Kniga Nejemii

Slavjanskij tekst

1

1 Slovesa Nejemii syna Achaliina. I bysť v mesjace Chaselev, dvadesjatago leta, i az bech v Susan-Avire.
2 I priide (ko mne) Anania jedin ot bratij moich s muži Iudovy, i voprosich ich o spasšichsja, iže ostašasja ot plenenija, i o Ijerusalime.
3 I rekoša mi: ostavšiisja ot plenenija tamo vo strane, vo ozloblenii velice i v ponošenii, i steny Ijerusalimskija razoreny, i vrata jego sožžena ognem.
4 I bysť jegda uslyšach slovesa sija, sedoch i plakach i rydach dni (mnogi), i bech posťjasja i moljasja pred licem Boga nebesnago,
5 i rekoch: molju Ťja, Gospodi Bože nebesnyj, krepkij, velikij i strašnyj, chraňaj zavet i miloserdije ljubjaščym Ťja i chraňaščym zapovedi Tvoja:
6 da budut uši Tvoi vnemljušče i oči Tvoi otverste, ježe slyšati molitvu raba Tvojego, jejuže az moljusja pred Toboju dnes, deň i nošč, o synech Izrailevych rabech Tvoich: i ispovedajusja o gresech synov Izrailevych, imiže sogrešichom pred Toboju, i az i dom otca mojego sogrešichom:
7 prestuplenijem prestupichom Tebe i ne sochranichom zapovedij (tvoich) i povelenij i sudeb, jaže povelel jesi Moiseju rabu Tvojemu:
8 pomani ubo slovo, ježe zapovedal jesi Moiseju rabu Tvojemu glagolja: ašče prestupite vy, Az rastoču vy v ljudi,
9 i ašče obratitesja ko Mne i sochranite zapovedi Moja i sotvorite ja, ašče budet razsejanije vaše do konca nebese, ottudu soberu vy i vvedu vy v mesto, ježe izbrach vselitisja imeni Mojemu tamo:
10 i tii rabi Tvoi i ljudije Tvoi, ichže iskupil jesi siloju Tvojej velikoju i rukoju Tvojeju krepkoju:
11 molju, Gospodi, da budet ucho Tvoje vnemljuščeje na molitvu raba Tvojego i na molitvu rabov Tvoich choťjaščich bojatisja imene Tvojego: i blagopospeši ubo rabu Tvojemu dnes, i dažď jego v ščedroty pred mužem sim. I az bych vinočerpčij carev.

2

1 I bysť v mesjace Nisane leta dvadesjatago Artakserksa carja, i vino be predo mnoju: i vzjach vino i dach carju, i ne be in pred nim.
2 I reče mi car: česo radi lice tvoje priskorbno jesť, a nesi boleznujaj? I nesť sije, razve skorb serdca. I ubojachsja zelo
3 i rekoch carju: carju, vo veki živi: kako ne byti priskorbnu licu mojemu, poneže grad, dom grobov otec moich opuste, i vrata jego sožžena suť ognem.
4 I reče mi car: počto o sem ty voprošaeši? I pomolichsja Gospodu Bogu nebesnomu
5 i rekoch ko carju: ašče carju viditsja blago, i ašče ugoden budet rab tvoj pred toboju, da posleši mene vo Iudeju, vo grad grobov otec moich, i vozsoziždu jego.
6 Reče že mi car, i naložnica seďaše bliz jego: do kojego vremene budet puť tvoj, i kogda vozvratišisja? I ugodno bysť pred licem carevym, i posla ma, i položich jemu vrema.
7 I rekoch carju: ašče carju viditsja blago, dažď mne poslanije ko vojevodam stran za rekoju, da prevedut mene, dondeže priidu vo Iudeju,
8 i poslanije ko Asafu stražu dubravy carevy, da dast mi dreva pokryti vrata stolpa domu, i na steny gradnychja, i na dom, v oňže vnidu. I dade mi car, jakože ruka Božija blagaja (be) so mnoju.
9 I priidoch ko vojevodam stran za rekoju i dach im poslanije carevo: posla že car so mnoju načalniki sily i konnicy.
10 I uslyša Sanavallat Aronitin i Tovia rab Ammonitin, i zlo ima bysť, jako priide čelovek vzyskati blaga synovom Izrailevym.
11 I priidoch vo Ijerusalim i bych tu tri dni.
12 I vostach noščiju az i mužije ne mnozi so mnoju, i ni komuže vozvestich, čto Bog daet v serdce moje sotvoriti so Izrailem, i skota ne be so mnoju, tokmo skot, na nemže az seďach.
13 I vnidoch vo vrata Judoli noščiju, ko ustiju istočnika Smokovničnago i ko vratom Gnojnym, i bych razmyšljaja o stene Ijerusalimstej razorenej i o vratach jego pojadenych ognem.
14 I priidoch ko vratom Istočnika i ko kupeli careve, i ne bysť mesta skotu, na nemže seďach, da projdet.
15 I vzydoch na stenu potoka noščiju, i razmyšljach o stene, i bech vo vratech Judoli, i vozvratichsja.
16 Streguščii že ne veďachu, kamo chodich i čto az tvorju, i Iudeom i svjaščennikom, i čestnym i vojevodam i pročym tvorjaščym dela daže do togda ne skazach.
17 I rekoch im: vy vidite ozloblenije sije, v nemže jesmy, kako Ijerusalim opustošen, i vrata jego predana ogňu: priidite, i soziždem steny Ijerusalima, i ne budem ktomu v ponošenije.
18 I skazach im ruku Božiju, jaže jesť blaga so mnoju, i slovesa careva, jaže glagola mne, i rekoch: vostanem i soziždem. I ukrepišasja rucy ich vo blagoje.
19 I uslyša Sanavallat Aronitin i Tovia rab Ammonitin i Gisam Aravitin, i posmejašasja nam, i priidoša k nam, i uničižiša, i rekoša: čto delo sije, ježe vy tvorite? Jeda vy protivu carja otmetaetesja?
20 I vozdach im slovo i rekoch k nim: Bog Nebese, Toj blagopospešit nam, i my rabi Jego čistii, (vostanem) i soziždem: vam že nesť časti i pravdy i pamati vo Ijerusalime.

