Kniga Tovita
Slavjanskij tekst1
1 Kniga sloves Tovita, syna Toviileva, syna Ananiileva, syna Aduileva, syna Gavaileva, ot semene Asiileva, ot plemene Neffalimlja,2 iže plenen be vo dni Jenemessara Sara carja Assirijska ot Fisvy, jaže jesť odesnuju Kidia Neffalimlja v Galilei vyše Asira. Az Tovit putem istiny chodich i pravdy vsja dni života mojego
3 i milostyni mnogi tvorich bratii mojej i jazyku mojemu, šedšym so mnoju vo stranu Assirijskuju v Nineviju:
4 i jegda bech vo strane mojej v zemli Izraileve, juneišu mi sušču, vse plema Neffalima otca mojego otstupi ot domu Ijerusalimlja, izbrannago ot kolen Izrailevych, ježe žreti vsem kolenom: i osvjaščen bysť chram obitanija Vyšnemu i sozdan bysť vo vsja rody veka:
5 i vsja kolena kupno otstupivšaja žrjachu Vaalove junice, i dom Neffalima otca mojego:
6 az že jedin choždach mnogaždy vo Ijerusalim v prazdniki, jakože pisano jesť vsemu Izrailju v povelenii večne, načatki i desjatiny plodov i pervostriženija imejaj,
7 i dajach ja ijerejem synom Aaronim ko oltarju: ot vsech plodov desjatinu dajach synom Leviinym služaščym vo Ijerusalime, i vtoruju desjatinu prodajach, i choždach i iždivach ja vo Ijerusalime na koježdo leto,
8 tretiju že dajach, imže podobaše, jakože zapoveda Devvora mati otca mojego,zane sir ostach ot otca mojego.
9 I jegda bych muž, pojach Annu ženu ot semene otečestva našego, i rodich ot neja Toviju.
10 I jegda pleneni bychom v Nineviju, vsja kratija moja i iže ot roda mojego jadoša ot chlebov jazyčeskich:
11 az že sobljudoch dušu moju ježe ne jasti,
12 jako pamatstvovach Boga vseju dušeju mojeju.
13 I dade Vyšnij blagodať i dobrotu pred Jenemessarom, i bych jego kupec:
14 i idoch v Midiju i vdach Gavailu bratu Gavrijevu v Ragach Midijskich srebra desjať talant.
15 I jegda umre Jenemessar, vocarisja Sennachirim syn jego vmesto jego, i putije jego nepostojanni byša, i ktomu ne vozmogoch iti v Midiju.
16 I vo dnech Jenemessara milostyni mnogi tvorich bratii mojej:
17 chleby moja dajach alčuščym i odejanije nagim, i ašče kojego ot roda mojego videch umerša i izveržena vne steny Nijevii, pogrbach jego:
18 i ašče kojego ubivaše Sennachirim car, jegda priide bežaj ot Iudei, pogrebach ich otaj: mnogich bo ubi v jarosti svojej: i iskoma byvachu ot carja telesa, i ne obretachusja.
19 Šed že jedin ot suščich v Ninevii, skaza carju o mne, jako pogrebaju ich. I skrychsja. Ujedav že, jako iščut ma ubiti, ubojavsja otidoch:
20 i razgrablena byša vsja imenija moja, i ne ostasja mi ničtože, krome Anny ženy mojeja i Tovii syna mojego.
21 I ne preidoša dnije pjaťdesjat, doneleže ubista jego dva syna jego i bežasta v gory Araratskija: i vocarisja Sacherdan syn jego vmesto jego, i postavi Achiachara Anaila, syna brata mojego, nad vsem sočislenijem carstvija svojego i nad vsem ustrojenijem.
22 I prosi Achiachar o mne, i priidoch v Nineviju. Achiachar že be viiočerpčij i nad perstnem, i upravitel i sočislitel, i postavi jego Sacherdan vtorym: be že syn brata mojego.
2
1 Jegda že priidoch v dom moj, i otdana bysť mne Anna žena moja i Tovia syn moj, v prazdnik pjaťdesjatnicy, iže jesť svjat sedm sedmic, bysť obed dobr mne, i vozlegoch, ježe jasti.2 I uzrech snedi mnogi i rech synu mojemu: idi i privedi, jegože ašče obrjaščeši ot bratii našeja niščago, iže pomnit Gospoda, i se, ožidaju tebe.
3 I prišed reče: otče, jedin ot roda našego udavlen poveržen jesť na toržišči.
4 I az, prežde neže vkusiti mi, vzjach jego v nekij dom, doneleže zajde solnce:
5 i vozvrativsja umychsja i jadoch chleb moj v skorbi,
6 i pomanuch proročestvo Amosa, jakože reče: obraťjatsja dnije vaši v plač, i vsja veselija vaša v setovanije:
7 i plakachsja: i jegda zajde solnce, poidoch i iskopav pogreboch jego.
8 Bližnii že posmevachusja, glagoljušče: ješče ne boitsja ubijen byti za delo sije: i beža, i se, paki pogrebaet mertvyja.
