich?
14 I reste: česo radi? Jako Gospoď zasvidetelstvova meždu toboju i meždu ženoju junosti tvojeja, juže ostavil jesi, i ta obščnica tvoja i žena zaveta tvojego:
15 i ne dobro li sotvori, i ostanok ducha jego? I reste: čto ino krome semene iščet Bog? I sochranite duchom vašim i ženy junosti tvojeja da ne ostaviši:
16 no ašče voznenavidev otpustiši ju, glagolet Gospoď Bog Izrailev, i pokryet nečestije pomyšlenija tvoja, glagolet Gospoď Vsederžitel: i sochranite duchom vašim i ne ostavite.
17 Prognevljajuščii Boga slovesy vašimi, i reste: o česom prognevachom Jego? Zane reste: vsjak tvorjaj zlo dobr pred Gospodem, i v nich Sam blagovoli: i gde jesť Bog pravdy?

3

1 Se, Az posylaju Angela Mojego, i prizrit na puť pred licem Moim: i vnezapu priidet v cerkov Svoju Gospoď, Jegože vy iščete, i Angel zaveta, Jegože vy choščete: se, grjadet, glagolet Gospoď Vsederžitel.
2 I kto sterpit deň prišestvija Jego? I kto postoit v videnii Jego? Zane Toj vchodit jako ogň gornila i jako mylo peruščich.
3 I sjadet razvarjaja i očiščaja jako srebro i jako zlato, i očistit syny Leviiny, i prelijet ja jako zlato i jako srebro: i budut Gospodevi prinosjašče žertvu v pravde.
4 I ugodna budet Gospodevi žertva Iudova i Ijerusalimlja, jakože dnije veka i jakože leta preždňaja.
5 I priidu k vam s sudom, i budu svidetel skor na čarodei i na preljubodejcy, i na klenuščyjasja imenem Moim vo lžu i na lišajuščyja mzdy naemnika, i na nasilstvujuščyja vdovic i pchajuščyja siryja, i na uklaňajuščyja sud prišelca i na nebojaščyjasja Mene, glagolet Gospoď Vsederžitel:
6 zane Az Gospoď Bog vaš, i ne izmeňajusja, i vy synove Iakovli ne udaljaetesja ot grech otec vašich.
7 Uklonistesja ot zakonov Moich i ne sochraniste: obratitesja ko Mne, i obraščusja k vam, glagolet Gospoď Vsederžitel. I reste: v česom obratimsja?
8 Jeda obolstit čelovek Boga? Zane vy obolščaete Ma. I reste: v česom obolstichom Ťja? Jako desjatiny i načatcy s vami suť.
9 I vzirajušče vy vziraete, i Mene vy obolščaete.
10 Leto skončasja, i vnesoste vsja plody v sokrovišča, i budet raschiščenije Jego v domu Jego: obratitesja ubo o sem, glagolet Gospoď Vsederžitel: ašče ne otverzu vam chljabij nebesnych i izliju vam blagoslovenije Moje, dondeže udovlitesja:
11 i razdelju vam v brašno, i ne imam istliti vam plodov zemnych, i ne iznemožet vaš vinograd na sele, glagolet Gospoď Vsederžitel:
12 i ublažat vy vsi jazycy, zane budete vy zemlja poželannaja, glagolet Gospoď Vsederžitel.
13 Oťjagotiste na Ma slovesa vaša, glagolet Gospoď (Vsederžitel). I reste: o čem klevetachom na Ťja?
14 Reste: sujeten rabotajaj Bogu, i čto boleje, jako sochranichom chranenija Jego i jako idochom molitvennicy pred licem Gospoda Vsederžitelja?
15 I nyne my blažim čuždich, i sozidajutsja vsi tvorjaščii bezzakonnaja, soprotivišasja Bogovi i spasošasja.
16 Sija rekoša bojaščiisja Gospoda, kijždo ko iskrennemu svojemu: i vňat Gospoď, i uslyša, i napisa knigu pamati pred Soboju bojaščymsja Gospoda i blagogovejuščym ima Jego.
17 I budut Mi, glagolet Gospoď Vsederžitel, v deň, jegože Az tvorju v snabdenije, i izberu ja, imže obrazom izbiraet čelovek syna svojego (dobre) rabotajušča jemu.
18 I obratitesja i uvidite meždu pravednym i meždu bezzakonnym, i meždu služaščim Bogovi i ne služaščim Jemu.

4

1 Jako se, deň grjadet gorjašč jako pešč i popalit ja, i budut vsi inoplemennicy i vsi tvorjaščii bezzakonnaja jako steblije: i vozžžet ja deň Gospodeň grjadyj, glagolet Gospoď Vsederžitel, i ne ostanetsja ot nich koreň niže vetv.
2 I vozsijaet vam bojaščymsja imene Mojego Solnce pravdy i izcelenije v krilech Jego: i izydete i vzygraete, jakože telcy ot uz razrešeni:
3 i poperete bezzakonniki, i budut pepel pod nogami vašimi v deň, v oňže Az sotvorju, glagolet Gospoď Vsederžitel.
4 Pomanite zakon Moisea raba Mojego, jakože povelech jemu v Chorive ko vsemu Izrailju povelenija i opravdanija.
5 I se, Az poslju vam Iliju Fesviťjanina, prežde prišestvija dne Gospodňa velikago i prosveščennago,
6 iže ustroit serdce otca k synu i serdce čeloveka ko iskrennemu jego, da ne prišed poražu zemlju v konec.

{pokazať odnu glavu na stranice}