3

1 I vosta Jeliasuv svjaščennik velikij i bratija jego svjaščennicy, i sozdaša vrata Ovčaja: sii osvjatiša ich i postaviša dveri ich i daže do stolpa Sta Lakot osvjatiša ich, daže do stolpa Anameilja.
2 I bliz jego sozidaša mužije Ijerichonstii, i bliz ich sozida Zakchur syn Amaniin.
3 Vrata že Rybnaja sozidaša synove Asanaevy: sii pokryša ich i postaviša dveri ich i zavory ich i verei ich.
4 I bliz ich sozidaše iz Ramofy syn Uriin, syna Akkosova: i bliz jego sozidaše Mosollam syn Varachiin, syna Mazevilja: i bliz ich sozidaše Sadok syn Vaanaev:
5 i bliz ich sozidaša Fekoimi, silnii že ich ne položiša vyi svojeja v delo Gospoda Boga svojego.
6 I vrata staraja sozidaše Ioida syn Fasekov i Mesullam syn Vasodijev: tii pokrysta ich i postavista dveri ich i zavory i verei ich.
7 I bliz ich sozidaša Maltia Gavaonitin i Jevaron Mironofit, mužije ot Gavaona i Masfy, daže do prestola kňazja (iže bysť) ob on pol reki.
8 I bliz jego sozida Oziil syn Arachijev zlatar: i bliz jego sozida Anania syn Rokeima, i vozstaviša Ijerusalim daže do steny širokija.
9 I bliz ich sozidaše Rafaia syn Surin, načalnik poloviny okrestnyja strany Ijerusalimli.
10 I bliz ich sozidaše Ijedea syn Jeromafov, i protivu domu jego: i bliz jego sozida Attuf syn Asavaniin.
11 I vtoruju časť sozidaše Melchia syn Iramov i Asuv syn Faaf-Moavl, i daže do stolpa Peščnago.
12 I bliz jego sozidaše Sallum syn Alloisov, načalnik poloviny strany okrestnyja Ijerusalimli, toj i dščeri jego.
13 Vrata Judoli sozidaša Anun i obitajuščii v Zanone: tii sozdaša ich i postaviša dveri ich i zavory ich i verei ich, i tysjašča lakot v stene daže do vrat Gnojnych.
14 I vrata Gnojnaja sozidaše Melchia syn Richavl, načalnik okrestnyja strany Vifakramskija, toj i synove jego, i pokryša ich i postaviša dveri ich i zavory ich i verei ich.
15 I vrata Istočnika sozidaše Solomon syn Chalezeov, načalnik strany Masfy: toj sozda ich i pokry ich, i postavi dveri ich i zavory ich i verei ich, i stenu kupeli Siloamli ko vertogradu carevu i daže do stepenej nizchoďaščich ot grada Davidova.
16 Po nemže sozidaše Nejemia syn Zavuchov, načalnik poloviny strany Vifsurovy, daže do vertograda groba Davidova i daže do kupeli ustrojenyja i daže do domu silnych.
17 Po nem sozidaša leviti, Raum syn Vanaiml: po nem sozidaše Asavia, načalnik poloviny strany Keily na strane svojej,
18 i po nem sozidaša bratija ich, Venej syn Inadadov, načalnik poloviny okrestnyja strany Keily.
19 I sozidaše bliz jego Azur syn Iisusov, načalnik Masfy, meru vtoruju stolpa voschoda kasajuščagosja uglu.
20 I po nem sozidaše Varuch, syn Zavujev, meru vtoruju ot ugla daže do vrat domu Jeliasuva svjaščennika velikago.
21 Po nem sozidaše Meramof syn Urii, syna Akkosova, meru vtoruju ot vrat domu Jeliasuvova daže do konca domu Jeliasuvova.
22 I po nem sozidaša svjaščennicy, mužije ot polja (iordanska).
23 I po nem sozidasta Veniamin i Asuv protivu domov svoich: i po nem sozidaše Azaria syn Maasijev, syna Ananiina, bliz domu svojego.
24 Po nem sozidaše Vanej syn Adadov meru vtoruju ot domu Azarii daže do ugla i daže do uklonenija.
25 Falach syn Uzain protivu ugla i stolpa vozvyšenago iz domu careva vysoko, iže vo dvore temničnem: i po nem Fadaia syn Forosov.
26 I nafinimi obitaša vo Ofale, daže do vertograda vrat Vodnych ko vostokom i daže do stolpa, iže be vozvyšen.
27 I po nich sozidaša Fekoimi meru vtoruju ot strany stolpa velikago i vysokago daže do steny Ofly.
28 Vyšše vrat Konskich sozidaša svjaščennicy, jedin kijždo protivu domu svojego.
29 I po nem sozidaše Sadduk syn Jemmir protivu domu svojego: i po nem sozidaše Samaia syn Sechenijev, straž vrat vostočnych.
30 Po nem sozidaše Anania syn Selemijev i Anom syn Selefov šestyj meru vtoruju: po nem sozidaše Mesullam syn Varachijev protivu sokroviščnicy svojeja.
31 Po nem sozidaše Melchia syn Sarefijev daže do domu nafinimlja i ščity prodajuščich, protivu vrat Sudnych, i daže do gornicy ugla.
32 I posrede vrat Ovčich sozidaša kovači i ščitoprodavcy.

4

1 I bysť jegda uslyša Sanavallat, jako my sozidaem steny, i zlo jemu vmenisja, i razgnevasja zelo, i posmejašesja Iudeom,
2 i reče pred bratijeju svojeju, iže bjachu sila Somorov, i reče: čto Iudeje sii sozidajut svoj grad? Jeda žreti budut? Ili vozmogut? Ili dnes izceljat kamenije, povnegda byti im v prach zemli sožžennym?
3 I Tovia Ammaniťjanin bliz jego priide i reče im: jeda požrut, ili jasti imut na meste svojem? Ne vzydet li lisica i razorit stenu kamenej ich?
4 I reče Nejemia: uslyši, Bože naš, jako sotvoreni jesmy v posmejanije,
5 i obrati ponošenije ich na glavu ich, i dažď ich v posmejanije v zemlju plenenija,
6 i ne pokryj bezzakonija ich.
7 Bysť že jegda uslyša Sanavallat i Tovia, i Aravljane i Ammanite, jako vzyde otrasl sten Ijerusalimskich, zane načaša razseliny zagraždati, i zlo im javisja zelo.
8 I sobrašasja vsi vkupe, da priidut i opolčatsja na Ijerusalim i razorjat jego.
9 I molichomsja ko Bogu našemu i postavichom stražy na stene protivu ich deň i nošč ot lica ich.
10 Reče že Iuda: istomlena jesť sila (ot) vrag, i zemlja mnoga jesť, i my ne možem sozidati steny.
11 I rekoša oskorbljajuščii nas: ne poznajut i ne uviďat, dondeže priidem posrede ich i ubijem ich, i prestati sotvorim delu.
12 I bysť jegda priidoša Iudeje, iže obitachu bliz ich, i reša nam: voschoďat ot vsech jazyk na ny.
13 I postavich v nižajšich mestech sozadi sten v zakrovenii, i postavich ljudi po plemenom s meči ich i s sulicami ich i s lukami.
14 I videch, i vostach, i rekoch ko čestnym i k vojevodam i ko pročym ljudem: ne ubojtesja ot lica ich, pomanite Gospoda Boga našego velikago i strašnago, i opolčitesja za bratiju vašu, za syny vašja i dščeri vašja, ženy vašja i domy vašja.
15 Bysť že jegda uslyšaša vrazi naši, jako vedomo bysť nam, i razori Bog sovet ich: i vozvratichomsja vsi my na steny, kijždo ko delu svojemu.
16 I bysť ot dne togo, pol včinenych delachu delo, i polovina ich ugotovana bysť ko brani s sulicami i ščitami, i luki i broňami, i načalnicy sozadi vsego domu Iudina.
17 Sozidajuščii stenu i nosjaščii bremena so oružijem: jedinoju rukoju svojeju tvorjachu delo, a drugoju deržachu meč.
18 Sozidajuščym že jedinomu kojemuždo meč bysť opojasan pri bedre jego, i sozidachu, i trubjachu trubami bliz ich.
19 I rekoch ko čestnym i ko starejšinam i ko pročym ljudem: delo veliko jesť i prostranno, i my razlučeni jesmy na stene daleče kijždo ot brata svojego:
20 na meste ideže uslyšite glas trubnyj, tamo tecyte k nam, i Bog naš opolčitsja o nas.
21 I my bychom tvorjašče delo, i pol nas deržachu sulicy ot voschoda zari utrennija daže do voschoda zvezd.
22 Vo vrema že to rekoch ljudem: kijždo so otrokom svoim da prebyvaet v srede Ijerusalima: i budet vam nošč na stražu, a deň na delanije.
23 Az že i bratija moi i otrocy i mužije straži, iže bjachu sozadi mene, ne snimachom odejanij našich tamo ni jedin ot nas.