9 I v tu nošč, jegda pogreboch, vozvratichsja i legoch oskvernen pri stene dvora, i lice moje otkroveno be:
10 ne videch že, jako vrabija na stene suť, i očesem moim otverstym suščym, ispustiša vrabija teploje na očesa moja, i byša belma na očesech moich: i idoch ko vračem i ne polzovaša ma: Achiachar že pitaše ma, dondeže otidoch vo Jelimaidu.
11 A žena moja Anna volnu prjaďaše v domech ženskich
12 i posylaše gospodijem: dajachu že jej i oni mzdu, pridavše i kozlja.
13 Jegda že priide ko mne, nača vopiti: i rech jej: otkudu kozlja? Ne ukradeno li jesť? Otdažď je gospodijem: ne bo lepo jesť jasti kradenoje.
14 Ona že reče: dar dadesja mi nad mzdu. I ne verovach jej i glagolach otdati je gospodijem, i styďachsja pred neju. Ona že otveščavši reče mi: gde suť milostyni tvoja i pravdy tvoja? Se, vedoma vsja s toboju.
3
1 I opečalivsja plakach, i molichsja s bolezniju, glagolja:2 praveden jesi, Gospodi, i vsja dela Tvoja, i vsi putije Tvoi milosť i istnia, i sud istinen i praveden Ty sudiši vo vek:
3 pomani ma i prizri na ma da ne otmščaeši mi grechi moja i nevedenija moja i otec moich, imiže sogrešiša pred Toboju:
4 preslušaša bo zapovedi Tvoja i dal jesi nas v raschiščenije i plenenije i smerť i v pritču ponošenija vsem jazykom, v ňaže rastočichomsja:
5 i nyne mnogi sudby Tvoja suť i istinny, tvorite so mnoju o gresech moich i otec moich, jako ne sotvorichom povelenij Tvoich, ne bo chodichom vo istine pred Toboju:
6 i nyne, jakože ugodno pred Toboju, sotvori so mnoju: poveli oťjati duch moj, jako da razrešusja i budu zemlja, poneže une jesť mi umreti, neželi živu byti, zane ponošenija lživa slyšach, i pečal jesť mnoga vo mne: poveli otrešitisja mi ot nuždy uže na večnoje mesto, da ne otvratiši lica Tvojego ot mene.
7 V tojže deň slučisja dščeri Raguilevej Sarre bo Jekvatanech Midii, i toj ponosimej byti ot rabyň otca jeja:
8 ako bjaše dana sedmi mužem, i Asmodej lukavyj demon ubi ich, prežde daže byti im s neju jako s ženami: i reša jej: ne razumeješi li ubivajušči tvoich mužej? Uže sedm imela jesi, i ni jedinago ich nareklasja jesi:
9 čto nas biješi? Ašče izmroša, idi s nimi, da ne vidim tvojego syna ili dščere vo vek.
10 Sija slyšavši opečalisja zelo, jako udavitisja, i reče: jedina ubo jesm otcu mojemu: ašče sotvorju sije, ukorizna jemu budet, i starosť jego nizvedu s bolezniju vo ad.
11 I moljašesja pri okoncy i reče: blagosloven jesi, Gospodi Bože moj, i blagosloveno ima Tvoje svjatoje i čestnoje vo veki: da blagoslovjat Ťja vsja dela Tvoja vo vek:
12 i nyne, Gospodi, oči moi i lice moje ko Tebe dach:
13 rech da razrešiši ma ot zemli i da ne slyšu az ktomu ponošenija:
14 ty vesi, Gospodi, jako čista jesm ot vsjakago grecha mužňa
15 i ne oskvernich imene mojego niže imene otca mojego v zemli plenenija mojego: jedinorodna jesm otcu mojemu, i nesť jemu otročišča, iže nasledit jego, niže brata bližňago, niže suščago jemu syna da sobljudu ma tomu v ženu: uže pogiboša mi sedm: vskuju mi žiti? I ašče ne ugodno jesť Tebe ubiti ma, poveli prizreti na ma i pomilovati ma, da ne ktomu slyšu ponošenije.
16 I uslyša Gospoď molitvu oboich pred slavoju velikago Rafaila,
17 i poslan be izceliti oboich, Tovitu očistiti belma i Sarru dščer Raguilevu dati Tovii synu Tovitovu v ženu, i svjazati Asmodea lukavago demona, zane Tovii podoaet naslediti ju. V to vrema vozvrativsja Tovit, vnide v dom svoj, a Sarra dšči Raguileva snide ot gornicy svojeja.
4
1 V deň on vospomanu Tovit o srebre, ježe vdade Gavailu v Ragach Midijskich,2 i reče v sebe: az prosich smerti, čto ne zovu Tovii syna mojego, da jemu objavlju, prežde daže umreti mi?
3 I prizvav jego reče: čado, ašče umru, pogrebi ma, i da ne preziraeši matere tvojeja: čti ju vsja dni života tvojego i tvori ježe ugodno jej, i da ne opečaljaeši jeja:
4 pomani, čado, jako mnoga bedstgvija vide o tebe vo čreve: jegda umret, poogrebi ju pri mne vo jedinem grobe:
5 vsja dni, čado, Gospoda Boga našego pomni, i da ne pochoščeši sogrešati i prestupati zapovedi Jego: pravdu tvori vsja dni života tvojego, i da ne chodiši putem nepravdy,
6 zane tvorjašču ti istinu blagopospešestva budut v delech tvoich i vsem tvorjaščym pravdu:
7 ot imenij tvoich tvori milostyňu, i da ne zazrit tvoje oko, vnegda tvoriti ti milostyňu: da ne otvraščaeši lica tvojego ot vsjakago niščago, i ot tebe ne otvratitsja lice Božije:
8 jakože tebe budet po množestvu, tvori ot nich milostyňu: ašče malo tebe budet, po malomu da ne boišisja tvoriti milostyňu:
9 zalog bo dobr sokroviščstvuješi tebe na deň nuždy,
10 zane milostyňa ot smerti izbavljaet i ne ostavljaet iti vo tmu:
11 dar bo dobr jesť milostyňa vsem tvorjaščym ju pred Vyšnim:
12 vnemli sebe, čado, ot vsjakago bludodejanija, i ženu perveje poimi ot semene otec tvoich: da ne pojmeši ženy čuždija, jaže nesť ot plemene otca tvojego, zane synove prorokov jesmy: Noje, Avraam, Isaak, Iakov otcy naši ot veka: pomani, čado, jako sii vsi pojaša ženy ot bratii svoich i blagosloveni byša v čadech svoich, i sema ich nasledit zemlju:
13 i nyne, čado, ljubi bratiju tvoju i ne voznosisja serdcem tvoim pače bratij tvoich i synov i dščerej ljudij tvoich, pojati tebe ot nich ženu, zane v gordyni pogibel i razvraščenije mnogo, i v nepotrebstve umalenije i ubožestvo veliko, ibo nepotrebstvo mati jesť glada:
14 mzda vsjakago čeloveka, iže ašče rabotati budet u tebe, da ne premedlit, no otdažď jemu abije: ašče poslužiši Bogu, vozdastsja tebe: vnemli tebe, čado, vo vsech delech tvoich i budi nakazan vo vsem žitii tvojem,
15 i ježe nenavidiši, da ni komuže tvoriši: vina v pijanstvo da ne piješi i da ne chodit s toboju pijanstvo v puti tvojem:
16 ot chleba tvojego dažď alčuščemu i ot oďanij tvoich nagim: vse, ježe ašče preizbudet tebe, tvori milostyňu, i da ne zazrit tvoje oko, vnegda tvoriti ti milostyňu:
17 iždivaj chleby tvoja pri grobe pravednych, grešnikom že da ne dasi:
18 soveta u vsjakago premudrago išči, i da ne nebrežeši o vsjacem sovete poleznem:
19 i na vsjakoje vrema blagoslovi Gospoda Boga i ot Nego prosi, jako da putije tvoi pravi budut, i vsja stezi i soveti tvoi da blagouspejut, zane vsjak jazyk ne imet soveta, no Sam Gospoď daet vsja blagaja, i jegože ašče voschoščet, smirjaet, jakože choščet: i nyne, čado, pomani zapovedi moja, i da ne izglaďatsja ot serdca tvojego:
20 i nyne objavljaju tebe desjať talant srebra, jaže vdach Gavailu synu Gavriinu v Ragach Midijskich:
21 i ne bojsja, čado, jako obniščachom: suť tebe mnoga, ašče uoišisja Boga i otstupiši ot vsjakago grecha i sotvoriši, ježe ugodno pred Nim.
5
1 I otvešav Tovia, reče jemu: otče, sotvorju vsja, jelika zapovedal jesi mi:2 no kako vozmogu vzjati srebro, a ne znaju jego?
3 I dade jemu rukopisanije i reče jemu: išči sebe čeloveka, iže pojdet s toboju, i dam jemu mzdu, dondeže živ jesm, i šed vozmi srebro.
4 I ide iskati čeloveka, i obrete Rafaila, iže be Angel, i ne veďaše:
5 i reče jemu: mogu li pojti s toboju v Ragi Midiiskija, i izvesten li jesi o mestech?
6 I reče jemu Angel: pojdu s toboju, i puť vem, i u Gavaila brata našego živjach.
7 I reče jemu Tovia: poždi ma, i reku otcu mojemu.
8 I reče jemu: idi i ne kosni.
9 I všed reče otcu: se, obretoch, iže pojdet so mnoju sej že reče: priglasi jego ko mne, da uvem, kojego plemene jesť, i ašče veren jesť, ježe iti s toboju.
10 I prizva jego: i vnide, i privetstvovasta drug druga.
11 I reče jemu Tovit: brate, ot kojego plemene i ot kojego otečestva jesi ty? Skaži mi.
12 I reče jemu: plemene i otečestva ty iščeši? Ili naemnika, iže spuťšestvujet s synom tvoim? I reče jemu Tovit: chošču brate, vedati rod tvoj i ima.