5

1 I bysť vopl ljudij i žen ich velik na bratiju svoju Iudei.
2 I byša necyi glagoljušče: synove naši i dščeri našja mnozi suť nam, i da vozmem (za cenu) pšenicu i jadim i živi budem.
3 I byša necyi glagoljušče: sela naša i vinogrady našja i domy našja my da dadim v zalog, i vozmem pšenicu, i jasti budem.
4 I byša necyi glagoljušče: vzaim vzjachom srebro na dani carevy, dadim sela naša i vinogrady našja i domy našja:
5 i nyne jakože ploť bratij našich, ploť naša, jakože synove ich, synove naši: i se, my poraboščaem syny našja i dščeri našja v raby, i suť ot dščerej našich poraboščeny, i nesť sily v rukach našich (otkupiti) i sela naša i vinogrady našja u velmož.
6 I oskorbech zelo, jegda uslyšach vopl ich i slovesa sija.
7 I usovetova serdce moje vo mne, i vospretich deržavnym i načalnym i rekoch im: lichvy li kijždo ot brata svojego isťjažet, juže vy isťjazujete? I sobrach protivu im sobranije veliko
8 i rekoch im: my iskupichom bratiju našu Iudeov, prodanych jazykom, po sile našej: vy že prodaste bratiju vašu, i otdadutsja nam? I umolčaša, i ne obretoša čto otveščati.
9 I rekoch: ne dobro delo, ježe vy tvorite: tako ne vo strase Boga našego (choďašče) ubežite li ot ponošenija jazykov vragov našich?
10 I az i bratija moja i znaemii moi vzaim dachom im peňazi i pšenicu: ostavim ubo lichoimstvo sije:
11 vozvratite že im dnes sela ich i vinogrady ich i masliny ich i domy ich, i ot srebra pšenicu i vino i jelej otdadite im.
12 I rekoša: otdadim i ot nich ne vzyščem, tako sotvorim, jakože ty glagoleši. I prizvach svjaščennikov i zakljach ich sotvoriti po slovesi semu.
13 I otrjasoch odeždu moju i rekoch: tako da istrjaset Bog vsjakago muža, iže ne ispolnit slova sego, ot domu jego i ot trudov jego, i da budet tako ottrjasen i tošč. I reče vse množestvo: amiň. I voschvališa Boga. I sotvoriša ljudije po glagolu semu.
14 Ot dne togo, v oňže povele (car) mne byti voždem ich v zemli Iudine, ot leta dvadesjatago i daže do leta tridesjať vtorago Artakserksa carja, let dvanadesjať, az i bratija moja obroku ich ne jadochom.
15 I obrokov pervych, imiže prežde mene oťjagčiša ich, i prijaša ot nich v chlebe i v vine, po sich srebra (na vsjak deň) didrachm četyredesjať: i služebnicy ich obladaša ljuďmi. Az že ne sotvorich tako radi stracha Božija.
16 I v dele steny sija sozidach: i sela ne sťjažach, i vsi otrocy moi sobrani bjachu tamo na delo.
17 Iudej že i načalnikov sto pjaťdesjat mužej, i prichoďaščii k nam ot jazyk, iže okrest nas, pri trapeze Mojej.
18 I be ugotovano mne na vsjak deň: telec jedin i ovec šesť izbrannych i kozel byša mne (i pticy), i meždu desjati dnij vsem vina mnogo: i s simi chleba gospodstvu mojemu ne vzyskach, zane ťjažka rabota na ljudech sich.
19 Pomani ma, Bože moj, vo blago po vsem, jelika sotvorich ljudem sim.

6

1 Bysť že jegda uslyša Sanavallat i Tovia i Gisam Aravijskij i pročii vrazi naši, jako sozdach stenu, i ne ostasja v nich skvažňa: i az daže do vremene onago dverij ne postavich vo vratech:
2 i posla Sanavallat i Gisam ko mne, glagoljušča: priidi, i soberemsja vkupe v vesech na poli Ono (glagolemem). Tii že pomyšljasta mne sotvoriti zloje.
3 I poslach k nima poslov, glagolja: delo veliko az tvorju i ne mogu sniti, da ne prestanet delo: jegda že soveršu je, vzydu k vama.
4 I poslasta ko mne, jakože glagol sej, četyriždy, i poslach k nima po sim.
5 I prisla ko mne Sanavallat pjatoje otroka svojego, i poslanije otversto v ruku jego, i be napisano v nem:
6 vo jazycech uslyšano jesť, i Gisam reče, jako ty i Iudeje myslite otstupiti, sego radi ty sozidaeši stenu, i ty da budeši im v carja:
7 i k sim proroki postavil jesi sebe, da budeši vo Ijerusalime carem nad Iudoju: i nyne vozvesťjatsja carju slovesa sija: i sego radi nyne priidi, da sotvorima sovet vkupe.
8 I poslach k nemu, glagolja: ne sotvorisja po slovesem sim, jakože ty glagoleši, zane ot serdca tvojego ty lžeši v sich:
9 jako vsi strašat nas, glagoljušče: oslabejut rucy ich ot dela sego, i ne sotvoritsja: i nyne ukrepich ruki moja.
10 I az vnidoch v dom Semea syna Dalaijeva, syna Metaveileva, i toj zaključen, i reče: da soberemsja v dom Božij posrede jego i zaključim dveri jego, jako prichoďat noščiju, da ubijut ťja.
11 I rekoch: kto jesť muž, jakov az, i ubežit? Ili kto jako az, iže vnidet v dom, i živ budet? Ne vnidu.
12 I urazumech, i se, Bog ne posla jego: jako proročestvova slovo na ma.
13 I Tovia i Sanavallat najasta na ma narod, da ustrašusja, i sotvorju tako, i sogrešu, i da budu im vo ima zlo, jako da ponosjat mi.
14 Pomani, Bože, Toviju i Sanavallata po delom ich sim, i Noadia proroka i pročich prorok, iže strašachu ma.
15 I soveršisja stena v dvadesjať pjatyj mesjaca Jelula v pjaťdesjat i dva dni.
16 I bysť jegda uslyšaša vsi vrazi naši, i ubojašasja vsi jazycy, iže okrest nas, i napade strach velik pred oči ich, i poznaša, jako ot Gospoda Boga našego soveršeno bysť delo sije.
17 I vo dni ony ot mnogich deržavnych Iudinych poslanija prichoždachu k Tovii, i Toviina (poslanija) prichoždachu k nim.
18 Mnozi bo vo Iudei kljašasja jemu, jako zjať be Sechenii syna Iraeva: i Ionafan syn jego poja dščer Mesulama syna Varachiina v ženu.
19 I slovesa jego byša glagoljuščii ko mne, i slovesa moja byša iznosjaščii jemu. I poslanije posla Tovia, da ustrašit mene.