13 On že reče: az Azaria Ananii velikago ot bratii tvojeja.
14 I reče jemu: blago prišel jesi, brate, i na ma da ne gnevaešisja, jako vzyskach plema tvoje i otečestvo tvoje uvedati, i ty jesi brat moj ot dobra i blaga roda: znach bo az Ananiju i Ionafana synov Semea velikago, jako chodichom kupno vo Ijerusalim klaňatisja, prinosjašče pervorodnaja i desjatiny plodov, i ne zabludiša v zabluždenii bratii našeja: ot korene velikago jesi, brate:
15 no rcy mne, kuju tebe imam mzdu dati? Drachmu na deň i nuždnaja tebe jakože i synovi mojemu:
16 i ješče priložu tebe nad mzdu, ašče zdravi vozvratitesja.
17 I blagoizvolista tako. I reče k Tovii: gotov budi k puti, i da blagospešitsja vama. I ugotova syn jego, jaže k puti. I reče jemu otec jego: idi s čelovekom sim: obitajaj že na nebesi Bog blagoustroit puť vaš, i Angel Jego da spuťšestvujet vama. I izydosta oba otiti, i pes otročišča s nima.
18 Plakasja že Anna mati jego i reče k Tovitu: počto otpustil jesi čado naše? Ili ne žezl ruki našeja jesť, vnegda vchodite jemu i ischoditi pred nama?
19 Srebro srebrom da ne vozvratitsja, no umety syna našego da budet:
20 jako bo dadesja nama žiti ot Gospoda, sije dovolno jesť nama.
21 I reče jej Tovit: ne pečalisja, sestro, zdrav priidet, i oči tvoi uzrjat jego:
22 Angel bo blag spuťšestvovati budet jemu i blagouspejetsja puť jego, i vozvratitsja zdrav.
6
1 I presta plakati.2 Ona že šedša putem, priidosta v večer ko Tigru rece i prebysta tamo.
3 Otročišč že snide omytisja i izskoči ryba ot reki i choťjaše požreti otročišča.
4 Angel že reče jemu: vozmi rybu. I jat rybu otročišč i izverže ju na zemlju.
5 I reče jemu Angel: razreži rybu, i vzjav serdce i pečeň i želč, položi sochranno.
6 I sotvori otročišč, jakože reče jemu Angel: rybu že ispekša, snedosta: i idosta oba, doneliže priližistasja ko Jekvatanom.
7 I reče otročišč Angelu: Azaria brate, čto jesť serdce i pečeň i želč rybija?
8 I reče jemu: serdce i pečeň, ašče kogo smuščaet demon ili duch zol, sim podobaet kuriti pred čelovekom ili ženoju, i ktomu ne budet smuščatsija:
9 želč že, pomazati čeloveka, iže imať belma na očesech, i izcelejet.
10 Jegda že približistasja ko Rage,
11 reče Angel otročišču: brate, dnes prebudem u Raguila, i on srodnik tvoj jesť, i jesť jemu dščer jedinorodna imenem Sarra:
12 vozglagolju o nej, ježe datisja tebe jej v ženu, zane tebe nadležit nasledije jeja, i ty jedin jesi ot roda jeja: otrokovica že krasna i umna jesť:
13 i nyne poslušaj ma, i vozglagolju otcu jeja, i jegda vozvratimsja ot Rag, sotvorim brak: poneže vem Raguila, jako ne dast jeja mužu inomu po zakonu Moiseovu, ili povinen budet smerti, zane nasledije tebe podobaet prijati, neželi vsjakomu čeloveku.
14 Togda reče otročišč Angelu: Azaria brate, slyšach az, jako otrokovica dana be sedmi mužem, i vsi v nevestnice pogiboša:
15 i nyne az jedin jesm otcu i bojusja, da ne všed umru jakože i preždnii, poneže demon ljubit ju iže ne vredit ni kogože razve prichoďaščich k nej: i nyne az bojusja da ne umru i nizvedu život otca mojego i matere mojeja s pečaliju o mne vo grob ich, i syn drugij nesť ima, iže pogrebet ja.
16 Reče že jemu Angel: ne pomniši li sloves, jaže zapoveda tebe otec tvoj, o ježe vzjati tebe ženu ot roda tvojego? I nyne poslušaj ma, brate, poneže tebe budet v ženu, a o demon ni jedinyja mysli imej, zane v nošč siju dastsja tebe ona v ženu:
17 i ašče vnideši v nevestnik, vozmeši žeratok fimiamnyj, i vozložiši ot serdca i ot pečeni rybnyja i pokuriši:
18 i oboňaet demon, i otbežit i ne vozvratitisja vo vek veka: jegda že priideši k nej, vostanite oba i vozopijte k milostivomu Bogu, i spaset vas i pomilujet: ne bojsja, zane tebe sija ugotovana jesť ot veka, i ty ju spaseši, i pojdet s toboju, i nepščuju, jako tebe budut ot neja čada. I jako uslyša Tovia sija, vozljubi ju, i duša jego prilepisja zelo jej. I priidosta vo Jekvatany.
7
1 I priidosta v dom Raguilev: Sarra že srete ich i radostno privetstvovaše ich, a ona ju: i vvede ich v dom.2 I reče Raguil Jedne žene svojej: kol podoben junoša Tovitu synu brata mojego?
3 I voprosi ich Raguil: otkudu jeste, bratija? I resta jemu: ot synov Neffalimlich plenennych v Nineviju.
4 I reče ima: znaeta li Tovita brata našego? Ona že resta: znaema. I reče ima: zdravstvujet li?
5 Ona že resta: i živ jesť i zdravstvujet. I reče Tovia: otec moj jesť.
6 I izskoči Raguil, i oblobyza jego, i plakasja,
7 i blagoslovi jego, i reče jemu: dobrago i blagago čeloveka syn. I slyšav, jako Tovit pogubi oči svoi, skorben bysť i plakasja:
8 i Jedna žena jego i Sarra dščer jego plakastesja. I prijaša ich userdno,
9 i zaklaša ovna ot ovec, i predložiša snedi množajšyja. Reče že Tovia Rafailu: Azaria brate, rcy, o nichže glagolal jesi na puti, i da soveršitsja delo.
10 I soobšči slovo Raguilu. I reče Raguil k Tovii: jažď, pij i blagodušestvuj, tebe bo dostoit detišče moje vzjati: obače objavlju tebe istinu:
11 vdavach detišče moje sedmi mužem, i jegda vchoždachu k nej, umirachu pod nošč: no nyne blagodušestvuj. I reče Tovia: ne vkušu ničtože zde, dondeže postavite i soveščaetesja so mnoju. I reče Raguil: poimi ju otnyne po obyčaju: ty bo brat jesi jeja, i ona tvoja jesť, milostiv že Bog da blagopospešit vama vo blagaja.
12 I prizva Sarru dščer svoju, i jem ruku jeja, predade ju Tovii v ženu i reče: se, po zakonu Moiseovu poimi ju i otvedi ko otcu tvojemu i blagoslovi ich.
13 I prizva Jednu ženu svoju, i vzem knigu, napisa pnsanije i zapečatle.
14 I načaša jasti.
15 I prizva Raguil Jednu ženu svoju i reče jej: sestro, ugotovi in čertog i vvedi ju.
16 I sotvori, jakože reče: i vvede ju tamo i plakasja: i vosprijat slezy dščere svojeja i reče jej:
17 upovaj, čado, Gospoď nebese i zemli da dast tebe radosť vmesto pečali tvojeja toja: upovaj, dšči.
8
1 Jegda že okončaša večerju, vvedoša Toviju k nej.2 On že idyj pomanu slovesa Rafailova, i vzja žeratok fimiamnyj, i vozloži serdce rybije i pečeň, i pokuri:
3 jegda že oboňa demon voňu, otbeže v vyšňaja Jegipta, i svjaza jego Angel.
4 Jegda že zaključena bysta oba, vosta Tovia ot loža i reče: vostani, sestro, i pomolimsja, da pomilujet ny Gospoď.
5 I nača Tovia glagolati: blagosloven jesi, Bože otec našich, i blagosloveno ima Tvoje svjatoje i slavnoje vo veki, da blagoslovjat Ťja nebesa i vsja sozdanija Tvoja:
6 Ty sotvoril jesi Adama i dal jesi jemu pomoščnicu Jevu utverždenije ženu jego: ot tech rodisja čelovečeskoje sema: Ty rekl jesi: ne dobro byti čeloveku jedinomu, sotvorim jemu pomoščnicu podobnuju jemu:
7 i nyne, Gospodi, ne bludodejanija radi az pojemlju sestru moju siju, no po istine: poveli pomilovanu mi byti i s neju sostaretisja.
8 I reče s nim: amiň.
9 I spasta oba noščiju, i vostav Raguil pojde i iskopa grob, glagolja:
10 jeda i toj umre?
11 I priide Raguil v dom svoj
12 i reče Jedne žene svojej: posli jedinu ot rabyň, i da vidit, ašče živ jesť: ašče že ni, da pogrebem jego, i da niktože uvesť.
13 I vnide rabyňa otverzši dver, i obrete oboich spjaščich,
14 i izšedši vozvesti im, jako živ jesť.
15 I blagoslovi Raguil Boga, glagolja: blagosloven jesi Ty, Bože, vo vsjacem blagoslovenii čistem i svjatem: i da blagoslovjat Ťja svjatii Tvoi i vsja sozdanija Tvoja, i vsi Angeli Tvoi i izbranni Tvoi: da blagoslovjat Ťja vo veki:
16 blagosloven jesi, jako vozveselil ma jesi, i ne bysť mi, jakože nepščevach, no po mnozej milosti Tvojej sotvoril jesi s nami:
17 blagosloven jesi, jako pomiloval jesi dvoich jedinorodnych: sotvori ima, Vladyko, milosť, soverši život ich vo zdravii s veselijem i milostiju.