7

1 I bysť jegda sozdasja stena, i postavich dveri, i sočtoch pridverniki i pevcy i levity:
2 i povelech Ananii bratu mojemu i Ananii načalniku domu, iže vo Ijerusalime: toj bo be jako muž istinen i bojajsja Boga pače pročich:
3 i rekoch ima: da ne otverzutsja vrata Ijerusalimskaja, dondeže vzydet solnce: i ješče im bďaščym, da zaključatsja vrata i zasunuta da budut zasovami: i postavi stražy ot obitajuščich vo Ijerusalime, kijždo vo straži svojej i kijždo protivu domu svojego.
4 Grad že bysť širok i velik, i ljudij malo v nem, i ne bjachu domy sozdani.
5 I dade Bog v serdce moje, i sobrach čestnych i kňazej i narod v sobranije: i obretoch knigu sočislenija tech, iže vzydoša perveje, i obretoch napisano v nej:
6 i tii synove strany vozšedšii ot plenenija preselenija, ichže preseli Navuchodonosor car Vavilonskij, i vozvratišasja vo Ijerusalim i Iudeju, kijždo muž vo grad svoj,
7 s Zorovavelem i Iisusom i Nejemijeju, Azaria i Vejelma, Naeman, Mardochej, Vaasan, Maasfaraf, Jezdra, Voguia, Inaum, Vaana, Masfar, mužije ljudij Izrailevych:
8 synove Forosovy dve tysjaščy sto sedmdesjat dva,
9 synove Safatijevy trista sedmdesjat dva,
10 synove Iraevy šesť sot pjaťdesjat dva,
11 synove Faaf-Moavli synov Iisusovych i Ioavlich dve tysjaščy šesť sot i osmnadesjať,
12 synove Jelamovy tysjašča dvesti pjaťdesjat četyri,
13 synove Soffujevy osm sot četyredesjať pjať,
14 synove Zachanevy sedm sot šesťdesjat,
15 synove Vanuijevy šesť sot četyredesjať osm,
16 synove Vereijevy šesť sot dvadesjať osm,
17 synove Getadovy dve tysjaščy trista dvadesjať dva,
18 synove Adonikamli šesť sot šesťdesjat sedm,
19 synove Vaguijevy dve tysjaščy šesťdesjat sedm,
20 synove Idini šesť sot pjaťdesjat četyri,
21 synove Atirovy i synove Jezekijevy devjaťdesjat osm,
22 synove Isamijevy trista dvadesjať osm,
23 synove Vaseijevy trista dvadesjať četyri,
24 synove Arifovy sto dvanadesjať, synove Asenovy dvesti dvadesjať tri,
25 synove Gavaoni devjaťdesjat pjať,
26 synove Vefaleimli sto dvadesjať tri, synove Atofovy pjaťdesjat šesť,
27 synove Anafofovy sto dvadesjať osm,
28 synove Azamofovy, mužije Vifovy, četyredesjať dva,
29 mužije Kariafiarimli, Kafirovy i Virofovy sedm sot četyredesjať tri,
30 mužije Arama i Gavaa šesť sot dvadesjať jedin,
31 mužije Machimasovy sto dvadesjať dva,
32 mužije Vefili i Aijevy sto dvadesjať tri, mužije anavia drugago sto pjaťdesjat dva,
33 synove Megevosovy sto pjaťdesjat šesť,
34 mužije Ilamaevy tysjašča dvesti pjaťdesjat dva,
35 synove Iramli trista dvadesjať,
36 synove Ijerichovy trista četyredesjať pjať,
37 synove Lodovy, Adidovy i Onovy sedm sot dvadesjať jedin,
38 synove Ananini tri tysjaščy devjať sot tridesjať:
39 svjaščennicy, synove Iodaevy v domu Iisusove devjať sot sedmdesjat tri,
40 synove Jemmirovy tysjašča pjaťdesjat dva,
41 synove Fasseurovy tysjašča dvesti četyredesjať sedm,
42 synove Iramovy tysjašča sedmnadesjať:
43 leviti, synove Iisusa Kadmiilskago ot synov Uduilich sedmdesjat četyri:
44 pevcy, synove Asafovy sto dvadesjať osm:
45 dvernicy synove Sellumli,
46 synove Atirovy, synove Telmoni, synove Akkuvovy, synove Atitovy, synove Saviiny sto tridesjať osm:
47 nafinimi, synove Ilaevy, synove Asefovy, synove Zavaofovy,
48 synove Kirasovy, synove Sisainy, synove Fadoni, synove Lavani, synove Agavovy, synove Akuvovy,
49 synove Utaevy, synove Kitarovy, synove Gavovy, synove Selmeini, synove Ananovy,
50 synove Sadeiny, synove Gaarovy, synove Raaiiny,
51 synove Raasoni, synove Nekodovy,
52 synove Gizamli, synove Oziny, synove Fessovy,
53 synove Visiiny, synove Meinonovy, synove Nefosainy,
54 synove Vakvukovy, synove Achifovy, synove Aruriny,
55 synove Vasalofovy, synove Midaevy, synove Adasani,
56 synove Varkujevy, synove Sisarafovy, synove Fimaevy,
57 synove Nisiiny, synove Atifovy: synove rabov Solomonovych,
58 synove Suteiny, synove Safaratovy, synove Feridiny,
59 synove Leliliny, synove Dorkoni, synove Gadaili, synove Farachasovy,
60 synove Savaini, synove Immini:
61 vsi Nafinimi i synove slug Solomonovych trista devjaťdesjat dva.
62 I sii vzydoša ot Felmefa, Felasar, Charuv, Iron, Ijemir, i ne mogoša skazati domov otečestv svoich i semene svojego, ot Izrailja li byša:
63 synove Daleaevy, synove Vuaevy, synove Toviiny, synove Nekodaevy, šesť sot četyredesjať dva:
64 i ot svjaščennik synove Avijevy, synove Akkosovy, synove Verzellainy, jako pojaša ot dščerej Verzellaa Galaaditina ženy i prozvašasja po imeni ich.
65 Sii iskaša pisanija svojego rodoslovija, i ne obretoša, i izverženi suť ot svjaščenstva.
66 Reče že Afersafa im, da ne jaďat ot svjataja svjatych, dondeže vostanet svjaščennik izjavljajaj.
67 I bysť ves sobor jedinodušno aki četyredesjať dve tysjaščy trista šesťdesjat,
68 krome rabov ich i rabyň ich, ichže bjachu sedm tysjašč trista tridesjať sedm: i pevcy i pevnicy dvesti tridesjať šesť.
69 Koni (ich) sedm sot tridesjať šesť, mski ich dvesti četyredesjať pjať, velbljudy ich četyre sta tridesjať pjať, osly ich šesť tysjašč sedm sot dvadesjať.
70 I ot časti načalnikov otečestv daša v delo Afersafe, daša v sokrovišče zlatych tysjašču, fial pjaťdesjat i riz žrečeskich tridesjať.
71 I ot načalnikov otečestv daša v sokrovišče dela zlata drachm dvadesjať tysjašč i srebra mnas dve tysjaščy i trista.
72 I daša pročii ljudije zlata drachm dvadesjať tysjašč i srebra mnas dve tysjaščy i dvesti, i riz svjaščenničeskich šesťdesjat sedm.
73 I sedoša svjaščennicy i leviti i dvernicy i pevcy i pročij narod i nafinimi i ves Izrail vo gradech svoich.