18 Povele že rabom zasypati grob,
19 i sotvori im brak dnij četyrenadesjať,
20 i reče jemu Raguil, prežde daže soveršitisja dnem braka, s kljatvoju, da ne izydet, ašče ne ispolňatsja četyrenadesjať dnije braka:
21 i togda vzem pol imenij svoich da pojdet so zdravijem ko otcu: pročaja že, jegda umru i žena moja.
9
1 I prizva Tovia Rafaila i reče jemu:2 Azaria brate vozmi s soboju otroka i dva velbljuda, i pojdi v Ragi Midiiskija ko Gavailu, i prinesi mi srebro, i samogo privedi mi na brak,
3 poneže zaklja Raguil ne ischoditi mi,
4 a otec moj sočisljaet dni, i ašče premedlju mnogo, skorbeti budet zelo.
5 I ide Rafail, i prebysť u Gavaila, i dade jemu rukopisanije: on že iznese mešcy s pečaťmi i vdade jemu.
6 I obutrenevasta kupno i priidosta na brak. I blagoslovi Tovia ženu svoju.
10
1 I Tovit otec jego sočisljaše kijždo deň: i jegda ispolnišasja dnije puti, i ne prichoždachu,2 reče Tovit: jeda kako posramleni suť? Ili negli umre Gavail, i niktože jemu daet srebra?
3 I skorbjaše zelo.
4 Reče že jemu žena jego: pogibe otročišč, poneže umedli. I nača plakastisja jego i reče:
5 nesť popečenija mne, čado, poneže lišichsja ťja sveta očiju mojeju.
6 Tovit že glagolet jej: molči, ne pečalisja, zdrav jesť.
7 I reče jemu molči, ne prelščaj mene, pogibe otročišč moj. I ischoždaše na vsjak deň na puť vne, imže otide: i vo dni chleba ne jaďaše, v noščech že ne prestavaše plačuščisja Tovii syna svojego, doneleže skončašasja četyrenadesjať dnije braka, v ňaže zaklja Raguil prebyti jemu tamo. Reče že Tovia Raguilu: otpusti ma, zane otec moj i mati moja ne ktomu nadejutsja videti ma.
8 Reče že jemu tesť jego: prebudi u mene, i Az poslju ko otcu tvojemu, i vozvesťjat jemu, jaže o tebe.
9 I Tovia reče: ni, no otpusti ma ko otcu mojemu.
10 Vostav že Raguil, dade jemu Sarru ženu jego i pol imenij, raby i skoty i srebro,
11 i blagosloviv ja otpusti, glagolja: da blagopospešit vam, čada, Bog Nebese prežde neže umreti mi.
12 I reče dščeri svojej: čti svekrov tvoich, tii nyne roditelije tvoi suť, da slyšu o tebe sluch dobr. I oblobyza ju. I Jedna reče ko Tovii: brate vozljublenne, da vozvratit ťja Gospoď Nebese i da dast mi videti tvoja čada ot Sarry dščere mojeja, da vozveseljusja pred Gospodem: i se, vdaju tebe dščer moju v zalog, i da ne opečaljaeši jeja.
13 Po sich otide Tovia blagoslovja Boga, jako blagopospeši puť jego: i blagoslovjaše Raguila i Jednu ženu jego, i iďaše, dondeže približitisja im k Ninevii.
11
1 I reče Rafail ko Tovii: ne vesi li, brate, kako ostavil jesi otca tvojego?2 Predtecem pred ženoju tvojeju i ugotovaim dom:
3 vozmi že v ruku želč rybiju. I poidosta, i kupno ide pes vsled ich.
4 Anna že seďaše obzirajušči na puti syna svojego.
5 I usmotri jego grjadušča i reče otcu jego: se, syn moj grjadet i čelovek pošedyj s nim.
6 A Rafail reče: vem az, Tovije, jako otverzet oči otec tvoj:
7 ty ubo pomaži želčiju na očesech jego, i ugryzen otret, i otverzet belma, i uzrit ťja.
8 I pritekši Anna napade na vyju syna svojego i reče jemu: videch ťja, čado, otnyne da umru. I plakastasja oba.
9 Tovit že ischoždaše ko dverem i pretknusja. Syn že jego priteče k nemu
10 i poďa otca svojego i posypa želč na očesa otca svojego, glagolja: derzaj, otče.
11 Jegda že ogryzena byša, otre oči svoi,
12 i otrtošasja ot uglov očes jego belma, i videv syna svojego, napade na vyju jego
13 i plakasja i reče: blagosloven jesi, Bože, i blagosloveno ima Tvoje vo veki, i blagosloveni vsi svjatii Tvoi Angeli,
14 jako nakazal jesi i pomiloval jesi ma: se, viždu Toviju syna mojego. I vnide syn jego radujasja, i vozvesti otcu svojemu veličija byvšaja jemu v Midii.
15 I izyde Tovit vo sretenije nevestki svojeja radujasja i blagoslovja Boga, ko vratom Ninevii. I čuďachusja viďaščii jego grjadušča, jako prozre.
16 I Tovit ispovedašesja pred nimi, jako pomilova jego Bog. I jegda približisja Tovit k Sarre nevestce svojej, blagoslovi ju, glagolja: priidi zdrava, dšči: blagosloven Bog, Iže privede ťja k nam, i otec tvoj i mati tvoja. I bysť radosť vsem suščym v Ninevii bratijam jego.
17 I priide Achiachar, i Nasvas syn brata jego,
18 i bysť brak Tovii s veselijem dnij sedm.
12
1 I prizva Tovit Toviju syna svojego i reče jemu: promysli, čado mzdu čeloveku chodivšemu s toboju: i priložiti jemu podobaet.2 I reče: otče, ne budu obižden dav jemu pol, jaže prinesoch,
3 poneže privede ma tebe zdrava i ženu moju izceli, i srebro moje prinese, i tebe takožde uvračeva.
4 I reče starec: pravedno jesť jemu.
5 I prizva Angela i reče jemu: vozmi pol vsech, jaže prinesoste, i pojdi zdrav.
6 Togda prizvav oboich tajno, reče ima: blagoslovite Boga i Tomu ispovedajtesja, i veličije dadite Jemu, i ispovedajtesja Jemu pred vsemi živuščimi o sich, jaže sotvori s vama: dobro ježe blagosloviti Boga i voznositi ima Jego, slovesa del Božiich blagočestno skazujušče: i da ne lenitesja ispovedatisja Jemu:
7 tajnu carevu dobro chraniti, dela že Božija otkryvati slavno: dobro tvorite, i zlo ne obrjaščet vy:
8 blago molitva s postom i milostyneju i pravdoju: blago maloje s pravdoju, neželi mnogo s nepravdoju: dobro tvoriti milostyňu, neželi sokroviščestvovati zlato,
9 milostyňa bo ot smerti izbavljaet i taja očiščaet vsjak grech: tvorjaščii milostyni i pravdy ispolňatsja žizni,
10 sogrešajuščii že vrazi suť svojego života:
11 ne utaju ot vas vsjakago slovese, rech bo: tajnu carevu chraniti dobro, dela že Božija otkryvati slavno:
12 i nyne, jegda molilsja jesi ty i nevestka tvoja Sarra, az prinošach pamať molitvy vašeja pred Svjatago, i jegda pogrebal jesi mertvyja, podobne prisutstvovach tebe,
13 i jegda ne lenilsja jesi vostati i ostaviti obed tvoj, da otšed pokryeši mertvago, ne utailsja jesi mene blagotvorjaj, no s toboju bech:
14 i nyne posla ma Bog izceliti ťja i nevestku tvoju Sarru:
15 az jesm Rafail, jedin ot sedmi svjatych Angelov, iže prinosjat molitvy svjatych i vchoďat pred slavu Svjatago.
16 I smatostasja oba i padosta na lice, zane ubojastasja.
17 I reče ima: ne bojtesja, jako mir vama budet, Boga že blagoslovite vo vek:
18 jako ne svojeju si blagodatiju, no voleju Boga našego priidoch, sego radi blagoslovite Jego vo vek:
19 vsja dni javljachsja vama, i ne jadoch, niže pich, no videnije vy zrjaste:
20 i nyne ispovedajtesja Bogu, zane voschoždu k Poslavšemu ma, i napišite vsja, jaže soveršišasja, v knigu.
21 I vostasta i ne ktomu videsta jego:
22 i ispovedasta dela velija i čudnaja Božija, i kako javisja ima Angel Gospodeň.
13
1 I Tovit napisa molitvu v radosť i reče: blagosloven Bog živyj vo veki i carstvo Jego,2 zane On nakazujet i milujet, nizvodit vo ad i vozvodit, i nesť iže izbežit ruki Jego:
3 ispovedajtesja Jemu, synove Izrailevy, pred jazyki, zane Toj razseja nas v nich,
4 tamo javljajte veličije Jego, voznosite Jego pred vsjakim živuščim, jako Toj Gospoď naš i Bog, Toj Otec naš vo vsja veki,
5 i nakazovati imať nas v nepravdach našich, i paki pomilujet i soberet ny ot vsech jazykov, ideže ašče rastočeni budete v nich:
6 ašče obratitesja k Nemu vsem serdcem vašim i vseju dušeju vašeju tvoriti pred Nim istinu, togda obratitsja k vam i ne skryet lica Svojego ot vas, i uzrite, jaže sotvorit s vami: i ispovedajtesja Jemu vsemi usty vašimi, i blagoslovite Gospoda pravdy i voznosite Carja vekov: az v zemli plenenija mojego ispovedajusja Jemu i skazuju kreposť i veličije Jego jazyku grešnikov: obratitesja, grešnicy, i tvorite pravdu pred Nim: kto vesť, ašče blagovolit o vas i sotvorit milosť vam?