8

1 I priide mesjac sedmyj, synove že Izrailevy bjachu vo gradech svoich: i sobrašasja vsi ljudije jako muž jedin na prostranstvo, ježe pred vraty Vodnymi, i rekoša Jezdre pisarju, da prineset knigu zakona Moiseova, jegože zapoveda Gospoď Izrailju.
2 I prinese Jezdra svjaščennik zakon pred množestvo ot mužej daže do žen, i vsem, iže možachu razumeti slyšašče, v deň pervyj mesjaca sedmago,
3 i čte v nem (javno na prostranstve, ježe pred vraty Vodnymi), ot utra daže do poludne, pred muži i ženami, i sii bjachu razumejušče, i uši vsech ljudij ko knize zakona.
4 I sta Jezdra pisec na stepeni drevjanem, jegože sotvoriša k narodoveščaniju, i staša bliz jego Matfafia i Samea, i Anania i Uria, i Chelkia i Maasia odesnuju jego, ošujuju že Fadaia i Misail, i Melchia i Osam, i Asavadma i Zacharia i Mesollam.
5 I razgnu Jezdra knigu pred vsemi ljuďmi, jako toj be nad ljuďmi, i bysť jegda razgibaše ju, staša vsi ljudije.
6 I blagoslovi Jezdra Gospoda Boga velikago, i otveščaša vsi ljudije i reša amiň, vozdvigše ruce svoi, i preklonišasja i poklonišasja Gospodevi licem na zemlju.
7 Iisus že i Vanaia i Saravia, Akan, Savatej, Kamptas, Azaria, Iozavadan, Anifanes i leviti bjachu vrazumljajušče ljudij v zakone: ljudije že stojachu na stojanii svojem.
8 I čtoša v knize zakona Božija, i poučaše Jezdra i izjasňaše ko razumeniju Gospodňu, i razumeša ljudije čtenije.
9 Reče že Nejemia i Jezdra svjaščennik i pisec, i leviti i tolkujuščii ljudem, i reša vsem ljudem: deň svjat jesť Gospodu Bogu našemu, ne rydajte i ne plačite. Poneže plakaša vsi ljudije, jegda uslyšaša slovesa zakona.
10 I reče im: idite i jadite tučnaja i pijte sladkaja, i poslite časti ne imuščym, jako svjat jesť deň Gospodevi našemu, i ne pečalitesja, ibo radosť Gospodňa sija jesť sila naša.
11 Leviti že molčanije tvorjachu vo vsech ljudech, glagoljušče: molčite, jako deň svjat jesť, i ne tužite.
12 I otidoša vsi ljudije jasti i piti, i poslati časti, i sotvoriti veselije veliko, jako razumeša slovesa, imže naučiša ich.
13 I v deň vtoryj sobrašasja kňazije otečestv so vsemi ljuďmi, svjaščennicy i leviti ko Jezdre piscu, da protolkujet vsem slovesa zakonnaja.
14 I obretoša pisano v zakone, jegože zapoveda Gospoď rukoju Moiseovoju, da obitajut synove Izrailevy v kuščach v prazdnik mesjaca sedmago,
15 i da propoveďat trubami vo vsech gradech ich i vo Ijerusalime. I reče Jezdra: izydite na goru, i prinesite vetvi masličny, i vetvi dreves kiparisnych, i vetvi mirsinnyja, i vetvi finikovy, i vetvi dreves dubravnych, sotvoriti kuščy po pisanomu.
16 I izydoša ljudije, i prinesoša, i sotvoriša sebe kuščy kijždo na krove svojem i vo dvorech svoich, i vo dvorech domu Božija i na prostranstve vrat Vodnych i na prostranstve vrat Jefremlich.
17 I sotvoriša ves sonm vozvrativyjsja ot plenenija kuščy, i sedoša v kuščach, jako ne sotvoriša ot dnij Iisusa syna Navina tako synove Izrailevy daže do dne togo. I bysť veselije veliko.
18 I čitachu v knize zakona Božija na vsjak deň, ot dne pervago daže do dne posledňago. I sotvoriša prazdnik sedm dnij, i v deň osmyj sobranije po obyčaju.

9

1 V deň že dvadesjať četvertyj mesjaca sego sobrašasja synove Izrailevy v poste i vo vretiščich, i persť na glavach ich.
2 I otlučišasja synove Izrailevy ot vsjakago syna čužda, i ispovedachu grechi svoja i bezzakonija otec svoich.
3 I staša na stojanii svojem i čtoša v knize zakona Gospoda Boga svojego četvericeju v deň, i bjachu ispovedajuščesja Gospodevi i poklaňajuščesja Gospodu Bogu svojemu.
4 I staša na stepeni levitov Iisus i synove Kadmiili, Sachania syn Saraviin, synove Chanani, i vozopiša glasom velikim ko Gospodu Bogu svojemu,
5 i rekoša leviti, Iisus i Kadmiil: vostanite, blagoslovite Gospoda Boga našego ot veka daže do veka: i blagoslovjat ima slavy Tvojeja, i voznesut vo vsjacem blagoslovenii i chvale.
6 I reče Jezdra: Ty jesi Sam Gospoď jedin, Ty sotvoril jesi nebo i nebo nebese i vsja voi ich, zemlju i vsja, jelika na nej suť, morja i vsja, jaže v nich, i Ty oživljaeši vsja, i voi nebesnii poklaňajutsja Tebe:
7 Ty jesi Gospoď Bog, ty izbral jesi Avrama i izvel jesi jego ot strany Chaldejskija, i položil jesi ima jemu Avraam,
8 i obrel jesi serdce jego verno pred Toboju, i zaveščal jesi s nim zavet dati jemu zemlju Chananejsku i Chettejsku, i Amorrejsku i Ferezejsku, i Ijevusejsku i Gergesejsku, i semeni jego: i utverdil jesi slovesa Tvoja, jako praveden jesi:
9 i videl jesi ozloblenije otec našich vo Jegipte, i vopl ich uslyšal jesi na mori Čermnem,
10 i dal jesi znamenija i čudesa vo Jegipte na faraona i na vsja raby jego i na vsja ljudi zemli jego: poznal bo jesi, jako vozgordešasja na nich, i sotvoril jesi Sebe ima, jakože deň sej:
11 i more rastorgl jesi pred nimi, i proidoša posrede morja po suchu, i goniteli ich vvergl jesi v glubinu, jako kameň v vode zelnej:
12 i v stolpe oblačne vodil jesi ich vo dni i v stolpe ognenne v nošči, ježe osvetiti im puť, po nemuže idoša:
13 i na goru Sinajskuju sšel jesi, i glagolal jesi k nim s nebese, i dal jesi im sudby pravy i zakon istinnyj, povelenija i zapovedi blagi:
14 i subbotu svjatuju Tvoju javil jesi im, zapovedi, povelenija i zakon povelel jesi im rukoju Moisea raba Tvojego:
15 chleb že s nebese dal jesi im vo alčbe ich v pišču im, i vodu iz kamene izvel jesi im v žaždi ich, i rekl jesi im, da vnidut i nasleďat zemlju, na ňuže prosterl jesi ruku Tvoju dati im:
16 tii že i otcy naši vozgordešasja i ožestočiša vyja svoja i ne poslušaša zapovedij Tvoich,
17 i ne voschoteša slyšati, i ne vospomanuša čudes Tvoich, jaže sotvoril jesi im: i ožestočiša vyju svoju, i daša načalo vozvratitisja na rabotu svoju vo Jegipet: Ty že, Bože, milostiv i ščedr, dolgoterpeliv i mnogomilostiv, i ne ostavil jesi ich:
18 ješče že sotvoriša sebe i telca slijana i rekoša: sii bozi izvedoša nas iz Jegipta: i sotvoriša razdraženija velija:
19 Ty že v ščedrotach Tvoich mnogich ne ostavil jesi ich v pustyni, stolp oblačnyj ne uklonil jesi ot nich vo dni, ježe nastaviti ich na puť, i stolp ognennyj v nošči, ježe osvetiti im puť po nemuže idoša,
20 i Duch Tvoj blag dal jesi, ježe naučiti ich, i manny Tvojeja ne lišil jesi ot ust ich, i vodu dal jesi im v žaždi ich,
21 i četyredesjať let prepital jesi ich v pustyni, ničtože im oskude: odejanija ich ne sostarešasja, i sapozi ich ne razdrašasja:
22 i dal jesi im carstva, i ljudi razdelil jesi im, i naslediša zemlju Siona carja Jesevonska i zemlju Oga carja Vasanska:
23 i umnožil jesi syny ich jako zvezdy nebesnyja, i vvel jesi ich v zemlju, o nejže glagolal jesi otcem ich vniti i naslediti ju:
24 (i vnidoša synove ich) i naslediša zemlju: i sokrušil jesi pred nimi obitajuščich v zemli Chananejstej, i dal jesi ich v ruku ich, i cari ich i ljudi zemli, da sotvorjat im jakože ugodno pred nimi:
25 i vzjaša grady vysokija, i oderžaša domy polny vsech blagich, klaďazi ograždeny kamenijem, vinogrady i masliny i vsjako drevo snednoje vo množestvo, i jadoša i nasytišasja, i utolsteša i razširišasja vo blagosti Tvojej velicej:
26 i izmenišasja i otstupiša ot Tebe, i povergoša zakon Tvoj sozadi ploti svojeja, i proroki Tvoja izbiša, iže zasvidetelstvovachu im, da obraťjatsja k Tebe, i sotvoriša chuly veliki:
27 i dal jesi ich v ruku oskorbljajuščich ja, i ozlobiša ich: i vo brema pečali svojeja vozopiša k Tebe, i Ty s nebese Tvojego uslyšal jesi, i po ščedrotam Tvoim mnogim dal jesi im spasitelej, i spasl jesi ich ot ruk vrag ich:
28 i jegda upokoišasja, vozvratišasja sotvoriti lukavoje pred Toboju: i ostavil jesi ich v rukach vrag ich, i obladaša imi: i paki vozopiša k Tebe, Ty že ot nebese uslyšal jesi, i izbavil jesi ich v ščedrotach Tvoich mnozech,
29 i zasvidetelstvoval jesi im, da obraťjatsja k zakonu Tvojemu: oni že vozgordešasja i ne poslušaša, no v zapovedech Tvoich i v sudbach Tvoich sogrešiša, jaže sotvoriv čelovek živ budet v nich: i daša pleščy nepokorivyja, i vyju svoju ožestočiša, i ne poslušaša:
30 i prodolžil jesi na nich leta mnoga, i zasvidetelstvoval jesi im Duchom Tvoim i rukoju prorok Tvoich, i ne vňaša, i predal jesi ich v ruku ljudij zemnych:
31 v miloserdiich že Tvoich mnogich ne sotvoril jesi ich v skončanije, niže ostavil jesi ich, jako Bog silen jesi i milostiv i ščedr:
32 i nyne, Bože naš krepkij, velikij, deržavnyj i strašnyj, chraňaj zavet Tvoj i milosť Tvoju, da ne javitsja mal pred Toboju vsjak trud, iže obrete nas i cari našja, i načalniki našja i svjaščenniki našja, i proroki našja i otcy našja i vsja ljudi Tvoja, ot dnij carej Assurskich i daže do dne sego:
33 i Ty praveden vo vsech, jaže priidoša na nas, jako istinu sotvoril jesi, my že sogrešichom:
34 i carije naši i načalnicy naši, i svjaščennicy naši i otcy naši ne sotvoriša zakona Tvojego i ne vnimaša povelenijem Tvoim i svidenijem Tvoim, imiže zasvidetelstvoval jesi im,
35 i tii vo carstvii Tvojem i vo blagostyni Tvojej mnoze, juže dal jesi im, i v zemli širocej i tučnej, juže dal jesi pred nimi, ne poslužiša Tebe i ne otvratišasja ot načinanij svoich lukavych:
36 se, my dnes jesmy rabi, i zemlja, juže dal jesi otcem našym jasti plod jeja i blagaja jeja, se, jesmy rabi na nej:
37 i plody jeja mnozi carem, imže predal jesi nas za grechi našja, i telesy našimi vladyčestvujut i skoty našimi, jakože ugodno im, i v pečali velicej jesmy:
38 i vo vsech sich my polagaem zavet veren i pišem, i pečatajut vsi načalnicy naši, leviti naši i svjaščennicy naši.