7 Boga mojego voznošu, i duša moja Carja Nebesnago, i vozveselitsja o veličii Jego:
8 da vozglagoljut vsi i da ispoveďatsja Jemu vo Ijerusalime:
9 Ijerusalime, grade svjatyj, nakažet ťja za dela synov tvoich i paki pomilujet syny pravednych:
10 ispovedajja Gospodevi blago i blagoslovi Carja vekov, da paki skinija Jego soziždetsja v tebe s radostiju, i da vozveselit v tebe plenennyja, i da vozljubit v tebe bednyja vo vsja rody veka:
11 jazycy mnozi otdaleča priidut ko imeni Gospoda Boga, dary v rukach imušče i dary Carju Nebese, rodove rodov voschvaljat ťja i dadut radovanije:
12 prokljati vsi nenaviďaščii ťja, blagosloveni budut vsi ljubjaščii ťja vo vek:
13 radujsja i veselisja o synech pravednych, zane soberutsja i vozblagoslovjat Gospoda pravednych:
14 o, blaženi ljubjaščii ťja, vozradujutsja o mire tvojem: blaženi, jelicy skorveša o vsech nakazaniich tvoich, zane o tebe vozradujutsja, viďašče vsju slavu tvoju, i vozveseljatsja vo vek:
15 duša moja da blagoslovit Boga Carja velikago,
16 jako nazdan budet Ijerusalim sapfirom i smaragdom i kamenem čestnym, steny tvoja i stolpi i zabrala zlatom čistym,
17 i stogny Ijerusalimskija virillom i anfraksom i kamenijem ot Sufira uteljutsja,
18 i rekut vsja stogny jego: alliluia i voschvaljat, glagoljušče: blagosloven Bog, Iže voznese vo vsja veki.
14
1 I presta ispovedajasja Tovit.2 I be let osmidesjati osmi, jegda pogubi zraki, i po letech osmi prozre: i tvorjaše milostyni, i priloži bojatisja Gospoda Boga i ispovedatisja Jemu:
3 zelo že sostaresja, i prizva syna svojego i šesť synov jego i reče jemu: čado, vozmi syny tvoja, se, sostarechsja i pri ischoždenii ot žitija jesm:
4 pojdi v Midiju, čado, uverichsja bo, jelika glagola Iona prorok o Ninevii, jako razoritsja, v Midii že budet mir pače daže do vremene, i jako bratija naša na zemli rastočatsja ot blagija zemli, i Ijerusalim budet pust, i dom Božij v nem sožžen budet i pust budet do vremene:
5 i paki pomilujet ich Bog i vozvratit ich v zemlju, i soziždut dom, ne jakov pervyj, dondeže ispolňatsja vremena veka: i po sich vozvraťjatsja ot plenenij i soziždut Ijerusalim čestno, i dom Božij v nem soziždetsja vo vsja rody veka zdanijem slavnym, jakože glagolaša o nem prorocy:
6 i vsi jazycy obraťjatsja istinno bojatisja Gospoda Boga i oprovergnut idoly svoja,
7 i vozblagoslovjat vsi jazycy Gospoda, i ljudije Jego ispoveďatsja Bogu, i vozneset Gospoď ljudi Svoja, i vozradujutsja vsi ljubjaščii Gospoda Boga vo istine i pravde, tvorjašče milosť bratii našej:
8 i nyne, čado, otidi ot Ninevii, jako vsjačeski budut, jaže glagola prorok Iona:
9 ty že sochrani zakon i povelenija i budi ljubomilostiv i praveden, da tebe blago budet:
10 i pogrebi ma dobre, i mater tvoju so mnoju, i da ne ktomu prebudete v Ninevii: čado, vižď, čto sotvori Aman Achiacharu kormivšemu jego, jako ot sveta otvede jego vo tmu, i jelika vozdade jemu: i Achiachar ubo spasesja, tomu že vozdajanije vozdadesja, i toj snide vo tmu: Manassia sotvori miloserdije i spasesja ot seti smertnyja, juže potče jemu: Aman že pade v seť i pogibe:
11 i nyne, čada, vežďte, čto milostyňa tvorit i pravda izbavljaet. I sija glagolja, ispusti dušu svoju na odre: be že let sta pjatidesjati osmi. I pogrebe jego slavno.
12 I jegda umre Anna, pogrebe ju so otcem svoim. Otide že Tovia s ženoju svojeju i s synmi svoimi vo Jekvatany ko Raguilu tesťju svojemu,
13 i sostaresja čestno, i pogrebe testev svoich slavno, i nasledi imenije ich i Tovita otca svojego:
14 i umre (syj) let sta dvadesjati sedmi vo Jekvatanech Midijskich:
15 i slyša, prežde neže umreti jemu, pogublenije Ninevii, juže pleni Navuchodonosor i Asuir: i vozradovasja, prežde neže umre, o Ninevii.