10

1 I v pečatlejuščich byša sii: Nejemia Artasasta syn Achalijev i Sedekia
2 syn Araijev, i Azaria i Ijeremia,
3 Fasur, Amaria, Melchia,
4 Attus, Sevania, Malluch,
5 Iram, Meramof, Avdia,
6 Daniil, Ganafon, Varuch,
7 Mesullam, Avia, Miamin,
8 Maazia, Velgai, Samaia: sii svjaščennicy.
9 Leviti že: Iisus syn Azariin, Vanej ot synov Inadadovych, Kadmiil
10 i bratija jego Savania, Oduia, Kalitan, Felia, Anan,
11 Micha, Roov, Asevia,
12 Zakchor, Saravia, Sevania,
13 Odua, synove Vanuini.
14 Načalnicy ljudij: Foros, Faaf-Moav, Ilam, Zafuia,
15 synove Vanniiny Azgad, Vivaj,
16 Anania, Vagoj, Idin,
17 Atir, Jezekia, Azur,
18 Oduvia, Isam, Visij,
19 Arif, Anafof, Novaj,
20 Megafis, Mesullam, Izir,
21 Mesozevil, Saduk, Ijeddua,
22 Faltia, Anan, Anaia,
23 Osia, Anania, Asuv,
24 Adoj, Falaa, Sovik,
25 Raum, Jessavana, Maasia
26 i Aia, Jenan, Inam,
27 Maluch, Iram, Vaana.
28 I pročii ot ljudij, svjaščennicy, leviti, dvernicy, pevcy, nafinimi i vsjak prichoďaj ot ljudij zemskich ko zakonu Božiju, ženy ich, synove ich, dščeri ich, vsjak veďaj i razumejaj,
29 ukrepljachusja nad bratijeju svojeju, i zaklinaša ich, i vnidoša v kljatvu i v rotu, ježe choditi v zakone Božii, iže dan jesť rukoju Moisea raba Božija, da sotvorjat i sochraňat vsja zapovedi Gospodni i sudby Jego i povelenija Jego,
30 i ježe ne dati dščerej našich ljudem zemskim, i dščerej ich ne vozmem synovom našym:
31 ljudije že zemli nosjaščii prodaemaja i vsja kupujemaja vo dni subboty prodavati, ne kupim ot nich v subboty, ni v deň svjatyj: i ostavim leto sedmoje, i dajanije vsech ruk.
32 I postavim nad nami zapoveď dajati nam tretiju časť didrachmy na leto, na delo domu Boga našego,
33 na chleby predloženija i na žertvy povsednevnyja, i vo vsesožženije prisnoje subbot, novomesjačij, v prazdniki i vo svjataja, i jaže o gresech, pomolitisja za Izrailja, i na dela domu Boga našego.
34 I žrebij metnuchom o nošenii dreves, svjaščennicy i leviti i ljudije, nositi v dom Boga našego, po domom otečestv našich, ot vremene do vremene, ot leta do leta vozžigati na oltari Gospodu Bogu našemu, jakože pisano jesť v zakone,
35 i prinositi pervorodnaja zemli našeja i pervorodnaja ploda vsjakago dreva, ot leta do leta, v dom Gospodeň,
36 i pervency synov našich i skotov našich, jakože pisano jesť v zakone, i pervency volov našich i stad našich prinositi v dom Boga našego, svjaščennikom služaščym v domu Boga našego:
37 i načatki žit našich i plod vsjakago dreva, vina i jelea, prinositi budem svjaščennikom v sokrovišče domu Božija, i desjatinu zemli našeja levitom, i tii leviti desjatinu prijemljut vo vsech gradech del našich.
38 Budet že svjaščennik syn Aaronov s levity v desjatinach levitov, i leviti imut prinositi desjatuju časť desjatiny v dom Boga našego v sokrovišče domu Božija,
39 jako v sokrovišča prinesut synove Izrailevy i synove levitstii načatki pšenicy i vina i jelea, i tamo (budut) sosudi svjatii, i svjaščennicy i služitelije i dvernicy i pevcy, i ne ostavim domu Boga našego.

11

1 I vselišasja načalnicy ljudij vo Ijerusalime, i pročii ljudije metnuša žrebija vzjati jedinago ot desjati, da prebyvaet vo Ijerusalime grade svjatem, i devjať častej vo gradech.
2 I blagosloviša ljudije vsech mužej, iže sami proizvoliša obitati vo Ijerusalime.
3 I sii načalnicy strany, iže obitaša vo Ijerusalime: i vo gradech Iudinych obitaše kijždo vo oderžanii svojem, vo gradech svoich Izrailevych, svjaščennicy i leviti, i nafineje i synove rabov Solomonovych.
4 I vo Ijerusalime obitaša ot synov Iudinych i ot synov Veniaminich. Ot synov Iudinych Afaia syn Oziin, syn Zachariin, syn Samariin, syn Safatijev, syn Maseil i ot synov Faresovych,
5 i Maasia, syn Varuchov, syn Chalazov, syn Ozijev, syn Adaijev, syn Ioarivl, syn Zacharijev, syn Silonijev:
6 vsi synove Faresovy, iže obitaša vo Ijerusalime, četyresta šesťdesjat osm mužije krepcy.
7 Sii že synove Veniamini: Silon syn Mesulaev, syn Ioadov, syn Fadaijev, syn Kolijev, syn Maasijev, syn Jefiil, syn Ijessijev,
8 i po nem Geveil, Silijev, devjať sot dvadesjať osm.
9 I Ioil syn Zechrin nastojatel nad nimi, i Iuda syn Asanaev, ot grada, vtoryj.
10 Ot svjaščennikov: i Iadia syn Ioarivl, Iachiň,
11 Sarea syn Jelchijev, syn Mesulamov, syn Saddukov, syn Mariofov, syn Jetofov, načalnik domu Božija,
12 i bratija ich delajušče delo cerkve osm sot dvadesjať dva: i Adaia syn Ijeroaml, syna Falaliina, syna Namasova, syna Zachariina, syna Fasefurova, syna Melchiina,
13 i bratija jego načalnicy otečestv dvesti četyredesjať dva: i Amesaj syn Jezriil, syna Sakchijeva, syna Masarimofova, syna Jemmirova,
14 i bratija jego silnii vo branech sto dvadesjať osm: i nastojatel ich Sochriil, syn Velikich.
15 I ot levit: Samaia syn Asuva, syna Jezrikama, syna Asavii, syna Vonni,
16 i Savvafej, i Iosavad nad delami domu Božija vnešňago i ot načalnikov levitskich,
17 i Matfania, syn Michaev, syn Zechrijev, syna Asafova, načalnik chvalenija, i Iuda molitvy, i Vokchia vtoryj ot bratij svoich, i Avdia syn Samea syna Galelova, syna Idifunova:
18 vsech levitov vo grade svjatem dvesti osmdesjat četyre.
19 I dvernicy: Akuv, Telamin i bratija ich, streguščii vrat, sto sedmdesjat dva.
20 Pročii že ot Izrailja ijereje že i leviti vo vsech gradech Iudei kijždo v nasledii svojem.
21 I nafineje, iže obitaša vo Ofle, Siaj i Gesf ot nafinejev.
22 I načalnik levitov vo Ijerusalime Ozij syn Vaniin syna Savijeva, syna Matfanijeva, syna Michaeva, ot synov Asafovych pojuščich nad delom domu Božija,
23 jako zapoveď careva (be) im: i prebyvaše verno nad pevcami obrok kojegoždo dne v deň svoj.
24 I Fafea, syn Massizavilov ot synov Zarinych, syna Iudina, pri ruce careve vsjakija potreby radi ljudij.
25 I pri dvorech, iže na selech ich: i ot synov Iudinych obitaša v Kariafarvoce i v selech jego, i v Devone i v selech jego, i v Kafseile i v selech jego,
26 i vo Iisuse, i v Molade, i v Veffalate,
27 i vo Asersoale, i v Virsavei i v selech jeja,
28 i v Sekelage, i Mavne i v selech jeja,
29 i v Remaone, i v Sare, i vo Ijerimufe,
30 i v Zannoi, i vo Odollame i v selech ich, i v Lachise i v selech jego, i vo Azike i v selech jeja: i opolčišasja v Virsavei daže do debri Jennon.
31 I synove Veniamini ot Gavai i Magmasa i Vefilja i ot vesej jego,
32 i vo Anafofe, v Nove, vo Anii,
33 vo Asore, v Rame, v Gefaime,
34 v Adode, v Sevoime, v Navalate,
35 v Lidde i vo Onogiarasim.
36 I ot levitov časti Iudiny i Veniamini.

12

1 I sii suť svjaščennicy i leviti, vozšedšii s Zorovavelem synom Salafiilevym i Iisusom: Saraia, Ijeremia, Jezdra,
2 Amaria, Maluch, Attuj,
3 Sechenia, Reum, Marimof,
4 Adaia, Genafon, Avia,
5 Miamin, Maadia, Velga,
6 Semia, Ioiariv, Idia,
7 Saluj, Amuk Chelkia, Oduia: sii načalnicy svjaščennikov i bratija ich vo dni Iisusa.
8 I leviti: Iisus, Vanuj, Kadmiil, Saravia, Iodaj i Matfania, pri rukach toj, i bratija ich v črednyja služenija:
9 i Vakvakia i Anaj, bratija ich, prjamo ich vo čredy dnevnyja.
10 Iisus že rodi Ioakima, Ioakim rodi Jeliasiva, Jeliasiv rodi Iodaa,
11 Iodaj že rodi Ionafana, i Ionafan rodi Adua.
12 Vo dni že Ioakima bechu bratija jego svjaščennicy i načalnicy otečestv: Saraii Amaria, Ijeremii Anania,
13 Jezdre Mesullam, Amarii Ioanan,
14 Amaluchu Ionafan, Sechenii Iosif,
15 Aresu Jednas, Mariofu Jelkej,
16 Addaju Zacharia, Ganafonu Mesullam,
17 Avii Zechrij, Miaminu Maadaj, Feletiju,
18 Valgasu Samujej, Semii Ionafan,
19 Ioarivu Matfanaj, Jediju Ozij,
20 Salaiju Kalaia, Ameku Aved,
21 Jelkii Asavia, Ijedii Nafanail.
22 Leviti vo dni Jeliasiva, Ioada i Ioa, i Ioanan i Idua, napisani načalnicy otečestv, i svjaščennicy v carstvo Daria Persskago.
23 I synove Levii načalnicy otečestv pisani v knize sloves dnij i daže do dnij Ioanana syna Jelisujeva.
24 I načalnicy levitom Asavia i Saravia i Iisus, i synove Kadmiilovy i bratija ich pred nimi v pesnech chvaliti i ispovedovati, po zapovedi Davida čeloveka Božija, po čredam ot dne do dne.
25 Matfania i Vakvakia, Avdia, Mesullam, Telmon, Akuv, streguščii dvernicy stražu, vnegda sobrati mi dverniki.
26 Vo dni Ioakima syna Iisusova, syna Iosedekova, i vo dni Nejemii i Jezdry svjaščennika i knigočii,
27 i vo obnovlenii steny Ijerusalimskija, vzyskaša levitov v mestech ich da vozvedut ich vo Ijerusalim sotvoriti obnovlenije i veselije vo chvalenii i pesnech, v kimvalech i psaltirech i guslech.
28 I sobrašasja synove pojuščich i ot strany okrestnyja vo Ijerusalim, i ot sel Netofatijevych,
29 i ot Domu (Galgal) i ot stran (Geva i Azmavet), jako sela sozdaša sebe pevcy okrest Ijerusalima:
30 i očistišasja svjaščennicy i leviti, i očistiša ljudij i vrata i stenu.
31 I vozvedoch načalnikov Iudinych na stenu, i postavich dva klirosa velika, chvaly radi, i proidoša ot desnyja strany na stenu ko vratom Gnojnym.
32 I idoša za nimi Osaia i polovina načalnikov Iudinych,
33 i Azaria i Jezdra i Mesullam,
34 Iuda i Veniamin, i Samaia i Ijeremia:
35 i ot synov svjaščenničich s trubami Zacharia syn Ionafanov, syn Samaii, syn Mafaniin, syn Michain, syn Zakchurov, syn Asafov,
36 i bratija jego Samaia i Oziil, Gelol, Maia, Nafanail i Iuda i Ananij, ježe chvaliti v pesnech Davida čeloveka Božija:
37 i Jezdra knigočij pred nimi pri vratech Istočnika, chvaliti prjamo ich. I vzydoša na lestvicy grada Davidova, na voschod steny vyše domu Davidova i daže do vrat Vodnych k vostoku.
38 I kliros vtoryj chvalu vozdajuščich iďaše soprotiv ich, i az po nem, i polovina ljudij po stene, verchu stolpa Fanurimlja i daže do steny prostrannejšija,
39 i na vrata Jefraima, i na vrata staraja, i na vrata Rybnaja, i na stolp Anameil, i na stolp Jemaf, i daže do vrat Ovčich.
40 I staša na vratech Straži, staša že dva klirosa chvaljašča v domu Božii, i az i polovina vojevod so mnoju,
41 i svjaščennicy Jeliakim, Maasia, Miamin, Michea, Jeliona, Zacharia, Anania s trubami,
42 i Maasia i Semeia, i Jeleazar i Ozia, i Ioanan i Melchia, i Jeleamij i Ijezur. I slyšani byša pevcy i Ijezria, i sogljadani, i voschvališa.
43 I požroša v deň toj žertvy velikija i vozveselišasja, jako Bog vozveseli ich velmi: i ženy ich i čada ich radovachusja, i slyšano bysť veselije to vo Ijerusalime izdaleča.
44 I postaviša v deň toj mužej nad sokroviščnymi chranilišči, na načatki i desjatiny, i da sobirajut simi načalnikami ot gradov časti svjaščennikom i levitom, jako veselije be vo Iudei, vo svjaščennicech i v levitech predstojaščich,
45 i strežachu stražu Boga svojego, i chranenije očiščenija, i pevcev i dvernikov, po poveleniju Davida i Solomona syna jego.
46 Jako vo dni Davidovy Asaf ot načala pervyj v pevcech i v pesnech i chvalenii Bogu,
47 i ves Izrail vo dni Zorovavelja i vo dni Nejemii dajachu obrok pevcem i dvernikom ot dne do dne i osvjaščachu levitom, leviti že osvjaščachu synovom Aaronim.

13

1 V deň toj čteno bysť v knize Moiseove vo slyšanije ljudem, i obretesja napisano v nej: da ne imut vniti Ammaniťjane i Moaviťjane v cerkov Božiju daže do veka,
2 poneže ne sretoša synov Izrailevych so chlebom i vodoju i najaša na nich Valaama na prokljatije ich: i obrati Bog naš prokljatstvo na blagoslovenije.
3 I bysť jegda slyšachu zakon, i otlučiša vsech čuždich ot Izrailja.
4 I prežde sego Jeliasiv svjaščennik živjaše v sokroviščnem domu Boga našego, srodnik Toviin,
5 i sotvori jemu sokroviščnyj dom velik: tamože bjachu prežde prinosjašče žertvu i livan, i sosudy i desjatinu pšenicy i vina i jelea, ustavlenaja levitom i pevcem i dvernikom, i načatki svjaščenničeskija.
6 Vo vsech že sich ne bych vo Ijerusalime, poneže v leto tridesjať vtoroje Artakserksa carja Vavilonskago priidoch ko carju: i po skončanii dnij isprosich ot carja
7 i priidoch vo Ijerusalim, i urazumech zlo, ježe sotvori Jeliasiv Tovii, sotvoriti jemu sokroviščnyj dom vo dvore domu Božija,
8 i zlo javisja mi zelo: i izvergoch vsja sosudy domu Tovijeva von iz domu sokroviščnago,
9 i rekoch, i očistiša sokroviščnyj dom: i vozvratich onamo sosudy domu Božija, žertvu i livan.
10 I poznach, jako časti levitskija ne byša dany, i pobegoša kijždo na selo svoje leviti i pevcy tvorjaščii delo.
11 I prjachsja so stratigami i rekoch: česo radi ostavlen bysť dom Božij? I sobrach ich i postavich onych vo stojaniich svoich.
12 I ves Iuda prinesoša desjatinu pšenicy i vina i jelea v sokrovišča pod ruku Selemii svjaščennika i Sadoka pisca i fadaii ot levit,
13 i pri nich Anan syn Zakchurov, syn Matfanijev, jako verni iskušeni suť nad nimi razdeljati bratijam svoim.
14 Pomani ma, Bože, togo radi, i da ne pogibnet milosť moja, juže sotvorich v domu Gospoda Boga mojego i v činech jego.
15 Vo dnech tech videch vo Iude topčuščich točilo v subbotu, i nosjaščich snopy, i vozlagajuščich na osly i vino, i grozdije, i smokvy, i vsjakoje brema, i nosjaščich vo Ijerusalim vo dni subbotnyja: i zasvidetelstvovach im v deň prodajanija ich.
16 I Tirjane obitaša v nem prinosjašče ryby, i vsja prodaemaja prodajušče v subboty synovom Iudinym i vo Ijerusalime.
17 I obličich synov Iudinych svobodnych i rekoch im: čto sija vešč zlaja, juže vy tvorite, i skvernite deň subbotnyj?
18 Ne sija li sotvoriša otcy vaši, i navede na nich Bog naš i na nas vsja zlaja sija, i na grad sej, i vy prilagaete gnev na Izrailja, skverňašče subbotu?
19 Bysť že jegda postavišasja vrata vo Ijerusalime prežde subboty, i rekoch, i zaproša dveri i povelech, da ne otverzajut ich daže po subbote: i ot otrok moich postavich nad vraty, da ni jedin vnosit brema v deň subbotnyj.
20 I staša vsi i tvorjachu kuplju vne Ijerusalima jedinošči i dvašči.
21 I zasvidetelstvovach o nich i rekoch im: čto vy prebyvaete pred stenoju? Ašče vtoriceju sije sotvorite, prostru ruku moju na vas. I ot vremene togo ne priidoša v subbotu.
22 I rekoch levitom, iže bjachu očiščeni, daby prichodili chraniti vrat i svjatiti deň subbotnyj. I sich radi pomani ma, Bože, i prosti mi po množestvu milosti Tvojeja.
23 I vo dnech onech videch Iudejev pojemšich ženy Azotskija, Ammaniťjany, Moavitskija,
24 i synove ich ot polu glagolachu azotskim jazykom i ne umejachu glagolati iudejski:
25 i zapretich im, i prokljach ich, i porazich ot nich mužej, i oplešich ich, i zakljach ich Bogom, ašče dadite dščeri vašja synovom ich i ašče pojmete ot dščerej ich synovom vašym i sebe:
26 ne tako li sogreši Solomon car Izrailev? I vo jazycech mnozech ne bysť car podoben jemu, i vozljublen Bogu be, i postavi jego Bog carem nad vsem Izrailem, i togo prelstiša ženy čuždija:
27 i my poslušaem li vas tvoriti vsjako zlo sije, sogrešiti Bogu našemu, ježe pojati ženy inoplemenniči?
28 I ot synov Ioada syna Jeltuva svjaščennika velikago, zjaťja Sanavallatova Uranitina, i izgnach jego ot mene.
29 Pomani im, Bože, za oskvernenije svjaščenstva i zaveta svjaščenničeska i levitska.
30 I očistich ich ot vsjakija čuždija nečistoty, i postavich čredy svjaščennikom i levitom, komuždo po delu jego,
31 i dajanije dreves vo vremenech ustavlenych i pervorodnych. Pomani ma, Bože naš, vo blagoje.

{pokazať odnu glavu na stranice}